Greinasafn fyrir flokkinn: Uncategorized

Landsliðshópurinn sem fer á NM í Noregi

Birt þann af
Svara

Búið er að velja landsliðshóp Íslands í ólympískum lyftingum sem keppir á norðurlandameistaramótinu sem fram fer í Vigrestad í Noregi dagana 30.Maí til 1.Júní.

Hópinn skipa eftirfarandi:

Konur:

-58kg Anna Hulda Ólafsdóttir LFR (1985)
-63kg Björk Óðinsdóttir KFA (1988)
-63kg Þuríður Erla Helgadóttir Ármann (1991)
-69kg Katrín Tanja Davíðsdóttir Ármann (1993)
-69kg Ragheiður Sara Sigmundsdóttir UMFN (1992)

Hópurinn ásamt öðrum keppendum á RIG 2014

Hópurinn ásamt öðrum keppendum á RIG 2014

Karlar:

-85kg Björgvin Karl Guðmundsson LFR (1992)
+105kg Gísli Kristjánsson LFR (1964)

Björgvin nýbakaður íslandsmeistarai í 85kg flokki karla (120+145)

Björgvin nýbakaður íslandsmeistarai í 85kg flokki karla (120+145) (ljósm. Óskar Einarsson/CFR)

gisli

Gísli Kristjánsson hefur staðið í ströngu síðustu vikurnar, varð stigahæstur á íslandsmótinu (ljósmynd: Óskar Einarsson/CFR)

Þjálfari: Árni Björn Kristjánsson
Aðstoðarmaður: Elísabet Sóley Stefánsdóttir
Formaður og alþjóðadómari: Lárus Páll Pálsson

 

Íslendingar taka þátt í Smáþjóðaleikunum í San Marínó

Birt þann af
Svara

Lyftingasamband Íslands er þessa daganna að setja upp afreksstefnu. Samhliða því hefur Árni Björn Kristjánsson tekið að sér landsliðsþjálfarastöðu að minnsta kosti út árið 2014.

Landsliðsþjálfari
Árni Björn hefur bæði þjálfað og keppt í Ólympískum lyftingum, meðal annars keppti hann á Norðulandameistaramótinu í fyrra. Árni Björn hefur íþrótta og þjálfarabakgrunn.  Hann bæði æfði og þjálfaði í tennis. Fór svo að æfa CrossFit 2009 og Ólympískar lyftingar 2011.  Hann er yfirþjálfari hjá Lyftingafélagi Garðabæjar og þjálfar einnig hjá crossfit XY.  Árni Björn hefur einstaklega mikinn áhuga á framtíð lyftinga á Íslandi og tekur þetta verkefni að sér af heilum hug.

522604_10151374629025407_2020487410_nÁrni Björn Kristjánsson ásamt unnustu sinni Guðrúnu Ósk Maríasdóttir

Æfingabúðir LSÍ

Á dögunum bauð LSÍ uppá æfingabúðir.  Þær voru haldnar í húsakynnum Sporthús Reykjanesbæjar.  Dagurinn heppnaðist frábærlega og var mætingin góð.  Boðið var uppá tvær æfingar, fyrir og eftir hádegismat.  Eftir hádegismat var fræðslufundur áður en haldið var í næstu æfingu. Þar sem þetta heppnaðist vel er fyrirhugað að halda fleiri svona æfingabúðir á árinu.

2014-03-29 11.03.56Landsliðshópur á fyrri æfingu ásamt stjórnarmeðlimum LSÍ
(Vantar Andra Gunnarsson og Guðmund Högni á myndina)

Smáþjóðaleikar í Ólympískum Lyftingum í San Marínó

Í gær fóru fjórir karlmenn úr landsliðshópnum til San Marínó að keppa á Smáþjóðaleikunum í Ólympískum Lyftingum.  Þetta eru þeir Gísli Kristjánsson, Sigurður Bjarki Einarsson, Andri Gunnarsson og Árni Björn Kristjánsson. Árni er einnig þjálfari og farastjóri í hópnum.  Mótið er liðakeppni fyrir smáþjóðir og telja efstu þrír til stiga.  Þetta eru öflugir lyftingamenn og verður spennandi að sjá hvort þeir standi við orð sín og komi með gullið heim.

