Evrópumeistaramótið í Sofiu í Búlgaríu heldur áfram og í dag keppti Guðný Björk Stefánsdóttir. Guðný keppti í B-hóp í -76kg flokki kvenna og var þetta hennar fyrsta stórmót í ólympískum lyftingum. Hún lyfti 85kg í snörun en klikkaði á 90kg og 92kg, hún á best 90kg. Í jafnhendingunni gekk hinsvegar allt upp og hún lyfti þar 104kg, 107kg og loks 110kg í lokalyftunni sem jafnframt var nýtt íslandsmet. Guðný var efst fjögurra keppenda í B-hópnum og endaði í 10.sæti í -76 flokknum. Hin ítalska Genna Romida Toko Kegne sigraði flokkinn með að lyfta 101kg í snörun og 126kg í jafnhendingu. Laura Horvath frá Ungverjalandi sem vann Crossfit leikana 2023 keppti einnig í flokknum og varð í 6.sæti þegar hún lyfti 90kg í snörun og 115kg í jafnhendingu.
Guðný með 85kg í snörun. Ljósmynd: Isaac Morillas Sanchez (www.worldweightliftingmedia.com)110kg, nýtt Íslandsmet hjá Guðný. Ljósmynd: Isaac Morillas Sanchez (www.worldweightliftingmedia.com)
Enn eigum við svo tvo keppendur sem eiga eftir að ljúka keppni en þær keppa í sama hóp á mánudaginn:
Eygló Fanndal Sturludóttir var grátlega nærri því að verða fyrst íslendinga til að vinna til verðlauna á stórmóti í ólympískum lyftingum þegar hún endaði í 4.sæti í -71kg flokki kvenna aðeins 1kg á eftir 3.sætinu. Hún átti samt sem áður mjög sterkt mót og náði sínum næst besta árangri á móti 230kg og einnig setti hún norðurlandamet í snörun í -71kg flokki kvenna. Þetta mót mun án efa fara í reynslubankann hjá Eygló. Þetta er besti árangur íslendings á stórmóti í ólympískum lyftingum.
Eygló með 105kg, nýtt norðurlandamet í snörun. Ljósmynd: Isaac Morillas Sanchez (www.worldweightliftingmedia.com)
Eygló byrjaði snörunina af miklu öryggi og lyfti 99kg, 102kg og loks 105kg sem var bæting á hennar eigin íslandsmeti um 1kg en einnig bæting á norðurlandametinu í snörun um 1kg sem var í eigu hinnar Sænsku Patricia Strenius. Hin Þýska Lisa Marie Schweizer kom öllum að óvörum og bætti sig um 4kg í snörun og lyfti 107kg eftir um 12 ára keppnisferil og vann silfur í snörun en Eygló varð fjórða í snörun á eftir hinni hvít-rússnesku Siuzanna Valodzka sem lyfti 105kg líkt og Eygló en gerði það í annari tilraun en ekki þeirri þriðju. Elena Loredana Toma lyfti 114kg í snörun og sigraði þá grein.
Í jafnhendingunni byrjaði Eygló á 125kg sem er næst þyngsta lyfta sem hún hefur lyft á móti og fór hún örugglega upp, Eygló var þegar þarna komið með 230kg í samanlögðu en Lisa Marie hafði lokið keppni með 124kg í jafnhendingu og 231kg. Enn átti nokkur fjöldi keppenda eftir að lyfta, Eygló meldaði 128kg og við tók nokkur bið en bæði hin ísraelska Celia Gold og breska Sarah Davies lyftu 128kg í þriðju tilraun. Eygló hækkaði síðan í 129kg og fyrsta tilraun hennar fór ekki vel og hún missti jafnvægið í botnstöðunni, hún fékk því tvær mínútur til að hefja aðra tilraun en ef hún hefði lyft þeirri þyngd hefði hún komist í annað sætið og aðeins Valodzka og Toma eftir að klára sínar lyftur og bronsverðlaun því örugg. Loka tilraun Eyglóar gekk mun betur þar sem hún stóð upp með þyngdina og jarkaði henni upp fyrir haus en missti stöngina fram fyrir sig. Hún endar því í 5.sæti í jafnhendingu og í 4.sæti í heildina 1kg á eftir Lisa Marie. Elena Loredana Toma klikkaði nokkuð óvænt á tveimur tilraunum við 131kg og við það færðust Ísrael og Bretland í verðlaunasæti í jafnhendingu.
