Greinasafn fyrir flokkinn: Mót í Ólympískum Lyftingum

Haustmót LSÍ: Úrslit

Birt þann af
Svara

Þann 4.Október fór fram Haustmót LSÍ í húsakynnum Sporthússins í Kópavogi. 18 keppendur mættu til leiks og voru sett 10 íslandsmet og 21 unglingamet.

Hópurinn eftir mótið

Hópurinn eftir mótið

Í -53kg flokki kvenna skiptust þær Birna Dís Ólafsdóttir (LFG) og Hrefna H. Guðlaugardóttir (LFR) um að setja met í fullorðinsflokki. Birna Dís tvíbætti metið í snörun með því að lyfta 47kg og 51kg en Hrefna bætti þau jafnóðum með 48kg og 52kg sem metið sat í.

Í jafnhendingunni skildi á milli en þar hóf Hrefna leikinn á 58kg og setti þar með met í samanlögðum árangri, en Birna Dís svaraði því með því að opna á 64kg og lyfti síðan 67kg í jafnhendingu og allt voru þetta met sem og met í samanlögðum árangri.

Tinna Rós Óskarsdóttir (ÁRM) keppti á sínu fyrsta lyftingamóti og snaraði 50kg í -63kg flokki kvenna hún fór síðan með allar jafnhendingarnar sínar í gegn og endaði á að lyfta 80kg.

Hjördís Ósk Óskarsdóttir (ÁRM) sem á best 67kg í snörun og 91kg í jafnhendingu síðan á jólamótinu 2013 klikkaði á opnunarþyngdinni sinni 65kg í snörun og lét hækka í 67kg í 2. og 3. tilraun sem fóru ekki upp, vonandi kemur hún sterk til baka á næsta mót en hún á með betri æfingatölum kvenna á Íslandi.

Lilja Lind Helgadóttir keppti að þessu sinni í +75kg flokki, hún lyfti 80kg í snörun og reyndi við nýtt Norðurlandamet unglinga 85kg. Í jafnhendingunni lyfti hún 96kg en fékk 100kg dæmd ógild og reyndi í 3. og síðustu tilraun við nýtt Norðurlandamet í jafnhendingu 104kg sem hún stóð upp með.

1

Þrjár stigahæstu konurnar: Tinna Ósk, Lilja Lind og Birna Dís

Í karlaflokki voru 13 karlar mættir til leiks og þar af 9 sem keppa í unglingaflokki.

Í -69kg flokki var skemmtileg keppni á milli Einar Inga Jónssonar (LFR) og Guðmundar Steins Gíslasonar Kjeld (LFR) en Guðmundur tvíbætti unglingametið í snörun með því að lyfta 81kg og 86kg.

Í jafnhendingunni var Einar Ingi með yfirhöndina en hann þríbætti íslandsmetið í jafnhendingu og tvíbætti það í samanlögðum árangri með því að lyfta 101, 106 og 111kg.

Í -77kg flokki mætti Sindri Pétur Ingimundarson (LFR) aftur til leiks eftir um tveggja ára fjarveru en hann hefur glímt við meiðsli á úlnlið. Það er skemmst frá því að segja að Sindri raðaði inn unglinga metum, hann opnaði á nýju meti og persónulegri bætingu 100kg í snörun.

Í jafnhendingunni fór hann síðan með seríuna 125-133-137 í gegn þar sem að loka lyftan var dæmd ógild af dómurum en kviðdómur snéri þeirri ákvörðun við og endaði Sindri með 237kg og 306,2 Sinclair stig. Hægt er að sjá lyfturnar hans Sindra hér að neðan:

Davíð Björnsson (ÁRM) sótti góða bætingu í jafnhendingu þegar hann lyfti 120kg og í heildina 210kg. Sindri Snær Freysson (LFG) keppti á sínu fyrsta móti og féll úr keppni í snörun eftir að hafa bætt unglingamet Sindra í snörun um 1kg eða 101kg.