Þeir munu allir keppa á morgun laugardag klukka 11.00 að staðartíma eða 9.00 á Íslenskum tíma.  Ekki er vitað til þess að sýnt verði beint frá mótinu, en ef svo verður munum við láta vita á Facebook síðu okkar.

San Marino

„Þröngt mega sáttir sitja“ Gísli, Andri og Árni.

San Marino 1

Siggi Bjarki og Gísli Kristjáns komnir til San Marino í gærkveldi

 

Úrslit úr Danska meistaramótinu

Birt þann af
Svara

Danska meistaramótið fór fram í gær, ekki einn heldur tveir íslenskir keppendur sem búsettir eru í Danmörku kepptu þar.

Í karlaflokki fór Guðmundur Borgar Ingólfsson með allar sínar lyftur í gegn og lyfti 90kg í snörun og 116kg í jafnhendingu. Guðmundur er nýlega farinn að keppa í ólympískum lyftingum en hann keppti á sínu fyrsta móti í desember og er þetta hans þriðja mót síðan þá og hefur hann bætt sig jafnt og þétt á öllum mótum. Reynsluleysið kom honum í koll þegar hann vigtaðist of þungur til keppni í 85kg flokki (300gr) en hann fékk að keppa í 94kg flokki í staðinn. Í Sinclair stigum var hann með 55. besta árangur af 64 keppendum.

Heildarúrslit í karlaflokki má sjá á:
http://www.cforslund.dk/results.aspx?id=88596

Þrír stigahæstu karlarnir:

Navn Klub Alder Vægt 1. 2. 3. Bedste 1. 2. 3. Bedste Total points
1 Maciej Makinia AK. Atlas 38 93,2 145 150 150 150 172 175 175 172 322 370,3
2 Tim Kring IK 99 24 74,3 125 129 133 129 151 156 160 156 285 367,65
3 Jeppe Nørgaard Sportshøjskolen 26 93,9 130 135 140 135 155 160 166 166 301 343,14

Í kvennaflokki keppti Eik Gylfadóttir í 58kg flokki kvenna hún lyfti 57kg í snörun í annari tilraun en klikkaði á 60kg í þriðju tilraun. Í jafnhendingu lyfti hún 75kg í annari tilraun og reyndi við 80kg í þriðju tilraun sem hefði verið þyngsta lyftan í jafnhendingu í 58kg flokki kvenna. Hún fékk bronsverðlaun fyrir bæði snörun og jafnhendingu en endaði í fjórða sæti í heildina. Í Sinclair stigum var hún með 9. besta árangur af 34 keppendum.
Heildarúrslit í kvennaflokki má sjá á:
http://www.cforslund.dk/results.aspx?id=88612

Þrjár stigahæstu konurnar:

Navn Klub Alder Vægt 1. 2. 3. Bedste 1. 2. 3. Bedste Total points
1 Karina Hauge IK 99 26 68,3 76 80 82 80 92 96 100 100 180 226,8
2 Sarah Hammelstrup AK. Atlas 24 62,8 68 69 72 72 81 85 85 85 157 208,81
3 Christina Trier Ejstrup AK. Viking 29 52,5 57 60 63 63 68 72 76 72 135 205,2
Eik Gylfadóttir og Guðmundur Borgar Ingólfsson eftir keppni á Danska meistaramótinu

Eik Gylfadóttir og Guðmundur Borgar Ingólfsson eftir keppni á Danska meistaramótinu

Landsliðshópar og keppnisferðir 2014

Birt þann af
Svara

LSÍ hefur tekið saman landsliðshóp fyrir árið 2014, viðmiðun fyrir hópinn eru 280 Sinclair stig hjá körlum og 200 Sinclair stig hjá konum.

