Norðurlandamótinu í ólympískum lyftingum lauk um síðustu helgi.Ísland átti 7 keppendur á mótinu sem flestir voru í mikilli báráttu um verðlaunasæti.
Heildarúrslit má nálgast hér
Sjá umfjöllun morgunblaðsins hér
-58kg flokkur kvenna
Jakobína Jónsdóttir vann til silfur verðlauna og bætti sig um 3kg í snörun og jafnhendingu þegar hún lyfti 73kg í snörun og 90kg í jafnhendingu. Hún átti tilraun við 92kg sem hefði sett pressu á hina finnsku Laura Liukkonen sem lyfti 73kg í snörun og 93kg í jafnhendingu. Jakobína var léttari og hefði því sigrað ef þær hefðu lyft sömu þyngd.
-63kg flokkur kvenna
Anna Hulda Ólafsdóttir og Björk Óðinsdóttir voru mættar í þennan flokk og búist var við harðri baráttu fyrirfram en 4-5 konur áttu möguleika á palli. Anna Hulda byrjaði á því að klikka á 77kg opnunarlyftu í snörun sem var mögulega dýrkeypt því hún lyfti auðveldlega 77kg í annari tilraun og síðan 82kg sem var nýtt Íslandsmet og virtist eiga inn. Björk átti frábæra snörun þar sem hún fór með 75kg, 80kg og loks 83kg í lokalyftunni sem hún fékk dæmda ógilda 3-0 af dómurum en kviðdómur dæmdi lyftuna gilda þar sem hreyfing var á öxlum en ekki olnbogum og bæting á íslandsmeti Önnu var því staðreynd.Helstu keppinautar þeirra klikkuðu allar í þriðju tilraun og því var Björk með forustu eftir snörun, Ine Andersson með 82kg og Anna með 82kg. Í jafnhendingu byrjaði Anna á 90kg en cleanið misfórst aðeins og lyftan varð fyrir vikið hæg og þung, því næst fór Anna í 92kg sem var mun betri lyfta og loks í 95kg í þriðju tilraun jafnt hennar besta árangri og var sú lyfta lang auðveldust. Anna lauk því keppni með 177kg og tryggt þriðja sæti, þetta var hennar hæsti Sinclair í lyftingum en tilfinningin var að nokkur kíló voru skilin eftir á pallinum. Nú var röðin komin að Björk en hún opnaði í 95kg og hin norska Ine Anderssen í 96kg, þær voru því jafnar eftir fyrstu lyftu og Ine í forustu á léttari líkamsþyngd. Björk fór því næst í 100kg sem litu mjög vel út og Ine í 101kg sem var einnig frábær lyfta. Ine varð í 12.sæti á EM í Noregi með 84kg í snörun og 104kg í jafnhendingu og því þurfti að spá í spilin hvað myndi þurfa til þess að vinna hana en hún virtist eiga 3-5kg inni í jafnhendingu. Ákveðið var að kalla 106kg á stöngina sem hefði verið nýtt Íslandsmet í jafnhendingu og Elite-pin lágmark fyrir Björk (189kg samanlagt). Ine fór því í 105kg og lyfti á undan, hún klikkaði á þeirri lyftu og mögulega má deila um það hvort það var góð ákvörðun eða slæm að halda sig við 106kg í stað þess að lækka þyngdina niður í 105kg. Björk fór í 106kg sem var það þyngsta sem hún hafði clean-að eftir að hafa slitið hásin fyrir um einu og hálfu ári, hún stóð upp með það nokkuð auðveldlega og kláraði lyftuna upp fyrir haus en fékk ógilt fyrir pressu. Ine og Björk lyftu því jafn miklu og Ine sigraði flokkin og Björk með silfur.
-69kg flokkur kvenna
Hér var Aníta Líf Aradóttir mætt en á pappír var nokkuð öruggt að hin sænska Patricia Strenius myndi sigra. Aníta byrjaði á 75kg í snörun sem var auðveld lyfta og fór því næst í 80kg. Fyrri tilraun Anítu á 80kg var ekki góð en seinni tilraunin mun betri þó að hún náði ekki gildri lyftu. Í jafnhendingu var ákveðið að fá keppnis reynslu og fá allar lyftur í gegn, 95kg, 98kg og 100kg fóru því í gegn auðveldlega sem var öruggt silfur.