Í -85kg flokki var það Guðmundur Högni Hilmarsson sem sigraði en hann var einnig stigahæsti keppandi mótsins í karlaflokki með magnaðri loka lyftu í jafnhendingu sem var einnig bæting um 2kg á Íslandsmetinu í fullorðinsflokki sem var í eigu Björgvins Karls Guðmundssonar.

Guðmundur bætti einnig íslandsmet unglinga í snörun þegar hann lyfti 110kg og serían 130-137-147 voru öll ný unglingamet. Hann lyfti samtals 257kg og gaf það 308,6 Sinclair stig sem gaf honum stigabikarinn í mótinu.

Þrír stigahæstu karlarnir: Daníal (t.v.) Guðmundur og Sindri (t.h.)

Þrír stigahæstu karlarnir: Daníal (t.v.) Guðmundur og Sindri (t.h.)

Stefán Ernir Rossen (KFA) keppti einnig í -85kg flokki og lyfti 90kg í snörun eftir að hafa klikkað tvisvar á þeirri þyngd, hann fór síðan upp með 117kg í jafnhendingu. Snorri Björnsson (LFR) var þriðji og lyfti hann 89kg í snörun og 105kg í jafnhendingu.

Í -94kg flokki sigraði Daníel Róbertsson (ÁRM) með 110kg í snörun og 130kg í jafnhendingu en Daníel vigtaðist 85,15kg inn í mótið. Bjarmi Hreinsson (LFR) var annar með 105kg í snörun og 135kg í jafnhendingu, og Daði Jónsson (LFR) þriðji með 77kg í snörun og 90kg í jafnhendingu.

Einn keppandi mætti til leiks í -105kg flokki en það var suðurnesjamaðurinn Ingólfur Þór Ævarsson (UMFN), hann lyfti 107kg í snörun og 135kg í jafnhendingu sem voru bæði bætingar.

Heildarúrslit frá mótinu má sjá í gagnagrunni lyftingasambandsins:http://results.lsi.is/meet/haustmot-lsi-2014

Haustmót LSÍ: Keppendalisti

Birt þann af
Svara

Haustmót LSÍ fer fram í Sporthúsinu á morgunn 4.Október, 18 keppendur eru skráðir til leiks. Eftirfarandi er skráningarlistinn sem einnig má finna í afrekaskrá LSÍ http://results.lsi.is/meet/haustmot-lsi-2014:

Konur Félag Þyngdarflokkur
Hrefna H. Guðlaugardóttir LFR -53kg
Birna Dís Ólafsdóttir LFG -53kg
Hjördís Ósk Óskarsdóttir Ármann -63kg
Tinna Rós Orradóttir Ármann -63kg
Lilja Lind Helgadóttir LFG 75kg+
Karlar Félag  Þyngdarflokkur
Guðmundur Steinn Gíslason Kjeld LFR -69kg
Einar Ingi Jónsson LFR -69kg
Arnór Gauti Haraldsson LFG -69kg
Stefán Rossen KFA -77kg
Davíð Björnsson Ármann -77kg
Sindri Pétur Ingimundarson LFR -77kg
Sindri Snær Freysson LFG -77kg
Guðmundur Högni Hilmasson LFR -85kg
Snorri Björnsson LFR -85kg
Bjarmi Hreinsson LFR -94kg
Daði Jónsson LFR -94kg
Daníel Róbertsson Ármann -94kg
Ingólfur Þór Ævarsson UMFN -105kg

Tímaseðill og keppendalisti fyrir Sumarmótið

Birt þann af
Svara

timasedill_sumarmot

Nafn Félag Flokkur
Konur
Birna Dís Ólafsdóttir LFG -53kg
Glódís Guðgeirsdóttir FH -63kg
Sólveig Sigurðardóttir LFG -63kg
Svanhildur Nanna Vigfúsdóttir LFG -63kg
Harpa Almarsdóttir LFR -63kg
Birgit Rós Becker LFR -69kg
Álfrún Ýr Björnsdóttir LFG -75kg
Sesselja Sigurðardóttir Ármann -75kg
Hildur Grétarsdóttir LFG -75kg
Rakel Hlynsdóttir LFG -75kg
Hildur Björk Þórðardóttir LFR 75kg+

