Lyftingaþing 2018 fór fram 17.mars og var nýr formaður LSÍ kosinn og ný stjórn:

Formaður: Ingi Gunnar Ólafsson

Varaformaður: Ásgeir Bjarnason

Ritari: Lína Viðarsdóttir

Gjaldkeri: Katrín Erla Bergsveinsdóttir

Meðstjórnandi: Eyþór Einarsson

Varastjórn: Árni Freyr Bjarnason, Andri Gunnarsson, María Rún Þorsteinsdóttir og Jens Andri Fylkisson

Fráfarandi formaður Ásgeir Bjarnason var sæmdur gullmerki LSÍ og fráfarandi ritari Stefán Ragnar Jónsson var sæmdur silfurmerki ÍSÍ.

—

Fylgiskjöl þings:

Ársskýrsla LSÍ 2018

Þinggerð LSI 2018

Lyftingaþing 2018 Glærur

Fjárhagsáætlun LSÍ 2018

Ársreikningur LSÍ 2017

40. Smáþjóðleikarnir í ólympískum lyftingum verða haldnir í fyrsta sinn á Íslandi Laugardaginn 28.Apríl í Íþróttahúsinu Strandgötu.

Fjórar þjóðir keppa að þessu sinni Ísland, Kýpur, Malta og San Marino. Einnig er keppt um besta karl og kvenn keppanda. Liðin skipa 3 karlar og 2 konur.

Tímaseðill
11:00 Konur
13:00 Karlar
15:00 Verðlaunaafhending

Lið Íslands skipa að þessu sinni
Karlar
Einar Ingi Jónsson (LFR)
Bjarmi Hreinsson (LFR)
Björgvin Karl Guðmundsson (Hengill)

Konur
Þuríður Erla Helgadóttir (LFK)
Björk Óðinsdóttir (KFA)

Evrópumeistaramótinu 2016 lauk í Rúmeníu á Sunnudaginn, Ísland átti tvo keppendur að þessu sinni þau Einar Inga Jónsson (LFR) og Anítu Líf Aradóttir (LFG).

Heildarúrslit má sjá m.a. hér: http://www.easywl.com/results/index.php

Einar Ingi var að keppa á sínu fyrsta stórmóti í fullorðinsflokki og átti hann gott mót en hann bætti sig og íslandsmet sín í -77kg flokki, fyrst með því að lyfta 120kg í snörun og síðan 123kg. Í jafnhendingu lyfti hann 145kg, 150kg en náði ekki að klára jarkið í 155kg. Hann setti einnig met í samanlögðum árangri.

Aníta Líf Aradótti náði sér ekki á strik og féll úr leik í snörun með 73kg, hún jafnhenti síðan örugglega 90,95 og 100kg.

–

27 þjóðir áttu fulltrúa á mótinu en Rússland, Úkraína, Armenía, Hvíta Rússland, Moldóva og Tyrkland eru öll í banni fram í September vegna fjölda brota á lyfjalögum í tengslum við ólympíuleikana 2008 og 2012.

Þetta nýttu aðrar þjóðir sér og áttu Svíar tvo verðlaunahafa, ólympíufarinn Angelica Roos lyfti 85kg í snörun og 106kg í jafnhendingu samtals 191kg í -58kg flokk sem tryggði henni silfur í samanlögðu. Það voru þremur kg minna en Þuríður Erla Helgadóttir lyfti á HM 2017 þar sem hún varð í 10.sæti.

Samlandi hennar Patricia Strenius lyfti 98kg í snörun og 131kg í jafnhendingu í -69kg flokk sem einnig var norðurlandamet í jafnhendingu. Samtals 230kg og sá árangur tryggði henni glæsileg gullverðlaun í flokknum. Fyrstu gullverðlaun svía í kvennaflokki á stórmóti í lyftingum.

Íslandsvinurinn Anni Vuhijoki lyfti bronsi í -63kg flokk með 203kg og það sama gerði samlandi hennar Meri Ilmarinen með 223kg í samanlögðu í -75kg flokk.

Frétt um árangur Angelicu Roos: https://www.insidethegames.biz/articles/1063224/first-senior-glory-for-latvias-koha-and-a-landmark-weightlifting-moment-for-sweden

Frétt um árangur Patricu Strenius: https://www.insidethegames.biz/articles/1063300/strenius-is-first-swedish-woman-and-first-crossfit-weightlifter-to-win-european-gold

Evrópumótið í olympískum lyftingum hefst þann 26.mars næstkomandi og munum við senda 2 keppendur í ár, þau Anítu Líf Aradóttir sem keppir í -69 kg flokki og Einar Inga Jónsson sem keppir í -77 kg flokki

Þau munu bæði keppa á fimmtudaginn 29.mars í Bucharest í Rúmeníu

Hérna er hægt að sjá dagskrá mótsins

Click to access EWC2018startbook.pdf

Erna Héðinsdóttir (cat.2) alþjóðadómari var fulltrúi Íslands á dómaranámskeiði í Danmörku fyrir alþjóðadómara á vegum Evrópska lyftingasambandsins (EWF) síðustu helgi. Fyrri daginn var farið yfir reglur IWF og seinni daginn dæmdu dómararnir á danska meistaramótinu.

f.v. Astrid Hasani (gjaldkeri EWF), Erna Héðinsdóttir, Hasan Akkus (aðalritari EWF), Tina Baiter (Danmörku)

Minnum á lyftingaþingið á Laugardaginn, þar sem fram fer kjör til stjórnar LSÍ og lagðar eru fram lagabreytingar, ársreikningarsambandsins, afreksstefna og annað sem viðkemur starfi LSÍ.Þingið hefst klukkan 10:00.