Helst ber að geta að næsta erlenda mót sem LSÍ sendir keppendur á er Evrópumeistaramót fullorðinna Í Tel Aviv, Ísrael daganna 5-12.Apríl þar sem Anna Hulda Ólafsdóttir mun keppa fyrir Íslands hönd. Lárus Páll Pálsson formaður LSÍ mun fara út henni til aðstoðar og jafnframt sitja þing evrópska lyftingasambandsins (EWF) fyrir mótið.

Þetta mun vera fyrsta Evrópumeistaramótið sem Ísland sendir keppenda á síðan á EM 1988 í Wales samkvæmt heimildum greinarhöfundar, en þá voru tveir lyftingamenn Guðmundur Helgason [KR] og Haraldur Ólafsson [LFA] sem kepptu.
Haraldur hóf keppni í 82,5kg þyngdarflokk sem þá var og snaraði 125kg og jafnhenti 172,5kg. Sá árangur dugði þá 16. sæti í samanlögðum árangri. Guðmundur keppti í 100kg flokki og snaraði 145kg og jafnhattaði 180kg, það dugði honum til 12.sætis í samanlögðum árangri. Árið 1974 á Verona á Spáni náði Guðmundur Sigurðsson [Ármann] besta árangri íslensk lyftingamanns á evrópumeistaramóti þegar hann lyfti 142.5kg í snörun og 180kg í jafnhendingu í millivigtarflokki. Það gaf honum 8.sæti af 22 keppendum og setur ferð Önnu Huldar í sögulegt samhengi þar sem sú ferð var farin fyrir 40 árum.

Einnig hefur verið valinn hópur sem sendur verður á Smáþjóðleikana Í San Marino 26.Apríl, eftirfarandi keppendur hafa verið valdir: Gísli Kristjánsson, Andri Gunnarsson, Sigurður Bjarki Einarsson og Árni Björn Kristjánsson (Keppandi og þjálfari).
Smáþjóðleika keppnin fer þannig fram að keppt er í stigakeppni þar sem þrír hæstu keppendur telja fyrir liðið, það er ástæðan fyrir því að engar konur eru valdar til keppni að þessu sinni.

Stefnt verður að því að senda sjö manna lið til þátttöku á norðurlandameistaramótið í lyftingum sem fram fer í Noregi 30.Maí – 1.Júní, stefnt er að því að senda fjórar konur og þrjá karla og verður valið í þann hóp eftir Íslandsmeistaramótið 19.Apríl.

Tilkynningar um frekari keppnisferðir erlendis munu birtast hér á síðunni þegar nær dregur þeim keppnum.

Tímaseðill fyrir RIG og keppendalisti (uppfærður)

Birt þann af
Svara

rig_timasedill_final

Skráðir keppendur eru eftirfarandi:

Nr. Nafn Félag Þyngdarflokkur Lágmörk Mót
Konur
1 Anna Hulda Ólafsdóttir LFR -63kg 75/92/167 Jólamót LSÍ
2 Þuríður Erla Helgadóttir Ármann -63kg 70/87/157 Jólamót LSÍ
3 Björk Óðinsdottir LFG -63kg Wildcard Úthlutað af LSÍ
4 Hjördís Ósk Óskarsdóttir Ármann -63kg 67/91/158 Jólamót LSÍ
5 Katrín Tanja Davíðsdóttir Ármann -69kg 76/88/164 NM unglinga í Danmörku
6 Birgit Rós Becker LFR -69kg 60/80/140 Jólamót LSÍ
7 Ragnheiður Sara Sigmundsdóttir Massi -69kg Wildcard Úthlutað af LSÍ
8 Annie Thorisdóttir LFR -69kg Wildcard Úthlutað af LSÍ
9 Hildur Grétarsdóttir LFG -75kg 63/78/141 Haustmót LSÍ
10 Lilja Lind Helgadóttir LFG 75kg+ 69/83/153 Íslandsmót LS
 11  Sandra Instefjord Trædal  NOR  -58kg  62/78/140
Nr. Karlar
1 Björgvin Karl Guðmundsson LFR 85kg 111/135/241 Sumarmót LSÍ
2 Daníel Róbertsson Ármann 85kg 100/125/225 Jólamót LSÍ
3 Kristian Helleren Vigrestad IK, Noregur 105kg 135/165/298
4 Árni Björn Kristjánsson LFG 105kg+ 115/146/261 Jólamót LSÍ
5 Andri Gunnarsson LFG 105kg+ 130/160/290 NM 2013
6 Jon Peter Ueland Vigrestad IK, Noregur 105kg+ 130/160/291
7 Gísli Kristjánsson LFR 105kg+ 150/175/325 RIG 2013

Copenhagen Weightlifting Cup (CWC) 2014

Birt þann af
Svara

Þrír íslenskir keppendur kepptu á Copenhagen Weightlifting Cup (CWC) nú um helgina, nokkur hefð hefur verið fyrir því í gegnum tíðina að íslendingar fari og keppi á þessu alþjóðlega móti sem lyftingasamband Danmerkur stendur fyrir.

Fremstur í flokki íslendinganna var Gísli Kristjánsson sem endaði fimmti í heildarkeppninni þegar hann lyfti 150kg í snörun og 165 kg í jafnhendingu. Gísli átti einnig tilraun við 153kg í snörun og 170kg í jafnhendingu. Keppt í er Sinclair í karla og kvenna flokki og vigtaðist Gísli 114,5kg sem gaf honum 333,9 stig. Gísli er á meðal keppenda á RIG næstu helgi og verður áhugavert að sjá hvort hann nái þar enn betra móti.

Annar íslenskur keppandi Guðmundur Borgar Ingólfsson keppti á sínu öðru lyftinga móti en hann er búsettur í Danmörku og keppir því fyrir danska lyftingaklúbbinn IK99. Guðmundur lyfti 88kg í snörun, 113kg jafnhendingu og vigtaðist 83,9kg. Þessi árangur gaf honum 241,2 Sinclair stig og endaði hann í 35. sæti af 48 karl keppendum.

Lilja Lind Helgadóttir náði ekki gildum árangri á mótinu, hún opnaði á 70kg í snörun sem hún fékk ógilt og átti síðan tvær tilraunir við 76kg sem hún hafði ekki heldur. Hún fékk því ekki að halda áfram og lyfta í jafnhendingunni. Lilja Lind mætir vonandi grimm til leiks næstu helgi þegar RIG leikarnir í ólympískum lyftingum verða haldnir.

Hægt er að sjá heildarúrslit úr mótinu hér: http://www.cforslund.dk/results.aspx?id=86786

Lyftingar í stórsókn

Birt þann af
Svara

ÍSÍ hefur birt tölur yfir iðkenndafjölda í sérsamböndum og nefndum fyrir árið 2012. Lyftingar eru þar með mesta prósentu aukningu allra sérsambanda innan ÍSÍ frá fyrri ári eða 56,66% en 166 nýir iðkenndur voru skráðir í lyftingafélag á því ári. Skráðir iðkenndur fara úr 293 í 459 en fjöldi íþróttafélaga stóð í stað og voru 6 talsins.

Kraftlyftingasamband Íslands (KRAFT) eykur líka iðkenndafjöldan um tæp 50% á árinu úr 621 í 939 og óskar stjórn LSÍ þeim til hamingju með árangurinn.

Hægt er að nálgast frekari upplýsingar um skýrsluna á vef ÍSÍ: http://isi.is/library/Skrar/Efnisveita/Tolfraedi/I%C3%B0kendur%202012.pdf