 

Karlar
Emil Ragnar Ægisson UMFN -77kg
Jakob Magnússon Ármann -85kg
Ari Bragi Kárason KFA -85kg
Steinar Þór Ólafsson LFR -85kg
Óðinn Páll Tjörvason LFG -85kg
Einar Alexander K. Haraldsson LFR -85kg
Björgvin Karl Guðmundsson LFR -85kg
Daði Jónsson LFR -94kg
Bunyarak „Romran“ Yuangprasert Ármann -94kg
Alexander Kristmannsson LFR -94kg
Vignir Valgeirsson LFG -94kg
Ingólfur Þór Ævarsson UMFN -105kg
Stefán Velemir FH -105kg
Hilmar Örn Jónsson LFG -105kg
Bjarki Garðarsson KFA 105kg+

Úrslit munu birtast á gagnagrunni LSÍ: http://results.lsi.is/meet/sumarmot-lsi-2014

Norðurlandamótið í ólympískum lyftingum

Birt þann af
Svara

Norðurlandamótið í Ólympískum lyftingum fer fram í Vigrestad í Noregi á Laugardaginn. Sjö keppendur frá Íslandi verða í eldlínunni.

Í kvennaflokki mun Anna Hulda Ólafsdóttir keppa í 58kg flokki, Þuríður Erla Helgadóttir og Björk Óðinsdóttir í 63kg flokki og Katrín Tanja Davíðsdóttir og Ragnheiður Sara Sigmundsdóttir í 69kg flokki. Allar kepptu þær nýlega á Evrópumeistaramótinu í crossfit og stóðu sig með príði m.a. var Björk í öðru sæti og tryggði sig með þeim árangri inn á heimsleikana í Crossfit.

Í karlaflokki keppir Björgvin Karl Guðmundsson í fjölmennum 85kg flokki þar sem m.a. einn besti lyftingamaður norðurlandanna finninn Milko Tokola er mættur til leiks. Björgvin Karl náði líkt og Björk að tryggja sér þáttökurétt á heimsleikunum í Crossfit þegar hann varð þriðji á Evrópumeistaramótinu. Loks mun Gísli Kristjánsson keppa í +105kg flokki.

Landsliðsþjálfarinn Árni Björn Kristjáns­son fylgir liðinu og hon­um til aðstoðar er Elísa­bet Sól­ey Stef­áns­dótt­ir gjaldkeri sambandsins. Lár­us Páll Páls­son formaður LSÍ og alþjóðadóm­ari mun svo dæma á mót­inu fyr­ir Íslands hönd og sitja þing norðurlandasambandsins.

Dagskrá mótsins er eftirfarandi:
8:00-9:00 Vigtun
10:00-18:00 Keppni, keppt er í 5 hópum
Hópur 1 KVK 53kg, 58kg og 63kg
Hópur 2 KK 69kg og 77kg
Hópur 3 KK 85kg
Hópur 4 KVK 69kg, 75kg og +75kg
Hópur 5 KK 94kg, 105kg og +105kg

Merki Norðurlandasambandsins í lyftingum

Merki Norðurlandasambandsins í lyftingum

Hópur 1
53        SW    04.11.78    1    Berntsson Lena    SWE
53        JW    20.03.94    2    Øvsthus Sarah Hovden    NOR
53        SW    28.04.85    3    Ejstrup Christina Trier    DEN
58        SW    17.12.92    4    Trædal Sandra    NOR
58        SW    11.08.89    5    Utoslahti Pauliina    FIN
58        SW    18.07.88    6    Carlsen Camilla    NOR
58        SW    16.01.85    7    Ólafsdóttir Anna Hulda    ISL
63        SW    11.05.92    8    Årdalsbakke Marit    NOR
63        SW    30.07.91    9    Helgadóttir Þuríður Erla    ISL
63        SW    08.03.88    10    Óðinsdóttir Björk    ISL
63        SW    15.04.89    11    Roos Angelica    SWE
63        SW    28.04.87    12    Everi Anna    FIN
63        W1    06.03.79    13    Krarup Sarah Troelsen    DEN
63        SW    14.11.85    14    Hasfjord Marianne    NOR

