Anna Hulda Ólafsdóttir, Björk Óðinsdóttir og Þuríður Erla Helgadóttir voru að ljúka keppni.
Anna Hulda er Norðulandameistari í 58kg flokki. Einnig sex bætti hún íslandsmetið í sínum flokki.
Björk hafnaði í þriðja sæti og er fyrsta íslenska konan sem tekur yfir 100kg í c&j, en hún tók 102kg. Hún þrí bætti íslandsmetið í sínum flokki.
Þuríður Erla hafnaði í fjórða sæti eftir mjög harða keppni
LSÍ óskar stelpunum til hamingju
http://youtu.be/DRselUxeHsk hér getið þið horft á mótið í dag. Hørð barátta verður í kvennaflokkunum, en allar íslensku stelpurnar munu berjast um verðlaunasæti.
Gísli mun keppa í -105kg flokknum, en þar verður ansi hørð keppni. Bjørgvin Karl keppir í 85kg flokki og er sama um að vera þar, hørð barátta. Keppnin hefst klukkan 8.00 á íslenskum tíma
Norðurlandamótið í Ólympískum lyftingum fer fram í Vigrestad í Noregi á Laugardaginn. Sjö keppendur frá Íslandi verða í eldlínunni.
Í kvennaflokki mun Anna Hulda Ólafsdóttir keppa í 58kg flokki, Þuríður Erla Helgadóttir og Björk Óðinsdóttir í 63kg flokki og Katrín Tanja Davíðsdóttir og Ragnheiður Sara Sigmundsdóttir í 69kg flokki. Allar kepptu þær nýlega á Evrópumeistaramótinu í crossfit og stóðu sig með príði m.a. var Björk í öðru sæti og tryggði sig með þeim árangri inn á heimsleikana í Crossfit.
Í karlaflokki keppir Björgvin Karl Guðmundsson í fjölmennum 85kg flokki þar sem m.a. einn besti lyftingamaður norðurlandanna finninn Milko Tokola er mættur til leiks. Björgvin Karl náði líkt og Björk að tryggja sér þáttökurétt á heimsleikunum í Crossfit þegar hann varð þriðji á Evrópumeistaramótinu. Loks mun Gísli Kristjánsson keppa í +105kg flokki.
Landsliðsþjálfarinn Árni Björn Kristjánsson fylgir liðinu og honum til aðstoðar er Elísabet Sóley Stefánsdóttir gjaldkeri sambandsins. Lárus Páll Pálsson formaður LSÍ og alþjóðadómari mun svo dæma á mótinu fyrir Íslands hönd og sitja þing norðurlandasambandsins.
Dagskrá mótsins er eftirfarandi:
8:00-9:00 Vigtun
10:00-18:00 Keppni, keppt er í 5 hópum
Hópur 1 KVK 53kg, 58kg og 63kg
Hópur 2 KK 69kg og 77kg
Hópur 3 KK 85kg
Hópur 4 KVK 69kg, 75kg og +75kg
Hópur 5 KK 94kg, 105kg og +105kg
Merki Norðurlandasambandsins í lyftingum
Hópur 1
53 SW 04.11.78 1 Berntsson Lena SWE
53 JW 20.03.94 2 Øvsthus Sarah Hovden NOR
53 SW 28.04.85 3 Ejstrup Christina Trier DEN
58 SW 17.12.92 4 Trædal Sandra NOR
58 SW 11.08.89 5 Utoslahti Pauliina FIN
58 SW 18.07.88 6 Carlsen Camilla NOR
58 SW 16.01.85 7 Ólafsdóttir Anna Hulda ISL
63 SW 11.05.92 8 Årdalsbakke Marit NOR
63 SW 30.07.91 9 Helgadóttir Þuríður Erla ISL
63 SW 08.03.88 10 Óðinsdóttir Björk ISL
63 SW 15.04.89 11 Roos Angelica SWE
63 SW 28.04.87 12 Everi Anna FIN
63 W1 06.03.79 13 Krarup Sarah Troelsen DEN
63 SW 14.11.85 14 Hasfjord Marianne NOR
Hópur 2
69 JM 02.09.94 21 Øverås Jantsen NOR
69 SM 07.11.92 22 Mukkala Matias FIN
69 SM 29.04.92 23 Hilmersson Anton SWE
