Ísland keppti á móti Ísrael í landskeppni í dag þar sem þrír keppendur af hvoru kyni kepptu í Sinclair stiga keppni. Hugmyndin af mótinu er sprottin undan því að núna hefur WOWAIR hafið beint flug til Tel Aviv og voru þeir einn af styrktaraðilum mótsins. Mótið var haldið fyrir lokagrein á stóru crossfit móti í Tel Aviv og var utandyra í sólinni. Einnig er mótið undirbúningur fyrir keppendur sem keppa á HM í lyftingum í lok Nóvember.

Ísrael fór með sigur í samanlagðri keppninni með fyrnasterkum körlum og setti m.a. Artur Mugurdumov Ísraelskt met í jafnhendingu í -105kg flokki þegar hann jafnhenti 197kg. Litlu máttu þó muna að þeirra sterkasti keppandi Igor Olshaneski dyttu úr keppni í snörun en hann lyfti opnunarþyngd sinni í þriðju tilraun.

Kvennaliðið okkar vann þó hið Ísraelska og Þuríður Erla Helgadóttir varð stigahæst kvenna með 247,6 stig en hún snaraði 80kg og jafnhenti 105kg. En bæði Þuríður og Sólveig fóru með allar sínar lyftur í gegn og Aníta Líf allar snaranir en þær munu allar keppa á HM í Bandaríkjunum mánaðarmótin Nóvember/Desember.

Sólveig Sigurðardóttir setti nýtt íslandsmet í -75kg flokk kvenna en hún vigtaðist létt í flokkin (69.5kg) og jafnhenti 107kg sem var bæting á meti Ragnheiðar Söru Sigmundsdóttur um 2kg sett árið 2015 og bæting á metinu í samanlögðum árangri um 4kg. Einar Ingi Jónsson jafnaði Íslandsmetið í snörun í -77kg flokki þegar hann snaraði 117kg, og var það nýtt met í flokki 23 ára og yngri. Hann reyndi einnig við 120kg.

Sjá umfjöllun um mótið á ísraelska vefnum snatcher: https://www.snatcher.co.il/מאמרים/הרמת-משקולות-אולימפיות/איסלנד-נגד-ישראל-בהרמת-משקולות-התוצאו/

Ísland KVK = 711,5 Stig
Ísland KK = 969,1 Stig
Ísland Samanlagt = 1681 Stig

Ísrael KVK = 690,3 Stig
Ísrael KK = 1126,7 Stig
Ísrael Samanlagt = 1817 Stig

Besta KVK = Þuríður Erla Helgadóttir 274,6 stig (80/105)
Besti KK = Artur Mugurdumov 389,2 stig (150/205)

Sex manna lið frá Íslandi keppir á föstudaginn (20.Október) í Tel Aviv í landskeppni milli Íslands og Ísraels í ólympískum lyftingum. Mótið er haldið í tengslum við stórt liða crossfit mót sem heitir Affiliate Cup og verður mótið fyrir loka greinina í mótinu. Valið var í lið Íslands útfrá árangri á árinu 2017 og er liðið skipað eftirfarandi:

Karlar:
Einar Ingi Jónsson (LFR)
Ingólfur Þór Ævarsson (KFA)
Daníel Róbertsson (Ármann)

Konur:
Þuríður Erla Helgadóttir (Ármann)
Sólveig Sigurðardóttir (LFR)
Aníta Líf Aradóttir (LFG)

Þjálfari með hópnum er Árni Freyr Bjarnason.

Mótið verður góður undirbúningur fyrir Þuríði, Sólveigu og Anítu en allar eru þær skráðar til leiks á HM í lok Nóvember sem fram fer í Anaheim í Kaliforníu.

Haustmóti LSÍ lauk í dag en mótshaldari var Lyftingafélagið Hengill í Hveragerði og stóðu þau sig með stakri prýði.

