Viðtal RÚV Í kvöldfréttum 23.Okt: https://www.ruv.is/frett/2022/10/23/draumurinn-er-ad-komast-a-olympiuleikana

Sjá erlenda umfjöllun um árangur Eyglóar: https://ewf.sport/2022/10/22/first-european-title-for-iceland-in-the-federations-50-years-history/

Upptaka af snörun (-71kg U23):https://www.youtube.com/watch?v=DJO2U6iuWTg

Upptaka af jafhendingu (-71kg U23): https://www.youtube.com/watch?v=w_GTbxU6KRU

–

Það er margt sem vert er að rýna í þegar skoðaður er árangur Eyglóar Fanndal á nýafstöðnu Evrópumeistaramóti 23 ára og yngri.

Samanburður á alþjóðlegan mælikvarða

Ólympíuleikarnir í París 2024 munu verða með 5 þyngdarflokka í kvennaflokki -49kg, -59kg, -71kg, -81kg og +81kg, þ.e. -71kg flokkurinn er ólympíuflokkur á síðustu leikum í Tokyo var -59kg og -76kg. Úrtökuferlinu verður gerð betri skil seinna en einstaklingsúrtökuferli fer fram yfir 18 mánaðatímabil sem hefst á Heimsmeistaramótinu í Kólembíu um miðjan Desember og lýkur 28.Apríl 2024.

Árangur Eyglóar í -71kg flokki kvenna 217kg setur hana í 16. sæti á heimslista 2022, þar af eru Kólembía með 2 keppendur fyrir ofan hana og Bandaríkin tvo. Sex keppendur eru yngri en Eygló fæddir fyrir 2001 og 9 keppendur eldri.

Eina álfumótið sem er eftir á árinu er Afríku meistaramótið sem er í lok mánaðarins en Eygló hefði náð á pall á öllum stórmótum utan Pan-America meistaramótsins en efstu tvær manneskjurnar þar skipa einnig tvö efstu sætin á heimslista, 217kg hefðu dugað í 5.sæti þar.

African Championships (26.October) 2022

Asian Championship (12.October) 2022

1. Qiuxia Yang (f.2002) (CHN) – 106-122-228kg
2. Gulnabat Kadyrova (f.1994) (TKM) – 102-117-219kg
3. Anuujin Ganzorig (MGL) (f.1998) – 99-116-215kg

XXII Commonwealth Games (30.Jul) (2022)

1. Sarah Davies (f.1992) (ENG) 103-126-229kg
2. Alexis Ashworth (f.1999) (CAN) 91-123-214kg
3. Harjinder Kaur (f.1996) (IND) 93-119-212kg

Pan-American Championships (24.Júlí) 2022

1. Angie Paola Palacios Dajomes (f.2000) (ECU) 113-134-247kg
2. Mari Leivis Sanches (f.1991) (COL) 112-134-246kg
3. Meredith Leigh Alwine (f.1998) (USA)102-132-234kg

Evrópumeistaramótið 2022 (28.Maí) 2022

1. Patricia Strenius (f.1989) (SWE) 94-130-224kg
2. Lisa Marie Schweizer (f.1995) (GER) 103-120-223kg
3. Monika Marach (f.2004) (POL) 99-116-215kg

Samanburður við aðrar íslenskar lyftingakonur

Í samanburði við íslenskan árangur þá er þetta lang þyngsti samanlagði árangur íslensk keppanda yfir alla þyngdarflokka. Þyngsta snörun og þyngsta jafnhending.

Þuríður Erla Helgadóttir sem hefur verið okkar helsti keppandi Íslands síðustu 10 ár náði þó betri árangri á Sinclair stigum á HM 2017 þar sem hún endaði í 10.sæti með 86kg í snörun og 108kg í jafnhendingu í -58kg flokki kvenna. Það gáfu henni 269 Sinclair stig en Eygló reiknast með 267 stig samkvæmt sömu formúlu.

—

Samanburður við Norðurlöndin

Eins og sést hér að ofan er núverandi Evrópumeistari í -71kg flokki sænskur (Patricia Strenius) og á hún jafnframt norðurlandametin í fullorðinsflokki ásamt þeim sænsku. Íslensku metin eru nú hærri en þau Norsku, Dönsku og Finnsku.

Þróun á árangri Eyglóar

Á árinu 2022 hefur Eygló bætt sig um 5 kg í snörun og 10kg í jafnhendingu. Hennar besti árangur 2021 var á heimsmeistaramótinu 2021 en þar lyfti hún 92kg í snörun og 110kg í jafnhendingu sem gaf henni 20.sæti. 217kg hefði dugað henni í 11.sæti af 26 keppendum en hvert kíló byrjar að skipta gríðarlegu máli nálægt toppnum.

