Greinasafn fyrir merki: weightlifting

Eygló Fanndal í 4.sæti á Heimsmeistaramótinu í Bahrain

Birt þann af
Svara

Eygló Fanndal Sturludóttir varð í fjórða sæti á Heimsmeistaramótinu í lyftingum sem fram fer í höfuðborg Bahrain, Manama. Hún lyfti 107 kg í snörun og 132 kg í jafnhendingu, samanlagt 239 kg, sem var bæting á Íslands- og Norðurlandametinu í -71 kg flokki kvenna um 2 kg.

Sjá umfjöllun RÚV í íþróttafréttum 11.12.2024: https://www.ruv.is/sjonvarp/dagskra/ruv/2024-12-11

Umfjöllun IWF um daginn, aðeins fjallað um Eygló þar

Eygló gerir sig tilbúna að lyfta 104kg í Bahrain. Mynd:DBM/Deepbluemedia

Eygló átti frábæran dag. Hún keppti í fyrsta sinn í A-hóp, en 28 keppendur í -71 kg flokknum eru skiptir upp í þrjá hópa eftir getu. Í hóp með Eygló voru því bestu lyftingakonur heims, m.a. ríkjandi Ólympíumeistari Olivia Reeves frá Bandaríkjunum, silfurhafinn frá París, hin kólumbíska Mari Sánchez, Chen Wen-Huei frá Taipei sem varð í 6. sæti í París og vann til bronsverðlauna í Tókýó. Einnig sterkustu lyftingakonur Kína og Norður-Kóreu í flokknum, en Kínverjar tefldu ekki fram keppanda í flokknum í París. Eygló var eini keppandinn frá Evrópu í A-hóp.

Eygló byrjaði snörunina á 101 kg, því næst fór hún í 104 kg og loks í 107 kg, sem var bæting á hennar eigin Íslands- og Norðurlandameti um 1 kg. Hún var í fimmta sæti eftir snörunina með 1 kg meira en Mari Sánchez og á eftir annarri upprennandi kólumbískri konu, Julieth Rodriguez, sem byrjaði á 110 kg í snörun, sem var bæting um heil 6 kg samkvæmt kynnum mótsins. Kína, Bandaríkin og Norður-Kórea voru í efstu þremur sætunum.

Eygló situr undir 107kg

Í jafnhendingunni byrjaði Eygló á 129 kg, því næst fór hún í 132 kg. Með þeirri lyftu náði hún 1 kg forskoti á Julieth Rodriguez og 3 kg forskoti á Mari Sánchez. Þær tvær klikkuðu svo báðar á lyftu 2 og 3. Eygló fór í þriðju tilraun í 134 kg, sem hefði verið bæting á Íslandsmeti um 1 kg, en líka á Norðurlandametinu í jafnhendingu, sem hin sænska Patricia Strenius á. Eygló „cleanaði“ þyngdina en náði ekki að klára jarkið.

Eygló stóð upp með 134kg en náði ekki að klára jarkið

Hin kínverska Qiuxia Yang hóf jafnhendinguna á 134 kg og tók forystu í keppninni. Olivia Reeves hóf jafnhendinguna á 143 kg og tók nokkuð afgerandi forystu. Eygló var því í þriðja sæti í keppninni þegar Norður-Kóreski keppandinn átti eftir að hefja keppni, en hún vildi byrja á 145 kg. Fyrsta tilraun hjá henni gekk ekki og hún hækkaði í 146 kg. Það sömuleiðis var langt frá því að vera góð tilraun og um stund leit það út fyrir að Eygló myndi nokkuð óvænt vinna til bronsverðlauna og sú norðurkóreska detta úr keppni. En svo, nokkuð óvænt, náði hún að negla loka lyftuna, sem einnig tryggði henni silfur.

Fjórða sætið var því niðurstaðan, en besti árangur Eyglóar á Heimsmeistaramóti var frá 2023 þegar hún endaði í 17. sæti.