Heildarúrslit má nálgast í afreksgagnagrunninum:http://results.lsi.is/meet/haustmot-lsi-2017

Topp 3 KVK

Freyja Mist Ólafsdóttir (LFR) 90/105  – 226,4 Sinclair stig
Viktoría Rós Guðmundsdóttir (LFG) 71/90 – 205,2 Sinclair stig
Rakel Hlynsdóttir (Hengill) 73/90 – 203,9 Sinclair stig

Topp 3 KK

Bjarmi Hreinsson (LFR) 136/150 – 322,6 Sinclair stig
Guðmundur Steinn Gíslason Kjeld (LFA) 109/136 – 303,7 Sinclair stig
Birkir Örn Jónsson (LFG) – 105/142 – 298,7 Sinclair stig

34 keppendur hófu keppni 22 í kvennaflokki og 12 í karlaflokki. Matthías Abel Einarsson (Hengill) bætti snöru metið í öllum flokkum í -63kg flokki þegar hann snaraði 69kg. Einar Ísberg (Hengill) bætti íslandsmetið í flokki 15 ára og yngri -62kg flokki þegar hann jafnhenti 72kg og 76kg, það voru líka met í samanlögðum árangri. Að lokum bætti Agnes Ísabella Guðmundsdóttir (LFH) íslandsmet 15 ára og yngri í -53kg flokki kvenna þegar hún jafnhenti 48kg.

Liðakeppni mótsins

Staðan í Liðabikar LSÍ fyrir lokamótið (Jólamótið) má sjá hér að neðan og ljóst er að nýtt lið mun vinna bikarinn en Lyftingadeild Ármanns hefur unnið bikarinn síðastliðin tvö ár.

Liðabikar 2017 (eftir 2/3)

Alþjóðalyftingasambandið (IWF) hefur tilkynnt að þær níu þjóðir sem voru með þrjú eða fleiri jákvæð lyfjaprófssýni frá endurprófunum á ólympíuleikunum 2008 og 2012 munu verða settar í eins árs bann frá allri keppni í ólympískum lyftingum og hefst bannið um miðjan Október í ár. Það þýðir að þessar þjóðir verða ekki meðal keppanda á Heimsmeistaramótinu í ólympískum lyftingum sem hefst í lok Nóvember  í Anaheim  (Kaliforníu) og verður Ísland meðal þátttökuþjóða með 4-6 keppendur.

Úr endurprófununum voru 49 jákvæð sýni og meðal þeirra fjölmargir verðlaunahafar frá leikunum tveimur. Illya Ilyin frá Kasakstan líklegast stærsta nafnið í lyftingaheiminum en hann vann gullverðlaun í Bangkok og London ásamt því að vera fjórfaldur heimsmeistari í greininni.

Löndin níu og fjöldi jákvæðra sýna er eftirfarandi:

Rússland (10)
Kazakstan (10)
Hvíta-Rússland (7)
Azerbajan (5)
Armenía (4)
Tyrkland (3)
Úkraína (3)
Kína (3)
Moldova (3)

Kína og Rússland hafa unnið flest verðlaun á stórmótum í ólympískum lyftingum síðustu árum og mun þetta án efa hafa mikil áhrif á röðun efstu sæta. Mótin sem öll löndin níu missa af eru eftirfarandi:

HM í lyftingum, Nóvember 2017
Ólympíuleikar Æskunnar 2018
HM Unglinga 2018
Asíuleikarnir 2018
Evrópumeistaramótið 2018
Aðrar álfukeppnir 2018

Fréttatilkynning IWF: http://www.iwf.net/2017/09/30/iwf-executive-board-upholds-decision-related-to-member-federations-which-have-produced-three-or-more-retesting-cases/

Frétt insidethegames: https://www.insidethegames.biz/articles/1056018/one-year-bans-keep-china-russia-and-seven-others-out-of-weightlifting-world-championships

Listi yfir keppendur frá endurprófunum: http://www.iwf.net/anti-doping/reanalysis/

Katla Björk Ketilsdóttir UMFN keppti í dag fyrir hönd Íslands á Evrópumeistaramótinu í ólympískum lyftingum 17 ára og yngri sem fram fer í Kósavó. Katla átti frábært mót og bætti sinn besta árangur um 12 kg í samanlögðum árangri sem tryggði henni 5.sæti af 13 keppendum í -63kg flokki aðeins 1kg á eftir keppandanum í fjórða sæti.