Hún hefur keppt á 4 mótum 2022, 8 mótum 2021, 1 móti 2020 (Covid), 4 mótum 2019 og 2 mótum 2018. 2020 lyfti hún (74/95)169kg á Norðurlandameistaramóti unglinga og bætti sig því um 18kg í snörun og 15kg í jafnhendingu á árinu 2021.

Eygló Fanndal Sturludóttir (f.2001) hreppti í dag fyrstu gullmedalíur á Evrópumeistaramóti í lyftingum, frá upphafi. Ein gullmedalía dugði ekki heldur gerði hún gott betur og kemur heim með gull í öllum greinum. Snörun, jafnhendingu og samanlögðu. Eygló bar höfuð og herðar yfir aðra keppendur, en sú sem varð í 2. sæti var 12kg undir Eygló í samanlögðum árangri.Þess má geta að Eygló heldur nú öllum íslandsmetum í U20, U23 og Senior í 71 kg og 76 kg flokki kvenna. Einnig heldur hún norðurlandametum U20 í snörun bæði í 71 kg flokki og 76 kg flokki.

Brynjar Logi Halldórsson (f.2002) átti einnig gott mót, en hann tvíbætti íslandsmetið í snörun, 132kg sem hann lyfti í annari tilraun og fór svo örugglega með 135kg í 3 og síðustu tilraun. Í jafnhendingunni náði hann 156kg sem er bæting á hans eigin íslandsmeti, og reyndi við 161kg í síðustu tilrauninni, sem gekk ekki upp í þetta skiptið. Brynjar hefur stefnt að því frá því í fyrra að ná 300 kg í samanlögðum árangri fyrir lok 2022 og á hann nú bara 9 kg eftir af því markmiði.

Úlfhildur Arna Unnarsdóttir (f.2005) keppti einnig, en fór einungis upp með opnunarlyftungar sínar, 83kg í snörun og 101kg í jafnhendingunni. Hún hefur verið á mikilli siglingu undanfarin ár, og einungins 17 ára gömul. Við eigum eftir að sjá töluvert meira af henni í framtíðinni.

Evrópumeistaramót u20/u23 er að þessu sinni haldið í Durres í Albaníu.
Á Ísland 3 keppendur á mótinu.
Úlfhildur Arna Unnarsdóttir keppir á morgun klukkan 9 á Íslenskum tíma í -71kg B

Brynjar Logi Halldórsson keppir svo í -89kg B á föstudaginn kl 8:30 að íslenskum tíma

Og loks stígur Eygló Fanndal Sturludóttir á pallinn klukkan 14 að íslenskum tíma á föstudaginn.

Linkur á Live Stream kemur inn í fyrramálið

Haustmót LSÍ var haldið af Worldfit í glæsilegu húsnæði þeirra í Kringlunni. Mótið gekk með eindæmum vel, og voru aðstæður til fyrirmyndar. Dagurinn gekk mjög vel, og voru sett 17 Íslandsmet.
Eygló Fanndal Sturludóttir sigraði keppnina kvennamegin, en hún snaraði 90-94-97kg og tvíbætti hún því Íslandsmetin í snörun í annari og þriðju tilraun. Í jafnhendingunni byrjaði Eygló á 110kg, en greip stönginna illa og féll í yfirlið. Hún var þó fljót að ná áttum og stóð upp, og sagðist ætla að gera þetta aftur. Það gerði hún og stöngin flaug gott sem áreynslulaust upp fyrir haus. Hún gerði svo gott betur og tók 112kg í síðustu tilraun og kláraði því mótið með 209kg í samanlögðum árangri, sem er þyngsti samanlagði árangur sem Íslensk kona hefur náð!

Úlfhildur Arna Unnarsdóttir var í öðru sæti, og átti hún frábært mót. Hún snaraði 83kg í fyrstu tilraun, og tók svo 87kg Íslandsmet í annari tilraun og átti heiðarlega tilraun við að tvíbæta metið með 90kg í þriðju tilraun. Það gekk ekki upp í þetta skiptið en virðist stutt í að hún felli 90kg múrinn. Í jafnhendingunni opnaði Úlfhildur á 103kg lyftu, og gerði það glæsilega. Það var eina lyftan sem fór upp hjá henni þann daginn í jafnhendingunni og var það hvorki meira né minna en bæting á Íslandsmeti um 2kg. Hún átti tvær góðar tilraunir við 105kg en það gekk ekki upp. Úlfhildur kláraði því mótið með 190kg í samanlögðum árangi. Úlfhildur er fædd árið 2005, og er því 17 ára gömul!
Í þriðja sæti var svo Snædís Líf Pálmarsdóttir en hún kláraði mótið með 68kg í snörun og 87kg í jafnhendingu. Hún á stuttan lyftingaferil að baki, en hún keppti á sínu fyrsta móti á Sumarmóti LSÍ 2021, og eigum við því von á að sjá miklu meira af henni í framtíðinni!

