Þuríður Erla Helgadóttir mun keppa í -63kg flokki á þriðjudaginn 4.apríl í Split í Króatíu

Keppendalista má sá hér

http://ewfed.com/news_det.php?id=148

Katla Björk Ketilsdóttir (UMFN) keppir í sterkum -58kg flokki á HM 17 ára og yngri í Taílandi.

Skráningarlistinn er eftirfarandi, raðað eftir löndum í stafrófsröð:

Vísindaráðstefna EWF var haldin í Slóvakíu í byrjun Mars og átti Ísland tvo fulltrúa á henni þá Harald Björn Sigurðsson (Ármann) og Eyþór Einarsson (UMFN). Evrópska lyftingasambandið (EWF) er búið að hlaða upp fyrirlestrum sem fram fóru þar: http://www.ewfed.com/news_det.php?id=155

Ný stjórn var kosinn á 43.Lyftingaþingi LSÍ sem haldið var síðasta laugardag (11.Mars).

Út úr stjórn fór Árni Björn Kristjánsson sem hlaut silfurmerki ÍSÍ að launum á þinginu fyrir starfs sitt í þágu LSÍ. Hildur Grétarsdóttir sem hefur verið gjaldkeri sambandsins síðustu 2 ár fór einnig úr stjórn ásamt þremur varamönnum: Lárus Pál Pálssyni, Vilhelm Patrick Bernhöft og Jakob Daníel Magnússyni. Öllum er þeim þakkað góð störf.

Nýja stjórnin er skipuð eftirfarandi:

Formaður: Ásgeir Bjarnason
Varaformaður: Ingi Gunnar Ólafsson
Ritari: Stefán Ragnar Jónsson
Gjaldkeri: Katrín Erla Bergsveinsdóttir
Meðstjórnandi: Erna Björk Kristinsdóttir

Varastjórn:
Grétar Skúli Gunnarsson
María Rún Þorsteinsdóttir
Rúnar Kristmansson
Jakobína Jónsdóttir

—

Sjá þinggerð 43.Lyftingaþings hér

Ársskýrslu LSÍ má nálgast hér

Ný lög sambandsins má nálgast hér

Ný samþykktar mótareglur sambandsins má nálgast hér

Ný samþykkt reglugerð um Liðabikar LSÍ má nálgast hér

Ný samþykkt reglugerð um Íslandsmeistaratitil liða má nálgast hér

Hjördís Ósk Óskarsdóttir var þann 1. Febrúar ráðin starfsmaður sambandsins til 31. Mars 2018. Stjórn LSÍ býður hana velkomna til starfa.

ATH Breyting 17.3.2017
Sólveig Sigurðardóttir fer í stað Jakobínu Jónsdóttur sem þurfti að afbóka sig

Lið Íslands á smáþjóðleikana í ólympískum lyftingum hefur verið valið, en keppnin er liðakeppni milli smáþjóða evrópu sem fram fer í San Marino í ár 21-22.Apríl.

Þrír karlar og tvær konur skipa lið Íslands og fór valið fram þannig að árangur keppenda á árinu 2016 og RIG 2017 gilti með Sinclair stigatölunni sem þá var í gildi. Nýr Sinclair (2017-2020) tók gildi eftir Íslandsmeistaramótið. Sjá listana sem notaðir voru við valið hér að neðan.

Lið Íslands 2017:

Karlar:
Björgvin Karl Guðmundsson – Hengill
Einar Ingi Jónsson – LFR
Guðmundur Högni Hilmarsson – LFR

Konur:
Björk Óðinsdóttir – KFA
Sólveig Sigurðardóttir – LFR

KK Listi:

KVK Listi

LSÍ hefur gefið frá sér lágmörk á mót erlendis fyrir árin 2017 til 2018. Lágmörk eru gefin út til næstu tveggja ára sem auðveldar íþróttamönnum undirbúning.

Lágmörk Fullorðinsflokkar

Lágmörk Unglingaflokkar

Helstu breytingar frá fyrri árum eru eftirfarandi:

B-lágmark þýðir að íþróttamaður þarf að greiða flugfargjaldið sitt sjálfur en ekki 50% af kostnaði við heildar ferð og teljum við það til hagsbóta fyrir íþróttamanninn.

Á árinu 2017 verður ekki greitt A-lágmark á NM unglinga, það verður hinsvegar gert á árinu 2018. Ástæða þess er tvíþætt; 1) lyftingasambandið hefur nú ráðið starfsmann í hlutastarf og fylgir því ákveðinn kostnaður og 2) að Ísland heldur NM fullorðinna 2018 og því verður meira fjármagn til staðar til að standa undir kostnaði við ferðir unglingalandsliðsins.

