Við minnum á lyftingaveislu RIG 2017, 29.Janúar. 1000kr inn

Íslandsmótið í ólympískum lyftingum hefur verið fært yfir á sunnudaginn 19.Febrúar.

Skráning hefst fljótlega á lsi@lsi.is

Mótaskrá 2017 má sjá hér

Lyftingasamband Íslands (LSÍ) óskar eftir að ráða starfsmann/framkvæmdastjóra í 20% stöðu.

Starfssvið:
• Samskipti við stjórn, nefndir og félög.
• Undirbúningur við landliðsverkefni.
• Viðburðarstjórnun.

Menntunar- og hæfniskröfur:
• Háskólamenntun og/eða starfsreynsla sem nýst getur í starfinu.
• Góðir samskiptahæfileikar.
• Sjálfstæð og skipulögð vinnubrögð.
• Góð kunnátta í ensku og einu Norðurlandamáli (kostur).
• Góð tölvukunnátta.
• Reynsla af markaðsmálum er kostur.
• Æskilegt er að viðkomandi hafi þekkingu á íþróttahreyfingunni og/eða ólympískum lyftingum.

Umsóknarfrestur er til 22.janúar

Umsóknir og spurningar sendast á asgeir@lsi.is

Samningur frá 1.febrúar 2017 til 31.mars 2018, laun samkvæmt samkomulagi.

Hinir árlegu RIG leikar í ólympískum lyftingum verða haldnir Sunnudaginn 29.Janúar milli 10-13 í Laugardalshöllinni líkt og í fyrra. Mótið verður tekið upp og sýnt á RÚV seinna um daginn.

Keppendalistinn er tilbúinn en 10 karla og konur keppa í Sinclair stigakeppni og eru nánast allt besta lyftinga fólk landsins mætt til leiks m.a. lyftingafólk ársins 2016 Andri Gunnarsson og Þuríður Erla Helgadóttir.

Karlar

Konur

Lyftingasamband Íslands hlaut úthlutun úr afrekssjóð ÍSÍ að upphæð kr. 1.100.000,- styrkurinn er eyrnamerktur landsliðsverkefnum kvenna og vegna fagteymis fyrir afrekshóp.

Framundan eru tvö stór mót, EM í Split í Króatíu í byrjun Apríl og HM í lok Nóvember sem haldið er í Californiu í Bandaríkjunum.

Jólamótið fór fram í Sporthúsinu síðastliðinn laugardag (17.des) í umsjón Lyftingafélags Kópavogs. Alls mættu 60 keppendur til leiks en þetta er fjölmennasta innanlandsmót sem LSÍ hefur haldið. Brugðið var á það ráð að keppa samtímis á tveimur pöllum og tókst það með ágætum. Gaman var að sjá hversu margir mættu til keppni og jafnframt hversu margir voru að stíga sín fyrstu skref á keppnisplallinum. Það voru 10 keppendur 15 ára og yngri og um helmingur keppenda var 20 ára og yngri.

Sannarlega skemmtilegur endir á keppnisárinu, en samtals kepptu 127 einstaklingar (68kk og 59kvk) á mótum á vegum LSÍ árið 2016.

Heildarúrslit má nálgast í afreksgagnagrunni sambandsins hér

Spennandi keppni var í mörgum flokkum og ágætur árangur náðist. Stigahæst kvenna varð Katla Björk Ketilsdóttur (UMFN), en hún snaraði 69kg og jafnhenti 82kg sem gáfu henni 214,6 sinclair stig. Þetta eru jafnframt Íslandsmet í 58kg flokki stúlkna (U17) og unglinga (U20). Önnur varð Birna Blöndal Sveinsdóttir (KFA) en hún bætti Íslandsmetin í 53kg flokki er hún snaraði 65kg og jafnhenti 75kg sem gáfu 211,8 sinclair stig. Hörð keppni var um þriðja sætið en það hreppti Birna Dís Ólafsdóttir (LFH) með 201,6 stig en skammt þar á eftir kom Hrund Scheving (Ármann) með 200,2 stig.

Stigahæstur karla varð Daníel Róbertsson (Ármann) en snaraði 112kg og jafnhenti 142kg, 79,25kg að líkamsþyngd, sem gáfu honum 314,8 sinclair stig. Annar varð Ingólfur Þór Ævarsson (KFA) en snaraði 125kg og jafnhenti 163kg sem gáfu 310,1 stig og voru jafnframt þyngstu lyftur mótsins. Gífurlega hörð barátta var um bronsverðlaunin þar sem 0,2 stig skildu að 3. og 4. sætið og 0,8 stig 3.-5.sæti. Það fór þó svo að bronsið féll í skaut Davíð Björnssyni (Ármann) en hann snaraði 108kg og jafnhenti 140kg sem gáfu 306,8 sinclair stig. Fjórði varð Árni Freyr Bjarnason (Ármann) með 306,6 stig og fimmti Birkir Örn Jónsson (KFA) með 306,0 stig.

