Ný stjórn kosinn á 43. Lyftingaþingi LSÍ

Birt þann mars 17, 2017 af asgeirbj

Svara

Ný stjórn var kosinn á 43.Lyftingaþingi LSÍ sem haldið var síðasta laugardag (11.Mars).

Út úr stjórn fór Árni Björn Kristjánsson sem hlaut silfurmerki ÍSÍ að launum á þinginu fyrir starfs sitt í þágu LSÍ. Hildur Grétarsdóttir sem hefur verið gjaldkeri sambandsins síðustu 2 ár fór einnig úr stjórn ásamt þremur varamönnum: Lárus Pál Pálssyni, Vilhelm Patrick Bernhöft og Jakob Daníel Magnússyni. Öllum er þeim þakkað góð störf.

Nýja stjórnin er skipuð eftirfarandi:

Formaður: Ásgeir Bjarnason
Varaformaður: Ingi Gunnar Ólafsson
Ritari: Stefán Ragnar Jónsson
Gjaldkeri: Katrín Erla Bergsveinsdóttir
Meðstjórnandi: Erna Björk Kristinsdóttir

Varastjórn:
Grétar Skúli Gunnarsson
María Rún Þorsteinsdóttir
Rúnar Kristmansson
Jakobína Jónsdóttir

—

Sjá þinggerð 43.Lyftingaþings hér

Ársskýrslu LSÍ má nálgast hér

Ný lög sambandsins má nálgast hér

Ný samþykktar mótareglur sambandsins má nálgast hér

Ný samþykkt reglugerð um Liðabikar LSÍ má nálgast hér

Ný samþykkt reglugerð um Íslandsmeistaratitil liða má nálgast hér

Hjördís Ósk ráðin framkvæmdastjóri/starfsmaður sambandsins.

Birt þann mars 5, 2017 af asgeirbj

Svara

Hjördís Ósk Óskarsdóttir var þann 1. Febrúar ráðin starfsmaður sambandsins til 31. Mars 2018. Stjórn LSÍ býður hana velkomna til starfa.

View this post on Instagram

A post shared by Lyftingasamband íslands (@icelandic_weightlifting)

Lyftingaþing 2017 (11.mars)

Birt þann mars 4, 2017 af asgeirbj

Svara

Lyftingaþing 2017 fer fram næsta laugardag 11.mars þar sem fram fer kjör til stjórnar LSÍ og lagðar eru fram lagabreytingar, ársreikningar sambandsins, afreksstefna (2017-2020) og annað sem viðkemur starfi LSÍ.

Við munum hefja þingið stundvíslega 13:30 þ.e. 30mín seinna en áður hafði verið auglýst.

Þingið verður haldið í höfuðstöðvum ÍSÍ, Engjavegi 6.

Mótareglur LSÍ (þrýstið hér) verða lagðar fyrir þingið til kostninga og hvetjum við alla lyftingamenn að kynna sér innihald þeirra og koma með athugasemdir í tíma fyrir þingið.

Eftirfarandi lagabreytingar (https://lsi.is/wp-content/uploads/2015/03/log_lsi_2015.pdf) liggja fyrir og verður kosið um þær á þinginu:

8.grein Liður 13
Núverandi grein
Kosinn formaður dómaranefndar
Breytingar tillaga
Kosinn formaður tækninefndar

18.grein
Núverandi grein
Stjórn og varamenn hafa atkvæðisrétt um val á lyftingakonu og karli ársins, valið skal ávallt miðast við tímabilið 1. Desember til 30. Nóvember. Ef óskað er eftir því getur kosning verið nafnlaus. Val á lyftingakonu og karli ársins skal miðast við árangur íþróttamannsins á liðnu ári og er þá sérstaklega horft til Sinclair stigatölu sem og árangur á alþjóðlegum mótum. Lyftingakarl eða kona ársins skulu ekki hafa orðið uppvís af lyfjamisferli.
Breytingar tillaga
Stjórn og varamenn hafa atkvæðisrétt um val á lyftingakonu og karli ársins, valið skal ávallt miðast við tímabilið 1. Desember til 30. Nóvember. Ef óskað er eftir því getur kosning verið nafnlaus. Val á lyftingakonu og karli ársins skal miðast við árangur íþróttamannsins á liðnu ári og er þá sérstaklega horft til Sinclair stigatölu sem og árangur á alþjóðlegum mótum.Íþróttamenn koma ekki til greina í vali á lyftingakonu og karli ársins á meðan þeir taka út refsingu og í eitt ár eftir að refsingu lýkur vegna brota á lyfjalögum ÍSÍ, IWF og/eða WADA.

