NM 2016 verður haldið í Rovaniemi (Lapplandi/Finnlandi) helgina 1-2.Október.

Landslið Íslands er að þessu sinni skipað 5 konum og 2 körlum sem koma frá tveimur lyftingafélögum; LFR (5) og KFA (2). Öll eru þau með Instagram og hvetjum við áhugasama til að kíkja á þau.

Ísland hefur á síðustu árum 2x eignast Norðurlandameistara; Anna Hulda Ólafsdóttir (2014 í -58kg flokki kvenna) og Þuríður Erla Helgadóttir (2015 í -58kg flokki kvenna).

Keppendurnir 2016 eru eftirarandi:

-58kg flokkur KVK

Jakobína Jónsdóttir (@jakobinaj) keppir nú í fyrsta sinn fyrir landsliðið en á lyftingamóti á hún best 70kg í snörun og 87kg í jafnhendingu. Hún er líklegt til þess að bæta þann árangur úti í Finnlandi.

-63kg flokkur KVK

Björk Óðinsdóttir (@bjorkodins) mætir aftur til leiks á keppnispallinn í ólympískum lyftingum en hún varð þriðja á NM2014 þar sem hún jafnhenti Íslandsmet 102kg. Íslandsmetið í jafnhendingu er sem stendur 105kg í eigu Hjördísar Ósk Óskarsdóttur og getur Björk slegið það á góðum degi.

Anna Hulda Ólafsdóttir (@annahuldaolafs) keppir einnig í -63kg flokki en hún er reynslumesti keppandinn í hópnum og keppti síðast á EM í Apríl þar sem hún snaraði nýju íslandsmeti í -63kg flokki kvenna 81kg. Anna á best 95kg í jafnhendingu og er líkleg til að stimpla sig inn í 100kg klúbbinn mjög fljótlega.

-69kg flokkur KVK

Aníta Líf Aradóttir (@anitalif) er líkt og Jakobína að keppa á sýnu fyrsta móti fyrir landsliðið. Í Ágúst keppti hún og bætti sig um 17kg í samanlögðum árangri þegar hún lyfti 77kg í snörun og 103kg í jafnhendingu. Hún er til alls líkleg í Finnlandi og beygði í að framan í síðustu viku 135kg.

-75kg flokkur KVK

Freyja Mist Ólafsdóttir (@freyjamist) er á síðasta ári í unglingaflokki (U20) og hefur tekið mögnuðum framförum á árinu. Hún setti nokkur norðurlandamet unglinga í snörun og jafnhendingu á Íslandsmeistaramóti Unglinga í Ágúst og standa metin í 88kg í snörun og 106kg í jafnhendingu.

-69kg flokkur KK

Einar Ingi Jónsson (@einaringij) er líkt og Freyja á síðasta ári í unglingaflokki (U20) og hefur sett fjölmörg Íslandsmet í fullorðins og unglingaflokkum síðustu 2 árin. Á Íslandsmóti Unglinga í Ágúst snaraði hann 110kg og jafnhenti 139kg og standa metin þar. Norðurlandamet unglinga í jafnhendingu er 145kg sem er í eigu Milko Tokola frá Finnlandi og hefur Einar augastað á því.

-105kg flokkur KK

Ingólfur Þór Ævarsson (@iaevarsson) keppir í fyrsta sinn fyrir landsliðið, hans bestu tölur eru 127kg í snörun og 161kg í jafnhendingu. Ingólfur fluttist til Akureyrar 2015 þar sem hann æfir og stundar nám.

Alþjóðalyftingasambandið (IWF) hefur útilokað rússneska landsliðið frá keppni í ólympískum lyftingum, á þetta sér nokkuð langan aðdraganda en fjöldi brota á lyfjalögum IWF og WADA spilar þar stóra rullu sem og niðurstöður úr endurprófunum á sýnum frá ólympíuleikunum 2008 og 2012.

Skýringu IWF má finna hér: http://www.iwf.net/2016/07/29/iwf-eb-decision-on-russian-participation-at-the-rio-2016-og/

Við þetta fá 3 þjóðir sæti fyrir kvenkyns keppenda en það eru Albanía, Georgía og Makedónía

5 þjóðir fá sæti fyrir karl keppenda en það eru Belgía, Króatía, El Salvador, Mongolía og Serbía.

12 keppendur 9KVK og 3KK mættu til leiks í Borgarnesi á unglingalandsmót UMFÍ. Keppendur á 11-18 aldursári geta þar keppt í fjölda greina og nú annað árið í röð voru ólympískar lyftingar meðal keppnisgreina.

Heildarúrslit: http://results.lsi.is/meet/unglingalandsmot-umfi-2016

Katla Björk Ketilsdóttir (UMFN) fylgdi eftir góðum árangri á Sumarmótinu á Akureyri þegar hún bætti sig í snörun og lyfti 61kg (met U17) og síðan 64kg sem var bæði íslandsmet í 17 ára og yngri sem og 20 ára og yngri en fyrra metið var 63kg í eigu Sólveigar Sigurðardóttir (LFG) sem keppti í liðakeppninni á nýliðnum heimsleikum í Crossfit.

Matthías Abel Einarsson (Hengill) endurheimti snöru metin sín í -62kg flokk þegar hann lyfti 61kg og 64kg. Hann lyfti síðan 75kg í jafnhendingu og setti met með þeirri lyftu í flokki 17 ára og yngri.

Í flokki 15 ára og yngri voru yngstu keppendur á 11 aldursári en keppt var með 5kg stön í þeim flokki þar sem keppendur voru að taka sín fyrstu skref.