77 SM 11.02.91 24 Johnsson Erik SWE
77 SM 03.08.91 25 Seipãjãrvi Juho FIN
77 SM 16.09.90 26 Kring Tim DEN
77 M1 15.06.78 27 Matnisdal Ronny NOR
77 SM 01.07.90 28 Tokola Miika FIN
Hópur 3
85 SM 22.05.88 31 Amdal Jarleif NOR
85 JM 16.03.95 32 Gjøringbø Tore NOR
85 SM 10.10.92 33 Tokola Milko FIN
85 SM 24.09.92 34 Guðmundsson Björgvin Karl ISL
85 SM 10.11.81 35 Rothwall Martin SWE
85 SM 24.02.91 36 Gregersen Chris Geji DEN
85 SM 26.06.93 37 Darville Simon DEN
Hópur 4
69 JW 15.11.95 41 Dagsland Linn Therese NOR
69 SW 09.09.91 42 Hansson Carita SWE
69 SW 12.09.92 43 Sigmundsdóttir Ragnheiður Sara ISL
69 SW 10.05.93 44 Davíðsdóttir Katrín Tanja ISL
75 SW 04.06.84 45 Brynjulfsen Ingvild NOR
75 SW 10.09.76 46 Berntsson Annika SWE
75 SW 22.03.87 47 Roa Carolina NOR
+75 YW 14.12.97 48 Llano Beatrice NOR
Hópur 5
94 SM 16.10.88 51 Hannesbo Morten DEN
94 SM 09.05.92 52 Farmen Sebastian NOR
94 SM 21.11.92 53 Rørstadbotnen Sindre NOR
94 SM 18.07.89 54 Hildebrandt Max DEN
105 SM 07.09.88 55 Grostad Håvard NOR
105 SM 15.09.88 56 Ågren Stefan SWE
105 SM 27.04.93 57 Helleren Kristian NOR
105 SM 28.11.88 58 Andersen Mikkel DEN
105 SM 24.04.88 59 Nørgaard Jeppe DEN
+105 SM 24.12.89 60 Tollefsen Kim Eirik NOR
+105 M4 28.08.64 61 Kristjánsson Gísli ISL
+105 SM 08.07.90 62 Varlid Vebjørn NOR
Í gær þann 22.5.2014 skrifaði LSÍ undir lánssaming á lyftingarsettum til tveggja lyftingafélaga, settin sem lánuð eru út eru annars vegar gjöf frá Evrópska lyftingasambandinu EWF og hins vegar gjöf frá alþjóðalyftingasambandinu IWF.
LSÍ þurfti aðeins að greiða tolla og aðflutningsgjöld.
Lyftingafélag Reykjavíkur fékk splunkunýtt Eleiko training sett; 190kg af lóðum, eina karla og eina kvenna stöng. Evrópska lyftingasambandið EWF gaf eitt sett til allra sambandsríkja nú í mars og er þetta settið sem Ísland fékk að gjöf. Lyftingafélag Reykjavíkur er stærsta lyftingafélag landsins og hefur verið mjög virkt í keppnishaldi.
Vilhelm Patrick Bernhöft og Hrönn Svansdóttir tóku við settinu fyrir hönd LFR. Ásgeir Bjarnason, Lárus Páll Pálsson og Árni Björn Kristjánsson afhentu settið fyrir hönd LSÍ
Því næst var ferðinni heitið inn í LFG í Garðabæ, þar fékk LFG afhent Zhang Kong keppnissett sem alþjóðalyftingasambandið styrkti LSÍ með í gegnum útbreiðslustyrk 2013; 2x190kg af lóðum, eina karla stöng og eina kvenna stöng. Lyftingafélag Garðabæjar hefur verið í örum vexti á fyrsta starfsárinu, þeir hafa einnig tekið virkan þátt í mótahaldi LSÍ.
Árni Björn Kristjánsson og Lárus Páll Pálsson eftir afhendingu á settunum.
Lyftingasamband Íslands þakkar EWF og IWF stuðninginn og vonar að sambandið muni í framtíðinni geta stutt við bakið á lyftingafélögum landsins með slíkum lánssamningum.
Í lok vetrar gekk lyftingasambandið til samninga við Klaus Jensen um þróun á afrekaskráningarkerfi. Síðstu mánuði hefur undirritaður sett inn yfir 4000 árangra allt frá árinu 1963 til dagsins í dag.