125kg opnunarlyfta hjá Eygló í jafnhendingu. Ljósmynd: Isaac Morillas Sanchez (www.worldweightliftingmedia.com)
Aðeins er eitt mót eftir sem telur til úrtöku fyrir ólympíuleikana og fer það fram í lok Mars í Taílandi. Uppfærður OQR listi mun birtast þegar Eyjaálfu og Pan-American meistaramótin klárast en með árangri sínum í dag jafnaði Lisa Marie árangur Eyglóar, einnig hefur einn keppandi frá Afríku og einn keppandi frá Kóreu farið upp fyrir hana á OQR listanum og því mikil barátta fyrir hendi. Ísland hefur sótt um jöfnunarsæti (e. universality) fyrir Eygló á ólympíuleikunum í París en ekkert er öruggt í þeim efnum að hún fái því úthlutuðu og þátttaka hennar í -71kg flokknum mun fara eftir því hvort frakkar nýta sér sín tvö sæti sem þeir hafa sem aðilar sem halda leikana (e.host nation) og því er enginn öruggur inn nema tíu efstu keppendur á OQR í þyngdarflokknum.
Okkar besta lyftingakona keppir á í A-hóp -71kg flokki á Evrópumeistaramótinu í lyftingum sem fram fer í Sofia í Búlgaríu. Undirbúningur fyrir mótið hefur gengið vel en aðeins eru tvömót eftir sem telja til úrtöku fyrir ólympíuleikana, þetta evrópumeistaramót og svo lokamótið í Taílandi í Mars.
Hægt er að fylgjast með beinni útsendingu frá mótinu á WEIGHTLIFTINGHOUSE og Scoreboard á EASYWL.
Í A-hóp hittir Eygló fyrir flesta þá keppendur sem hún hefur mætt á síðustu mótum, að þessu sinni eru tveir bandarískir keppendur í hópnum sem keppa á evrópumeistaramótinu því þeir fá ekki vegabréfsáritun til Venezuela til að keppa á Pan-American meistaramótinu sem fram fer í lok mánaðarins. Þeirra árangur telur í úrtökumótinu og til OQR (Olympic Qualification Ranking) en þær telja ekki í keppni á Evrópumeistaramótinu.
Hinir átta keppendurnir í A-hópnum eru í allar að reyna að qualify-a inn og eru þeir evrópubúar sem eru í efstu sætunum á OQR að frátalinni hinni frönsku Marie Josephe Fegue sem skráð er í -76kg flokkinn. Þær eru fyrir mótið í sætum 4-27 á OQR listanum en einhver smávægileg breyting hefur orðið á listanum eftir Afríku og Asíu meistaramótið sem ekki er búið að uppfæra og listinn verður ekki uppfærður fyrr en eftir að Pan-American og Eyjaálfa ljúka við sýn mót. Það má því búast við harðri keppni á morgun þar sem keppendur freista þess að klifra upp listann eða tryggja stöðu sína fyrir utan það að keppa um verðlaun á evrópumeistaramótinu. Efstu 10 keppendur á OQR listanum fá sjálfkrafa þátttökurétt í þyngdarflokknum á ólympíuleikunum í París, 1 sæti fer til efsta keppanda á OQR frá heimsálfu sem ekki hefur þegar fulltrúa (í þessum þyngdarflokk verður það mjög líklega Eyjaálfa) og eitt sæti til annaðhvort Frakklands eða svokallaðs universality sæti.
Katla Björk Ketilsdóttir varð í 22.sæti á EM í dag þegar hún lyfti 84kg í snörun og 97kg í jafnhendingu. Alls kepptu 28 keppendur í flokknum sem er fjölmennasti kvennaflokkurinn á EM þrátt fyrir að vera ekki einn af ólympíuþyngdarflokkunum í París. Katla er óðum að ná fyrra formi eftir að hafa eignast barn á síðasta ári, í dag lyfti hún öllum lyftunum í snörun 78, 81 og 84kg. Í jafnhendingu lyfti hún opnunarþyngd 94kg, fór svo í 97kg sem hún missti jafnvægið í fyrri hluta lyftu. Hún kom svo til baka í þriðju tilraun og kláraði 97kg.
Hægt er að sjá úrslit hér og hér, einnig er hægt að sjá upptöku af keppninni og fylgjast með öðrum keppendum á weightliftinghouse.com.