Þuríður Erla Helgadóttir í 17.sæti á HM í -59kg flokki

Birt þann af
Svara
Þuríður með loka lyftuna 105kg fyrir ofan haus. Mynd: Milan Mihajlovic

Þuríður Erla Helgadóttir keppti á HM í Bahrein í dag í -59kg flokki kvenna. Keppnin fór hálf brösulega á stað er Þurí missti opnunarlyftuna sína í snörun 78kg. Reynslan kom síðan að góðum notum og hún fór í 80kg í annari lyftu sem hún lyfti örugglega og 82kg í þriðju og síðustu tilraun. Í jafnhendingu fór hún með allar lyftur í gegn, 100kg, 103kg og 105kg. Samanlagt 187kg og 17.sætið. Hin norður kóreska Gyong Kim II og Kínverska Xinyi Pei höfðu töluverða yfirburði í flokknum en íslandsvinurinn Saara Retulainen frá Finnlandi varð í 7.sæti með 211kg í samanlögðum árangri.

Þetta var fimmta heimsmeistaramót Þuríðar en hún varð 25.sæti 2019, 26.sæti 2018, 10.sæti 2017 sem er jafnframt besti einstaklingur íslenskra kvenna á Heimsmeistaramóti í fullorðinsflokki. Þar náði Þurí sínum besta keppnisárangri 194kg í samanlögðu í -58kg flokki. Einnig keppti hún á HM 2015 þar sem hún varð í 31.sæti.

Amalía Ósk Sigurðardóttir keppir á morgun 10.12 klukkan (8:00) að staðartíma eða 5:00 að íslenskum tíma í nótt í afar fjölmennum -64kg flokki kvenna en 45 keppendur er skráðir til leiks.

Eygló Fanndal Sturludóttir keppir 11.12 en hún var tekin í viðtal af Weightliftinghouse.TV og sýnt frá æfingu hjá henni. Byrjar á mínútu 4:00 hér að neðan.

Norðurlandamót Unglinga : Úrslit

Birt þann af
Svara

Sjá heildarúrslit á síðu norðurlandasambandsins og íslensku keppendana í gagnagrunni LSÍ.

Hægt er að nálgast myndir frá mótinu hér

Helstu úrslit:

Þórbergur Ernir Hlynsson varð Norðurlandameistari í -96kg flokki karla 20 ára og yngri þegar hann lyfti 132kg í snörun og 157kg í jafnhendingu alls 289kg. Þetta er fjórði unglingatitill Þórbergs en hann varð Norðurlandameistari 17 ára og yngri árin 2021 og 2022 og svo árið 2023 í flokki 20 ára og yngri þá í -89kg flokki.

Þórbergur með 154kg

Unnur Sjöfn Jónasdóttir vann silfur í +87kg flokki kvenna 20 ára og yngri þegar hún lyfti 65kg í snörun og 91kg í jafnhendingu. Þetta var hennar fyrsta alþjóðlega mót.

Unnur Sjöfn Jónsdóttir með 87kg í jafnhendingu

Birna Ólafsdóttir setti ný Íslandsmet í snörun, jafnhendingu og samanlögðu í -49kg flokkum U17, U20 og U23 kvenna.

Birna Ólafsdóttir bætti sinn besta árangur um 4kg.

Önnur úrslit:

Steindís Elín Magnúsdóttir varð í 7.sæti í -71kg flokki 17 ára og yngri með 61kg í snörun og 83kg í jafnhendingu. Bæting á hennar besta árangri um 3kg. Mótið var fyrsta alþjóðlega mót Steindísar.

Stendís með opnunarþyngdina 58kg sem fór upp í annari tilraun

Freyja Björt Svavarsdóttir varð í 6.sæti í -59kg flokki kvenna 20 ára og yngri með 58kg í snörun og 81kg í jafnhendingu, 139kg í samanlögðu var bæting á hennar besta árangri um 3kg og mótið var hennar fyrsta alþjóðlega lyftingamót.

Freyja Björt situr undir stönginni

Bríet Anna Heiðarsdóttir varð í 7.sæti í sama flokk og Freyja Björt (-59kg 20 ára og yngri) hún lyfti 62kg í snörun og 72kg í jafnhendingu.

