Guðmundur Sigurðsson er einn af frumherjum ólympískra lyftinga á Íslandi en iðkun þeirra hófst upp úr 1960. Guðmundur var meðal keppenda á fyrstu mótunum sem haldin voru í ólympískum lyftingum hérlendis í byrjun árs 1963 og spannar keppnisferill hans um hálfa öld.

50 ára keppnisferill: http://results.lsi.is/lifter/gudmundur-sigurdsson

Guðmundur varð snemma einn fremsti lyftingamaður landsins og var fyrstur Íslendinga til að keppa á erlendum vettvangi er hann og Óskar Sigurpálsson tóku þátt í Norðurlandamótinu 1967. Hann keppti á tvennum Ólympíuleikum, í Munchen 1972 og Montreal 1976. Í Montreal hafnaði hann í 8. sæti í -90kg flokki og er það besti árangur sem Íslenskur lyftingamaður hefur náð. Guðmundur keppti einnig á tveimur Heimsmeistaramótum (1974 og 1979) og fjórum Evrópumeistaramótum (1972, 1974, 1976 og 1980). Þá varð hann fyrstur Íslendinga til að verða Norðurlandameistari árið 1977 og endurtók leikinn árið 1979 og að lokum fyrsti Smáþjóðleikameistarinn 1985. Þá hefur Guðmundur náð mögnuðum árangri í öldungaflokkum þar sem hann hefur 5 sinnum orðið Heimsmeistari (1989, 1991, 1993, 1995 og 2006) og Evrópumeistari 2008 auk þess að setja fjölda Heimsmeta í öldungaflokki.

Meðfram keppnisferlinum hefur Guðmundur unnið þrotlaust að uppgangi ólympískra lyftinga. Hann hefur verið mikilvirkur þjálfari og verið óþreytandi við kynningu og útbreiðslu íþróttarinnar. Jafnvel þegar lítið hefur verið um aðstöðu til æfinga, hefur hann lagt lyftingamönnum til æfingaaðstöðu í kjallaranum hjá sér. Hann hefur verið heiðraður á margvíslegan hátt fyrir störf sín og afrek. Hann er einn fjögurra íslenskra lyftingamanna sem hlotið hefur „Elite pin“ Lyftingasambands Norðurlandanna fyrir árangur í keppni, verið sæmdur Gullmerki ÍSÍ og hlotið Heiðursorðu Lyftingasambands Norðurlanda fyrir sitt mikla fram í þágu greinarinnar.

Lyftingasamband Ísland óskar Guðmundi til hamingju með árin sjötíu og þakkar ómetanlegt framlag til lyftingaíþróttarinnar á Íslandi.

Hér að neðan má sjá svipmyndir frá ferli Guðmundar.

1967

1972

1973

1976

1976, Guðmundur var seinna færður upp í 8.sætið

1977

1977

1977

1977

1977

1979

1980

1980

1985

1989

1990

1991

2004

16 keppendur hófu leik á Sumarmóti LSÍ á Akureyri. Hrafnhildur Finnbogadóttir [f.2000] (Ármanni) setti ný met í flokki 17 ára og yngri í -58kg flokki þegar hún snaraði 47kg og jafnhenti 62kg. Katla Björk Ketilsdóttir [f.2000] (UMFN) setti einnig met í -63kg flokki 17 ára og yngri þegar hún snarar 60kg og jafnhenti 74kg. Jóel Páll Viðarson [f.2002] (KFA) snaraði síðan 60kg í -62kg flokki og setti met í U15,U17,U20 og U23.

Heildar úrslit úr sumarmótinu eru komin á netið: http://results.lsi.is/meet/sumarmotid-2016

Norðurlandamót unglinga verður haldið á Íslandi (Kaplakrika) helgina 29.-30. Október og undirbúningur er hafin. Æfingabúðir sem haldnar voru í Reykjanesbæ um síðustu helgi með landsliðshóp 20 ára og yngri og 17 ára yngri voru fyrsti liður í þessum undirbúningi. Tvær æfingar voru haldnar, fyrirlestur um hvað er framundan á árinu og Sævar Ingi Borgarsson hélt fyrirlestur um liðleika, meðhöndlun og fyrirbyggjandi æfingar. Hópurinn borðaði síðan saman á Thai í Keflavík.

Lyftingasambandið þakkar íþróttamönnum og þjálfurum fyrir góða mætingu með von um að þetta verði bætingasumar.

