Keppendalistinn fyrir RIG er kominn á netið

Mótið fer fram 24.Janúar í húsakynnum CFR/LFR Faxafeni 12 Reykjavík, frekari upplýsingar um tímaseðil ofl koma fljótlega en mótið verður sýnt í beinni útsendingu á RÚV.

Þrír erlendir keppendur frá Finnlandi verða meðal keppenda og ber þar helst að nefna Anni Vuohijoki  sem mun keppa í kvennaflokki -69kg. Anni var á meðal þátttakenda á EM (16.sæti) og HM (26.sæti) í ár og er í stöðugri framför eftir að hafa skipt aðaláherslum frá kraftlyftingum yfir í ólympískar lyftingar fyrir Ólympíuleikana í Ríó 2016.

Anni kemur á klakann til að keppa

Hún hefur verið keppandi í kraftlyftingum frá 2009 og varð meðal annars Evrópumeistari unglinga 2010 og vann bronsverðlaun á heimsmeistaramóti unglinga sama ár.
Hún vann bronsverðlaun á evrópumeistaramótinu í kraftlyftingum 2012 og bronsverðlaun 2013 á heimsmeistaramótinu án útbúnaðar. Sjá frekari upplýsingar um afrek Anni á heimasíðunni hennar: http://anni.vuohijoki.com/

Konurnar

Karlar

Anna Hulda Ólafsdóttir (LFR) og Andri Gunnarsson (LFG) voru lyftingafólk ársins á hófi íþróttafréttamanna. Mynd: Sigurjón Pétursson (www.sigurjonpetursson.com)

Oddrún Eik Gylfadóttir sem búsett er í Danmörku hóf lyftingaárið 2015 með móti þann 3.Janúar (Ladies Open) í Danmörku. Hún slær því tóninn fyrir upphaf árs en mikið er framundan í Janúar.

Að kvöldi sama dags tóku Anna Hulda Ólafsdóttir (LFR) og Andri Gunnarsson (LFG) við viðurkenningum frá samtökum íþróttafréttamanna fyrir bestan árangur lyftingafólks á árinu 2014.

Fjórir Íslendingar eru skráðir til leiks á Copenhagen Weightlifting Cup (CWC) sem fram fer í Kaupmannahöfn helgina 17-18. Janúar. Það eru þau Lilja Lind Helgadóttir (LFG), Sigurður Bjarki Einarsson (FH), Stefán Velemir (FH) og Guðmundur Borgar Ingólfsson (IK99) sem búsettur er í Danmörku.

Sömu helgi verður þjálfaranámskeið haldið á vegum LSÍ, lyftingadeildar Ármanns og Eleiko þar sem forseti evrópska lyftingasambandsins (EWF) Antonio Urso mun koma og kenna ásamt Colin Buckley. Antonio mun einnig verða með fyrirlestur fimmtudagskvöldið 15. Janúar sem partur að fyrirlestrarröð RIG, nánari tímasetning mun birtast á heimasíðu RIG (www.rig.is).

Keppendalistinn fyrir RIG (24.Janúar) verður síðan birtur í vikunni en það stefnir allt í æsi spennandi keppni.

Að lokum er ekki úr vegi að lýta yfir liðið ár en LSÍ heldur áfram örum vexti:

47 karlar (40;2013,30;2012,12;2011) og 37 konur (29;2013,17;2012,3;2011) sem eru skráðir iðkenndur innan LSÍ kepptu á 15 mótum á árinu 2014. Flest mótin fóru fram á Íslandi (6) síðan Danmörku (4), Svíþjóð, Ítalíu, Ísrael, San Marino og Noregi.

Fjölmennustu mótin á Íslandi voru eftirfarandi:
Jólamót LSÍ: 35
Íslandsmeistaramótið 2014: 29
Sumarmót LSÍ: 23
Haustmót LSÍ: 18
Íslandsmeistaramót Unglinga: 16
RIG 2014: 13

Þau mót sem landsliðið og unglingalandsliðið tók þátt í:
Norðulandameistaramót Unglinga 2014: 9
Norðurlandameistaramótið 2014: 7
Smáþjóðleikar: 4
EM: 1

Loks önnur mót erlendis:
CWC 2014: 4
Danska Meistaramótið: 2
DM Begynder: 1
Qual. Camp. Italia: 1
Öst Senior: 1

Lilja Lind Helgadóttir (LFG)  keppti á flestum mótum eða 6 talsins og Guðmundur Högni Hilmarsson (LFR) þar á eftir á 5 mótum

Nýstofnað Lyftingafélag Hafnarfjarðar (www.cfh.is) stóð sig með príði þegar þeir héldu Jólamót lyftingasambandsins þann 20.Desember síðastliðinn.

