Skráningarlistinn er kominn á netið

http://results.lsi.is/meet/islandsmeistaramot-2015

Liðið mætt í kynningu

SJÁ frétt mbl um mótið:http://www.mbl.is/sport/frettir/2015/04/26/island_i_odru_saeti/

Ísland átti enga keppendur á evrópumeistaramótinu í ólympískum lyftingum sem lauk í Georgíu í gær laugardaginn 18.Apríl. Ákveðið var að senda frekar keppendur á Heimsmeistaramótið í Houston þar sem ferðin til Georgíu er löng og dýr.

Norðurlandaþjóðirnar sendu allar keppendur (14kvk og 11kk) að undanskildu Íslandi og eru úrslit þeirra keppenda komin inn í gagnagrunn LSÍ: http://results.lsi.is/meet/evropumeistaramot-ewf-2015

Heildarúrslit mótsins má sjá á heimasíðu easywl þar sem einnig má sjá myndbönd af flest öllum lyftum mótsins: http://www.easywl.com/results/

Bestu norðurlandabúarnir voru Ruth Kasirye (NOR) í kvennaflokki sem varð fimmta í -69kg flokki með 105kg í snörun og 127kg í jafnhendingu, það gaf henni 292,1 stig. Í karlaflokki skoraði Miika Antti-Roiko (FIN) hæst með 150kg í snörun og 195kg í jafnhendingu í -94kg flokki, sá árangur færði honum 394,8 stig.

Skráning er hafin á íslandsmeistaramótið 2015, mótið mun að þessu sinni fara fram í Kaplakrika í Hafnarfirði. Við hvetjum iðkenndur til að skrá sig sem fyrst til leiks, látið fylgja með nafn, kennitölu, lyftingafélag og tölvupóstfang með skráningu.

Myndin fjallar um lyftingar út um allan heim og er skyldu áhorf fyrir alla áhugamenn um íþróttir.

37. Smáþjóðleikarnir í ólympískum lyftingum fara fram í Monte Carlo 24-26. Apríl.

Eitt af síðustu hlutverkum fyrri stjórnar var að velja liðið sem fer. Líkt og áður er keppt í stigakeppni þar sem þrír stigahæstu lyftingamennirnir keppa óháð kyni, á þessu verður vonandi bót á næstu árum.

Landslið Íslands að þessu sinni skipa:

Björgvin Karl Guðmundsson (Hengill)
Andri Gunnarsson (LFG)
Guðmundur Högni Hilmarsson (LFR)
Sigurður Bjarki Einarsson (FH)

Farastjóri
Ásgeir Bjarnason

Frekari upplýsingar um mótið má finna á heimasíðu mótsins: http://europeansmallnationswl.weebly.com/

Úrslit úr mótinu má sjá í afreksgagnagrunni LSÍ: http://results.lsi.is/meet/baetingamot-lfr-2015

Bætingamót LFR verður haldið í húsakynnum Crossfit-Reykjavík/Lyftingafélags-Reykjavíkur sunnudaginn 15.mars og hefst mótið klukkan 13. Tímaseðill: Vigtun 11:00-12:00 KVK 13:00-14:30 KK 14:30 – 17:00

8Högni Hjálmtýr KristjánssonKK100494-2219-85LFR

Ný stjórn f.v: Lárus Páll, Ingi Gunnar, Guðmundur Már, Stefán Ragnar, Hildur, Árni Björn, Ásgeir og Grétar Skúli.

Ársþing Lyftingasambands Íslands var haldið 7. mars síðastliðinn í fundasal Lionshreyfingarinnar í Sóltúni 20 í Reykjavík.  Formaður setti þingið og bauð þingfulltrúa velkomna, en þingfulltrúar voru 14 frá sjö aðildarfélögum af ellefu.  Formaður flutti skýrslu stjórnar og ritari stjórnar gerði grein fyrir reikningum, en í ávarpi formanns var gjaldkera sambandsins, Elísabetar Sóleyjar Stefánsdóttur, minnst en hún lést nýverið eftir harða baráttu við krabbamein.

Sambandið var rekið með hagnaði á síðasta starfsári og náðu reikningar yfir 16 mánaða timabil, en bókhaldsárið var fært yfir í almanaksárið á síðasta ársþingi sambandsins.  Afreksstefna LSÍ var kynnt á þinginu og samþykkt, en auk þess gerð breying á lögum sambandsins þar sem kveðið er á um að afreksstefnan skuli endurskoðuð og rædd á ársþingum. Lárus Páll Pálsson lýsti því yfir að hann ætlaði ekki að gefa kost á sér til endurskjörs og var hann sæmdur Gullmerki ÍSÍ fyrir störf sín.  Þá voru einnig Guðmundur Helgi Helgason og Sigmundur Davíðsson heiðraðir með Silfurmerki ÍSÍ á þinginu.

Nýr formaður var kjörinn Ásgeir Bjarnason, en aðrir í stjórn eru Árni Björn Kristjánsson, Hildur Grétarsdóttir, Ingi Gunnar Ólafsson og Stefán Ragnar Jónsson. Í varastjórn voru kosnir Lárus Páll Pálsson, Arnar Tuliníus, Grétar Skúli Gunnarsson og Guðmundur Már Þorvarðarson. Sigríður Jónsdóttir ritari ÍSÍ sótti þingið fyrir hönd ÍSÍ og var jafnframt þingforseti.

þinggerd_41_Lyftingaþing

Ársskýrsla_LSÍ_2015

Í dag var borin til grafar í Sauðakrókskirkju Elísabet Sóley Stefánsdóttir. Elísabet var kosin á síðasta lyftingaþingi í stjórn Lyftingasambandsins og gengdi hún stöðu gjaldkera á starfsárinu sem nú er að ljúka. Það er búið að vera erfitt að horfa upp á veikindi Elísabetar síðustu mánuði og baráttu hennar við krabbameinið. Elísabet var mikill orkubolti og var hún alltaf tilbúin að leggja fram hjálparhönd. Stjórn lyftingasambandsins sendir dætrum hennar og aðstandendum samúðarkveðjur.

Minningarathöfn verður haldin í Seljakirkju föstudaginn 27.Febrúar klukkan 20.

Einnig verða haldnir minningartónleikar í Tjarnarbíói 26.mars: http://skagfirdingafelagid.is/is/read/2015/02/17/barattukona-fallin-fra-minningartonleikar-i-mars

Þrír lyftingamenn/konur fengu úthlutun úr afreksmannasjóð ÍSÍ sem úthlutað var 23.Janúar.

Anna Hulda Ólafsdóttir (LFR) fékk 300.000kr eingreiðslu styrk

Guðmundur Högni Hilmarsson (LFR) fékk 200.000kr eingreiðslu styrk

Lilja Lind Helgadóttir (LFG) fékk 200.000kr eingreiðslu styrk

Lyftingasambandið óskar þeim til hamingju og vonar að þetta verði hvatning til afreka á árinu.

Sjá frétt ÍSÍ um úthlutunina: http://www.isi.is/frettir/frett/2015/01/23/ISI-uthlutar-afreksstyrkjum-/