Heildarúrslit: http://results.lsi.is/meet/nordic-championship-ntf-2017

Landslið Íslands lauk keppni á Norðurlandameistaramótinu í Svíþjóð í dag.

Ísland vann til tveggja gullverðlauna á mótinu þegar Aníta Líf Aradóttir (LFG) vann magnaðan sigur í -69kg flokki kvenna þegar hún lyfti 80kg í snörun og 109kg í jafnhendingu í lokatilraun eftir að hafa opnað á 100kg og misst 105kg í annari tilraun , hún lyfti því 1kg þyngra samanlagt en hin norska Marit Ardalsbakken. Frábær árangur (sjá lyftu hér að neðan). Lilja Lind Helgadóttir (LFG) varð í þriðja sæti í -69kg flokki kvenna og lyfti 75kg í snörun og 91kg í jafnhendingu.

https://www.instagram.com/p/BYkmmMqnk5M/?hl=en&taken-by=anitalif

Freyja Mist Ólafsdóttir (LFR) vann -90kg þyngdarflokk kvenna, og setti í leiðinni nýtt íslandsmet í snörun 90kg og samanlögðum árangri 195kg eftir 105kg jafnhendingu. Þetta var jafnframt bæting á hennar besta stigaárangri um hálft stig.

Hjá körlunum vann Einar Ingi Jónsson (LFR) til bronsverðlauna í sterkum -77kg flokki karla þar sem hann vigtaðist léttur 72,45kg en Einar skipti nýlega um þyngdarflokk eftir að hafa keppt lengst af í -69kg flokk. Hann lyfti 116kg í snörun og rétt missti 120kg, hann fór með allar jafnhendingarnar í gegn og tvíbætti íslandsmetið fyrst með því að lyfta 146kg og síðan 151kg upp fyrir haus. Sjá myndband hér að neðan að nýjum metum Einars (þurfið að ýta til hægri). Þetta var jafnframt besti stigaárangur Einars 344,8 Sinclair stig.

Árni Rúnar Baldursson (Hengli) varð í 5.sæti í -77kg flokknum á sínu fyrsta móti fyrir landsliðið og bætti sig um 7kg með því að lyfta 112kg í snörun og 135kg í jafnhendingu.

Síðastur Íslendinganna að keppa var Ingólfur Þór Ævarsson sem keppti léttur í +105kg flokknum, hann opnaði á 125kg og rétt missti síðan 130kg og 135kg í snörun. Í jafnhendingu opnaði hann á 164kg og en klikkaði síðan tvisvar sinnum á 171kg og endaði í 5.sæti í flokknum.

Danir unnu stigabikar karla eftir að vera jafnir að stigum við Norðmenn en með 6 keppendur í stað 7 hjá Norðmönnum. Heimamenn Svíar voru aðeins í 4.sæti  í karlaflokki eftir að hluti sænska liðsins dró sig úr keppni til að mótmæla samstarfsörðuleikum sem hafa verð milli íþróttamanna og stjórnar sænska sambandsins.

Liðakeppni Karlar

Svíar unnu samt sem áður kvenna bikarinn með 2 stigum á Norðmenn.

Liðakeppni Konur

Tveir stigahæstu menn mótsins voru í fyrsta og öðru sæti í -77kg flokki karla, hinn danski Tim Kring (387 stig) bætti danska metið í snörun um 4kg þegar hann lyfti 140kg. Hann jafnhenti síðan 167kg og náði sínum besta árangri á ferlinum. Hinn norski Rogert Myrholt (377stig) átti líka frábæran dag þegar hann bætti norska metið í jafnhendingu með því að lyfta 171kg í jafnhendingu og bætti með því norska metið um 6kg og sitt eigið met um 10kg. En það dugði ekki til að vinna Tim því Roger snaraði 129kg.

Íslandsvinkonan Anni Vuhojoki bætti finnska metið í -63kg flokki kvenna um 3kg þegar hún jafnhenti 114kg. Hún varð önnur á stigum með 263,8 Sinclair stig á eftir hinni sænsku Angelicu Roos 272 Sinclair stig.

HEILDARÚRSLIT

Unglingalandsmót UMFÍ fór fram í dag á Egilstöðum í húsakynnum Crossfit Austur. Góð stemming var á mótinu og luku 19 keppendur keppni og margir voru að keppa á sínu fyrsta móti í ólympískum lyftingum.

Þetta er þriðja árið í röð sem ólympískar lyftingar eru á meðal keppnisgreina á ungmennalandsmótinu og má því segja að greinin sé að festa sig í sessi.