Heildarúrslit má nálgast í gagnagrunni LSÍ: http://results.lsi.is/meet/jolamot-lsi-2014

Við þökkum wodbúðinni (www.wodbud.is) fyrir afnot að myndum.

Mótið var fjölmennasta mót ársins en 35 keppendur mættu til leiks frá 8 lyftingafélögum og þar af voru 3 ný stofnuð félög með í fyrsta sinn. Áðurnefnt Lyftingafélag Hafnarfjarðar (LFH), Lyftingafélagið Hengill (HEN) og Lyftingafélag Kópavogs (LFK).
Lyftingasambandið býður þau velkomin á hópinn !

Skipting félaga var annars:
LFR: 8
LFG: 6
FH: 6
ÁRM: 4
LFH: 4
HEN: 4
LFK: 2
KFA: 1

Íris Friðmey Sturludóttir (LFK) setti alls 9 ný íslandsmet í -48kg flokki kvenna, þar sem hún fór með allar lyftur í gegn en engin met voru fyrir í þessum þyngdarflokk. Hún lyfti mest 33kg í snörun og 45kg í jafnhendingu.
Sigurður Bjarki Einarsson (FH) bætti íslandsmet sitt í snörun um 2kg þegar hann lyfti 122kg í snörun í -94kg flokki karla, hann bætti líka íslandsmetið í samanlögðum árangri um 3kg og stendur það nú í 268kg.

Guðmundur Steinn Gíslason Kjeld (LFR) bætti sitt eigið met í -69kg flokki pilta (20 ára og yngri) um 6kg í snörun þegar hann lyfti 92kg.

Sindri einbeittur, 139kg á stönginni, tilraun til nýs Íslandsmet í jafnhendingu í piltaflokki

Sindri Pétur Ingimundarson (LFR) bætti sitt eigið með í -77kg flokki pilta um 1kg í snörun þegar hann lyfti 103kg.

Stefán Velemir (FH) með 120kg á stönginni, hann reyndi tvisvar við þessa þyngd en upp fór hún ekki

Stefán Velemir (FH) bætti íslandsmetið í -105kg flokki pilta um 5kg þegar hann opnaði á 145kg í jafnhendingu.

Helena Ingvarsdóttir (LFK) setti þrjú meyjamet (17 ára og yngri) í -58kg flokki þegar hún snaraði 35kg og jafnhenti 55kg.
Einar Jón Hjálmarsson (LFR) setti 6 met í -62kg drengjaflokki (17 ára og yngri) og snaraði hann best  47kg og jafnhenti 65kg.

Arnór Gauti (LFG) með nýtt íslandsmet 17 ára og yngri í -69kg flokki

Arnór Gauti Haraldsson (LFG) bætti 14 ára gamalt met Örvars Arnarsonar í snörun drengja þegar hann lyfti 81kg í -69kg flokki.
Stigahæsti karl mótsins með aðeins 0,5 stigum var Bjarmi Hreinsson (LFR) (-105kg) sem átti magnað mót og fór með allar lyftur í gegn, hann snaraði mest 120kg og jafnhenti 153kg sem var bæting um 33kg frá því á haustmótinu í byrjun Október síðastliðnum. Þessi árangur gaf honum 307,7 stig sem setur hann í 5 sæti á árslistanum og boð um að keppa á RIG í janúar.

Á eftir honum komu Sigurður Bjarki Einarsson (FH) með 307,2 stig og loks Sindri Pétur Ingimundarson (LFR) með 301,1 stig.

Hjördís Ósk Óskarsdóttir (FH) jafnhenti 97kg og reyndi við nýtt íslandsmet 103kg í síðustu tilraun

Í kvenna flokki sigraði Hjördís Ósk Óskarsdóttir (FH) þegar hún snaraði 72kg og jafnhenti 97kg, hún reyndi við nýtt íslandsmet í jafnhendingu 103kg í síðustu tilraun og var mjög nálægt því að fara með það upp fyrir haus. Með þessum árangri tryggði hún sér boð á RIG í Janúar með því að fara í fjórða sæti á árslistanum (224,94 stig).