-75kg flokkur kvenna
Freyja Mist Ólafsdóttir var síðust kvenna til að hefja keppni, Freyja þurfti að létta sig um 2,5kg á sólahring fyrir keppni og það tók því sinn toll, en tvær mjög sterkar stelpur voru í +75kg flokki og Freyja hefði því aðeins átt mögulega á brons eða silfri þar. Freyja hefur verið að glíma við smávægileg hnémeiðsli og því var ákveðið fyrir mótið að hún myndi powerclean-a í jafnhendingunni en snara undir stöngina til að hlífa hnéinu fyrir NM unglinga í lok mánaðarins. Fyrsta markmið var að lyfta til sigurs og seinna markmiðið var að gera atlögu að norðurlandametum unglinga í -75kg flokki 81kg í snörun og 101kg í jafnhendingu. Freyja opnaði á 78kg í snörun og fór síðan í 82kg sem var nýtt met og auðveld lyfta, í þriðju tilraun fór hún 86kg sem hún stóð upp með hálfa leið en missti mjög tæpt. Í jafnhendingunni fór hún í 96kg sem tryggðu henni sigur og einnig íslandsmet unglinga í samanlögðu í -75kg flokk. Síðan var reynt við 102kg með powerclean-i sem hefði verið nýtt norðurlandamet unglinga en það gekk ekki í hvorugri tilrauninni. Norðurlandameistaratitill og eitt norðurlandamet unglinga var staðreynd.
-69kg flokkur karla
Einar Ingi Jónsson var síðastur íslensku keppendanna á fyrri degi mótsins hér var markmiðið að keppa til sigurs en daginn fyrir mótið fór Tim Kring (Danmörku) niður um flokk úr -77kg í -69kg og því var vitað að erfitt yrði fyrir Einar að keppa um gull. Norðmaðurinn Daníel Ronnes var því helsti keppinautur Einars. Einar opnaði á 105kg í snörun en sú tilraun var ekki góð og því var ákveðið að fara aftur í sömu þyngd, hún fór og því næst var hækkað í 110kg. Einar lyfti 110kg auðveldlega í þriðju tilraun á meðan Ronnes opnaði á 110kg og fór síðan í 114kg sem hann lyfti í þriðju og síðustu tilraun. Hann var því með 4kg forskot á Einar og léttari líkamsþyngd (30gr). Tim Kring snaraði 121kg. Í jafnhendingunni opnaði Einar öruggur á 137kg og fór síðan í 143kg sem var góð bæting um 4kg á íslandsmetinu sínu. Rönnes lyfti því næst 144kg og var því komin með 5kg forskot á Einar. Ákveðið var að fara í 146kg sem hefði verið 1kg bæting á norðurlandameti unglinga í eigu Milko Tokola í stað þess að fara í 149kg sem hefði þurft til þess að sigra Rönnes um silfrið. Einar lyfti þeirri þyngd en fékk lyftuna 3-0 dæmda af vegna pressu, flestir voru á því að það hefði verið mjög harður dómur en kviðdómur gerði ekki athugasemd við þann dóm. Norðurlandametið stendur því enn í 145kg en Einar mun án vafa taka það met fyrr en seinna.
-105kg flokkur karla
Á síðari keppnisdeginum keppti Ingólfur Þór Ævarsson í fyrnasterkum -105kg flokk karla en 6 keppendur voru skráðir í flokkinn, stefnan var sett á bætingar í snörun og jafnhendingu. Ingólfur hóf keppni á 120kg í snörun og lyfti þeirri þyngd auðveldlega, því næst fór hann í 127kg en náði ekki að sitja undir henni til að standa upp. Jafnhendingin gekk betur þar sem hann lyfti 155kg í opnunar þyngd og síðan 162kg í þriðju og síðustu tilraun sem var bæting um 1kg. Ingólfur fékk miklvæga keppnisreynslu og 5.sætið var staðreynd.
Stigahæstu keppendur mótsins
Ávallt er afhendur stigabikar fyrir hæsta Sinclair mótsins sem sjá má hér að neðan
Keppendalisti fyrir NM fullorðinna hefur verið
Lyftingasamband Íslands 