Hjá körlum vann Brynjar Logi Halldórsson öruggan sigur. Hann kláraði mótið með 131kg í snörun og 155kg í jafhendingu, 286kg í samanlögðu og setti alls 6 Íslandsmet. Brynjar hefur verið á mikilli siglingu undanfarið og verður gaman að fylgjast með afrekum hans á komandi tímum.

Daníel Róbertsson var í öðru sæti með 120kg í snörun og 145kg í jafnhendingu. Daníel er þaulreyndur lyftingamaður, en bestu tölunum sínum, 132-158kg, náði hann árið 2020. Verður gaman að sjá hvort að Daníel toppi þær tölur á næstunni.
Í þriðja sæti var Bjarki Breiðfjörð en hann kláraði mótið með 110kg í snörun og 127kg í jafnhendingu. Bjarki er 19 ára gamall og virðist eiga töluvert mikið inni, og því mikið rými fyrir bætingar! Bjarki er maður sem vert er að fylgjast með á næstu árum!

Keppendalisti og tímaáætlun.
Vigtun hefst klukkan 8 fyrir KK og 9 fyrir KVK í húsnæði WorldFit í Kringlunni.

KK 1 10:00
Eyjólfur Andri Björnsson        -81kg LFR 205kg
Marel Bent Bjórgvinsson        +109kg UMFS 200kg
Tindur Eliasen                           -81kg LFR 196kg
Jósef Gabríel Magnússon      -81kg LFR 190kg
Jón Smári Hansson                -73kg KA    180kg
Aðalsteinn Þorsteinsson        -89kg LFR 180kg
Breki snorrason                       -81kg LFR 150kg

KK 2 11:30
Brynjar Logi Halldórsson         -89kg LFR 271kg
Daníel Róbertsson                   -89kg LFR 260kg
Kári Walter                                -96kg LFK 247kg
Jóhann Valur Jónsson            -89kg LFG 241kg
Bjarki Breiðfjörð Björnsson    -81kg UMFS 240kg
Bjarni Leifs Kjartansson          -81kg LFR 230kg
Þórbergur Ernir Hlynsson        -89kg LFR 220kg

KVK 1 13:00
Thelma Rún Guðjónsdóttir    – 59kg  LFR       127kg
Salka Cécile                          -71kg   LFR    125kg
Steinunn Soffía Hauksdóttir  -64kg   LFR       122kg
Helga Hlín Hákonardóttir        -59kg  LFR      122kg
Sædís Friðriksdóttir                -76kg   LFK     115kg
Guðlaug Li Smáradóttir          -64kg   LFK     112kg
Guðrún Helga Sigurðardóttir +87kg  LFR      110kg
Vigdís María Geirsdóttir         +87kg  LFK      103kg

KVK 2 15:00
Eygló Fanndal Sturludóttir     -71kg   LFR     205kg
Úlfhildur Arna Unnarsdóttir     -71kg  LFR     181kg
Guðný Björk Stefánsdóttir     -76kg   LFG     170kg
Tinna Marín Sigurðardóttir    -71kg   LFR      153kg
Snædís Líf Pálmarsdottir       -64kg   LFR     150kg
Thelma Mist Oddsdóttir         -64kg   LFK      145kg
Bríet Anna Heiðarsdóttir        -64kg Hengill 135kg
Hildur Guðbjarnadóttir            -76kg  LFR      130kg
Sólveig Þórðardóttir                -76kg  LFR      130kg

Dómaranámkseið í Ólympískum lyftingum 9. – 10. september 2022

Skráning á:
https://forms.gle/9FU3qqbh7E63sGDn9

Bóklegur hluti og sýnikennsla fer fram að
Katrínartúni 4, föstudaginn 9. september

16:00 – 17:00 Fyrirlestur 1
Pása
17:15 – 18:15 Fyrirlestur 2
Pása
18:30 – 19:30 sýnikennsla/verklegt

Matarhlé – veitingar á staðnum

20:00 – 21:00 Próf

Þátttakendur dæma á haustmótinu sem haldið er 10. – 11. september
í World Class Kringlunni og hefst kl. 10:00

Námsefnið er umfangsmikið og á fyrirlestrunum verður skautað yfir það helsta og tækifæri til að spyrja spurninga. Það er því mikilvægt að þið komið vel undirbúin.