Bríet Anna með 69kg á stönginni

Emilía Nótt Davíðsdóttir varð í 4.sæti í -64kg flokk 20 ára og yngri með 63kg í snörun og 82kg í jafnhendingu, 1kg bæting á hennar besta árangri. En Emilía keppti á sínu fyrsta móti í Febrúar í ár og hefur bætt sig um 16kg síðan þá.

Emilía með 67kg sem hún náði því miður ekki gildri

Hildur Guðbjarnadóttir varð í 6.sæti í -71kg flokk 20 ára og yngri með 71kg í snörun og 85kg í jafnhendingu. Hún lyfti öllum sínum lyftum og bætti sig um 18kg, mótið var einnig fyrsta alþjóðlega mótið hennar.

Hildur Guðbjarnadóttir bætti sig mikið á mótinu, hér með 68kg í snörun

Viktor Jónsson varð í 5.sæti í -81kg flokki 20ára og yngri, hann lyfti 95kg í snörun og 131kg í jafnhendingu. Hann var nálægt því að falla úr leik í snörun en hann náði opnunarþyngdinni í lokatilrauninni. Jafnhendingin gekk betur og allar þrjár lyftiurnar fóru upp og 1kg bæting á hans besta árangri í jafnhendingu. Mótið var fyrsta alþjóðlega mótið hans.

Viktor Jónsson stendur upp með 127kg í jafnhendingu

Tindur Elíasen varð í 7.sæti í -89kg flokki 20 ára og yngri með 113kg í snörun og 123kg í jafnhendingu.

Tindur Elíasen situr undir 123kg.

Norðurlandamót Unglinga U17 og U20

Birt þann af
Svara

Norðurlandamót Unglinga hófst í dag í Kaupmannahöfn, Ísland á tíu keppendur á mótinu. Til að fylgjast með mótinu mælum við með heimasíðu danska lyftingasambandsins og norðurlanda sambandsins.

Ekkert streymi er af mótinu en hægt er að fylgjast með “ Live scoreboard“ : https://nwc-2024-results.fly.dev/results?silent=true&lifting=false&fop=A

Keppendur Íslands eru eftirfarandi:

Birna Ólafsdóttir (LFK) keppir í -49kg flokki U17

Steindís Elín Magnúsdóttir (LFR) keppir í -71kg flokki U17

Freyja Björt Svavarsdóttir (LFR) keppir í -59kg flokki U20

Bríet Anna Heiðarsdóttir (LFR) keppir í -59kg flokki U20

Emilía Nótt Davíðsdóttir (LFK) keppir í -64kg flokki U20

Hildur Guðbjarnardóttir (LFR) keppir í -71kg flokki U20

Unnur Sjöfn Jónasdóttir (Stjarnan) keppir í +81kg flokki U20

Viktor Jónsson (LFR) keppir í -81kg flokki U20

Tindur Elíasen (LFR) keppir í -89kg flokki U20

Þórbergur Ernir Hlynsson (LFR) keppir í -96kg flokki U20

Dagskrá mótsins er eftirfarandi:

15.Nóvember Föstudag
11:00 KVK U17 -49kg og -55kg
12:15 KK U17 -61kg, -67kg, -73kg og -81kg
13:40 KVK U17 -59kg og -64kg
15:25 KK U17 -89kg og +89kg
17:15 KVK U17 -71kg og +71kg

16.Nóvember Laugardagur
10:00 KVK U20 -55kg og -59kg
11:40 KK U20 -73kg og -81kg
13:25 KVK U20 -64kg og -71kg
15:10 KK U20 -89kg og -96kg
16:40 KVK U20 -81kg og +81kg
17:40 KK U20 -102kg og +102kg

Eygló Norðurlandameistari í Ólympískum Lyftingum

Birt þann af
Svara

Eygló Fanndal Sturludóttir varð norðurlandameistari í ólympískum lyftingum núna um síðastliðna helgi sem haldið var í Færeyjum en hún keppti þar ásamt átta öðrum keppendum frá Íslandi. Eygló sýndi heimsklassa árangur og fékk gildar 5/6 lyftum mest 104kg í snörun og 130kg í jafnhendingu. Hún átti frábæra tilraun við 134kg og nýtt norðurlandamet í loka tilrauninni sinni en rétt missti hana aftur fyrir sig í loka stöðu. Þetta var fyrsti norðurlandameistaratitill Eyglóar og einnig varð hún fyrsti íslendingurinn til þess að verða stigahæsti keppandi mótsins. Fjórir aðrir íslenskir keppendur unnu bronsverðlaun sem nánar er farið yfir hér að neðan.