Eins og alltaf minnum við á að láta, nafn, félag, kennitölu og þyngdarflokk fylgja skráningunni.

Að loknu Evrópumeistaramótinu í ólympískum lyftingum er vert að fara yfir stöðuna í liðakeppninni sem gefur þátttökurétt á ólympíuleikana í RÍÓ og sjá hversu líklegt eða ólíklegt er að Ísland verði meðal þátttökuþjóða í Ríó og almennt í framtíðinni. Á EM telja 4 konur úr hverju liði, að loknu móti velja liðin hvaða 4 konur telja og eðlilega eru það þær sem skora hæst í stigakeppninni.

Liðakeppnin

Staða í liðakeppni að loknu EM, 6 efstu þjóðir tryggðu sér 1 sæti hver

85 stig þurfti til þess að ná öruggu sæti í Ríó og enduðu spánverjar síðastir inn, eflaust á kostnað svía þar sem einn af bestu lyfturum svíþjóðar Patricia Strenius náði ekki gildri lyftu í jafnhendingu þar sem hún opnaði á 118kg í jafnhendingu sem hefði gefið henni 279.80 Sinclair stig og orðið efst sænskra lyftingakvenna á mótinu og fengið farseðilinn. En áður hafði Angelica Roos náð 6.sætinu í -58kg flokki kvenna og 279,1 Sinclair stigum. Ef Strenius hefði talið í kepninni hefðu Svíar líklega skorað nálægt 90 stigum í heildarkepninni.

Finnland var árið 2012 næsta þjóð inn á leikana og þeir eru í sömu stöðu í ár en mótið gekk nokkuð vel hjá Finnum þrátt fyrir að Marianne Saarhelo kláraði sína snörun í þriðju tilraun en annars hefði hún dottið úr leik og stigalægri manneskja talið.

Spánn (85 stig)

Finnland (79 stig)

Svíþjóð (77 stig)

Staða Noregs er áhugaverð í ljósi þess að besta lyftingakona norðurlandanna síðustu 10 ár Ruth Kasirye þurfti að draga sig úr keppni vegna brots á lyfjalögum en lyfið Meldonium fannst í þvagi hennar á sýni sem var tekið 25.Janúar. Málinu er ekki lokið en hún stefndi á pall á heimavelli. Frekari upplýsingar um málið á norskri heimasíðu: http://www.bull.no/vektlofteren-ruth-kasirye-testet-positivt-pa-meldonium

Staða Íslands

Ísland endaði í 18.sæti í liðakeppninni á EM en mjög hörð keppni var í þeim tveimur þyngdarflokkum sem við áttum keppendur í -58kg flokk (Þuríður Erla) og -63kg flokk (Hjördís Ósk og Anna Hulda). Dæmi um það er að Þuríður Erla var með fjórða stigahæsta árangur norðurlandabúa á mótinu en 25 konur frá norðurlöndunum kepptu á EM.

Ísland (33 stig)

Önnur tölfræði sem er áhugavert að skoða er hversu margar konur hófu leik miðað við grunn skráningar:

21 kona var skráð í -48kg flokk og 19 hófu keppni
27 konur voru skráðar í -53kg flokk og 24 hófu keppni
25 konur voru skráðar í -58kg flokk og 22 hófu keppni
29 konur voru skráðar í -63kg flokk og 25 hófu keppni
23 konur voru skráðar í -69kg flokk og 17 hófu keppni
25 konur voru skráðar í -75kg flokk og 16 hófu keppni
18 konur voru skráðar í +75kg flokk og 20 hófu keppni

Listi yfir fjölda keppendur í kvennaflokki frá hverju landi

Á HM í Houston vorum við með 3 keppendur sem kepptu ekki á EM, Crossfit stjörnurnar Annie Mist Þórisdóttir, Katrín Tanja Davíðsdóttir og Ragnheiður Sara Sigmundsdóttir.

Ef þær hefðu keppt á EM og náð nákvæmlega sama árangri og á HM þá hefði Annie (196kg) verið í 10.sæti í -69kg flokk og skorað 19.stig, Katrín Tanja (174kg) í 14.sæti í -69kg flokk og skorað 16.stig og Ragnheiður Sara (185kg) í 14.sæti í -75kg flokk og skorað 17.stig. Ísland hefði því skorað 68 stig með þessum árangri og árangri Þuríðar (16.stig). Hjördís og Anna Hulda hefðu ekki talið.