Misvel hefur verið staðið að skráningu árangra í gegnum tíðina en stuðst hefur verið við heimildir frá Ársskýrslum LSÍ sem og gömlum blaða/fréttatilkynningum. Allar ábendingar um mót sem vantar inn / rangar innfærslur / fæðingarár iðkennda osfr. skulu sendast á skraningar@lsi.is .
Í heildina hefur verið skráð 141 mót sem haldin hafa verið innanlands og 99 mót sem íslenskir keppendur hafa keppt á erlendis og sjá má skiptinguna á grafinu hér að neðan.
Mót í lyftingum í afreksgagnagrunni LSÍ 14.5.2014
Síðan er að mestu leiti á ensku en það ætti ekki að koma að sök, eftirfarandi valmyndir eru mögulegar:
Meets (þýð: Mót)
– Hér er hægt að velja þau mót þar sem árangur hefur verið skráður, við getum sett inn myndir frá fyrri mótum og má endilega senda þær á skraningar@lsi.is
Lifters (þýð: Lyftingamenn/konur)
– Hér er hægt að velja eftir stafrófsröð þá lyftingamenn og konur sem skráð eru í gagnagruninn, ef það vantar fæðingarár þá má endilega koma því til skila á skraningar@lsi.is. Hægt er að sjá öll mót sem viðkomandi keppandi hefur keppt á.
Clubs (þýð: Klúbbar/Félög)
– Listi yfir lyftingaklúbba/félög, þessi listi uppfærist sjálfvirkt frá árinu 2014. Ef þú vilt láta skrá þig í einhvern sérstakan klúbb eða þú vilt að klúbburinn þinn birtist þá sendir þú tölvupóst á skraningar@lsi.is
Rankings (þýð: Röðun)
– Hér er keppendum raðað upp samkvæmt sinclair tölu fyrir hvert ár. Þessi listi er m.a. hafður til hliðsjónar við val á lyftingamanni/konu ársins.
Records (þýð: Met)
– Hér er haldið utan um öll met sem skilgreind eru af IWF, þ.e. karla og kvenna (e. Senior), ungmenna (13-17 ára) og unglinga (15-20 ára). Einnig verður nú haldið yfir met í öllum öldungaflokkum karla og kvenna. Metin eru reiknuð sjálfkrafa frá þeim mótum sem eru í gagnagrunninum og því mikilvægt að öll mót séu skráð svo metin séu rétt.
Einnig er hægt að sjá met fyrir aldursbilið 1928-1972, 1972-1976 , 1977-1992, 1993-1997 og loks 1998-.
Að lokum vill Lyftingasambandið þakka þeim styrktaraðilum sem styrktu gerð síðunnar, ennþá er pláss fyrir einn aðila að auglýsa á síðunni.
Hægt er að fara á síðuna á http://results.lsi.is
Búið er að velja landsliðshóp Íslands í ólympískum lyftingum sem keppir á norðurlandameistaramótinu sem fram fer í Vigrestad í Noregi dagana 30.Maí til 1.Júní.
Hópinn skipa eftirfarandi:
Konur:
-58kg Anna Hulda Ólafsdóttir LFR (1985)
-63kg Björk Óðinsdóttir KFA (1988)
-63kg Þuríður Erla Helgadóttir Ármann (1991)
-69kg Katrín Tanja Davíðsdóttir Ármann (1993)
-69kg Ragheiður Sara Sigmundsdóttir UMFN (1992)
Hópurinn ásamt öðrum keppendum á RIG 2014
Karlar:
-85kg Björgvin Karl Guðmundsson LFR (1992)
+105kg Gísli Kristjánsson LFR (1964)
Björgvin nýbakaður íslandsmeistarai í 85kg flokki karla (120+145) (ljósm. Óskar Einarsson/CFR)
Gísli Kristjánsson hefur staðið í ströngu síðustu vikurnar, varð stigahæstur á íslandsmótinu (ljósmynd: Óskar Einarsson/CFR)
Þjálfari: Árni Björn Kristjánsson
Aðstoðarmaður: Elísabet Sóley Stefánsdóttir
Formaður og alþjóðadómari: Lárus Páll Pálsson
Eins og við greindum frá í gær hér á síðu LSÍ, tók Ísland þátt í Smáþjóðaleikunum í San Marino í dag. Strákarnir stóðu sig vel og háðu mikla baráttu við Kýpur. Strákarnir enduðu í öðru sæti með 948,54 sinclair stig á eftir Kýpur sem voru með 989,37. Bronsið fékk svo Malta með 813,95 stig.
