Kæru vinir og lyftingamenn,

Skráning er hafin í sumarmót LSÍ sem verður haldið 22. júní í húsnæði CrossFit XY / Lyftingafélags Garðabæjar.

Skráningar fara fram í tölvupósti og skulu berast til lsi@lsi.is eins og venjulega. Athugið að þar þarf að koma fram nafn, kennitala, félag og þyngdarflokkur. Skráningarfrestur rennur út miðvikudaginn 19. júní.

Þetta verður síðasta mótið þar sem verður hægt að setja niður tölur fyrir Norðurlandamót fullorðinna sem verður haldið um miðjan ágúst á Íslandi.

Nánari upplýsingar um tímasetningar vigtunar ofl. kemur þegar nær dregur en gera má ráð fyrir að vigtun verði fyrir alla um morguninn og byrjað að lyfta um 11-12 leitið.

Keppendur athugið – tæknifundur verður haldinn kvöldið áður og mæta íþróttamenn eða þjálfarar þeirra ekki þangað þá fyrirgera þeir sér þeim rétt að keppa á mótinu.

Kveðja stjórn LSÍ

Dómara námskeið í Ólympiskum lyftingum verður haldið á Akureyri dagana 21-23 júní n.k.  Skráning og nánari upplýsingar verða veittar í gegnum tölvupóstinn lsi@lsi.is. Skráningargjald er 10.000 kr.

138 þjóðir tóku þátt í kosningu um forystu Alþjóða lyftingasambandsins dagana 20-21 maí 2013 í Moskvu. Dr. Tamas Ajan var endurkjörinn forseti sambandssins til næstu 4 ára og Gjaldkeri- og aðalritari var kosinn Ma Wenguang. Fyrsti varaforseti var kosinn Nicu Vlad.

Að auki var kosið í Framkvæmdastjórn 5 varaforsetar og 8 meðstjórnendur. 10 voru kosnir í Dómara- og reglugerðanefnd. 10 voru kosnir í Þjálfunar- og rannsóknarnefnd og 10 voru kosnir í Læknanefndina.

Hér má sjá lista yfir þá sem voru kjörnir til þess að leiða Alþjóða lyftingasambandið til næstu 4 ára.

Við sækjum Gullið næst…

Glæsilegu íslandsmeistaramóti lauk á Akureyri í dag. LSÍ þakkar kraftlyftingarfélagi Akureyrar fyrir að halda mótið sem gekk vel í alla staði.

Fjölmörg íslandsmet féllu í dag, Anna Hulda Ólafsdóttir setti met 3 met í -63kg flokki þegar hún snaraði 68kg, jafnhenti 87kg og náði þar með samanlagt 155kg.

Katrín Tanja Davíðsdóttir setti tvö met í -69kg flokki meyja annars vegar og kvenna hins vegar þegar hún snaraði 76kg og náði samanlagt 160kg.

Lilja Lind Helgadóttir setti 2 íslandsmet í -75kg flokki stúlkna annars vegar og kvenna hins vegar, þegar hún snaraði 69kg og náði 153kg samanlagt.

Sigurður B. Einarsson setti 3 íslandsmet í -94kg flokki þegar hann snaraði 119kg, jafnhenti 145kg og náði því samanlagt 264kg.

Niðurstöðurstöður mótsins fóru svo.

Kvennaflokkur:

Stigakeppni kvenna (sinclair stig)

1. Anna Hulda Ólafsdóttir, samtals 155kg og 210,54 sinclair stig

2. Katrín Tanja Davíðsdóttir, samtals 160kg og 202,01 sinclair stig

3. Lilja Lind Helgadóttir, samtals 153kg og 183,46 sinclair stig

Íslandsmeistarar eftir flokkum:

-63kg flokki:

1. Anna Hulda Ólafsdóttir, LFR, 68kg snörun, 87kg jafnhending, samtals 155kg.

-69kg flokki:

Katrín Tanja Davíðsdóttir, Ármann, LFR, 76kg snörun, 84kg jafnhending, samtals 160kg.

