Björk Óðinsdóttir sýndi mikla keppnishörku í fjölmennri B-grúppu í -63kg flokk kvenna sem var að ljúka. Hún setti íslandsmet í snörun þegar hún snaraði 85kg í annari tilraun og tvíbætti síðan metið í jafnhendingu þegar hún lyfti 106kg í fyrstu tilraun og 109kg í annari, Björk reyndi síðan við 112kg í þriðju tilraun og sat undir þeirri þyngd en það hefði verið þyngsta jafnhending íslenskrar konu frá upphafi. Hún endaði í 7.sæti af 12 keppendum en hún var með lægsta „entry total“ inn í mótið og er árangurinn því stórgóður.

Þuríður Erla Helgadóttir náði frábærum árangri í -58kg flokki á heimsmeistaramótinu í lyftinum en hún lauk keppni fyrr í kvöld. Þuríður fór með allar lyftur í gegn og lyfti seríunni 79kg-83kg-86kg í snörun og í jafnhendingu 97kg-103kg-108kg og bætti bæði metið í snörun um 5kg og jafnhendingu um 4kg en hún átti bæði metin.

Árangurinn dugði Þurí í 2.sætið í B-grúppunni af 7 keppendum sem náðu vigtun og eiga 11 keppendur eftir að hefja keppni í A-grúppu svo Þuríður er örugg í 13.sæti. Nokkrar hrókeringar voru í þyngdarflokknum en upphaflega voru 24 keppendur skráðir í -58kg flokkinn og minnst einn keppandi náði ekki vigt í B-gŕuppuna í dag.

Sjá umfjöllun MBL: http://www.mbl.is/sport/frettir/2017/11/29/thuridur_for_mikinn_i_kaliforniu/

Sjá má hennar bestu lyftur hér að neðan.

https://www.instagram.com/p/BcGMMsjgAQB/?hl=en&taken-by=crossfitgames

Þuríður Erla Helgadóttir keppir fyrst íslensku keppendana í dag en hægt er að nálgast upplýsingar um keppnina hér: http://www.iwf.net/wp-content/uploads/downloads/2017/11/StartBook_Anaheim.pdf

LIVE STREAM: https://www.teamusa.org/usa-weightlifting/live

Við munum birta úrslit eins fljótt og auðið er í gagnagrunni sambandsins: http://results.lsi.is/meet/heimsmeistaramot-iwf-2017

Fyrir aðrar upplýsingar mælum við með heimasíðu mótshaldara: https://www.teamusa.org/USA-Weightlifting/2017-IWF-WWC-Anaheim

—

Þuríður Erla keppir í dag (29.11.2017) klukkan 10:55 á staðartíma (18:55) á íslenskum tíma. Þuríður keppir í B-grúppu og eru þrír keppendur með hærra entry total en Þuríður á góða möguleika að vera í baráttunni með efstu sætin í hópnum.

Björk Óðinsdóttir er næst íslensku keppendanna en hún keppir á morgun (30.11.2017) klukkan 13:55 á staðartíma (21:55) á íslenskum tíma. Björk keppir í B-grúppu í -63kg flokk kvenna og er þetta hennar fyrsta stórmót í ólympískum lyftingum.

Að lokum keppa Sólveig Sigurðardóttir og Aníta Líf Aradóttir á föstudaginn (1.12.2017) klukkan 10:55 á staðartíma (18:55) á íslenskum tíma í B-hóp -69kg flokk en þær eru einnig eins og Björk að keppa í fyrsta sinn á stórmóti í ólympískum lyftingum en Aníta er ríkjandi norðurlandameistari í -69kg flokk þegar hún snaraði 80kg og jafnhenti 109kg í September.

Við munum gera frekari grein fyrir þátttöku Íslands á HM í lyftingum sem fram fer um mánaðarmótin Nóvember/Desember í Anaheim Californiu á næstu dögum.

Ísland á fjóra keppendur í kvennaflokki:

Þuríður Erla Helgadóttir keppir í -58kg flokki kvenna
Björk Óðinsdóttir keppir í -63kg flokki kvenna
Sólveig Sigurðardóttir keppir í -69kg flokki kvenna
Aníta Líf Aradóttir keppir í -69kg flokki kvenna

Þuríður keppir hér í annað sinn á HM en hún var meðal keppenda 2015, Björk, Sólveig og Aníta keppa í fyrsta sinn á stórmóti í ólympískum lyftingum og verður þetta frábær reynsla fyrir þær.

Keppendalistinn er kominn á netið: http://www.iwf.net/wp-content/uploads/downloads/2017/11/2017_Anaheim_Entries_by_cat.pdf

Sérstök íþróttanefnd alþjóðalyftingasambandsins IWF (e. Sports Program Commission) skilaði áliti sýnu varðandi breytingu á kerfi fyrir ólympískar lyftingar nú um nýliðna helgi (11.-13. Nóvember).

Breytingarnar sem þau leggja til verða lagðar fyrir stjórn sambandsins til samþykktar nú í lok mánaðarins 25.-26. Nóvember á HM í Anaheim.