Hópur 2
69        JM    02.09.94    21    Øverås Jantsen    NOR
69        SM    07.11.92    22    Mukkala Matias    FIN
69        SM    29.04.92    23    Hilmersson Anton    SWE
77        SM    11.02.91    24    Johnsson Erik    SWE
77        SM    03.08.91    25    Seipãjãrvi Juho    FIN
77        SM    16.09.90    26    Kring Tim    DEN
77        M1    15.06.78    27    Matnisdal Ronny    NOR
77        SM    01.07.90    28    Tokola Miika    FIN

Hópur 3
85        SM    22.05.88    31    Amdal Jarleif    NOR
85        JM    16.03.95    32    Gjøringbø Tore    NOR
85        SM    10.10.92    33    Tokola Milko    FIN
85        SM    24.09.92    34    Guðmundsson Björgvin Karl    ISL
85        SM    10.11.81    35    Rothwall Martin    SWE
85        SM    24.02.91    36    Gregersen Chris Geji    DEN
85        SM    26.06.93    37    Darville Simon    DEN

Hópur 4
69        JW    15.11.95    41    Dagsland Linn Therese    NOR
69        SW    09.09.91    42    Hansson Carita    SWE
69        SW    12.09.92    43    Sigmundsdóttir Ragnheiður Sara    ISL
69        SW    10.05.93    44    Davíðsdóttir Katrín Tanja    ISL
75        SW    04.06.84    45    Brynjulfsen Ingvild    NOR
75        SW    10.09.76    46    Berntsson Annika    SWE
75        SW    22.03.87    47    Roa Carolina    NOR
+75        YW    14.12.97    48    Llano Beatrice    NOR

Hópur 5
94        SM    16.10.88    51    Hannesbo Morten    DEN
94        SM    09.05.92    52    Farmen Sebastian    NOR
94        SM    21.11.92    53    Rørstadbotnen Sindre    NOR
94        SM    18.07.89    54    Hildebrandt Max    DEN
105        SM    07.09.88    55    Grostad Håvard    NOR
105        SM    15.09.88    56    Ågren Stefan    SWE
105        SM    27.04.93    57    Helleren Kristian    NOR
105        SM    28.11.88    58    Andersen Mikkel    DEN
105        SM    24.04.88    59    Nørgaard Jeppe    DEN
+105    SM    24.12.89    60    Tollefsen Kim Eirik     NOR
+105    M4    28.08.64    61    Kristjánsson Gísli     ISL
+105    SM    08.07.90    62    Varlid Vebjørn    NOR

Afrekaskrá Lyftingasambands Íslands

Birt þann af
Svara

Í lok vetrar gekk lyftingasambandið til samninga við Klaus Jensen um þróun á afrekaskráningarkerfi. Síðstu mánuði hefur undirritaður sett inn yfir 4000 árangra allt frá árinu 1963 til dagsins í dag.

Misvel hefur verið staðið að skráningu árangra í gegnum tíðina en stuðst hefur verið við heimildir frá Ársskýrslum LSÍ sem og gömlum blaða/fréttatilkynningum. Allar ábendingar um mót sem vantar inn / rangar innfærslur / fæðingarár iðkennda osfr. skulu sendast á skraningar@lsi.is .

Í heildina hefur verið skráð 141 mót sem haldin hafa verið innanlands og 99 mót sem íslenskir keppendur hafa keppt á erlendis og sjá má skiptinguna á grafinu hér að neðan.

Mót í lyftingum í afreksgagnagrunni LSÍ 14.5.2014

Mót í lyftingum í afreksgagnagrunni LSÍ 14.5.2014

Síðan er að mestu leiti á ensku en það ætti ekki að koma að sök, eftirfarandi valmyndir eru mögulegar:

Meets (þýð: Mót)
– Hér er hægt að velja þau mót þar sem árangur hefur verið skráður, við getum sett inn myndir frá fyrri mótum og má endilega senda þær á skraningar@lsi.is

Lifters (þýð: Lyftingamenn/konur)
– Hér er hægt að velja eftir stafrófsröð þá lyftingamenn og konur sem skráð eru í gagnagruninn, ef það vantar fæðingarár þá má endilega koma því til skila á skraningar@lsi.is. Hægt er að sjá öll mót sem viðkomandi keppandi hefur keppt á.