Katla Björk með 84kg í snörun í lokatilraun. Ljósmynd: Isaac Morillas Sanchez (www.worldweightliftingmedia.com)
Ine Andersson lyftu mestu norðurlandabúa og varð í 12.sæti með 201kg sem er þó töluvert frá hennar besta en á ólympíulistanum OQR hefur hún mest lyft 212kg sem hún lyfti á Evrópumeistaramótinu í fyrra. Hin danska Josephine Rehl varð í 18.sæti eftir að hafa lyft aðeins 77kg í snörun fór hún með allar jafnhendingarnar í gegn og lyfti 108kg í jafnhendingu sem er 1kg frá danska metinu.
Katla Björk með 97 í jafnhendingu í lokatilraun. Ljósmynd: Isaac Morillas Sanchez (www.worldweightliftingmedia.com)
Katla Björk Ketilsdóttir keppir klukkan 10:00 á staðartíma (8:00) að íslenskum á morgun 15.Febrúar. Hægt er að fylgjast með beinni útsendingu á weightliftinghouse.com og scoreboard á easywl.
Þuríður Erla Helgadóttir keppti í dag á Evrópumeistaramótinu í ólympískum lyftingum, hún lyfti 78kg í snörun og 104kg í jafnhendingu. Hún opnaði á 78kg í snörun sem fóru nokkuð auðveldlega upp en klikkaði svo 2x á 82kg í annari og þriðju tilraun þar sem stöngin sat ekki vel í botnstöðunni. Í jafnhendingunni gekk allt upp og allar lyftur fóru í gegn 98kg, 101kg og 104kg og virtist hún eiga eitthvað inni þar.
Þuríður Erla situr undir 104kg sem fóru upp Ljósmynd: Isaac Moraillas Sanches (www.worldweightliftingmedia.com)Þuríður Erla með 104kg. Ljósmynd: Isaac Moraillas Sanches (www.worldweightliftingmedia.com)
Íslandsvinkonan Saara Retulainenátti stórgott mót og kom mjög að óvart þar sem hún snaraði 95kg (bæting á norðurlandametinu í -59kg flokki um 4kg) og jafnhenti 119kg sem er bæting á norðurlandametinu um 1kg. Þessi árangur tryggði henni bronsverðlaun samanlagt í -59kg flokknum og fer hún úr 27.sæti á OQR í það 16. (en á þó eftir að uppfæra listann eftir Asíu og Afríkuleikana).
Það má segja að keppni í A-hópi -59kg flokksins hafi verið „blóðug“ en alls féllu 5 af 12 keppendum úr leik enda verið að tefla djarft til að koma sér upp listann fyrir ólympíuleikana.
Hægt er að sjá beinar útsendingar og upptökur frá mótinu á weightliftinghouse.com
Þuríður Erla Helgadóttir hefur keppni fyrst íslensku keppendanna á Evrópumeistaramótinu í Sofia á morgun 14.Febrúar klukkan 12:00 á staðartíma (10:00 íslenskum). Þurí er reynslumesti keppandinn okkar í lyftingum en þetta verður hennar níunda stórmót þ.e. Evrópumeistaramót, Heimsmeistaramót eða Ólympíuleikar. Þá eru ótalin önnur alþjóðleg mót í ólympískum lyftingum og Crossfit. Bestum árangri náði hún á HM 2017 þegar hún varð í 10.sæti með 194kg í samanlögðum árangri en besta árangri á EM náði hún 2021 þegar hún lyfti 191kg. Sjá töflu hér að neðan.
Árangur Þuríðar Erlu á alþjóðlegum stórmótum í ólympískum lyftingum
25 keppendur eru skráðir til leiks í -59kg flokknum á EM í ár en hann er ólympíuflokkur. Tólf keppendur eru í A-hóp og 13 keppendur með Þurí í B-hóp. Aðeins einn keppandi frá Evrópu er á topp 10 lista OQR en það er hin úkraínska Kamila Konotop, hin bandaríska Taylor Wilkins keppir líka í A-hóp þar sem hún fær ekki vegabréfsáritun til Venezuela þar sem Pan-American meistaramótið fer fram í lok Febrúar hún er í 10.sæti á OQR með 221kg í samanlögðum árangri en tíu efstu fá sjálfkrafa keppnisrétt í París. Gera má ráð fyrir að Nina Sterckx frá Belgíu og hinar frönsku Dora Tchakounte og Garance Rigaud blandi sér í baráttuna um verðlaun í flokknum en Frakkar munu mjög líklega nýta sér eitt af tveimur svokölluðum host country sætum í París í -59kg flokknum og valið mun því standa á milli þeirra tveggja. Hin ítalska Lucrezia Magistris á einnig möguleika á verðlaunum. Íslandsvinurinn Saraa Retulainen sem keppti á RIG 2018 þar sem Þuríður hafði betur á stigum en þær lyftu sömu þyngd er í A-hóp.