Til þess að fara upp fyrir Svía með 77 stig hefði allt þurft að ganga upp t.d. Annie 198kg (20.stig), Sara 198kg (19.stig) í -69kg flokki, Þurí 187kg í -58kg flokki (18.stig) og  Katrín í 184kg í -75kg flokki (17.stig). Þetta hefði í besta falli verið 74 stig. Hægt er að gera ráð fyrir að Hjördís/Anna myndu lyfta 182kg í -63kg flokk (14.stig). Norðurlandamet Lilju Lindar í +75kg flokki (183kg) hefði gefið 16.stig í þeim flokki.

Loka listi fyrir Ólympíuleika

20. Júní verður loka listinn fyrir keppendur á Ólympíuleikana í Ríó birtur. Fyrir þann tíma verður tilkynnt hvaða þjóðir fá sæti í gegnum einstaklings úthlutun en 7 þjóðir fá eitt sæti út frá stöðu á heimslista. Þar skiptir sköpum í hvaða þyngdarflokka vantar keppendur en minnst 10 keppendur verða að vera í hverjum þyngdarflokk á ólympíuleikunum. Skilyrði er að keppendur hafi keppt á minnst tveimur úrtökumótum og eru því Þuríður Erla og Hjördís Ósk einu íslensku keppendurnir sem eru gildir á þeim lista. Hægt er að nálgast listann á síðu IWF en lítið er að marka hann þangað til að öllum álfukeppnum er lokið og landslið hafa valið sína keppendur á leikana: http://www.iwf.net/olympic-ranking-lists/

Ástæða þess að spáð var um árangur svía og finna hér að ofan er sá að góðar líkur eru á að nokkur þeirra landa sem fengu sætum úhlutuðum í gegnum HM í lyftingum muni missa sæti vegna brota á lyfjalögum en ennþá eru 27 mál sem á eftir að dæma í frá því á HM 2015 og þeim verði þá úthlutað til næstu landa samkvæmt röðun á HM. Frakkland og Ítalía eru þau lönd og munu þau því fá sæti í gegnum HM og sæti 7 og 8 af evrópumeistaramótinu fá þá ólympíusæti. Þ.e. Finnland og Svíþjóð.

Niðurstaða

Samkvæmt þessari greiningu má segja að ólympískar lyftingar á Íslandi geti með góðu móti stefnt á þátttöku á leiknum 2020. Vonandi munu Crossfit og lyftingar halda áfram að vinna saman að frama greinarinnar. Auka þarf breidd, þ.e. fá fleiri keppendur inn í léttari og þyngri flokka því það sýnir sig í svona liðakeppni hversu mikilvægt er að geta verið með keppendur í sem flestum flokkum.

HM árið 2015 var fyrsta HM síðan 1987 sem Ísland átti kven keppendur á og það fyrsta síðan 2001 sem við áttum keppendur yfir höfuð. Aldrei í sögunni hefur Ísland sent 5 keppendur á HM.

EM 2016 var annað Evrópumeistaramótið sem Ísland sendi kven keppendur á en Anna Hulda keppti 2014.

Það hefur því mikið vatn runnið til sjávar á síðustu tveimur árum í reynslu keppenda og þjálfara hjá lyftingasambandinu, vonandi er að sú reynsla muni skila sér inn í starfið á næstu fjórum árum.

Heildarúrslit má nálgast á heimasíðu IWF: http://www.iwf.net/results/results-by-events/?event=350

Úrslit úr þyngdarflokkum íslensku keppendanna og norðurlanda þjóða má nálgast í afreksgagnagrunni sambandsins: http://results.lsi.is/meet/evropumeistaramotid-2016

Hjördís Ósk Óskarsdóttir og Anna Hulda Ólafsdóttir luku keppni á evrópumeistaramótinu í ólympískum lyftingum nú í kvöld.

Í snöruninni opnaði Hjördís á 72kg en klikkaði síðan 2x á 76kg sem hefði verið bæting um 1kg. Anna Hulda gerði sér lítið fyrir og opnaði á 75kg og fór síðan með glæsilegt nýtt íslandsmet 81kg í 3.tilraun. Það var jafnframt bæting um 3kg á hennar besta árangri í snörun og hún er því búin að bæta sig um 5kg á árinu.