Clubs (þýð: Klúbbar/Félög)
– Listi yfir lyftingaklúbba/félög, þessi listi uppfærist sjálfvirkt frá árinu 2014. Ef þú vilt láta skrá þig í einhvern sérstakan klúbb eða þú vilt að klúbburinn þinn birtist þá sendir þú tölvupóst á skraningar@lsi.is

Rankings (þýð: Röðun)
– Hér er keppendum raðað upp samkvæmt sinclair tölu fyrir hvert ár. Þessi listi er m.a. hafður til hliðsjónar við val á lyftingamanni/konu ársins.

Records (þýð: Met)
– Hér er haldið utan um öll met sem skilgreind eru af IWF, þ.e. karla og kvenna (e. Senior), ungmenna (13-17 ára) og unglinga (15-20 ára). Einnig verður nú haldið yfir met í öllum öldungaflokkum karla og kvenna. Metin eru reiknuð sjálfkrafa frá þeim mótum sem eru í gagnagrunninum og því mikilvægt að öll mót séu skráð svo metin séu rétt.

Einnig er hægt að sjá met fyrir aldursbilið 1928-1972, 1972-1976 , 1977-1992, 1993-1997 og loks 1998-.

Að lokum vill Lyftingasambandið þakka þeim styrktaraðilum sem styrktu gerð síðunnar, ennþá er pláss fyrir einn aðila að auglýsa á síðunni.

Hægt er að fara á síðuna á http://results.lsi.is

Ísland fékk silfur á Smáþjóðaleikunum í San Marino

Birt þann af
Svara

Eins og við greindum frá í gær hér á síðu LSÍ, tók Ísland þátt í Smáþjóðaleikunum í San Marino í dag.  Strákarnir stóðu sig vel og háðu mikla baráttu við Kýpur. Strákarnir enduðu í öðru sæti með 948,54 sinclair stig á eftir Kýpur sem voru með 989,37.  Bronsið fékk svo Malta með 813,95 stig.

smáþjóða

Andri kom sá og sigraði og bætti sitt persónulega met, auk þess að sigra gamla refinn okkar Gísla Kristjánsson. Andri tók 143kg í snörun og 170kg í jafnhendingu.  Gísli átti ekki góðan dag, en hann tók 150/170 á Íslandsmeistaramótinu síðustu helgi og er líklegt að þreyta hafi haft þau áhrif að hann sýndi ekki sitt besta, en skilaði samt sínu, snaraði 140kg og tók 160kg í jafnhendingu.

Sigurður Bjarki setti Íslandsmet í sínum flokki í snörun þegar hann snaraði 120kg, hann tók svo 145kg í jafnhendingu sem var nýtt íslandsmet í samanlögðum árangri 265kg í 94kg flokki karla.

Árni átti gott mót og bætti sinn eigin árangur síðan á Íslandsmeistaramótinu síðustu helgi um 10 kg. Árni tók 116kg í snörun og 144kg í jafnhendingu.

Andri Gunnarsson náði þeim frábæra árangri að ná þriðja sætinu í heildarkeppninni og Gísli því fimmta.

Andri smáþjóða

 

Bikar Andra fyrir þriðja sætið 

 

Lyftingasamband Íslands óskar strákunum til hamingju með góðan árangur, gullið verður bara tekið að ári 😉

 

Íslandsmeistaramótið í lyftingum sýnt á RÚV

Birt þann af
Svara

Í dag laugardag 26. apríl, klukkan 15:45-17:25 verður sýnt frá Íslandsmeistaramótinu í Ólympískum lyftingum sem haldið var fyrir viku síðan, eða laugardaginn 19. apríl.

Það eru gleðitíðindi að fjölmiðlar séu farnir að fjalla um og sýna frá lyftingum aftur. Enda margir sem sakna þess tíma þegar fjölskyldan settist fyrir framan sjónvarpið og horfði á lyftingar. Það er því kjörið tækifæri í dag.

Við þökkum LFR, Sportlíf, FiskSpa, ERGO, Múrlínunni, Hámark, Sportvörum og Velmerkt fyrir að styrkja mótið og gera okkur kleift að greiða fyrir upptöku Sport TV í keppninni. Við þökkum svo RÚV fyrir að sýna Íslandsmeistaramótið og vekja þannig athygli á þessari ör vaxandi íþrótt.

Hægt er að sjá uptökuna af íslandsmótinu í sarpinum hjá RÚV: http://ruv.is/sarpurinn/islandsmotid-i-olympiskum-lyftingu/26042014-0

Íslendingar taka þátt í Smáþjóðaleikunum í San Marínó

Birt þann af
Svara

Lyftingasamband Íslands er þessa daganna að setja upp afreksstefnu. Samhliða því hefur Árni Björn Kristjánsson tekið að sér landsliðsþjálfarastöðu að minnsta kosti út árið 2014.

Landsliðsþjálfari
Árni Björn hefur bæði þjálfað og keppt í Ólympískum lyftingum, meðal annars keppti hann á Norðulandameistaramótinu í fyrra. Árni Björn hefur íþrótta og þjálfarabakgrunn.  Hann bæði æfði og þjálfaði í tennis. Fór svo að æfa CrossFit 2009 og Ólympískar lyftingar 2011.  Hann er yfirþjálfari hjá Lyftingafélagi Garðabæjar og þjálfar einnig hjá crossfit XY.  Árni Björn hefur einstaklega mikinn áhuga á framtíð lyftinga á Íslandi og tekur þetta verkefni að sér af heilum hug.

522604_10151374629025407_2020487410_nÁrni Björn Kristjánsson ásamt unnustu sinni Guðrúnu Ósk Maríasdóttir

Æfingabúðir LSÍ

Á dögunum bauð LSÍ uppá æfingabúðir.  Þær voru haldnar í húsakynnum Sporthús Reykjanesbæjar.  Dagurinn heppnaðist frábærlega og var mætingin góð.  Boðið var uppá tvær æfingar, fyrir og eftir hádegismat.  Eftir hádegismat var fræðslufundur áður en haldið var í næstu æfingu. Þar sem þetta heppnaðist vel er fyrirhugað að halda fleiri svona æfingabúðir á árinu.

2014-03-29 11.03.56Landsliðshópur á fyrri æfingu ásamt stjórnarmeðlimum LSÍ
(Vantar Andra Gunnarsson og Guðmund Högni á myndina)

Smáþjóðaleikar í Ólympískum Lyftingum í San Marínó

Í gær fóru fjórir karlmenn úr landsliðshópnum til San Marínó að keppa á Smáþjóðaleikunum í Ólympískum Lyftingum.  Þetta eru þeir Gísli Kristjánsson, Sigurður Bjarki Einarsson, Andri Gunnarsson og Árni Björn Kristjánsson. Árni er einnig þjálfari og farastjóri í hópnum.  Mótið er liðakeppni fyrir smáþjóðir og telja efstu þrír til stiga.  Þetta eru öflugir lyftingamenn og verður spennandi að sjá hvort þeir standi við orð sín og komi með gullið heim.

Þeir munu allir keppa á morgun laugardag klukka 11.00 að staðartíma eða 9.00 á Íslenskum tíma.  Ekki er vitað til þess að sýnt verði beint frá mótinu, en ef svo verður munum við láta vita á Facebook síðu okkar.

San Marino

„Þröngt mega sáttir sitja“ Gísli, Andri og Árni.