Námsefnið er  IWF  TECHNICAL AND COMPETITION RULES & REGULATIONS 2020

https://iwf.sport/wp-content/uploads/downloads/2020/01/IWF_TCRR_2020.pdf4

Prófið og svör á prófi er að finna á netinu og það er mín ráðlegging til ykkar að þið skimið yfir bókina (eða lesið spjaldanna á milli) gerið prófið og flettið upp því sem þið eruð óviss á.

Prófið:

Svör:

Gæti kannski hljómað eins og svindl… en staðreyndin er að ef þið kunnið prófið og það sem á því er þá eruð þið komin með þekkingu á því sem skiptir máli.

Svo til að rifja upp er til útdráttur á íslensku, en það efni er sérstaklega um það sem snýr að keppendum og var hugsað til þess að fræða þá, en er líka gagnlegt fyrir ykkur.

Og svo nokkrir punktar sem er gott að hafa í vasanum á keppnisdag til að rifja upp… helst fyrir hvert mót.

https://docs.google.com/document/d/1Qwz2MeSONIXzCZ3vElVRuVY2HHHDdgp2-2-cB6tOGCQ/edit?usp=sharing

Þið megið endilega biðja um aðgang að þessari síðu og nota hana til að spyrja spurninga ef einhverjar eru.

Ef þið viljið virkilega hella ykkur í þetta þá eru til video á youtube sem hægt er að horfa á:

Gangi ykkur sem allra best og verið ófeimin að spyrja ef það er eitthvað óljóst.

Kv,

Erna Héðinsdóttir
ernahed@gmail.com

Hér fyrir neðan er linkur á skráningarform!

https://docs.google.com/forms/d/e/1FAIpQLSfWVK6BtXNFnYJ82l8XKDlWBpDNMo-BkX36KzXUdN3nZ7aghg/viewform?usp=sf_link

Úlfhildur Arna Unnarsdóttir átti vægast sagt frábæran keppnisdag í dag, þegar hún landaði 2. sæti á Evrópumeistaramóti U17 í Póllandi. Úlfhildur náði einungis fyrstu lyftunni gildri í snörun, 80kg, en náði ekki 84kg og 85kg gildum. Í jafnhendingunni tók Úlfhildur 97kg í fyrstu tilraun, náði ekki gildri lyftu í annari tilraun með 100kg, en kláraði síðustu lyftuna sína með 101kg gildri lyftu.
Úlfhildur hafnaði með þessum glæsilega árangri í 2. sæti á þessu stórmóti í -71kg flokk.
Hún fékk hvorki meira né minna en 3 silfur medalíur þar sem hún hafnaði í 2. sæti í öllum greinum, snörun, jafnhendingu og samanlögðu.
Minnstu hafi munað um að Úlfhildur hefði hafnað í fyrsta sæti þar sem sigurvegari flokksins, Finninn Anette Ylisoini þurfti að klippa af sér hárið til að ná vigt inn í flokkinn!
Úlfhildur er fædd 2005 og má því segja að rýmið fyrir bætingar og fleiri medalíur hjá henni sé töluvert mikið

Medalíurnar fara Úlfhildi alveg einstaklega vel og má búast við að fleiri bætist í safnið á næstu árum!

Eggert Ólafsson fór sem þjálfari á mótið og hefur staðið sig frábærlega sem þjálfari.
Erna Héðinsdóttir er einnig á mótinu í stöðu dómara, en hún er með Cat 1 dómararéttindi og hefur verið að fara á nokkur stórmót og stefnir á fleiri.

Úlfhildur Arna Unnarsdóttir keppir á morgun á Evrópumeistaramóti U17 í Póllandi.
Undirbúningur hefur gengið vel, og verður mjög spennandi að sjá hvað gerist á pallinnum hjá henni!
Hún er úti ásamt Eggerti Ólafssyni þjálfara, en Erna Héðinsdóttir situr einnig í dómarasætinu út allt mótið, sem stendur frá 10-17 ágúst.
Úlfhildur hefur keppni klukkan 8:00 á íslenskum tíma, og er beint streymi að finna á hlekknum hér að neðan!

https://www.youtube.com/user/PZPCPL

Fréttamaðurinn Atli Steinn Guðmundsson tók viðtal við Eygló og Kötlu þar sem var farið ýtarlega yfir ferðina þeirra til Albaníu.

Fréttina er hægt að lesa á linknum hér fyrir neðan!
https://www.mbl.is/sport/frettir/2022/07/02/braut_golfid_a_em/