Andri kom sá og sigraði og bætti sitt persónulega met, auk þess að sigra gamla refinn okkar Gísla Kristjánsson. Andri tók 143kg í snörun og 170kg í jafnhendingu. Gísli átti ekki góðan dag, en hann tók 150/170 á Íslandsmeistaramótinu síðustu helgi og er líklegt að þreyta hafi haft þau áhrif að hann sýndi ekki sitt besta, en skilaði samt sínu, snaraði 140kg og tók 160kg í jafnhendingu.
Sigurður Bjarki setti Íslandsmet í sínum flokki í snörun þegar hann snaraði 120kg, hann tók svo 145kg í jafnhendingu sem var nýtt íslandsmet í samanlögðum árangri 265kg í 94kg flokki karla.
Árni átti gott mót og bætti sinn eigin árangur síðan á Íslandsmeistaramótinu síðustu helgi um 10 kg. Árni tók 116kg í snörun og 144kg í jafnhendingu.
Andri Gunnarsson náði þeim frábæra árangri að ná þriðja sætinu í heildarkeppninni og Gísli því fimmta.
Bikar Andra fyrir þriðja sætið
Lyftingasamband Íslands óskar strákunum til hamingju með góðan árangur, gullið verður bara tekið að ári 😉
Í dag laugardag 26. apríl, klukkan 15:45-17:25 verður sýnt frá Íslandsmeistaramótinu í Ólympískum lyftingum sem haldið var fyrir viku síðan, eða laugardaginn 19. apríl.
Það eru gleðitíðindi að fjölmiðlar séu farnir að fjalla um og sýna frá lyftingum aftur. Enda margir sem sakna þess tíma þegar fjölskyldan settist fyrir framan sjónvarpið og horfði á lyftingar. Það er því kjörið tækifæri í dag.
Við þökkum LFR, Sportlíf, FiskSpa, ERGO, Múrlínunni, Hámark, Sportvörum og Velmerkt fyrir að styrkja mótið og gera okkur kleift að greiða fyrir upptöku Sport TV í keppninni. Við þökkum svo RÚV fyrir að sýna Íslandsmeistaramótið og vekja þannig athygli á þessari ör vaxandi íþrótt.
Hægt er að sjá uptökuna af íslandsmótinu í sarpinum hjá RÚV: http://ruv.is/sarpurinn/islandsmotid-i-olympiskum-lyftingu/26042014-0
Lyftingasamband Íslands er þessa daganna að setja upp afreksstefnu. Samhliða því hefur Árni Björn Kristjánsson tekið að sér landsliðsþjálfarastöðu að minnsta kosti út árið 2014.
Landsliðsþjálfari
Árni Björn hefur bæði þjálfað og keppt í Ólympískum lyftingum, meðal annars keppti hann á Norðulandameistaramótinu í fyrra. Árni Björn hefur íþrótta og þjálfarabakgrunn. Hann bæði æfði og þjálfaði í tennis. Fór svo að æfa CrossFit 2009 og Ólympískar lyftingar 2011. Hann er yfirþjálfari hjá Lyftingafélagi Garðabæjar og þjálfar einnig hjá crossfit XY. Árni Björn hefur einstaklega mikinn áhuga á framtíð lyftinga á Íslandi og tekur þetta verkefni að sér af heilum hug.
Árni Björn Kristjánsson ásamt unnustu sinni Guðrúnu Ósk Maríasdóttir
Æfingabúðir LSÍ
Á dögunum bauð LSÍ uppá æfingabúðir. Þær voru haldnar í húsakynnum Sporthús Reykjanesbæjar. Dagurinn heppnaðist frábærlega og var mætingin góð. Boðið var uppá tvær æfingar, fyrir og eftir hádegismat. Eftir hádegismat var fræðslufundur áður en haldið var í næstu æfingu. Þar sem þetta heppnaðist vel er fyrirhugað að halda fleiri svona æfingabúðir á árinu.
Landsliðshópur á fyrri æfingu ásamt stjórnarmeðlimum LSÍ
(Vantar Andra Gunnarsson og Guðmund Högni á myndina)
Smáþjóðaleikar í Ólympískum Lyftingum í San Marínó
Í gær fóru fjórir karlmenn úr landsliðshópnum til San Marínó að keppa á Smáþjóðaleikunum í Ólympískum Lyftingum. Þetta eru þeir Gísli Kristjánsson, Sigurður Bjarki Einarsson, Andri Gunnarsson og Árni Björn Kristjánsson. Árni er einnig þjálfari og farastjóri í hópnum. Mótið er liðakeppni fyrir smáþjóðir og telja efstu þrír til stiga. Þetta eru öflugir lyftingamenn og verður spennandi að sjá hvort þeir standi við orð sín og komi með gullið heim.