Mennta- og menningarmálaráðuneytið og Íþrótta og Ólympíusamband Íslands undirrituðu í dag tímamótasamning til næstu þriggja ára um stóraukið fjárframlag ríkisins til afreksíþrótta á Íslandi. Framlagið mun hækka í áföngum úr 100 milljónum á fjárlögum síðasta árs í 400 milljónir á næstu þremur árum og er því um fjórföldun að ræða.

Önnur framlög ríkisins til ÍSÍ voru einnig aukin um 60 milljónir. Lyftingasambandið fagnar þessari fjármögnun.

Líney Rut  (framkvæmdastjóri ÍSÍ), Sigurður Ingi (forsætisráðherra), Lárus Blöndal (forseti ÍSÍ), Illugi Jökulsson (Menntamálaráðherra), Bjarni Benediktsson (fjármálaráðherra)

Mótið fer fram í Hjálmaklettum í Borgarnesi á Laugardaginn (30. Júlí) og hefst vigtun klukkan 9 en mótið klukkan 11.

Frekari upplýsingar um unglingalandsmótið má sjá í dagskrá mótsins: http://media.wix.com/ugd/15590d_b11b44e487674459acbfa73d7a7a0048.pdf

Evrópska lyftingasambandið (EWF) heldur áfram að gefa út vísindarit sitt. Ein af hugmyndafræðinni á bak við tímaritið er að rannsóknir sem gerðar eru á ólympískum lyftingum séu gerðar á lyftingamönnum og konum sem keppa á stórmótum.

Í þessu blaði er m.a. greining á snöru tækni íþróttamanna frá 2004-2014, einnig mjög áhugaverð greining á hnébeygju.

Hægt er að nálgast allt blaðið hér: http://ewfed.com/documents/EWF_Scientific_Magazine/EWF_Scientific_Magazine_EWF_N5.pdf

Alþjóða lyftingasambandið (IWF) hefur birt keppendalistann fyrir ólympíuleikana í Ríó 2016.

91 þjóð mun senda keppendur á leikana í Ríó en alls keppa 250 lyftingakarlar og konur, 156 karlar og 104 konur.

Kínverjar senda einir þjóða fullt lið 6KK og 4KVK, en Egyptar, Kólembía og Taíland senda 9 keppendur. Hvít-Rússar, Kazakstan og Rússland senda svo 8 keppendur en þessi lönd hafa öll verið í eldlínunni eftir fjölda brota á lyfjalögum IWF og WADA og misstu Rússland og Kazakstan fyrir vikið eitt sæti í karla og kvenna flokki.

Norðurlandaþjóðirnar senda þrjá keppendur:

-85kg flokkur karlar: Milko Tokola [Finnland]
-58kg flokkur kvenna: Angelica Roos [Svíþjóð]
-63kg flokkur kvenna: Anni Vuohijoki [Finnland] sem keppt hefur síðustu tvö ár á RIG.

Ástralir unnu sér inn eitt sæti á leikunum í kvennaflokki í ár og mun silfurverðlauna hafinn frá Crossfit leikunum 2015 keppa fyrir þeirra hönd, Tia-Clair Toomey.
En hún er sem stendur í þriðja sæti eftir fyrsta keppnisdag á Crossfit leikunum 2016.

Dagskrá leikana er eftirfarandi:
6.Ágúst -48kg flokkur KVK
7.Ágúst -56kg flokkur KK
7.Ágúst -53kg flokkur KVK
8.Ágúst -62kg flokkur KK
8.Ágúst -58kg flokkur KVK
9.Ágúst -63kg flokkur KVK
9.Ágúst -69kg flokkur KK
10.Ágúst -69kg flokkur KVK
10.Ágúst -77kg flokkur KK
11.Ágúst Engar lyftingar
12.Ágúst -85kg flokkur KK
12.Ágúst -75kg flokkur KVK
13.Ágúst -94 KK
14.Ágúst +75 KVK
15.Ágúst -105kg KK
16.Ágúst +105kg KK

Hægt er að sjá heildarlista með keppendum hér: http://www.iwf.net/wp-content/uploads/downloads/2016/07/Rio2016_List-of-Athletes-by-Event_20160721_Public.pdf

Hægt er að sjá skiptingu eftir löndum hér: http://www.iwf.net/wp-content/uploads/downloads/2016/07/List-of-Quota-by-NOC_Public.pdf

Dagskrá:LSI_haust

31.Júl Landsmót UMFÍ (11-18 ára)

6.Ágúst Íslandsmeistaramót Unglinga (13-20 ára) – Síðasti séns til að ná lágmörkum á NM senior. Preliminary entry 15.Ágúst, Final entry 31.Ágúst fyrir NM. Auglýsing mun birtast í næstu viku varðandi Íslandsmeistaramót Unglinga

24-28.Ágúst Æfingabúðir EWF fyrir 13-17 ára í Lettalandi (2KK + 2KVK + 2 Þjálfarar) – Val fyrir 25.Júlí

17.September Haustmót LSÍ – Síðasti séns til vinna sér inn þátttökurétt á NM unglinga

1.Október Nordic Championships (Rovaniemi – Finnlandi) – Síðasti séns á að ná lágmörkum fyrir EM unglinga

29.Október NM unglinga – Nordic Junior Championship (Hafnarfjörður – Ísland)

1.Desember Evrópumeistaramót Unglinga og -23 ára (EWF), Eiliat, Ísreal

17.Desember Jólamót LSÍ – síðasti séns á að ná lágmörkum fyrir RIG 2017

Lágmörk hér að neðan eru útreiknuð í Sinclair