Glódís Guðgeirsdóttir (FH) reyndi við 95kg í síðustu tilraun en náði ekki að standa upp með þyngdina

Glódís Guðgeirsdóttir (FH) varð önnur á stigum með 204,3 stig og Birgit Rós Becker með 197,4 stig.

Bjarmi Hreinsson (LFR) sigurvegari mótsins ásamt Sigurði Bjarka Einarsyni (FH). Aðeins hálft stig skildi þá að

Karlaflokkur
1. Bjarmi Hreinsson (LFR) – 307,7 stig (120+153)
2. Sigurður Bjarki Einarsson (FH) – 307,2 stig (122+145)
3. Sindri Pétur Ingimundarson (LFR) – 301,1 stig (103+132)

Hjördís Ósk (FH) og Birgit Rós (LFR) á verðlaunapalli

Kvennaflokkur
1. Hjördís Ósk Óskarsdóttir (FH) – 224,9 stig (72+97)
2. Glódís Guðgeirsdóttir (FH) – 204,3 stig (65+88)
3. Birgit Rós Becker (LFR) – 197,4 stig (65+91)

Sindri Pétur (LFR) og Stefán Velemir (FH)

Piltaflokkur (20 ára og yngri)
1. Sindri Pétur Ingimundarson (LFR) (f.1995) (103+132)
2. Stefán Velemir (FH) (f.1994) (112+145)
3. Davíð Björnsson (ÁRM) (f.1995) (97+125)

Freyja Mist (LFR) og Helena Ingvarsdóttir (LFK)

Stúlknaflokkur (20 ára og yngri)
1. Freyja Mist Ólafsdóttir (LFR) (f.1996) (70+85)
2. Dóra Sóldís Ásmundardóttir (LFH) (f.1996) (45+60)
3. Helena Ingvarsdóttir (LFK) (f.1999) (35+55)

Drengjaflokkur (17 ára og yngri)
1. Arnór Gauti Haraldsson (LFG) (f.1998) (81+85)
2. Daníel Askur Ingólfsson (LFG) (f.1997) (65+70)
3. Einar Jón Hjálmarsson

Meyjaflokkur (17 ára og yngri)
1. Helena Ingvarsdóttir (LFK) (f.1999) (35+55)
2. Vigdís Hind Gísladóttir (LFG) (f.1999) (33+40)

Tímaseðill:

Vigtun

9:00-10:00 (Konur)

10:00-11:00 (Karlar)

Keppni

11:00-13:30 (Konur, allir flokkar)

13:40-15:45 (Karlar: -62kg,-69kg,-77kg og -85kg)

15:45-17:00 (Karlar: -94kg, -105kg og 105kg+)

17:00 Verðlaunaafhending

Keppendalistinn er eftirfarandi:

Anna Hulda Norðurlandameistari

Anna Hulda Ólafsdóttir [LFR] (f.1985) (http://results.lsi.is/lifter/anna-hulda-olafsdottir):
Anna Hulda er lyftingakona ársins þriðja árið í röð. Hún er stigahæsta lyftingakonan á árinu með 236,2 Sinclair stig sem hún náði þegar hún varð Norðurlandameistari í ólympískum lyftingum í -58kg flokki kvenna, fyrst íslenskra kvenna. Hún keppti einnig á Evrópumeistaramótinu í ólympískum lyftingum á árinu og endaði í 14.sæti í -63kg flokki kvenna. Hún setti 8 íslandsmet á árinu, eitt í -63kg flokki kvenna og sjö -58kg flokki kvenna.

Andri keppti á RIG í Janúar

Andri Gunnarsson [LFG] (f.1983) (http://results.lsi.is/lifter/andri-gunnarsson)
Andri er Lyftingamaður ársins 2014 og er þetta í fyrsta sinn sem hann hlýtur titilinn. Andri vann bronsverðlaun í stigakeppninni á Smáþjóðleikunum í ólympískum lyftingum sem fram fóru í San Marino. Þar snaraði hann 143kg og jafnhenti 170kg eða samanlagt 313kg sem gáfu honum 326,8 Sinclair stig.