• Stytting á tímabili sem gildir til þátttöku fyrir Tokyo 2020 (e. olympic qualification period) niður í 18 mánuði, 2 heimsmeistaramót 2018 og 2019 (áður 24 mánuðir).
• Keppendur þurfa að keppa reglulega á þessu 18 mánaða tímabili, óstaðfest tala er minnst sex sinnum (áður tvisvar sinnum).
• Keppt verður í 7 þyngdarflokkum hjá körlum og konum (áður 8 hjá körlum og 7 hjá konum).
• Hámark 14 keppendur í hverjum þyngdarflokk af hvoru kyni bara A grúppa (áður raðað í A og B grúppur).
• Hámark 4 keppendur af hvoru kyni frá hverju landi (áður hámark 6 karlar og 4 konur).
• Hámark 1 keppandi frá hverju landi í hvern þyngdarflokk (áður 2 keppendur hámark).
• Líklega verða þyngdarflokkabreytingar í öllum flokkum karla og kvenna, SPC nefndin vinnur áfram að þeirri breytingu. Mögulega verða sér þyngdarflokkar bara á ólympíuleikum en IWF þyngdarflokkar á öðrum mótum. Óstaðfest
• SPC nefndin vinnur að breytingum til að gera lyftingar enn áhorfsvænni.

Sjá tilkynningu IWF: http://www.iwf.net/2017/11/14/iwf-sport-programme-commission-recommends-changes-to-tokyo-2020-weightlifting-programme/

Sjá tilkynningu insidethegames: https://www.insidethegames.biz/articles/1057930/weightlifting-set-to-adopt-new-qualification-system-for-tokyo-2020-based-on-form

Búið er að gefa út ný lágmörk fyrir Elite Pin norðurlandasambandsins, Elite Pin hefur verið afhentur norðurlandabúum frá 1970 og hafa um 140 manns hlotnast viðurkenningin.

New Nordic Elite Pin requirements 2017

Ísland á 4 karla og 1 konu sem hafa hlotið viðurkenninguna.

1976 Guðmundur Sigurðsson

1976 Gústaf Agnarsson

1993-1995 Haraldur Ólafsson

2015 Þuríður Erla Helgadóttir (HM 2015 181kg í -58kg flokk kvenna)

2017 Andri Gunnarsson (EM 2017 355kg í +105kg flokk karla)

Copenhagen Cup hefur verið ágætlega sótt í gegnum tíðina af íslendingum, mótið fer fram í Kaupmannahöfn í umsjón IK99. Mótið er haldið helgina fyrir RIG 20-21.Janúar.

Facebook síða mótsins

Frekari upplýsingar um mótið hér: Copenhagen Weightlifting Cup 2018

Allir iðkenndur innan LSÍ þurfa að sækja um leyfi frá sambandinu til að keppa erlendis á mótum innan alþjóðalyftingasambandins IWF.

Evrópumeistaramótið í lyftingum hefur verið fært frá Tyrklandi til Albaníu vegna þess að Tyrkir eru meðal þeirra þjóða sem hafa fengið árs bann frá alþjóðalyftingasambandinu. Mótið verður haldið á sömu dagsetningum og áður var áætlað. Evrópumótin á næsta ári eru því eftirfarandi:

Þrír íslenskir keppendur voru meðal þeirra 24 sem kepptu á lokadegi NM U17 og U20 sem fram fór í Pori Finnlandi. Úrslit keppanda frá fyrri deginum má lesa í færslunni hér að neðan.

Heildarúrslit: http://results.lsi.is/meet/nordic-junioryouth-championship-ntf-2017

—

Arnór Gauti Haraldsson (f.1998) átti stórgott mót, hann snaraði seríuna 115kg-120kg-125kg í -85kg flokki og var síðasta lyftan bæting á U20 meti Guðmundar Högna Hilmarssonar sett árið 2015 á NM unglinga (124kg). Arnór jafnhenti síðan 142kg eftir að hafa fengið opnunarlyftuna 140kg ógilda. Lokatilraunin var síðan 151kg sem hefði verið nýtt íslandsmet unglinga en það fór ekki upp og annað sætið var staðreynd í flokknum á eftir hinum norska Eskil Andersen sem snaraði nýju persónulegu meti 129kg og jafnhenti 150kg áður en hann reyndi tvisvar við 165kg. Arnór bætti sinn besta árangur um 9kg og tryggði sig líklegast inn á RIG 2018. Hann varð einnig þriðji stigahæsti karl keppandinn á mótinu af 42 keppendum.

Guðmundur Ólason (f.1997) keppti í sama flokk og fór með allar lyftur í gegn 105kg í snörun og 135kg í jafnhendingu þyngst. Fjórum kílóum á eftir brons sætinu, tveir svíar kepptu í flokknum en báðir duttu þeir út í snörun.

f.v. Magnus Osterman (DEN), Omed Alam (DEN), Jón Kaldalóns Björnsson (ISL)

Jón Kaldalóns Björnsson (f.1999) hefur átt betri dag en hann lenti í þriðja sæti í sterkum -77kg flokk þar sem stigahæsti maður mótsins sigraði; Omed Alam frá Danmörku. Jón náði aðeins að lyfta opnunarlyftunum sínum 97kg í snörun og 117kg í jafnhendingu. Hann átti góðar tilraunir við 102kg og 104kg í snörun. Hann reyndi við 125kg og 133kg í jafnhendingu og hefði verið í bullandi baráttu við silfrið á góðum degi. Jón er á fyrsta ári í flokki 20 ára og yngri.