Fjöldi meta féll á mótinu. Auk þess að Birna Blöndal Sveinsdóttir (KFA) bætti öll Íslandsmetin í 53kg flokki kvenna eins og áður hefur fram komið þá lyfti Birna Dís Ólafsdóttir einnig yfir gömlu metunum í jafnhendingu og samanlögðu sem hún átti sjálf. Þá var árangur Kötlu Bjarkar (UMFN) Íslandsmet í 58kg flokki í U17, U20 og U23 og Hrundar Scheving (Ármann) í flokki 35-39 ára í 75kg. Elín Rósa Magnúsdóttir (LFK) setti met í 63kg flokki og Einar Ísberg (Hengill) í 56kg flokki í öllum greinum í U15. Þá setti Jón Kaldalóns Björnsson (LFR) met í snörun og samanlögðu í 85kg flokki pilta U17.

Mótaskrá 2017 liggur fyrir, 2 mót eiga mögulega eftir að bætast við dagskrá:

Stjórn LSÍ hefur valið lyftingafólk ársins 2016

Þuríður Erla Helgadóttir (f.1991) úr Ármanni er lyftingakona ársins 2016 og er þetta annað árið í röð sem hún hlýtur titilinn. Þuríður varð í 14.sæti í -58kg flokki á Evrópumeistaramótinu í Ólympískum Lyftingum sem haldið var í Noregi. Hún varð einnig Íslandsmeistari 2016 í -58kg flokki og stigahæsti íslenski keppandinn á því móti og jafnframt stigahæst íslenskra kona allra tíma þegar hún snaraði 80kg og jafnhenti 104kg sem gáfu henni 260 Sinclair stig.

Yfirlit yfir árangur Þuríðar: http://results.lsi.is/lifter/turidur-erla-helgadottir

Andri Gunnarsson (f.1983) úr lyftingafélagi Garðabæjar er lyftingakarl ársins 2016. Hann varð Íslandsmeistari 2016 og stigahæsti maður mótsins þegar hann snaraði nýtt íslandsmet 157kg í +105kg flokki karla og jafnhenti einnig nýtt met 186kg sem gáfu honum 354,6 Sinclair stig.

Yfirlit yfir árangur Andra: http://results.lsi.is/lifter/andri-gunnarsson

Ungmenni ársins (karlaflokkur)

Einar Ingi Jónsson (f.1996), Lyftingafélagi Reykjavíkur er ungmenni ársins í karlaflokki. Einar Ingi keppti á 7 mótum á árinu og setti Íslandsmet í einni eða fleiri greinum á þeim öllum í -69kg flokki karla. Hann endaði í 10.sæti á Evrópumeistaramóti 20 ára og yngri. Hann varð Norðurlandameistari unglinga í -69kg flokki og í þriðja sæti á Norðurlandamóti fullorðinna. Einar varð Íslandsmeistari í -69kg flokk karla og einnig Íslandsmeistari unglinga í sama flokki, þá var hann í liði Íslands á Smáþjóðleikunum í Ólympískum lyftingum. Stigahæsta árangrinum náði hann á Norðurlandameistaramóti fullorðinna þegar hann snaraði 110kg og jafnhenti 143kg sem gáfu honum 341,1 Sinclair stig.

Yfirlit yfir árangur Einars: http://results.lsi.is/lifter/einar-ingi-jonsson

Ungmenni ársins (kvennaflokkur)

Freyja Mist Ólafsdóttir (f.1996), Lyftingafélagi Reykjavíkur er ungmenni ársins í kvennaflokki. Freyja Mist setti 10 Norðurlandamet unglinga á árinu í -75kg og +75kg flokki kvenna 20 ára og yngri. Freyja varð í 8.sæti á Evrópumeistaramóti unglinga 20 ára og yngri í -75kg flokki. Hún varð Norðurlandameistari unglinga í +75kg flokki og fullorðinna í -75kg flokki. Besti árangur hennar á árinu var þegar hún snaraði 88kg og jafnhenti 106kg sem tryggðu henni 227,9 Sinclair stig.

Yfirlit yfir árangur Freyju: http://results.lsi.is/lifter/freyja-mist-olafsdottir

Tímaseðill og uppsetning á mótinu má nálgast hér að neðan.

Allir keppendur verða vigtaðir milli 10:15-11:15

Síðasti séns til að breyta þyngdarflokkum er á hádegi föstudaginn 16.Des í gegnum lsi@lsi.is, aðeins er tekið á móti breytingum í gegnum lsi@lsi.is

Tímaseðill og skipulag á pdf formi

Uppsetning á mótinu

Tímaseðill