f.v. Guðný (3.sæti -71kg), Eygló (1.sæti -71kg) og Katla (3.sæti -64kg)

Íslenska landsliðið sýndi frábæra frammistöðu þrátt fyrir að hafa staðið frammi fyrir ferðatengdum hindrunum vegna óhagstæðs veðurs til lendinga í Færeyjum, en hluti keppenda þurfti að fljúga í gegnum París og aðrir í gegnum Kaupmannahöfn til að komast á leiðarenda og því miður náðu náðu ekki keppandin Erla Ágústdóttir og alþjóða dómarinn Árni Rúnar Baldursson á leiðarenda. Amalía Ósk Sigurðardóttir lenti svo í því leiðindaratviki að ná ekki vigt en keppendur verða að vigtast inn í þann þyngdarflokk sem þeir eru skráðir.

Engu að síður sýndu íslensku keppendurnir svo sannarlega hvað í þeim býr og undirstrikuðu seiglu sína og ákveðni.

Hluti af íslenska hópnum í leifstöð, það sem átti að vera beint þægilegt flug til Færeyja endaði í ferð til Parísar og svo til Færeyja.

Heildar úrslit frá mótinu má nálgast á heimasíðu norðurlandasambandsins eða í gagnagrunni lyftingasambandsins.

Einnig má nálgast upptöku af mótinu á youtube rás Færeyska Lyftingasambandsins: https://www.youtube.com/live/Qj8cCGmKNtQ

Athygli skal vakin á því að þetta er fyrsta norðurlandamótið þar sem keppt er í sérstökum og færri þyngdarflokkum en hefð er fyrir í lyftingum. Í kvennaflokki var keppt í -55kg flokk, -59kg flokk, -64kg flokk, -71kg flokk – 81kg flokk og +81kg flokk. Í karlaflokki -73kg flokk, -81kg flokk, -89kg flokk, -96kg flokk, -102kg flokk og +102kg flokk. Í gagnagrunni sambandsins gæti því verið ruglingslegt að lesa úrslitin.

Hluti af hópnum í Færeyjum

Einnig var í fyrsta sinn sem Færeyingar halda norðurlandamót í ólympískum lyftingum eftir að þeir fengu aðild að norðurlandasambandinu 2022 og tókst mótið gríðarlega vel og greinilegt að færeyjingar hafa betri aðstöðu til keppni í lyftingum en mörgt önnur lönd þar með talið Ísland.

Íþróttahöll þeirra Færeyjinga

Guðný Björk Stefánsdóttir varð þriðja í -71kg flokkinum og lyfti hún 96 kg í snörun og 110 kg í jafnhendingu, samtals 206 kg. Hún stóð upp með 122kg í þriðju tilraun í jafnhendingu eftir að hafa gert 115kg ógilt. Guðný var einnig sæmd Elite Pin Norðurlandasambandsins á mótinu og er hún 8. Íslendingurinn (4. konan) til að hljóta þá viðurkenningu, en Elite Pin er viðurkenning sem veitt er þeim sem ná ákveðnum árangri eftir stöðlum Norðurlandanna.

Katla vann brons í -64kg flokk

Katla Björk Ketilsdóttir varð þriðja í -64kg flokkinum og lyfti hún 86 kg í snörun og 98 kg í jafnhendingu, samtals 184 kg. Hún vann einnig brons á NM 2021 með sama total 81/103=184kg.

Reynsluboltinn Þuríður Erla Helgadóttir varð þriðja í -59 kg flokkinum og lyfti hún 77 kg í snörun og 104 kg í jafnhendingu eftir smá bras í snörun og opnun í jafnhendingu, samtals 181kg. Þetta var fyrsta norðurlandamót hennar síðan 2019.