San Marino 1

Siggi Bjarki og Gísli Kristjáns komnir til San Marino í gærkveldi

 

Úrslit frá Íslandsmeistaramótinu 2014

Birt þann af
Svara

Úrslitin má sjá hér í eftirfarandi skjölum:

Konur holl 1
Konur holl 2

Karlar holl 1
Karlar holl 2

Sjá umfjöllun mbl um mótið:

http://www.mbl.is/sport/frettir/2014/04/19/gisli_islandsmeistari_i_enn_eitt_skiptid/

http://www.mbl.is/sport/frettir/2014/04/19/bjork_islandsmeistari_og_setti_met_2/

Íslandsmeistaramótið í ólympískum lyftingum fór fram þann 19.Apríl í húsakynnum LFR hægt er að sjá fjölda mynda á facebooksíðu LFR: https://www.facebook.com/media/set/?set=a.233182370204104.1073741833.194522374070104&type=1

Helstu afrek og úrslit mótsins voru eftirfarandi (uppfært 25.4.2014):

Konur:

Nokkuð óvænt samkeppni varð til í 53kg flokki kvenna þar sem þrír keppendur mættu til leiks, eflaust hefur það freistað að engin íslandsmet voru skráð í þessum flokk.
Hafdís Huld Sigurðardóttir (Ármanni) byrjaði á því að taka standardinn með því að lyfta 35kg í snörun hún lyfti síðan 51kg í jafnhendingu. Íris Dröfn Johansen (UMFN) tók að því loknu metið með því að lyfta 36 og 38kg sem eru jafnframt með í M35 flokki, hún lyfti síðan 49kg í jafnhendingu. En það var Hrefna H. Guðlaugardóttir (LFR) sem stal senunni í 53kg flokki kvenna með því að fara með allar lyftur í gegn og lyfti 46kg í snörun og 58kg í jafnhendingu og standa metin þar eftir þetta mót.

Oddrún Eik Gylfadóttir (Ármann) mætti frá Danmörku og var eini keppandinn í 58kg flokki, hún fór með allar lyftur í gegn og bætti sinn persónulega árangur 58/77.

Í 63kg flokki kvenna var búist við mikilli spennu en þar mættust aftur Björk Óðinsdóttir (KFA), Þuríður Erla Helgadóttir (Ármann) og Anna Hulda Ólafsdóttir (LFR) sem eru stigahæstu lyftingakonur landsins það sem af er ársins.
Þær opnuðu allar á 70kg, Björk missti þá þyngd en Þuríður og Anna tóku hana nokkuð létt. Björk fór þá í 71kg og tók þá lyftu en Þríður fór í 73kg sem var persónuleg bæting á móti og Anna Hulda fór einnig í 73kg en missti hana naumlega aftur fyrir sig.
Þuríður var því með forustuna þegar í þriðju lyftuna var komið, Björk fór þá í 75kg sem hún lyfti glæsilega og setti mikla pressu á Önnu og Þuríði. Anna fór einnig í 75kg sem hún stóð upp með en fékk dæmda ógilda fyrir að pressa út hægri olnboga í botnstöðu, Þuríður reyndi síðan við nýtt íslandsmet 76kg en lyfti því ekki. Í jafnhendingu byrjaði Björk á því að setja nýtt íslandsmet í samanlögðum árangri þegar hún lyfti 93kg í fyrstu tilraun, Anna Hulda lyfti í sinni 3. tilraun nýju íslandsmeti 95kg en Björk tók það af henni með því að lyfta 96kg. Björk reyndi síðan við 100kg í jafnhendingu og fór með þau upp fyrir haus en fékk lyftuna dæmda ógilda af dómurum.

Í 69kg flokki vann Erna Héðinsdóttir (Ármann) með bætingum í öllum greinum og setti um leið íslandsmet í kvennaflokki M35, tvær ungar stúlkur Freyja Mist Ólafsdóttir og Herdís Birta Bragadóttir úr LFR voru í öðru og þriðja sæti.

Ragnheiður Sara Sigmundsdóttir (UMFN) þyngdi sig upp í 75kg flokk og freistaðist þar til að taka met Lilju Lindar sem hún gerði. Hún lyfti mest 74kg í snörun og 94kg í jafnhendingu og bætti metið í samanlögðum árangri um 15kg.
Auður Ása Maríasdóttir (LFG) féll úr leik þar sem hún náði ekki gildri lyftu í snörun.

Í +75kg flokki kepptu Lilja Lind Helgadóttir (LFG) sem snaraði 75kg og jafnhenti 90kg og varð sigurvegari, Elísabet Sóley Stefánsdóttir (LFR) lyfti 40kg í snörun og 58kg í jafnhendingu og varð önnur.

Karlar:

Í 69kg flokki var einn keppandi Stefán Ernir Rossen (KFA), hann lyfti mest 80kg í snörun og 98kg í jafnhendingu, hann átti góðar tilraunir við ný met í unglingaflokki en hafði þær ekki í gegn.

Í 77kg flokki voru tveir keppendur, Davíð Björnsson (Ármann) endaði sem sigurvegari eftir að hafa lyft 90kg í snörun og 113kg í jafnhendingu. Snorri Björnsson (LFR) varð annar með 85kg í snörun og 110kg í jafnhendingu.

Björgvin Karl Guðmundsson átti frábært mót, hann varð íslandsmeistari í 85kg flokki karla og setti tvö met í snörun þegar hann lyfti 115kg og 120kg.
Hann bætti síðan met Sigurðs Bjarka Einarssonar í jafnhendingu og samanlögðu með því að fara með seríuna 135-141-145 í gegn en 141kg og 145kg voru ný íslandsmet í jafnhendingu. Hann varð jafnframt annar stigahæsti karl mótssins.
Daníel Róbertsson (Ármann) varð annar og lyfti 245kg í samanlögðu. Nokkuð hörð barátta var um þriðja sætið í flokknum en þrír piltar voru slógust um það, Hinrik Ingi Óskarsson (LFR) setti tvö met í snörun í piltaflokki 97kg og loks 101kg, hann lyfti síðan 123kg í jafnhendingu sem dugði honum í fjórða sætið í keppninni.
Guðmundur Högni Hilmarsson (Ármann) lyfti 99kg í snörun og var það piltamet sem Hinrik Ingi tók fljótlega af honum, hann lyfti hinsvegar tveimur piltametum í jafnhendingu 123kg og 128kg sem gaf honum jafnframt metið í samanlögðum árangri.
Fimmti maður í 85kg flokki karla var Högni Hjálmtýr Kristjánsson sem lyfti 97kg í snörun og 123kg í jafnhendingu og var því einnig stutt frá því að setja met, hann missti opnunarþyngdirnar sínar bæði í snörun og jafnhendingu og gæti það hafa spilað inn í.

Í 94kg flokki var það reynsluboltinn Sigurður Bjarki Einarsson (FH) sem sigraði með 117kg í snörun og nýtt íslandsmet í jafnhendingu 147kg, í öðru sæti varð Erlendur Helgi Jóhannesson (KFA) sem keppti á sínu fyrsta móti síðan 2010 og lyfti 113kg í snörun og 141kg í jafnhendingu. Bjarmi Hreinsson (LFR) varð þriðji þar sem hann lyfti 110kg í snörun og 130kg í jafnhendingu, hann átti nokkuð góða tilraun við 140kg en lyftan var dæmd af dómurum. Vignir Valgeirsson (LFG) varð fjórði og Árni Freyr Bjarnason (Ármann) fékk ekki gilda lyftu í gegn þrátt fyrir góðar tilraunir.

Íslandsmeistari í 105kg flokki karla varð Árni Björn Kristjánsson (LFG) sem lyfti 110kg í snörun og 140kg í jafnhendingu.

Í +105kg flokki sigraði Gísli Kristjánsson (LFR) með því að lyfta 150kg í snörun og 165kg í jafnhendingu, hann varð jafnframt stigahæsti einstaklingur mótssins. Bjarki Garðarsson (KFA) keppti á sínu fyrsta móti, hann lyfti opnunarþyngdinni sinni 120kg nokkuð létt í þriðju tilraun. Hann jafnhenti síðan 150kg og verður forvitnilegt að fylgjast með honum í framtíðinni.