Þeir munu allir keppa á morgun laugardag klukka 11.00 að staðartíma eða 9.00 á Íslenskum tíma. Ekki er vitað til þess að sýnt verði beint frá mótinu, en ef svo verður munum við láta vita á Facebook síðu okkar.
„Þröngt mega sáttir sitja“ Gísli, Andri og Árni.
Siggi Bjarki og Gísli Kristjáns komnir til San Marino í gærkveldi
Úrslitin má sjá hér í eftirfarandi skjölum:
Sjá umfjöllun mbl um mótið:
http://www.mbl.is/sport/frettir/2014/04/19/gisli_islandsmeistari_i_enn_eitt_skiptid/
http://www.mbl.is/sport/frettir/2014/04/19/bjork_islandsmeistari_og_setti_met_2/
Íslandsmeistaramótið í ólympískum lyftingum fór fram þann 19.Apríl í húsakynnum LFR hægt er að sjá fjölda mynda á facebooksíðu LFR: https://www.facebook.com/media/set/?set=a.233182370204104.1073741833.194522374070104&type=1
Helstu afrek og úrslit mótsins voru eftirfarandi (uppfært 25.4.2014):
Konur:
Nokkuð óvænt samkeppni varð til í 53kg flokki kvenna þar sem þrír keppendur mættu til leiks, eflaust hefur það freistað að engin íslandsmet voru skráð í þessum flokk.
Hafdís Huld Sigurðardóttir (Ármanni) byrjaði á því að taka standardinn með því að lyfta 35kg í snörun hún lyfti síðan 51kg í jafnhendingu. Íris Dröfn Johansen (UMFN) tók að því loknu metið með því að lyfta 36 og 38kg sem eru jafnframt með í M35 flokki, hún lyfti síðan 49kg í jafnhendingu. En það var Hrefna H. Guðlaugardóttir (LFR) sem stal senunni í 53kg flokki kvenna með því að fara með allar lyftur í gegn og lyfti 46kg í snörun og 58kg í jafnhendingu og standa metin þar eftir þetta mót.
Oddrún Eik Gylfadóttir (Ármann) mætti frá Danmörku og var eini keppandinn í 58kg flokki, hún fór með allar lyftur í gegn og bætti sinn persónulega árangur 58/77.
Í 63kg flokki kvenna var búist við mikilli spennu en þar mættust aftur Björk Óðinsdóttir (KFA), Þuríður Erla Helgadóttir (Ármann) og Anna Hulda Ólafsdóttir (LFR) sem eru stigahæstu lyftingakonur landsins það sem af er ársins.
Þær opnuðu allar á 70kg, Björk missti þá þyngd en Þuríður og Anna tóku hana nokkuð létt. Björk fór þá í 71kg og tók þá lyftu en Þríður fór í 73kg sem var persónuleg bæting á móti og Anna Hulda fór einnig í 73kg en missti hana naumlega aftur fyrir sig.
Þuríður var því með forustuna þegar í þriðju lyftuna var komið, Björk fór þá í 75kg sem hún lyfti glæsilega og setti mikla pressu á Önnu og Þuríði. Anna fór einnig í 75kg sem hún stóð upp með en fékk dæmda ógilda fyrir að pressa út hægri olnboga í botnstöðu, Þuríður reyndi síðan við nýtt íslandsmet 76kg en lyfti því ekki. Í jafnhendingu byrjaði Björk á því að setja nýtt íslandsmet í samanlögðum árangri þegar hún lyfti 93kg í fyrstu tilraun, Anna Hulda lyfti í sinni 3. tilraun nýju íslandsmeti 95kg en Björk tók það af henni með því að lyfta 96kg. Björk reyndi síðan við 100kg í jafnhendingu og fór með þau upp fyrir haus en fékk lyftuna dæmda ógilda af dómurum.
Í 69kg flokki vann Erna Héðinsdóttir (Ármann) með bætingum í öllum greinum og setti um leið íslandsmet í kvennaflokki M35, tvær ungar stúlkur Freyja Mist Ólafsdóttir og Herdís Birta Bragadóttir úr LFR voru í öðru og þriðja sæti.