Keppt var í tveimur aldursflokkum 11-14 ára og 15-18 ára karla og kvenna.

11-14 ára Karla

Brynjar Ari Magnússon var í nokkrum sérflokki enda lang reyndasti keppandi mótsins, hann snaraði 70kg og jafnhenti 80kg en jafnhendingin var persónuleg bæting á móti hjá honum um 3kg.

Bjartur Berg Baldursson átti flotta innkomu á sínu fyrsta móti með því að snara 37kg og jafnhenda 55kg.

Þriðji varð Sigurbjörn Ágúst Kjartansson sem vigtaðist rétt yfir 50kg, snaraði 27kg og jafnhenti 35kg.

Tryggvi Hrafn Reimarsson og Konráð Guðlaugsson settu báðir nokkur met í flokki -50kg 15 ára og yngri og 17 ára og yngri en engin met voru listuð í þeim þyngdarflokki í jafnhendingu og samanlögðum árangri.

11-14 ára KVK

Allir keppendur í flokknum voru að keppa á sýnu fyrsta móti og eru að stíga sín fystu skref í greininni.

Steina Björg Ketilsdóttir varð stigahæst, en hún er systir Kötlu Ketilsdóttir sem sigraði eldri flokkin (sjá að neðan). Natalía Sól Jóhannesdóttir og Andrea Maya Chirikadzi urðu í öðru og þriðja sæti.

15-18 ára KK

Jóel Páll Viðarsson er á mikilli bætinga siglingu þessa daganna, hann snaraði 82kg og bætti sitt eigið met í flokki 15 ára og yngri um 1kg en einnig fór hann með 88kg upp en fékk ógilt á pressu í vinstri olnboga. Í jafnhendingu bætti hann sín eigin met þegar hann lyfti 96kg og 100kg í -94kg flokk.

Kristinn Már Hjaltason kom í humátt á eftir Jóel en hann keppti á sýnu fyrsta móti í ólympískum lyftingum, hann snaraði 67kg og jafnhenti 93kg og var aðeins 3 stigum frá Jóel.

Þriðji varð Ófeigur Númi Halldórsson sem keppti á sýnu fyrsta móti.

15-18 ára KVK

Katla Björk Ketilsdóttir fór með sigur af hólmi í þessum flokk, hún rétt slapp inn í -69kg flokk kvenna og setti met í snörun og samanlögðu í flokki 17 ára og yngri. Hún snaraði 70kg og jafnhenti 80kg.

Embla Rán Baldursdóttir sýndi góða takta þegar hún varð önnur með því að snara 35kg og jafnhenda 50kg á sýnu fyrsta móti.

Landslið Íslands hefur verið valið í tengslum við Norðurlandamót Fullorðinna 2017 sem fram fer í Svíþjóð 1.-3. September. Ísland mun síðan halda Norðurlandamótið 2018 en það fór síðast fram hérlendis á Akureyri 2013.

Árni Rúnar og Emil Ragnar keppa þar á sýnu fyrsta móti fyrir landslið Íslands í ólympískum lyftingum.

Karlar:
Einar Ingi Jónsson (LFR) -77kg flokk
Árni Rúnar Baldursson (Hengill) -77kg flokk
Emil Ragnar Ægisson (UMFN) -85kg flokk
Ingólfur Þór Ævarsson (KFA) +105kg flokk

Konur:
Aníta Líf Aradóttir (LFG) -69kg flokk
Lilja Lind Helgadóttir (LFG) -69kg flokk
Freyja Mist Ólafsdóttir (LFR) -90kg flokk

Þjálfarar:
Ingi Gunnar Ólafsson – varaformaður LSÍ
Hjördís Ósk Óskarsdóttir -framkvæmdastjóri LSÍ

Heildarkeppendalista má sjá hér að neðan:

5 Íþróttamenn og 2 þjálfarar fara í æfingabúðir 17 ára og yngri í Lettlandi 14.-19. Ágúst. EWF greiðir fæði og uppihald og LSÍ styrkir hvern þáttakenda um 50þús krónur fyrir flugmiðum.