Í jafnhendingunni hóf Anna leik með 90kg, lyfti síðan 92kg og reyndi við 94kg í síðustu tilraun. Hjördís átti góða jafnhendingu þar sem hún lyfti 96kg, 100kg og 104kg. Við það bætti hún árangur sinn frá því á HM um 1kg og líkt og Þuríður fer hún með þann árangur á heimslista fyrir ólympíuleikana í Ríó 2016 en skilyrði fyrir því að komast á listann er að hafa keppt á tveimur „stigamótum“.

Aðeins C-hópurinn hefur lokið keppni í -63kg flokk en Hjördís var önnur og Anna Hulda þriðja í þeim hóp. Flokkarnir klárast á morgun og er A-hópurinn sýndur beint á Eurosport klukkan 14:35.

Heildarúrslit munu koma í gagnagrunn LSÍ: http://results.lsi.is/meet/evropumeistaramotid-2016

Þuríður Erla Helgadóttir lauk keppni með 80kg í snörun og 103kg í jafnhendingu í -58kg flokki kvenna á Evrópumeistaramótinu í ólympískum lyftingum sem fram fer í Förde í Noregi. Hún varð í 14.sæti af 22.keppendum.

Þuríður opnaði í snörun á 76kg fór því næst í 80kg og lokatilraun hennar var við 83kg sem hefði verið bæting um 2kg á íslandsmeti hennar í snörun, hún sat undir þeirri þyngd en missti lásinn á hægri olnboga og lyftuna síðan aftur fyrir sig. Í jafnhendingu opnaði hún á 98kg, fór því næst í 103kg sem hún lyfti auðveldlega og í lokatilraun fór hún í 105kg sem hefði gefið henni 3.sætið í hópnum og nýtt íslandsmet í jafnhendingu. 105kg lyftan fór ekki upp og Þuríður endar því með 183kg í samanlögðum árangri og 259,2 Sinclair stig sem er aðeins 1kg og 0,8stigum frá hennar besta árangri.

Loka niðurstaða B-hóps

Þessi árangur er bæting um 2kg á árangri hennar frá því á HM 2015 og þetta þýðir því að hún fer upp um einhver sæti á heimslistanum fyrir Ólympíuleikana 2016 en loka listinn mun liggja fyrir 20.Júní. Minnum á afreksgagnagrunn sambandsins: http://results.lsi.is/meet/evropumeistaramotid-2016

Upphitun hjá Þuríði

Evrópumeistaramótið í ólympískum lyftingum fer fram í Förde daganna 10-16. Apríl.

Íslendingar eiga þrjá keppendur í kvennaflokki á mótinu en þetta er fjölmennasta evrópumeistaramót sem haldið hefur verið og jafnframt svokallaður liða qualifier fyrir Ólympíuleikana í Ríó þar sem 7 landslið munu tryggja sér sæti fyrir karlkeppanda og 6 landslið munu tryggja sér sæti fyrir kvenn keppenda.

Allar íslensku stelpurnar keppa á þriðjudaginn (12.Apríl), Þuríður Erla Helgadóttir keppir klukkan 9 á íslenskum tíma eða 11 á staðartíma í B grúppu -58kg flokks. Þuríður er með 7. besta árangur í flokknum.

Þær Hjördís Ósk Óskarsdóttir og Anna Hulda Ólafsdóttir keppa í C grúppu -63kg flokks kvenna. En nokkuð margir keppendur eru með í kringum 180kg í entry total og má því búast við harðri keppni við keppendur í B grúppu. Þær hefja keppni 19:30 á íslenskum tíma eða 21:30 að staðartíma.

—
Mikilvægar upplýsingar um mótið eru á ATG (t.d. vefsjónvarp):
http://www.allthingsgym.com/2016-european-weightlifting-ch…/
—
KEPPENDASKRÁ:
http://ewfed.com/documents/2016/Forde/Results/StartBook.pdf
—
ENDANLEG KEPPNISKRÁ (keppnisdagar – keppnistund) og sjónvarpsútsendingaskrá – EM2016 (Førde – 10.-16.apríl):
http://ewcforde2016.no/schedule/
—
EM2016-home-page:
http://ewcforde2016.no/
—
EM2016-facebook:
https://www.facebook.com/European-Weightlifting-Champions…/…
—
EM2016-facebook-event:
https://www.facebook.com/events/1702837633324277/