Undirritaður formaður gefur ekki kost á sér til formennsku þar sem hann er að flytja erlendis.

Ég vil hvetja félög og félaga til að fjölmenna á þingið, ég minni á lög sambandsins þar sem segir í 10.grein að starfssvið stjórnar LSÍ er að framkvæma ályktanir lyftingaþings.

Dagskrá lyftingaþings samkvæmt lögum LSÍ er eftirfarandi:
1) Þingsetning.
2) Kosin kjörbréfanefnd 3ja manna.
3) Kosning fyrsta og annars þingforseta og tveggja þingritara.
4) Kosnar nefndir þingsins:
a) Fjárhagsnefnd.
b) Laga- og leikreglnaefnd
c) Allsherjarnefnd.
d) Kjörnefnd.
Nefndir þessar eru skipaðar 3 mönnum hver
5) Fráfarandi stjórn gefur skýrslu sína
6) Gjaldkeri leggur fram, endurskoða reikninga sambandsins til samþykktar.
7) Stjórn leggur fram fjárhagsáætlun fyrir næsta ár.
8) Lagðar fram laga- og leikreglnabreytingar þær, sem fram hafa komið.
9) Teknar til umræðu aðrar tillögur og önnur mál sem borist hafa til stjórnarinnar, svo og önnur mál er þingið vill ræða.
ÞINGHLÉ
10) Nefndarálit og tillögur og atkvæðagreiðsla um þær.
11) Ákveðið gjald ævifélaga
12) Kosning stjórnar, varastjórnar, skoðunarmanna og fulltrúa á Íþróttaþing.
a) Formaður.
b) 1-2 úr fráfarandi stjórn.
c) 2-3 meðstjórnendur.
d) 4 varamenn.
e) 2 skoðunarmenn,
f) Fulltrúi Íþróttaþing.
13) Kosinn formaður dómaranefndar.
14) Önnur mál.
15) Þingfundargerðir lesnar og staðfestar.
16) Þingslit.

Íslandsmótið 2018 fór fram laugardaginn 17.Febrúar í íþróttahúsinu Varmá í umsjón Lyftingafélag Kópavogs og Lyftingafélags Mosfellsbæjar og var öll mótsumgjörð til fyrirmyndar.

Öll úrslit má sjá hér  http://results.lsi.is/meet/islandsmeistaramot-2018

Birna Aradóttir (LFR) átti frábært mót og bætti íslandsmet í U20 bæði í snörun og jafnhendingu, en hún snaraði 80 kg og jafnhenti 90 kg og endaði hún mótið með  231 sinclair stig og varð stigahæst kvenna. Þess má geta að norðurlandametin í snörun í flokki 20 ára og yngri eru 78kg í -58kg flokk og 82kg í -63kg flokk. Birna lyfti því yfir metinu í -58kg flokk en hún vigtaðist um 59kg inn í mótið.

Bjarmi Hreinsson (LFR) varð stigahæstur karla þegar hann snaraði 131kg og jafnhenti síðan nýju íslandsmeti karla í -94kg flokk 161kg og á Bjarmi þá öll þrjú metin í flokknum en metið í snörun og samanlögðu setti hann á RIG í lok Janúar. Bjarmi reyndi við 140kg í snörun og 170kg í jafnhendingu í þriðju tilraununum sínum.

Lyftingafélag Kópavogs (LFK) varð íslandsmeistari liða, en í fyrsta sinn var afhentur bikar fyrir besta liðið.

Liðakeppni

Önnur met sem sett voru á mótinu voru öldungamet hjá Hrund Scheving í flokki 35-39 ára og 40-44ára en þyngsta jafnhendingin hennar var yfir heimsmeti í masters flokki 40-44ára en skráð met er 92.5kg.

Rökkvi Guðnason tvíbætti íslandsmetin í flokki -62kg karla 15 ára og yngri þegar hann snaraði 63kg og 66kg, hann jafnhenti síðan 80kg og 83kg.

Frábær umfjöllun stöðvar 2 um mótið: http://www.visir.is/section/MEDIA99&fileid=VTVB73BC90A-9897-45C1-B275-37F0BAE3B3CD

Svipmyndir frá mótinu má sjá hér að neðan:

https://www.instagram.com/p/BfWsoy6lM5v/?hl=en&taken-by=danielgudmundsson

Skráning er hafin á Íslandsmótið sem haldið er 17.febrúar

ATHUGIÐ skráningafrestur til 12.febrúar á lsi@lsi.is