Katla hóf keppni á 72kg í snörun, því næst fór hún í 75kg sem hún klikkaði á en í lokatilraun fór hún í 77kg sem var tilraun við nýtt norðurlandamet í -63kg flokki kvenna 17 ára og yngri. Katla lyfti þeirri þyngd með glæsibrag og bætti þar með um ársgamalt met hinnar sænsku Ölvu Cederholm 76kg, 77kg hjá Kötlu var bæting á hennar eigin íslandsmeti um 4kg frá því fyrr í sumar.

Í jafnhendingunni þá byrjaði Katla á 82kg, því næst fór hún í 85kg og loks í 88kg, en bæði 85kg og 88kg voru ný íslandsmet, samanlagður árangur því 165kg.

Katla verður í eldlínunni í lok Október þegar 12 íslenskir keppendur fara á Norðurlandamót Unglinga 20 ára og yngri og 17 ára og yngri í Pori í Finnlandi.

—

Hægt er að sjá norðurlandametið hjá Kötlu frá mínútu 56:43 í útsendingu frá mótinu sem og aðrar lyftur: https://www.youtube.com/watch?v=0Q3C8Q6qb2c

—

Nánari útlistun á árangri Kötlu má sjá í gagnagrunni lyftingasambandsins: http://results.lsi.is/lifter/katla-bjork-ketilsdottir

Tvö ný lyftingafélög hafa verið tekin inn í LSÍ og ÍSÍ.

Lyftingafélag Austurlands sem er staðsett í Crossfit Austur á Egilstöðum og héldu þau unglingalandsmóts hlutann í ólympískum lyftingum í sumar. Á nýafstöðnu Íslandsmeistaramóti Unglinga þá keppti fyrsti keppandi undir þeirra merkjum; Bjartur Berg Baldursson.

Lyftingafélag UMFS Selfoss hefur verið endurstofnað og er það til húsa í Sportstöðinni á Selfossi og eiga þeir enn eftir að senda sinn fyrsta keppanda á mót en Árni Steinarsson útskrifaðist sem dómari í Ágúst.

Heildarúrslit:http://results.lsi.is/meet/islandsmeistaramot-unglinga-u17-og-u20-2017

Íslandsmeistaramót Unglinga fór fram í gær (9.September) í húsakynnum Lyftingafélags Reykjavíkur/Crossfit Reykjavík. Fjörutíu keppendur hófu keppni og voru fjöldi íslandsmeta í unglingaflokkum sett af báðum kynjum. Lyftingasambandið biður keppendur og dómara afsökunar á miklum seinkunum sem urðu á tímaseðli.

Stigahæstu keppendur voru eftirfarandi:
Konur 17 ára og yngri: Katla Ketilsdóttir UMFN 205,2 Sinclair stig 71kg í snörun og 82kg í jafnhendingu sem tryggði henni nýtt Íslandsmet samanlögðum árangri bæði 17 ára og yngri og 20 ára og yngri í -63kg flokki.

Karlar 17 ára og yngri: Veigar Ágúst Hafþórsson LFH 257 Sinclair stig 100kg í snörun og 120kg í jafnhendingu. Snörunin var Íslandsmet í flokki 17 ára og yngri -94kg og bæting á eldra meti um 3kg sem var í eigu Veigars.

Konur 20 ára og yngri: Birna Aradóttir LFR 212,8 Sinclair stig, 75kg í snörun og 83kg í jafnhendingu. 75kg í snörun var nýtt íslandsmet í flokki 20 ára og yngri og hún bætti einnig metið í samanlögðum árangri.

https://www.instagram.com/p/BY1STpaFgVB/?hl=en&taken-by=birnaaradottir

Karlar 20 ára og yngri: Arnór Gauti Haraldsson LFH 309,5 Sinclair stig. Arnór lyfti 122kg í snörun og 136kg í jafnhendingu. Hann labbaði í burtu með 8kg bætingu á samanlögðum árangri.

Fjöldamörg íslandsmet voru sett og þá sérstaklega í léttari flokkum. Hrafnhildur Arnardóttir (LFK) og Tinna María Stefnisdóttir (LFR) settu báðar mörg met í -48kg flokki 17 ára og yngri. Agnes Ísabella Guðmundsdóttir (LFH) og Úlfhildur Unnarsdóttir (LFG) sömuleiðis met í -53kg flokki 17 ára og yngri. Álfrún Tinna Guðnadóttir (LFR) bætti metin í -63kg flokki 15 ára og yngri og sömuleiðis Birta Líf Þórarinsdóttir (LFR) í -69kg flokki 15 ára og yngri.