-75kg flokkur:

1. Lilja Lind Helgadóttir, LFR, 69kg snörun, 83kg jafnhending, samtals 153kg.

+75kg flokkur:

1. Guðrún Sólveig Sigurgrímsdóttir, Ármann, 43kg snörun, 64kg jafnhending, samtals 107kg.

2. Fríða Björk Einarsdóttir, KFA, 35kg snörun, 50kg jafnhending, samtals 85kg.

3. Hildur Björk Þórðardóttir, 85 LFR, 32kg snörun, 45kg jafnhending, samtals 77kg.

Stigakeppni karla (sinclair stig)

1. Gísli Kristjánsson, LFR, samtals 315kg og 336,14 sinclair stig

2. Sigurður Bjarki Einarsson, Ármann, samtals 264kg og 302,92 sinclair stig

3. Andri Gunnarsson, KFA, samtals 270kg, 285,97 sinclair stig

-69kg flokki:
1. Kjartan Ágúst Jónasson, UÍA, 67kg snörun, 97kg jafnhending, samtals 163kg.

-77kg flokki:

1. Stefán Þór Jósefsson, KFA, 55kg snörun, 75kg jafnhending, samtals 130kg.

-85kg flokki:
1. Ari Bragi Kárason, KFA, 86kg snörun, 117 jafnhending, samtals 203kg
2. Gísli Rafn Gylfason, Ármann, 75kg snörun, 100kg jafnhending, samtals 175kg

-94kg flokki:

1. Sigurður Bjarki Einarsson, Ármann, 119 snörun, 154kg jafnhending, samtals 264kg

2. Bjarmi Hreinsson, UÍA, 90kg snörun, 130 jafnhending, samtals 220kg
3. Haukur Sigurðsson, Ármann, 86kg snörun, 114 jafnhending samtals 200kg

-105kg flokki:
1. Árni Freyr Stefánsson, KFA, 110kg snörun, 130kg jafnhnöttun, samtals 240kg.

+105kg flokki:

1. Gísli Kristjánsson, LFR, 150kg snörun, 165kg jafnhending, samtals 315kg

3. Kristján Logi Einarsson, KFA, 61kg snörun, 75kg jafnhending, samtals 136kg

2. Andri Gunnarsson, KFA , 110kg snörun, 160kg jafnhending, samtals 270kg

Mynda-albúm með stelpunum annars vegar og strákunum hins vegar má sjá hér að neðan:

This slideshow requires JavaScript.

This slideshow requires JavaScript.

Íslandsmeistaramótið í Ólympískum Lyftingum verður haldið í verslunarkjarnanum Sunnuhlíð á Akureyri laugardaginn 13. apríl og hefst kl. 10.00.

Dagskrá mótsins er eftirfarandi;

Kl. 10.00 Snörun Kvenna.

Kl. 10.50 Hlé.

Kl. 11.00 Jafnhending Kvenna

Kl. 14.00 Snörun Karla

Kl. 15.20 Hlé

Kl. 15.30 Jafnhending Karla

Hápunkturinn verður væntanlega eftirfarandi;

Keppnin verður mest spennandi í samanlagðri stigakeppni, Þar sem keppnin er á milli Önnu Huldar og Katrínar Tönju. Konur verða að keppa í snörun milli 10.00 og 11.00, en líklega byrja þær stöllur ekki fyrr en kl. 10.30.  Þær keppa svo aftur í Jafnhendingu milli 11.00 og 12.00

Gísli Kristjánsson er sterkasti einstaklingurinn í karlakeppninni en hann verður líklega að keppa í Snörun um 15.00 og Jafnhendingu kl. 16.30.

Við munum reyna að streama frá mótinu www.ustream.com/kfakureyri

Íslandsmeistaramótið 2013 kemur til með að vera haldið á þeim stað sem upphaflega var auglýst, þ.e. á í Sunnuhlíð 12, 603 Akureyri. Nánar tiltekið í húsnæði Ræktarinnar.

Við biðjumst afsökunar á þeim óþægindum sem þessi flutningur kann að valda.

Tæknifundur ætlaður þátttakendum og þjálfurum verður samkvæmt auglýstri dagskrá klukkan 20 í Sunnuhlíð í kvöld 12.apríl.

Íslandsmeistaramótið sem fer fram á morgun laugardaginn 13. apríl verður haldið í Jötunheimum, Skólastíg 1, 600 Akureyri. En áður var mótið auglýst í Sunnuhlíð á Akureyri.