Lyftingasambandið afhendir núna í fyrsta sinn verðlaun fyrir ungmenni ársins í karla og kvenna flokki, eftirfarandi hljóta þessi verðlaun:

Lilja Lind Helgadóttir og þjálfari hennar Árni Björn Kristjánsson eftir að hafa sett Norðurlandamet unglinga

Lilja Lind Helgadóttir [LFG] (f.1996) (http://results.lsi.is/lifter/lilja-lind-helgadottir)
Lilja Lind bætti sig mikið á árinu. Helsta afrek hennar kom í Október þegar hún setti norðurlandamet unglinga (20 ára og yngri) í jafnhendingu fyrst íslenskra kvenna þegar hún lyfti 103kg upp fyrir haus í +75kg flokki kvenna. Þetta var einnig þyngsta lyfta sem íslensk kona hefur lyft yfir alla þyngdar og aldursflokka. Hún sett alls 11 íslandsmet í fullorðinsflokki og 13 íslandsmet í unglingaflokkum -75kg og +75kg. Hún er stigahæsta konan 20 ára og yngri með 216,37 Sinclair stig sem hún náði á Norðurlandameistaramóti Unglinga.

Guðmundur Högni skellti sér til Ítalíu og setti þar 3 af 14 íslandsmetum sínum í piltaflokki á árinu

Guðmundur Högni Hilmarsson [LFR] (f.1996) (http://results.lsi.is/lifter/gudmundur-hogni-hilmarsson)
Guðmundur Högni hefur verið í miklum framförum á árinu, hann vann silfur verðlaun á norðurlandamóti unglinga í -85kg flokki þar sem hann háði harða baráttu um gullverðlaun. Hann setti eitt íslandsmet í fullorðinsflokki þegar hann jafnhenti 147kg á Haustmóti LSÍ. Hann setti alls 14 íslandsmet í -85kg flokki 20 ára og yngri. Hann er stigahæsti karlinn 20 ára og yngri með 308,6 Sinclair stig eftir árangur Haustmótsins.

Eftirfarandi Lyftingamenn og konur settu íslandsmet á árinu:

Kvennaflokkur (54)
Lilja Lind Helgadóttir [LFG]: 11
Birna Dís Ólafsdóttir [LFG]: 10
Anna Hulda Ólafsdóttir [LFR]: 8
Hrefna H. Guðlaugardóttir [LFR]: 8
Björk Óðinsdóttir [KFA]: 6
Ragnheiður Sara Sigmundsdóttir [UMFN]: 6
Annie Mist Þórisdóttir [LFR]: 3
Þuríður Erla Helgadóttir [Ármann]: 1
Katrín Tanja Davíðsdóttir [Ármann]: 1

Karlaflokkur (13)
Björgvin Karl Guðmundsson [LFR]: 9
Sigurður Bjarki Einarsson [FH]: 3
Guðmundur Högni Hilmarsson [LFR]: 1

Unglingamet:
Piltaflokkur (20 ára og yngri) (53)
Guðmundur Högni Hilmarsson [LFR]: 14
Stefán Velemir [FH]: 11
Hilmar Örn Jónsson [FH]: 9
Einar Ingi Jónsson [LFR]: 6
Sindri Pétur Ingimundarson [LFR]: 5
Högni Hjálmtýr Kristjánsson [LFR]: 3
Hinrik Ingi Óskarsson [LFR]: 2
Guðmundur Steinn Gíslason Kjeld [LFR]: 2
Emil Ragnar Ægisson [UMFN]: 1

Stúlknaflokkur (20 ára og yngri) (20)
Lilja Lind Helgadóttir [LFG]: 13
Sólveig Sigurðardóttir [LFG]: 7

Öðlingar:
Öðlingar Konur 35-39 ára
Íris Dröfn Johansen [UMFN]: 7

Öðlingar Karlar 50-54 ára
Gísli Kristjánsson [LFR]: 5

RIG í ólympískum lyftingum verður haldið 24.Janúar í húsakynnum LFR/CFR, mótið verður sýnt beint á RÚV líkt og fyrri ár.

Mótshaldarar og stjórn LSÍ hafa ákveðið að í ár fái 10 bestu konur og karlar boð um þátttöku samkvæmt stigalista LSÍ fyrir árið 2014 eftir jólamótið 20.Desember. Ef einhver á listanum gefur frá sér boð þá mun boðið færast niður til næsta manns.