Hjá körlunum voru það Kristófer Guðmundsson (LFG) og Borgþór Jóhannson (LFG) sem skiptust á að bæta metin í -50kg flokk 17 ára og yngri. Einar Ísberg (Hengill) og Rökkvi Guðnason (LFR) settu báðir nokkur met í -56kg flokk 17 ára og yngri. Matthías Abel Einarsson (Hengill) bætti met í öllum unglingaflokkum í -62kg flokki.

Loks keppti Freyja Mist Ólafsdóttir LFR sem gestur og bætti sitt eigið íslandsmet í -90kg flokki kvenna þegar hún snaraði 92kg sem er jafnframt þyngsta snörun sem lyft hefur verið á Íslandi. Hún bætti líka metið í samanlögðum árangri með því að lyfta 104kg í jafnhendingu.

Íslandsmeistarar voru eftirfarandi:
17 ára og yngri KVK:
-48kg
Hrafnhildur Arnardóttir LFK 28+43=71kg
-53kg
Agnes Ísabella Guðmundsdóttir LFH 38+45=83kg
-63kg
Katla Björk Ketilsdóttir UMFN 71+82=153kg
-69kg
Birta Líf Þórarinsdóttir LFR 50+65=115kg

17 ára og yngri KK:
-50kg
Kristófer Guðmundsson LFG 37+40=77kg
-56kg
Einar Ísberg Hengill 58+74=132kg
-62kg
Matthías Abel Einarsson Hengill 68+90=158kg
-69kg
Róbert Þór Guðmarsson LFH 70+95=165kg
-77kg
Brynjar Ari Magnússon LFH 80+100=180kg
-94kg
Veigar Ágúst Hafþórsson LFH 100+120=220kg

20 ára og yngri KVK:
-63kg
Birna Aradóttir LFR 75+83=158kg
-69kg
Margrét Þórhildur Jóhannesdóttir LFK 66+80=146kg
-75kg
Vigdís Hind Gísladóttir Hengill 46+55=101kg
-90kg
Birta Hafþórsdóttir LFH 73+87=160kg

20 ára og yngri KK:
-69kg
Guðjón Alex Flosason Hengill 83+101=184kg
-77kg
Jón Kaldalóns Björnsson LFR 104+131=235kg
-85kg
Arnór Gauti Haraldsson LFH 122+136=258kg
-105kg
Sigurjón Guðnason LFR 104+127=231kg
+105kg
Ingvi Karl Jónsson Ármann 98+110=208kg

Vegna fjölda áskorana hefur stjórn lyftingasambandsins samþykkt viðauka við mótareglur sem tekur til Unglingalandsmóts UMFÍ, Íslandsmeistaramóts Unglinga og innanfélagsmóta

Viðauki við mótareglur [*.pdf]

Viðauki við mótareglur LSÍ

1.gr Notkun stanga og opnunarþyngdir

Keppendur 15 ára og yngri mega á Unglingalandsmóti UMFÍ, Íslandsmeistaramóti Unglinga og á innanfélagsmótum nota eftirfarandi keppnisstangir kjósi þeir það:

15 ára og yngri KK: 15kg kvenna keppnisstöng, lágmarks opnunarþyngd 21kg (stöng + 2.5kg + klemmur)

15 ára og yngri KVK: 10kg tækni stöng, lágmarks opnunarþyngd 16kg (stöng + 2.5kg + klemmur)

Aðrir keppendur þessara móta þurfa að nota eftirfarandi stangir
16-20 ára KK: 20kg karla keppnisstöng, lágmarks opnunarþyngd 30kg (stöng, 2.5kg + lásar)

16-20 ára KVK: 15kg kvenna keppnisstöng, lágmarks opnunarþyngd 25kg (stöng, 2.5kg + lásar)

Á öðrum mótum lyftingasambandsins gilda þær reglur að allir karlar nota 20kg stöng og allar konur 15kg stöng. Lágmarks opnunarþyngdir eru þá 30kg hjá körlum og 25kg á konum.