19.grein (ný grein)
Formaður tækninefndar er kosinn ár hvert á lyftingaþingi. Formaður tækninefndar þarf að hafa lokið tækniprófi/dómaraprófi IWF í ólympískum lyftingum (e. IWF Technical Officials Examination). Hann/hún útnefnir 4 einstaklinga með sér í tækninefnd sem lokið hafa tækniprófi/dómaraprófi.

Smáþjóðleikar í ólympískum lyftingum

Birt þann mars 3, 2017 af asgeirbj

Svara

ATH Breyting 17.3.2017
Sólveig Sigurðardóttir fer í stað Jakobínu Jónsdóttur sem þurfti að afbóka sig

Lið Íslands á smáþjóðleikana í ólympískum lyftingum hefur verið valið, en keppnin er liðakeppni milli smáþjóða evrópu sem fram fer í San Marino í ár 21-22.Apríl.

Þrír karlar og tvær konur skipa lið Íslands og fór valið fram þannig að árangur keppenda á árinu 2016 og RIG 2017 gilti með Sinclair stigatölunni sem þá var í gildi. Nýr Sinclair (2017-2020) tók gildi eftir Íslandsmeistaramótið. Sjá listana sem notaðir voru við valið hér að neðan.

Lið Íslands 2017:

Karlar:
Björgvin Karl Guðmundsson – Hengill
Einar Ingi Jónsson – LFR
Guðmundur Högni Hilmarsson – LFR

Konur:
Björk Óðinsdóttir – KFA
Sólveig Sigurðardóttir – LFR

KK Listi:

#	Nafn	Félag	Þyngd	Total	Sinclair

1	Andri Gunnarsson	LFG	127,90	343,00	354,56
2	Björgvin Karl Guðmundsson	Hengill	84,65	285,00	341,28
3	Einar Ingi Jónsson	Iceland	68,77	253,00	341,07
4	Guðmundur Högni Hilmarsson	Iceland	89,65	288,00	335,52
5	Bjarmi Hreinsson	Iceland	94,00	285,00	325,13
6	Emil Ragnar Ægisson	UMFN	76,10	255,00	323,27
7	Daníel Róbertsson	Ármann	79,25	254,00	314,79
8	Ingólfur Þór Ævarsson	KFA	108,45	289,00	312,39
9	Jakob Daníel Magnússon	LFH	87,20	262,00	309
10	Davíð Björnsson	Ármann	79,50	248,00	306,83

KVK Listi

#	Nafn	Félag	Þyngd	Total	Sinclair
1	Þuríður Erla Helgadóttir	Ármann	57,70	184,00	260,03
2	Ragnheiður Sara Sigmundsdóttir	UMFN	68,90	201,00	252,44
3	Björk Óðinsdóttir	Iceland	62,40	183,00	244,75
4	Anna Hulda Ólafsdóttir	Iceland	62,07	177,00	237,57
5	Hjördís Ósk Óskarsdóttir	Iceland	62,58	176,00	234,9
6	Jakobína Jónsdóttir	Iceland	56,62	163,00	233,60
7	Sólveig Sigurðardóttir	LFR	62,80	175,00	233,05
8	Aníta Líf Aradóttir	LFR	67,95	180,00	227,96
9	Freyja Mist Ólafsdóttir	LFR	77,80	194,00	227,94
10	Birna Blöndal Sveinsdóttir	KFA	52,55	146,00	221,74

Lágmörk á mót erlendis 2017-2018

Birt þann mars 2, 2017 af asgeirbj

Svara

LSÍ hefur gefið frá sér lágmörk á mót erlendis fyrir árin 2017 til 2018. Lágmörk eru gefin út til næstu tveggja ára sem auðveldar íþróttamönnum undirbúning.

Lágmörk Fullorðinsflokkar

Lágmörk Unglingaflokkar

Helstu breytingar frá fyrri árum eru eftirfarandi:

B-lágmark þýðir að íþróttamaður þarf að greiða flugfargjaldið sitt sjálfur en ekki 50% af kostnaði við heildar ferð og teljum við það til hagsbóta fyrir íþróttamanninn.

Á árinu 2017 verður ekki greitt A-lágmark á NM unglinga, það verður hinsvegar gert á árinu 2018. Ástæða þess er tvíþætt; 1) lyftingasambandið hefur nú ráðið starfsmann í hlutastarf og fylgir því ákveðinn kostnaður og 2) að Ísland heldur NM fullorðinna 2018 og því verður meira fjármagn til staðar til að standa undir kostnaði við ferðir unglingalandsliðsins.