Keppnishópur Þuríðar er nokkuð jafn og má gera ráð fyrir að hún blandi sér í baráttuna um sigur í hópnum.
Evrópumeistaramótið í ólympískum lyftingum hefst mánudaginn 12.Febrúar og lýkur 20.Febrúar. Mótið er haldið í höfuðborg Búlgaríu, Sofíu. Ísland er með fjölda keppenda á mótinu þetta árið en alls eru sex keppendur sem keppa fyrir ísland, allir í kvenna flokki. Mótið er næst síðasta mót þar sem keppendur geta náð árangri fyrir Ólympíuleikana í París í sumar, en allir keppendur geta keppt í sinni álfukeppni. Álfukeppnir Afríku og Asíu fóru fram í síðustu viku, Eyjaálfa og Pan-America halda sínar keppnir 21-25.Febrúar. Síðan hafa allar þjóðir þátttöku á síðasta mótinu (IWF World Cup) sem fer fram í Taílandi 31.Mars-11.Apríl.
Erna Héðinsdóttir er partur af dómarateymi mótsins og mun starfa í 18/36 keppnishópum í kviðdómi. Eins og áður hefur komið fram hefur Erna verið valin til þátttöku í dómarateymi IWF á Ólympíuleikunum í París í ár, lesa má meira um það hér.
Þjálfarateymi Íslands skipa: Ingi Gunnar Ólafsson, Sigurður Darri Ólafsson, Unnar Helgason og Helga Hlín Hákonardóttir.
Þjóðaríþrótt Búlgaríu eru ólympískar lyftingar og hafa þeir unnið alls 37 verðlaun í lyftingum á ólympíuleikum (12 gull, 17 silfur og 8 brons) sem er ótrúlega gott fyrir þjóð sem hefur talið 7-9 milljónir á þeim árum. 201 keppandi í kvennaflokki er skráður til leiks frá 36 evrópuþjóðum, einnig keppa á mótinu 6 bandarískir kvenn keppendur sem ekki fá vegabréfsáritun til Venezuela þar sem Pan-America meistaramótið fer fram í lok Febrúar. Einn kvenn keppandi keppir fyrir flóttamanna lið sameinuðuþjóðana WRT og sjö konur keppa undir merkjum hlutleysis AIN þar sem rússneskir og hvít-rússneskir keppendir sem geta fengið að keppa.
Allar upplýsingar um mótið má fá á síðu Evrópska lyftingasambandsins (EWF) , við munum gera grein fyrir keppninni hér á heimasíðu lyftingasambandsins og samfélagsmiðlum (facebook og instagram).
Erla Ágústdóttir 19.Febrúar klukkan 12:00 á staðartíma +87kg B-hópur
Þar sem aðeins er keppt í 5 þyngdarflokkum í París telja þeir keppendur sem keppa t.d. í -64kg flokk og -71kg flokk inn í -71kg flokk á svokölluðum úrtökulista fyrir ólympíuleikana (OQR) það er 61 keppandi og í -59 flokk eru það keppendur í -55kg og -59kg eða 46 keppendur. Sjá dreyfingu keppenda á þyngdarflokka hér að neðan.
Keppt verður í fimm þyngdarflokkum á ólympíuleikunum í París: -49kg, -59kg, -71kg, -81kg og +81kg
Ýtarlegri upplýsingar um keppnishópana má finna hér að neðan:
Framkvæmdastjórn Íþrótta- og Ólympíusambands Íslands hefur samþykkt tillögur stjórnar Afrekssjóðs ÍSÍ að úthlutun Afrekssjóðs ÍSÍ fyrir árið 2024 en styrkveitingar ÍSÍ til sambandsaðila nema alls rúmlega 512 milljónum króna.
Í hlut Lyftingasambands Íslands komu 18.216.000 krónur sem er rúmlega 50% hækkun á milli ára, en árið 2023 nam styrkurinn 11.850.000, þegar lyftingasambandið færðist úr C-sambandi yfir í B-samband. Til samanburðar hlaut LSÍ árið 2022 kr. 2.750.000 úthlutun sem C-samband.