Á RIG, Íslandsmeistaramótinu og öðrum alþjóðlegum mótum er lágmarksopnunarþyngd 45kg hjá körlum (stöng + 10kg plötur + 2.5kg lásar) og lágmarks opnunarþyngd hjá konum 40kg (stöng + 10kg plötur + 2.5kg lásar).

Mælst er til þess að á Íslandsmeistaramóti Unglinga 2018 og síðar sé keppt í U20, U17 og U15.

2.gr Vigtun keppenda

Á mótum þar sem keppt er í þyngdarflokkum hljóta keppendur 15 ára og yngri keppnisrétt í þeim flokki sem þeir vigtast inn í, ef þeir eru of léttir fyrir skráðan flokk fara þeir niður um flokk og ef þeir eru of þungir fyrir skráðan flokk fara þeir upp um flokk.

16-20 ára þurfa að vigtast inn í þann flokk sem þeir eru skráðir í á mótum sem keppt er í þyngdarflokkum annars fyrirgera þeir rétti sínum til að keppa.

Samþykkt á stjórnarfundi 5.9.2017

Heildarúrslit: http://results.lsi.is/meet/nordic-championship-ntf-2017

Landslið Íslands lauk keppni á Norðurlandameistaramótinu í Svíþjóð í dag.

Ísland vann til tveggja gullverðlauna á mótinu þegar Aníta Líf Aradóttir (LFG) vann magnaðan sigur í -69kg flokki kvenna þegar hún lyfti 80kg í snörun og 109kg í jafnhendingu í lokatilraun eftir að hafa opnað á 100kg og misst 105kg í annari tilraun , hún lyfti því 1kg þyngra samanlagt en hin norska Marit Ardalsbakken. Frábær árangur (sjá lyftu hér að neðan). Lilja Lind Helgadóttir (LFG) varð í þriðja sæti í -69kg flokki kvenna og lyfti 75kg í snörun og 91kg í jafnhendingu.

https://www.instagram.com/p/BYkmmMqnk5M/?hl=en&taken-by=anitalif

Freyja Mist Ólafsdóttir (LFR) vann -90kg þyngdarflokk kvenna, og setti í leiðinni nýtt íslandsmet í snörun 90kg og samanlögðum árangri 195kg eftir 105kg jafnhendingu. Þetta var jafnframt bæting á hennar besta stigaárangri um hálft stig.

Hjá körlunum vann Einar Ingi Jónsson (LFR) til bronsverðlauna í sterkum -77kg flokki karla þar sem hann vigtaðist léttur 72,45kg en Einar skipti nýlega um þyngdarflokk eftir að hafa keppt lengst af í -69kg flokk. Hann lyfti 116kg í snörun og rétt missti 120kg, hann fór með allar jafnhendingarnar í gegn og tvíbætti íslandsmetið fyrst með því að lyfta 146kg og síðan 151kg upp fyrir haus. Sjá myndband hér að neðan að nýjum metum Einars (þurfið að ýta til hægri). Þetta var jafnframt besti stigaárangur Einars 344,8 Sinclair stig.

Árni Rúnar Baldursson (Hengli) varð í 5.sæti í -77kg flokknum á sínu fyrsta móti fyrir landsliðið og bætti sig um 7kg með því að lyfta 112kg í snörun og 135kg í jafnhendingu.

Síðastur Íslendinganna að keppa var Ingólfur Þór Ævarsson sem keppti léttur í +105kg flokknum, hann opnaði á 125kg og rétt missti síðan 130kg og 135kg í snörun. Í jafnhendingu opnaði hann á 164kg og en klikkaði síðan tvisvar sinnum á 171kg og endaði í 5.sæti í flokknum.

Danir unnu stigabikar karla eftir að vera jafnir að stigum við Norðmenn en með 6 keppendur í stað 7 hjá Norðmönnum. Heimamenn Svíar voru aðeins í 4.sæti  í karlaflokki eftir að hluti sænska liðsins dró sig úr keppni til að mótmæla samstarfsörðuleikum sem hafa verð milli íþróttamanna og stjórnar sænska sambandsins.