Karlar:
Veigar Ágúst Hafþórsson (f.2000) – LFH
Matthías Abel Einarsson (f.2000) – Hengill
Jóel Páll Viðarsson (f.2002) – KFA
Brynjar Ari Magnússon (f.2004) – LFH

Konur:
Hrafnhildur Finnbogadottir (f.2000) – LFK

Þjálfarar:
Magnús B. Þórðarson – LFH
Þorbergur Guðmundsson – KFA

Sumarmót LSÍ fór fram í húsakynnum og umsjón LFG/Crossfit XY, Laugardaginn 11.Júní. Heildarúrslit má nálgast í afreksgagnagrunni LSÍ: http://results.lsi.is/meet/sumarmot-lsi-2017

39 keppendur hófu keppni frá 9 lyftingafélögum og féllu fjölmörg met í unglingaflokkum og margar keppnisbætingar. Þetta var fyrsta mót af þremur í Liðabikar LSÍ 2017 og er staðan eftir fyrsta mót eftirfarandi:

Í kvenna flokki sigraði Aníta Líf Aradóttir sem keppti í fyrsta sinn fyrir LFG á mótinu. Aníta átti frábært mót og lyfti 82kg í snörun (2kg bæting) og 108kg í jafnhendingu (8kg bæting !), með þessum árangri fer Aníta í 5.sæti á all-time Sinclair listanum yfir bestu lyftingakonur landsins með 241,7 stig. Hún mun án efa gera atlögu að Íslandsmeti Ragnheiðar Söru Sigmundsdóttir 110kg í -69kg flokki kvenna á næstu mótum.

Önnur varð Viktoría Rós Guðmundsdóttir sem einnig hefur skipt um félag og keppir núna fyrir LFG. Viktoría keppir létt í -69kg flokki kvenna (64,95kg) og tók góðar bætingar í snörun 70kg (3kg bæting) og 96kg í jafnhendingu (4kg bæting). Þessi árangur gaf henni 213,6 Sinclair stig.

Þriðja sæti skipaði Álfrún Ýr Björnsdóttir LFH sem fylgdi eftir góðum árangri frá meistaramóti UMSK og lyfti 72kg í snörun og 98kg í jafnhendingu (2kg bæting). Þetta gaf henni 204,6 Sinclair stig um einu og hálfu stigi betur en Katla Björk Ketilsdóttir UMFN sem snaraði glæsileg met í -63kg flokki bæði U17 og U20 ára kvenna. Fyrst 71kg og síðan 73kg sem var 3kg keppnisbæting hjá Kötlu.

Hjá Körlunum var það Einar Ingi Jónsson LFR sem náði bestum árangri hann snaraði 116kg (4kg bæting) og jafnhenti 145kg (2kg bæting) og þetta gaf honum hæsta Sinclair sem hann hefur náð 339,07 stig. og fór hann með því upp Björgvin Karl Guðmundsson á allt-time Sinclair lista karla  um 0,04 stig. Þetta voru einnig ný met í snörun, jafnhendingu og samanlögðum árangri í -77kg flokki karla 23 ára og yngri.

Í öðru sæti varð Ingólfur Þór Ævarsson KFA sem snaraði glæsilega 135kg (8kg bæting) og jafnhenti 165kg (1kg bæting). Ingólfur átti góðar tilraunir við 140kg í snörun og tvær við 172kg í jafnhendingu en náði ekki að klára þær lyftur. Ingólfur er greinilega í miklum bætingum og mögulega fer Íslandsmet Gísla Kristjánsonar í -105kg flokki karla, 175kg frá árinu 2003 að komast í færi. Ingólfur vigtaðist 110,75kg inn í mótið og fékk 321,5 Sinclair stig.

Þriðji varð Emil Ragnar Ægisson UMFN sem átti góða endurkomu í nýjum þyngdarflokk eftir erfið meiðsl. Emil snaraði 117kg (4kg bæting) og jafnhenti 147kg (5kg bæting). Þessi árangur tryggði Emil 315,7 stig.

—

Íslandsmet sem sett voru á mótinu voru eftirfarandi:

Rökkvi Guðnason LFR setti met í öllum flokkum bæði karla og unglingaflokkum í -56kg flokki þegar hann snaraði best 50kg og jafnhenti 62kg. Rökkvi var einnig yngsti keppandi mótsins aðeins 12 ára (f.2005).

Agnes Ísabella Guðmundsdóttir LFH setti met í öllum greinum í -53kg flokki 15 ára og yngri með 35kg í snörun og 40kg í jafnhendingu.

Katla Björk Ketilsdóttir UMFN snaraði ný met 70kg og 73kg í -63kg flokki kvenna U17 og U20 ára. Það gaf henni einnig met í samanlögðum árangri í sama flokk.

Brynjar Ari Magnússon LFH snaraði 68kg og 73kg sem voru ný met í -69kg flokki 15 ára og yngri.

Veigar Ágúst Hafþórsson LFH bætti Íslandsmetið í -94kg flokki karla 17 ára og yngri um 1kg þegar hann snaraði 97kg.