Þessa miklu aukningu undanfarinna ára má fyrst og fremst rekja til framúrskarandi árangurs íslensks lyftingafólks á alþjóðlegum vettvangi og styrkingu á innra starfi, stefnumörkun og áætlanagerð, en á síðasta ári var úthlutunarfyrirkomulagi Afrekssjóðs breytt á þann veg að aðeins eru tveir flokkar sambanda í stað þriggja áður – þ.e. afrekssérsambönd og verkefnasérsambönd og flokkast LSÍ sem afrekssérsamband. Árangur afreksfólks spilar mikilvægan þátt í flokkun í samkvæmt hinu nýja kerfi og hefur árangur lyftingafólks LSÍ á undanförnum árum á alþjóðlegum vettvangi þannig lyft öllum fjárhagslegum forsendum fyrir árangursríkri starfsemi sambandsins.
Eygló Fanndal Sturludóttir í Katar
Innifalið í úthlutun frá Afrekssjóði er beinn einstaklingsstyrkur til Eyglóar Fanndal Sturludóttir, en hún heldur ásamt fleiri keppendum á Evrópumeistaramótið í Sofiu í Búlgaríu þar sem hún mun halda áfram farsælli vegferð sinni til að komast á Ólympíuleikana í París í sumar. En hún er sem stendur í 14.sæti á úrtökulista fyrir leikana í -71kg flokki með fjórða besta árangur Evrópubúa.
Óhætt er að fullyrða að spennandi tímar eru framundan í starfi LSÍ á komandi ári og árum, en nánari grein verður gerð fyrir úthlutun Afrekssjóðs og fjárhagsáætlun LSÍ fyrir starfsárið á Lyftingaþingi sem haldið verður 16. mars næstkomandi.
Íslandsmeistaramót Unglinga 2024 (U17, U20 og U23) er haldið af Lyftingafélagi Reykjavíkur í Crossfit Reykjavík að Faxafeni 12, 108 Reykjavík þann 24. febrúar næstkomandi. Skráningarfrestur 16. febrúar.
Reykjavíkurleikarnir í ólympískum lyftingum fóru fram Sunnudaginn 28.Janúar í Laugardalshöll. Að þessu sinni var haldin liðakeppni þar sem tveir karlar og tvær konur mynda lið. Fimm lið mættu til leiks, tvö frá Íslandi, tvö frá Danmörku og loks eitt lið frá frændum okkar í Færeyjum. Við þökkum nágrannaþjóðum okkar fyrir þátttökuna.
Heildarúrslit má sjá í afreksgagnagrunni sambandsins með því að ýta HÉR
Stighæsti karl keppandinn var daninn Jacob Panayotis sem snaraði 150kg og jafnhenti 190kg í -109kg flokki sem var nýtt danskt met í jafnhendingu og samanlögðum árangri 340kg.
Jacob Panayotis á palli eftir mótið
Stigahæsta konan var Amalie Lövind sem snaraði 82kg og jafnhenti 102kg í -59kg flokknum.
Keppendur kynntir til leiks
Stigakeppnin virkar þannig að Sinclair árangur keppenda gefur þeim stig, stigahæsti keppandinn fær 10 stig og svo koll af kolli, síðan er lagður saman árangur karla og kvenna og það lið sem fær flest samanlögð stig sigrar.
Reglur
Stig
KK
KVK
1.sæti
10
Denmark Team 2
Denmark Team 2
2.sæti
9
Denmark Team 1
Denmark Team 1
3.sæti
8
Iceland Team 1
Faroe Islands
4.sæti
7
Iceland Team 2
Denmark Team 2
5.sæti
6
Iceland Team 1
Denmark Team 1
6.sæti
5
Denmark Team 1
Iceland Team 1
7.sæti
4
Iceland Team 2
Iceland Team 2
8.sæti
3
Denmark Team 2
Iceland Team 1
9.sæti
2
Faroe Islands
Iceland Team 2
10.sæti
1
Faroe Islands
Faroe Islands
Danmörk gerði sér lítið fyrir og raðaði sér í efstu tvö sætin og aðeins 1 stig sem skildi af liðin. Ísland kom þar á eftir og Færeyjar ráku lestina en mikið uppbyggingarstarf hefur átt sér stað í Færeyjum síðustu ár.
Lið
KVK
KK
Samtals stig
Sæti
Denmark Team 2
13
17
30
1
Denmark Team 1
14
15
29
2
Iceland Team 1
14
8
22
3
Iceland Team 2
11
6
17
4
Faroe Islands
3
9
12
5
Thelma Mist Oddsdóttir situr undir 63kg í snörunAmalie Lövind með 99kg í jafnhendingu Keppendur að loknu móti
Lyftingasamband Íslands 