Liðakeppni Karlar

Svíar unnu samt sem áður kvenna bikarinn með 2 stigum á Norðmenn.

Liðakeppni Konur

Tveir stigahæstu menn mótsins voru í fyrsta og öðru sæti í -77kg flokki karla, hinn danski Tim Kring (387 stig) bætti danska metið í snörun um 4kg þegar hann lyfti 140kg. Hann jafnhenti síðan 167kg og náði sínum besta árangri á ferlinum. Hinn norski Rogert Myrholt (377stig) átti líka frábæran dag þegar hann bætti norska metið í jafnhendingu með því að lyfta 171kg í jafnhendingu og bætti með því norska metið um 6kg og sitt eigið met um 10kg. En það dugði ekki til að vinna Tim því Roger snaraði 129kg.

Íslandsvinkonan Anni Vuhojoki bætti finnska metið í -63kg flokki kvenna um 3kg þegar hún jafnhenti 114kg. Hún varð önnur á stigum með 263,8 Sinclair stig á eftir hinni sænsku Angelicu Roos 272 Sinclair stig.

HEILDARÚRSLIT

Unglingalandsmót UMFÍ fór fram í dag á Egilstöðum í húsakynnum Crossfit Austur. Góð stemming var á mótinu og luku 19 keppendur keppni og margir voru að keppa á sínu fyrsta móti í ólympískum lyftingum.

Þetta er þriðja árið í röð sem ólympískar lyftingar eru á meðal keppnisgreina á ungmennalandsmótinu og má því segja að greinin sé að festa sig í sessi.

Keppt var í tveimur aldursflokkum 11-14 ára og 15-18 ára karla og kvenna.

11-14 ára Karla

Brynjar Ari Magnússon var í nokkrum sérflokki enda lang reyndasti keppandi mótsins, hann snaraði 70kg og jafnhenti 80kg en jafnhendingin var persónuleg bæting á móti hjá honum um 3kg.

Bjartur Berg Baldursson átti flotta innkomu á sínu fyrsta móti með því að snara 37kg og jafnhenda 55kg.

Þriðji varð Sigurbjörn Ágúst Kjartansson sem vigtaðist rétt yfir 50kg, snaraði 27kg og jafnhenti 35kg.

Tryggvi Hrafn Reimarsson og Konráð Guðlaugsson settu báðir nokkur met í flokki -50kg 15 ára og yngri og 17 ára og yngri en engin met voru listuð í þeim þyngdarflokki í jafnhendingu og samanlögðum árangri.

11-14 ára KVK

Allir keppendur í flokknum voru að keppa á sýnu fyrsta móti og eru að stíga sín fystu skref í greininni.

Steina Björg Ketilsdóttir varð stigahæst, en hún er systir Kötlu Ketilsdóttir sem sigraði eldri flokkin (sjá að neðan). Natalía Sól Jóhannesdóttir og Andrea Maya Chirikadzi urðu í öðru og þriðja sæti.

15-18 ára KK

Jóel Páll Viðarsson er á mikilli bætinga siglingu þessa daganna, hann snaraði 82kg og bætti sitt eigið met í flokki 15 ára og yngri um 1kg en einnig fór hann með 88kg upp en fékk ógilt á pressu í vinstri olnboga. Í jafnhendingu bætti hann sín eigin met þegar hann lyfti 96kg og 100kg í -94kg flokk.

Kristinn Már Hjaltason kom í humátt á eftir Jóel en hann keppti á sýnu fyrsta móti í ólympískum lyftingum, hann snaraði 67kg og jafnhenti 93kg og var aðeins 3 stigum frá Jóel.

Þriðji varð Ófeigur Númi Halldórsson sem keppti á sýnu fyrsta móti.

15-18 ára KVK

Katla Björk Ketilsdóttir fór með sigur af hólmi í þessum flokk, hún rétt slapp inn í -69kg flokk kvenna og setti met í snörun og samanlögðu í flokki 17 ára og yngri. Hún snaraði 70kg og jafnhenti 80kg.

Embla Rán Baldursdóttir sýndi góða takta þegar hún varð önnur með því að snara 35kg og jafnhenda 50kg á sýnu fyrsta móti.