Einar Ingi Jónsson LFR setti ný met í öllum greinum í -77kg flokki karla 23 ára og yngri eins og áður sagði.

Upplysingar_sumarmot_2017

Tímaseðill
7:00 – 8:00 Vigtun KVK (Allir flokkar)
8:00 – 9:00 Vigtun KK (Allir flokkar)
9:00 – 10:25 KVK – B hópur (11 keppendur)
10:30 – 12:25 KK – B hópur (13 keppendur)
12:30 – 13:50 KVK – A hópur (9 keppendur)
14:00 – 16:00 KK – A hópur (13 keppendur)

Verðlauna afhending allir flokkar að loknu móti

Uppfærður keppendalisti

Karlar

Tamás Aján ásamt nýkjörinni stjórn alþjóðalyftingasambandsins

Formaður Lyftingasambandsins tók þátt í kostningum alþjóðalyftingasambandsins (IWF) fyrir hönd Íslands sem fram fóru í Bangkok í Tælandi 29-30.Maí. Hinn 78 ára gamli ungverji Tamás Aján var endurkosinn formaður sambandsins eftir harða kostningarbaráttu við Ítalann Antonio Urso og munaði þar mestu stuðningur mið austurlanda og Afríkuríkja við Tamás Aján.

Tamás hlaut 86 atkvæði á móti 61 atkvæði Urso en 147 þjóðir höfðu atkvæðisrétt og mun hann því verða 82 ára þegar næstu kostningar fara fram og hefur þá verið yfir 50 ár í stjórn IWF. Aján var fyrst kosinn í stjórn IWF 1970, varð aðalritari 1976 og forseti árið 2000. Hann hefur verið umdeildur en er heiðursfélagi í alþjóðaólympíunefndinni (IOC) og einn af upphafsstjórnarmeðlimum WADA.

Aðrir sem kostnir voru í stjórn voru:

Aðalritari: Mohammed Jalood (Írak) sem sigraði sitjandi aðalritara frá Kína Ma Wenguang og Kínverjar eiga því engan fulltrúa af 16 stjórnarmeðlimum en þeir unnu 5 gull verðlaun og 2 silfur á Ólympíuleikunum í Ríó 2016.

Fyrsti varaforseti: Intarat Maj. Gen. YODBANGTOEY (Taíland).

Fyrsti kvenn varaforseti: Ursula PAPANDREA (USA). Í fyrsta sinn var kosin sérstaklega um konu sem einn af varaforsetum stjórnar og var það hin grísk ættaði forseti Bandaríska lyftingasambandsins Ursula Papandrea sem var kosinn.

Varaforsetar: Nicu VLAD (Rúmeníu), Jose Carlos QUINONES (Perú), Zhanat TUSSUPBEKOV (Kazakstan), Petr KROL (Tékkland).

Kvenn stjórnarmeðlimur: Karoliina LUNDAHL (Finnland) var kosinn í stjórn IWF og er hún þriðji norðurlandabúinn til að starfa í stjórn IWF.

Stjórnarmeðlimir: Pyrros DIMAS (Grykkland), Birendra Prasad BAISHYA (Indland), Maxim AGAPITOV (Rússland), Shakhrillo MAKHMUDOV (Úzbekistan), Mahmoud MAHGOUB (Egyptaland), Luis Oswaldo ZAMBRANO ANDRADE (Ekvador), Michael IRANI (Bretland).

Antonio Urso hafði talað fyrir miklum breytingum innan alþjóðalyftingasambandsins m.a. varðandi meðferð á málum sem varða brot á lyfjalögum WADA.

Nánari umfjöllun má sjá á vef insidethegames og á heimasíðu IWF.

Mistök mótshaldara við útreikning á Sinclair urðu þess valdandi að Einar Ingi Jónsson fékk verðlaun sem besti lyftingakarlinn á nýafstöðnum Smáþjóðleikum í San Marino en ekki Guðmundur Högni Hilmarsson. Mótshaldarar staðfestu það í dag og hörmuðu mistökin. Þeir sendu heildar úrslit frá mótinu þar sem þetta er leiðrétt: Heildar úrslit smáþjóðleikanna í lyftingum

Guðmundur Högni lyfti nýjum íslandsmetum í snörun (134kg), jafnhendingu (160kg) og það varð einnig nýtt íslandsmet í samanlögðum árangri 294kg í -94kg flokki karla. Þetta gaf Guðmundi Högna 334,09 stig á móti 330,6 stigum Einars. Í þriðja sæti varð Maltverjinn Kyle Sean Micallef með 329,56 stig.

Sjá má myndbönd af lyftunum Guðmundar hér að neðan: