Evrópumeistaramótið í ólympískum lyftingum hefst mánudaginn 12.Febrúar og lýkur 20.Febrúar. Mótið er haldið í höfuðborg Búlgaríu, Sofíu. Ísland er með fjölda keppenda á mótinu þetta árið en alls eru sex keppendur sem keppa fyrir ísland, allir í kvenna flokki. Mótið er næst síðasta mót þar sem keppendur geta náð árangri fyrir Ólympíuleikana í París í sumar, en allir keppendur geta keppt í sinni álfukeppni. Álfukeppnir Afríku og Asíu fóru fram í síðustu viku, Eyjaálfa og Pan-America halda sínar keppnir 21-25.Febrúar. Síðan hafa allar þjóðir þátttöku á síðasta mótinu (IWF World Cup) sem fer fram í Taílandi 31.Mars-11.Apríl.

Erna Héðinsdóttir er partur af dómarateymi mótsins og mun starfa í 18/36 keppnishópum í kviðdómi. Eins og áður hefur komið fram hefur Erna verið valin til þátttöku í dómarateymi IWF á Ólympíuleikunum í París í ár, lesa má meira um það hér.

Þjálfarateymi Íslands skipa: Ingi Gunnar Ólafsson, Sigurður Darri Ólafsson, Unnar Helgason og Helga Hlín Hákonardóttir.

Þjóðaríþrótt Búlgaríu eru ólympískar lyftingar og hafa þeir unnið alls 37 verðlaun í lyftingum á ólympíuleikum (12 gull, 17 silfur og 8 brons) sem er ótrúlega gott fyrir þjóð sem hefur talið 7-9 milljónir á þeim árum. 201 keppandi í kvennaflokki er skráður til leiks frá 36 evrópuþjóðum, einnig keppa á mótinu 6 bandarískir kvenn keppendur sem ekki fá vegabréfsáritun til Venezuela þar sem Pan-America meistaramótið fer fram í lok Febrúar. Einn kvenn keppandi keppir fyrir flóttamanna lið sameinuðuþjóðana WRT og sjö konur keppa undir merkjum hlutleysis AIN þar sem rússneskir og hvít-rússneskir keppendir sem geta fengið að keppa.

Allar upplýsingar um mótið má fá á síðu Evrópska lyftingasambandsins (EWF) , við munum gera grein fyrir keppninni hér á heimasíðu lyftingasambandsins og samfélagsmiðlum (facebook og instagram).

Dagskrá íslensku keppendana er eftirfarandi:

Þuríður Erla Helgadóttir 14.Febrúar klukkan 12:00 á staðartíma -59kg B-hópur

Katla Björk Ketilsdóttir 15.Febrúar klukkan 10:00 á staðartíma -64kg C-hópur

Eygló Fanndal Sturludóttir 16.Febrúar klukkan 17:00 á staðartíma -71kg A-hópur

Guðný Björk Stefánsdóttir 17.Febrúar klukkan 10:00 á staðartíma -76kg B-hópur

Friðný Fjóla Jónsdóttir 19.Febrúar klukkan 12:00 á staðartíma -87kg B-hópur

Erla Ágústdóttir 19.Febrúar klukkan 12:00 á staðartíma +87kg B-hópur

Þar sem aðeins er keppt í 5 þyngdarflokkum í París telja þeir keppendur sem keppa t.d. í -64kg flokk og -71kg flokk inn í -71kg flokk á svokölluðum úrtökulista fyrir ólympíuleikana (OQR) það er 61 keppandi og í -59 flokk eru það keppendur í -55kg og -59kg eða 46 keppendur. Sjá dreyfingu keppenda á þyngdarflokka hér að neðan.

Ýtarlegri upplýsingar um keppnishópana má finna hér að neðan:

Framkvæmdastjórn Íþrótta- og Ólympíusambands Íslands hefur samþykkt tillögur stjórnar Afrekssjóðs ÍSÍ að úthlutun Afrekssjóðs ÍSÍ fyrir árið 2024 en styrkveitingar ÍSÍ til sambandsaðila nema alls rúmlega 512 milljónum króna.

Í hlut Lyftingasambands Íslands komu 18.216.000 krónur sem er rúmlega 50% hækkun á milli ára, en árið 2023 nam styrkurinn 11.850.000, þegar lyftingasambandið færðist úr C-sambandi yfir í B-samband. Til samanburðar hlaut LSÍ árið 2022 kr. 2.750.000 úthlutun sem C-samband.

Þessa miklu aukningu undanfarinna ára má fyrst og fremst rekja til framúrskarandi árangurs íslensks lyftingafólks á alþjóðlegum vettvangi og styrkingu á innra starfi, stefnumörkun og áætlanagerð, en á síðasta ári var úthlutunarfyrirkomulagi Afrekssjóðs breytt á þann veg að aðeins eru tveir flokkar sambanda í stað þriggja áður – þ.e. afrekssérsambönd og verkefnasérsambönd og flokkast LSÍ sem afrekssérsamband. Árangur afreksfólks spilar mikilvægan þátt í flokkun í samkvæmt hinu nýja kerfi og hefur árangur lyftingafólks LSÍ á undanförnum árum á alþjóðlegum vettvangi þannig lyft öllum fjárhagslegum forsendum fyrir árangursríkri starfsemi sambandsins.

Innifalið í úthlutun frá Afrekssjóði er beinn einstaklingsstyrkur til Eyglóar Fanndal Sturludóttir, en hún heldur ásamt fleiri keppendum á Evrópumeistaramótið í Sofiu í Búlgaríu þar sem hún mun halda áfram farsælli vegferð sinni til að komast á Ólympíuleikana í París í sumar. En hún er sem stendur í 14.sæti á úrtökulista fyrir leikana í -71kg flokki með fjórða besta árangur Evrópubúa.

Óhætt er að fullyrða að spennandi tímar eru framundan í starfi LSÍ á komandi ári og árum, en nánari grein verður gerð fyrir úthlutun Afrekssjóðs og fjárhagsáætlun LSÍ fyrir starfsárið á Lyftingaþingi sem haldið verður 16. mars næstkomandi.

Íslandsmeistaramót Unglinga 2024 (U17, U20 og U23) er haldið af Lyftingafélagi Reykjavíkur í Crossfit Reykjavík að Faxafeni 12, 108 Reykjavík þann 24. febrúar næstkomandi. Skráningarfrestur 16. febrúar.

Skráning HÉR

Vinsamlegast beinið öllum spurningum að framkvæmdastjóra
8490772 eða lsi@lsi.is

Reykjavíkurleikarnir í ólympískum lyftingum fóru fram Sunnudaginn 28.Janúar í Laugardalshöll. Að þessu sinni var haldin liðakeppni þar sem tveir karlar og tvær konur mynda lið. Fimm lið mættu til leiks, tvö frá Íslandi, tvö frá Danmörku og loks eitt lið frá frændum okkar í Færeyjum. Við þökkum nágrannaþjóðum okkar fyrir þátttökuna.

Heildarúrslit má sjá í afreksgagnagrunni sambandsins með því að ýta HÉR

Stighæsti karl keppandinn var daninn Jacob Panayotis sem snaraði 150kg og jafnhenti 190kg í -109kg flokki sem var nýtt danskt met í jafnhendingu og samanlögðum árangri 340kg.

Stigahæsta konan var Amalie Lövind sem snaraði 82kg og jafnhenti 102kg í -59kg flokknum.

Stigakeppnin virkar þannig að Sinclair árangur keppenda gefur þeim stig, stigahæsti keppandinn fær 10 stig og svo koll af kolli, síðan er lagður saman árangur karla og kvenna og það lið sem fær flest samanlögð stig sigrar.

Danmörk gerði sér lítið fyrir og raðaði sér í efstu tvö sætin og aðeins 1 stig sem skildi af liðin. Ísland kom þar á eftir og Færeyjar ráku lestina en mikið uppbyggingarstarf hefur átt sér stað í Færeyjum síðustu ár.

TEAMS

Eygló Fanndal Sturludóttir er ein af íþróttamönnum Íslands sem ÍSÍ hefur valið í ólympíuhóp fyrir París 2024 ásamt níu einstaklingum og karlalandsliðinu í handknattleik.

Sjá fréttatilkynningu frá ÍSÍ hér að neðan:

Myndaður hefur verið Ólympíuhópur ÍSÍ sem samanstendur af afreksíþróttafólki sem annað hvort hefur tryggt sig inn á Ólympíuleikana í París 2024 eða er í dauðafæri að komast inn á þá á næstu misserum.  Í þessum hópi er afreksíþróttafólk úr sjö íþróttagreinum.  Það verður spennandi að fylgjast með þeim næstu vikur og mánuði, en milli íþróttagreina eru mismunandi leiðir til að tryggja sér þátttökurétt.
Anton Sveinn McKee, sundmaður, er sá eini sem hefur nú þegar unnið sér inn þátttökurétt á leikana en vonir eru bundnar við að Ísland muni eiga góðan hóp íþróttafólks á leikunum.  Ólympíuleikarnir eru stærsti íþróttavettvangur heims og þar keppa fremstu íþróttamenn heims í íþróttagreinum 32 alþjóðasérsambanda.   

Ólympíuhópurinn samanstendur af níu aðilum úr einstaklingsgreinum auk karlalandsliðsins í handknattleik, en hópurinn mun taka breytingum eftir því sem nær dregur leikum og fleiri eða færri aðilar hafa raunhæfa möguleika á þátttöku.  