Eftirfarandi listar eru því aðeins til viðmiðunar eins og er og hvetjum við alla til að keppa á jólamótinu sem ekki eru öruggir um sæti á mótinu:
http://results.lsi.is/ranking/total/2014/m
http://results.lsi.is/ranking/total/2014/f

Munið að senda kennitölu, lyftingafélag og áætlaðan þyngdarflokk með í skráningunni á lsi@lsi.is.

Lyftingasamband Íslands, Evrópska lyftingasambandið og Eleiko munu halda þjálfaranámskeið í Ólympískum lyftingum helgina 16-18 janúar 2015 í tengslum við Reykjavíkurleikana. Námskeiðið verður haldið í Íþróttamiðstöð Íslands að Engjavegi 6 í Reykjavík.

Kennarar verða Antonio Urso, forseti Evrópska lyftingasambandssins og prófessor við hin virta Tor Vergata háskólann í Róm og Colin Buckley styrktarþjálfari sem á sæti í þjálfaranefnd Evrópska lyftingasambandssins.

Námskeiðið er þriggja daga námskeið bæði með verklegar og bóklegar æfingar og próf. Bæði verður farið yfir tækniæfingar í ólympískum lyftingum, almenna styrktarþjálfun afreksíþróttamanna með ólympískum lyftingum, styrktarkennslu og öryggi iðkenda við ólympískar lyftingar.

Námskeiðið er hluti af fræðsludagskrá Eleiko og Evrópska lyftingasambandsins sem heitir „Weightlifting for Sports“ og er ætlað öllum styrktarþjálfurum sem vilja auka við almennann styrk iðkenda sinna ásamt því að vera hluti af þjálfaramenntunaráætlun Evrópska Lyftingasambandssins.

Innifalið í námskeiðinu er hádegismatur og kaffi alla dagana, kennslubók í ólympískum lyftingum, kennsludiskur og usb lykill með öllu kennsluefninu.

Verðið á þessu námskeiði er 80.000 kr. en ef greitt er fyrir 18. desember er verðið 65.000 kr. Lyftingasambandið vill benda á styrki stéttarfélaga til þeirra sem starfa við þjálfun. Til dæmis þá geta félagsmenn hjá VR sótt um styrk fyrir 75% af námskeiðinu. Hægt er að ganga frá greiðslu inn á reikning Lyftingasambandssins 0311-26-2992, kt. 430275- 0119 og senda staðfestingarpóst á lsi@lsi.is. Hámarksfjöldi á námskeiðið er 25 einstaklingar.

Skráningar á þjálfaranámskeið óskast sendar á tölvupósti á lsi@lsi.is

Lyftingasamband Íslands hvetur öll aðildarfélög sín og önnur íþróttafélög til þess að senda þjálfara á þetta námskeið, til að auka þekkingu og menntun þjálfara á ólympískum lyftingum og kynna kosti þeirra við afreksþjálfun á Íslandi. Námskeiðið er ætlað þeim sem hafa grunnþekkingu á ólympískum lyftingum. Lyftingadeild Ármanns mun halda grunnnámskeið sérstaklega fyrir þá sem eru að stíga sín fyrstu skref en vilja vera sem best undirbúnir og fá sem mest út úr námskeiðinu. Skráningar á grunnnámskeið óskast sendar á lyftingadeild@armennningar.is.

Heimsmeistaramótið í ólympískum lyftingum hófst í dag í Almaty í Kazakstan og stendur fram til 16.Nóvember, A-hópar eru sýndir á Eurosport. Þetta mót er það fyrsta sem telur til þátttöku fyrir ólympíuleikana 2016 (sjá nánari upplýsingar um þátttökuskilyrði í afreksstefnu LSÍ).
Skráðir til leiks eru 223 konur frá 52 löndum og 316 karlar frá 63 löndum munu keppa um heimsmeistaratitla, hver þjóð má að hámarki senda 8 karla og 7 konur og aðeins 2 keppendur í hvern þyngdarflokk. Gera má ráð fyrir að Rússar, Kínverjar og Íranir muni hreppa flest gullverðlaun. Norðurlandaþjóðirnar eiga 9 fulltrúa; Finnar með 3 kvk og kk, Norðmenn með 1 kvk og kk og Danir með 1 kk:

KVK
Sini Kukkonen (FIN) -53kg KVK [30.sæti (68/85)]
Anna Everi (FIN) -63kg KVK [34.sæti (84/104)]
Anni Vuohijoki (FIN) -69 KVK [26.sæti (84/105)]
Ruth Kasirye (NOR) -69 KVK [13.sæti (101/122)]

KK
Tim Kring (DEN) -77 KK [30.sæti (132/165)]
Milko Tokola (FIN) -85kg KK [41.sæti (137/168)]
Miika Antti-Roiko (FIN) -94kg KK [NM (150/NM)]
Teemu Roininen (FIN) +105kg KK [25.sæti (155/200)]
Kim Erik Tollefsen (NOR) +105kg KK [keppti ekki]

Nokkrir áhugaverðir tenglar fyrir mótið:
Dagskrá
Útsending og Live score frá IWF
Keppendalisti
Spá (All things gym):
Afrekaskrá fyrir síðustu mót

Heildarúrslit frá mótinu eru komin á netið á vefslóðinni: http://results.lsi.is/meet/nordic-junioryouth-championship-2014

Emil Ragnar Ægisson (UMFN) hóf leikinn í sterkum -77kg flokki, hann snaraði 102kg í annari tilraun sem var nýtt íslandsmet í -77kg flokki pilta, hann reyndi síðan við 107kg og var nálægt því að fara með þá þyngd. Í jafnhendingunni lyfti hann 126kg og reyndi við 131kg sem hefði tryggt honum bronsverðlaun en endaði í fjórða sæti.

Næst var komið að -85kg flokknum, þar voru tveir keppendur mættir til leiks frá Lyftingafélagi Reykjavíkur (LFR). Högni Hjálmtýr Kristjánsson (LFR) snaraði 94kg og jafnhenti 127kg og endaði í 6.sæti. Guðmundur Högni Hilmarsson (LFR) hefur verið á mikilli siglingu undanfarið og byrjaði með látum í snöruninni, hann opnaði á 106kg og fór síðan upp með bætingarnar 112kg og 117kg. Hann endaði 8kg á eftir Finnanum Jesse Nykänen eftir snörunina. Í jafnhendingunni byrjaði hann á að tryggja sér silfur með 137kg, því næst fór hann í 146kg sem hann rétt missti fram og að lokum fór hann í 154kg til að reyna að tryggja sér gullið, það fór ekki upp að þessu sinni, engu að síður tvö íslandsmet pilta í snörun.

Að lokum kepptu tveir FH-ingar fyrir hönd Íslands, fyrst var það Hilmar Örn Jónsson í -105kg flokki. Hann fór upp með allar lyftur í snörun 108kg – 115kg – 121kg þar sem 121kg var bæting á hans eigin piltameti um 6kg. Því næst opnaði hann í jafnhendingu á 140kg og reyndi við 150kg og 152kg sem hefðu tryggt honum silfur en hann þurfti að sætta sig við brons.

Stefán Velemir (FH) var síðastur íslensku keppendana en hann keppti einn í +105kg flokki, hann snaraði 110kg. Í jafnhendingunni fór hann upp með 130kg og 140kg sem var jafnframt bæting á pilta meti hans í jafnhendingu sem og samanlögðum árangri.

Samanlagt vann því íslenski hópurinn til þrennra gullverðlauna, tvö silfur og tvö brons. Tólf unglingamet voru sett og Lilja Lind Helgadóttir (LFG) setti tvö íslandsmet í fullorðinsflokki sem og norðurlandamet í +75kg flokki 20 ára og yngri í jafnhendingu með 103kg. Er það í fyrsta sinn sem íslendingur setur norðurlandamet í ólympískum lyftingum, frá því að þyngdarflokkum var breytt 1998.

Liðakeppni kvenna (20 ára og yngri)
1. Svíþjóð 36 stig
2. Ísland 23 stig
3. Finnland 11 stig
4. Noregur 11 stig
5. Danmörk 5 stig

Liðakeppni karla (20 ára og yngri)
1. Finnland 37 stig
2. Ísland 20 stig
3. Svíþjóð 15 stig
4. Noregur 14 stig
5. Danmörk 7 stig