Ragnheiður Sara Sigmundsdóttir (UMFN) þyngdi sig upp í 75kg flokk og freistaðist þar til að taka met Lilju Lindar sem hún gerði. Hún lyfti mest 74kg í snörun og 94kg í jafnhendingu og bætti metið í samanlögðum árangri um 15kg.
Auður Ása Maríasdóttir (LFG) féll úr leik þar sem hún náði ekki gildri lyftu í snörun.
Í +75kg flokki kepptu Lilja Lind Helgadóttir (LFG) sem snaraði 75kg og jafnhenti 90kg og varð sigurvegari, Elísabet Sóley Stefánsdóttir (LFR) lyfti 40kg í snörun og 58kg í jafnhendingu og varð önnur.
Karlar:
Í 69kg flokki var einn keppandi Stefán Ernir Rossen (KFA), hann lyfti mest 80kg í snörun og 98kg í jafnhendingu, hann átti góðar tilraunir við ný met í unglingaflokki en hafði þær ekki í gegn.
Í 77kg flokki voru tveir keppendur, Davíð Björnsson (Ármann) endaði sem sigurvegari eftir að hafa lyft 90kg í snörun og 113kg í jafnhendingu. Snorri Björnsson (LFR) varð annar með 85kg í snörun og 110kg í jafnhendingu.
Björgvin Karl Guðmundsson átti frábært mót, hann varð íslandsmeistari í 85kg flokki karla og setti tvö met í snörun þegar hann lyfti 115kg og 120kg.
Hann bætti síðan met Sigurðs Bjarka Einarssonar í jafnhendingu og samanlögðu með því að fara með seríuna 135-141-145 í gegn en 141kg og 145kg voru ný íslandsmet í jafnhendingu. Hann varð jafnframt annar stigahæsti karl mótssins.
Daníel Róbertsson (Ármann) varð annar og lyfti 245kg í samanlögðu. Nokkuð hörð barátta var um þriðja sætið í flokknum en þrír piltar voru slógust um það, Hinrik Ingi Óskarsson (LFR) setti tvö met í snörun í piltaflokki 97kg og loks 101kg, hann lyfti síðan 123kg í jafnhendingu sem dugði honum í fjórða sætið í keppninni.
Guðmundur Högni Hilmarsson (Ármann) lyfti 99kg í snörun og var það piltamet sem Hinrik Ingi tók fljótlega af honum, hann lyfti hinsvegar tveimur piltametum í jafnhendingu 123kg og 128kg sem gaf honum jafnframt metið í samanlögðum árangri.
Fimmti maður í 85kg flokki karla var Högni Hjálmtýr Kristjánsson sem lyfti 97kg í snörun og 123kg í jafnhendingu og var því einnig stutt frá því að setja met, hann missti opnunarþyngdirnar sínar bæði í snörun og jafnhendingu og gæti það hafa spilað inn í.
Í 94kg flokki var það reynsluboltinn Sigurður Bjarki Einarsson (FH) sem sigraði með 117kg í snörun og nýtt íslandsmet í jafnhendingu 147kg, í öðru sæti varð Erlendur Helgi Jóhannesson (KFA) sem keppti á sínu fyrsta móti síðan 2010 og lyfti 113kg í snörun og 141kg í jafnhendingu. Bjarmi Hreinsson (LFR) varð þriðji þar sem hann lyfti 110kg í snörun og 130kg í jafnhendingu, hann átti nokkuð góða tilraun við 140kg en lyftan var dæmd af dómurum. Vignir Valgeirsson (LFG) varð fjórði og Árni Freyr Bjarnason (Ármann) fékk ekki gilda lyftu í gegn þrátt fyrir góðar tilraunir.
Íslandsmeistari í 105kg flokki karla varð Árni Björn Kristjánsson (LFG) sem lyfti 110kg í snörun og 140kg í jafnhendingu.
Í +105kg flokki sigraði Gísli Kristjánsson (LFR) með því að lyfta 150kg í snörun og 165kg í jafnhendingu, hann varð jafnframt stigahæsti einstaklingur mótssins. Bjarki Garðarsson (KFA) keppti á sínu fyrsta móti, hann lyfti opnunarþyngdinni sinni 120kg nokkuð létt í þriðju tilraun. Hann jafnhenti síðan 150kg og verður forvitnilegt að fylgjast með honum í framtíðinni.
Lyftingasamband Íslands 