Í hópnum í dag eru:
• Anton Sveinn McKee, sund 
• Eygló Fanndal Sturludóttir, lyftingar
• Guðlaug Edda Hannesdóttir, þríþraut
• Guðni Valur Guðnason, kringlukast
• Hákon Þór Svavarsson, haglabyssuskotfimi
• Hilmar Örn Jónsson, sleggjukast
• Snæfríður Sól Jórunnardóttir, sund
• Thelma Aðalsteinsdóttir, áhaldafimleikar 
• Valgarð Reinhardsson, áhaldafimleikar
• Karlalandsliðið í handknattleik

Á næstunni er ætlun ÍSÍ og sérsambanda að vekja athygli á þessu íþróttafólki og þeim viðburðum sem þau eru að keppa á til að vinna sér þátttökurétt á leikana í París, en þeir verða settir föstudaginn 26. júlí nk.
Kynningarmyndband hefur verið sett saman og birt á samfélagsmiðlum ÍSÍ auk þess sem frekara efni bíður birtingar sem ÍSÍ, sérsambönd og íþróttafólkið mun koma á framfæri á næstunni. Vésteinn Hafsteinsson, Afreksstjóri ÍSÍ, heldur utan um Ólympíuhópinn en hann hefur áratuga reynslu, bæði sem þjálfari og afreksíþróttamaður í kringlukasti, og hefur nú þegar tekið þátt í 10 Ólympíuleikum. 

Það er von ÍSÍ að hópurinn fái sem mesta athygli og stuðning svo árangur þeirra verði sem bestur.  ÍSÍ óskar afreksíþróttafólkinu okkar og teymi góðs gengis í verkefnunum sem framundan eru.

Allir þeir keppendur sem hafa náð lágmörkum á Norðurlandamót hafa rétt á að koma á landsliðsæfingar LSÍ, bæði norðurlandamót fullorðinna, masters og unglinga.
Landsliðsæfingar fara fram í húsnæði Stjörnunnar í Miðgarði í Garðabæ
Æfingarnar fara fram kl: 9:00 til 11:00, með fyrir vara um breytingar.

Landliðsþjálfari, Ingi Gunnar Ólafsson, hvetur landsliðskeppendur að bjóða þjálfurum sínum með sér á landsliðsæfingar.

Dagsetningar landsliðsæfinga.

20. janúar

10. febrúar

16. mars

20. apríl

18. maí

8. júní

20. júlí

10. ágúst

31. ágúst

14. september

19. október

2. nóvember

7. desember

Eygló Fanndal Sturludóttir og Brynjar Logi Halldórsson lyftingafólk ársins fékk viðurkenningu á lokahófi Íþróttamanns ársins sem fram fór 4.Janúar síðastliðinn.

Eygló varð 16. í kjörinu með 27 stig og sjá má sjónvarpsviðtal við hana sem tekið var á lokahófinu byrjar á 01:01:49: https://www.ruv.is/sjonvarp/spila/ithrottamadur-arsins/4711/1ctls3

Þeir sem fengu stig í kjörinu:

1. Gísli Þorgeir Kristjánsson, handbolti 500
2. Anton Sveinn McKee, sund 372
3. Glódís Perla Viggósdóttir, fótbolti 326
4. Andrea Kolbeinsdóttir, frjálsíþróttir 101
5. Sveindís Jane Jónsdóttir, fótbolti 94
6. Elvar Már Friðriksson, körfubolti 93
7. Jóhann Berg Guðmundsson, fótbolti 73
8. Sóley Margrét Jónsdóttir, kraftlyftingar 69
9. Thelma Aðalsteinsdóttir, fimleikar 53
10. Snæfríður Sól Jórunnardóttir, sund 47
11. Baldvin Þór Magnússon, frjálsíþróttir 37
12. Jóhanna Margrét Snorradóttir, hestaíþr. 35
13. Albert Guðmundsson, fótbolti 31
14. Kristín Þórhallsdóttir, kraftlyftingar 30
15. Snorri Einarsson, skíðaganga 28
16. Eygló Fanndal Sturludóttir, lyftingar 27
17. Bjarki Már Elísson, handbolti 26
18. Viktor Gísli Hallgrímsson, handbolti 24
19. Hákon Rafn Valdimarsson, fótbolti 22
20. Hákon Arnar Haraldsson, fótbolti 20
21. Haraldur Franklín Magnús, golf 19
22. Ragnhildur Kristinsdóttir, golf 10
23. Sandra Erlingsdóttir, handbolti 7

Nýr bannlisti frá WADA yfir ólögleg efni í íþróttum hefur verið birtur sjá frétt á vef alþjóðalyftingasambandsins fyrir ólympíuárið 2024: https://iwf.sport/2024/01/12/2024-new-year-new-prohibited-substances-list/

Hægt er að sjá heildarlistann hér: https://www.wada-ama.org/en/resources/world-anti-doping-code-and-international-standards/prohibited-list

Og breytingar frá fyrri lista hér: https://www.wada-ama.org/sites/default/files/2023-09/2024list_explanatory_list_en_final_22_september_2023.pdf

Verkjalyfið Tramadol hefur verið sett á bannlista frá 1.Janúar en það hefur verið á vöktunarlista WADA frá 2022.

WADA hvetur íþróttamenn að taka könnun á vegum þeirra sem lýkur 17.Janúar: https://www.surveymonkey.com/r/QC8XPBT

Við hvetjum alla íþróttamenn til að kynna sér betur lyfjaprófanir og bannlsita á vef Lyfjaeftirlits Íslands: https://www.antidoping.is/