Það verður nóg um að vera hjá lyftingafólkinu  okkur í apríl:

EM í ólympískum lyftingum fer fram dagana 2-8.apríl og munum við senda þau Þuríður Erlu Helgadóttur og Andra Gunnarsson

Þuríður mun keppa mánudaginn 3.apríl í -58 kg flokki og Andri mun keppa laugardaginn 8.apríl í +105kg fokki

Á sama tíma eða 3-10.apríl fer fram HM unglinga sem haldið er í Bankok í Thailandi og munum við senda Kötlu Ketlisdóttur en hún mun keppa í -58kg flokki og keppir hún föstudaginn 7.apríl

Íslandsmótið 2017 fór fram í Íþróttamiðstöðinni Varmá í Mosfellsbæ þann 19. febrúar, í öruggri umsjá Lyftingafélags Mosfellsbæjar. 43 keppendur mættu til leiks að þessu sinni frá 9 félögum.

Hæst bar glæsilegur árangur lyftingafólks ársins, þeirra Þuríðar Erlu Helgadóttur (Ármann) og Andra Gunnarssonar (LFG), en þau urðu stigahæstu keppendurnir og settu bæði Íslandsmet í öllum greinum í sínum flokkum.

Andri tók 160kg í snörun sem er 3kg bæting á fyrra meti og 190kg í jafnhendingu sem er 4kg bæting. Samtals lyfti hann því 350kg sem gefa honum 360,1 Sinclair stig en nýr Sinclair kvarði tók gildi nú um áramótin.

Þuríður Erla keppti í 63kg flokki og bætti Íslandsmet Bjarkar Óðinsdóttur (KFA) í snörun um 1kg er hún tók 84kg og bætti síðan jafnhendingarmet Hjördísar Óskar Óskarsdóttur (FH) um 1kg er hún lyfti 106kg. Sú lyfta var ótrúlega baráttulyfta sem hefur hlotið verðskuldaða athygli. Samanlagt tók Þuríður því 190kg sem gefa henni 260,1 Sinclair stig en það er hæsta Sinclair skor sem íslensk kona hefur náð.

Spennandi og skemmtileg keppni var í mörgum flokkum á mótinu. Í 69kg flokki karla var hörkubarátta milli ungra og upprennandi lyftingamanna, en þar sigraði Brynjar Ari Magnússon (LFH) eftir mikla keppni við Dag Fannarsson (LFM) en báðir lyftu þeir 135kg samanlagt.

Einar Ingi Jónsson (LFR) keppti í annað skipti í 77kg flokki og sigraði með 252kg sem gáfu honum 330,4 Sinclair stig sem var það næst hæsta hjá körlunum. Einar átti tvær tilraunir við Íslandsmet í jafnhendingu, 147kg, en hafði ekki erindi sem erfiði í þetta skiptið.

Í 85kg flokki sigraði Daníel Róbertsson (Ármann) með 265kg sem er bæting á hans besta árangri en Daníel hefur verið á mikilli siglingu að undanförnu. Hann var jafnframt með þriðji stigahæsti karl mótsins með 321,0 Sinclair stig. Daníel varð einnig meistari í fyrra en þá lyfti hann 242kg samanlagt.

Í 94kg flokki sigraði Goði Ómarsson (LFG) og varði titilinn frá því í fyrra. Hann tók 258kg í samanlögðu sem er 10kg meira en á mótinu í fyrra og þá átti hann einnig tilraun við Íslandsmet, 159kg, í lokalyftunni í jafnhendingu sem tókst ekki að þessu sinni.

Ingólfur Þór Ævarsson (KFA) varði titilinn í 105kg flokknum er hann lyfti 285kg samanlagt, 11kg meira en hann lyfti í fyrra.

Í 58kg flokki kvenna sigraði Sigríður Jónsdóttir (LFK).

Eins og áður hefur komið fram sigraði Þuríður Erla Helgadóttir (Ármann) í 63kg flokki en það var fjölmennasti flokkur mótsins með 9 keppendur. Aníta Líf Aradóttir (LFR) varð önnur með 177kg samanlagt sem gaf henni 232,3 Sinclair stig sem var það næst hæsta hjá konunum.

Lilja Lind Helgadóttir (LFG) varði titilinn í 69kg flokki eftir mikla baráttu við Viktoríu Rós Guðmundsdóttur (LFH). Lilja Lind lyfti 162kg samanlagt en Viktoría Rós 159kg en úrslitin réðust ekki fyrr en í síðustu lyftu.

Hörð keppni var einnig í 75kg flokki kvenna en þar skildi einunigs 1kg milli gulls og silfurs. Sigurvegari varð Soffía Bergsdóttir (Ármann) með 154kg en Birta Hafþórsdóttir (LFH) varð önnur með 153kg.

Í fyrsta sinn var keppt í nýjum þyngdarflokkum kvenna en reglur IWF breyttust um áramótin og í stað +75kg flokks koma 90kg og +90kg flokkar. Sesselja Sigurðardóttir (KFA) er fyrsti Íslandsmeistarinn í 90kg flokknum en hún lyfti 138kg samanlagt.

Öll úrslit má finna á http://results.lsi.is/meet/islandsmeistaramotid-2017