Þórbergur og Sigurður Darri sáttir með bronsið! Sigurður Darri var partur af þjálfarateymi Íslands á mótinu en hann er einnig virkur keppandi og var kosin fyrir hönd íslands í íþróttamannaráð norðurlandasambandsins.

Þórbergur Ernir Hlynsson er á blússandi siglingu og varð þriðji í -96 kg flokkinum og lyfti hann 132 kg í snörun og 162 kg í jafnhendingu, samtals 294 kg. Þrátt fyrir að fá ógilt á báðar opnunarlyfturnar sýnar. Þórbergur er aðeins 19 ára og því gjaldgengur á norðurlandamót unglinga sem fram fer í Nóvember og á Evrópumeistaramóti 20 ára og yngri sem hefst um helgina og hann er meðal keppenda!

Axel Guðni með opnunarþyngdina í jafnhendingu, 150kg.

Axel Guðni Sigurðsson keppti í -89kg flokki og var grátlega nærri því að vinna til bronsverðlauna en hann lyfti jafnmikilli þyngd og þriðja sætið alls 270kg en endaði fjórði. Hinn danski Thomas Ströier lyfti þyngdinni fyrst. Axel fékk aðeins opnunarlyfturnar sínar gildar 120kg í snörun og 150kg í jafnhendingu. Þetta var fyrsta alþjóðlega mótið hans og hann kemur því vonandi reynslunni ríkari í næsta mót.

Snædís Líf Pálmarsdóttir og Thelma Mist Oddsdóttir kepptu í -59kg flokk og enduðu í sjötta og sjöunda sæti en báðar voru nálægt sínum besta árangri. Snædís lyfti 71kg í snörun og 88kg í jafnhendingu samtals 159kg og Thelma 68kg í snörun og 90kg í jafnhendingu alls 158kg.

Thelma Mist Oddsdóttir
Snædís Líf Pálmarsdóttir

Bergrós með silfur í Perú!

Birt þann af
Svara

Bergrós Björnsdóttir skrifaði sig í sögu lyftinga á Íslandi í gærkvöldi þegar hún vann silfur í -71kg flokki kvenna á Heimsmeistaramóti 17 ára og yngri sem fram fer í Lima, Perú þegar hún lyfti 198kg samanlagt. Þetta eru fyrstu verðlaun sem íslendingur vinnur á Heimsmeistaramóti í Ólympískum lyftingum yfir alla aldursflokka. Eggert Ólafsson þjálfari Bergrósar var henni til halds og traust í Perú.

Bergrós með verðlaunin á mótinu. Ljósmynd: IWF

Sjá umfjöllun IWF um mótið hér

Sjá upptöku af mótinu hér

Tuttugu keppendur voru í flokknum hennar en Bergrós var með eitt hæsta entry total á mótinu eins og fram hefur komið í fyrri frétt. Bergrós hóf keppni í snörun á 85kg og fór því næst í 88kg sem kom henni upp í fjórða sætið í snörun, 88kg var 1kg bæting á íslandsmetinu í snörun í aldurs og þyngdarflokknum. Í loka tilrauninni fór hún í 91kg sem hefði tryggt henni gull í snörun og átti ágætis tilraun en stóð ekki upp með þyngdina. Í jafnhendingu opnaði hún á 110kg sem er 10kg betra en hún hefur gert á móti í ólympískum lyftingum og 4kg bæting á íslandsmetinu í aldursflokknum. Við það fór hún upp í annað sætið og þriðja sætið í jafnhendingu. Í annari tilraun fór hún í 114kg til að koma sér í fyrsta sætið, hún náði hinsvegar ekki að standa upp með þá þyngd. Það eina í stöðunni var að elta Sarah Ochoa frá Venezuela sem var í forustusætinu í 115kg, Sarah lyfti fyrst og náði ekki að lyfta þyngdinni. Bergrós fékk því loka lyftuna til að vinna gullið, hún náði að standa upp með þyngdina, og lyfta henni upp fyrir haus í lás en missti aðeins jafnvægið þegar hún var í loka hluta lyftunnar og missti þyngdina aftur fyrir sig. Sjón er sögu ríkari og mælum við með því að skoða upptökuna af mótinu hér að ofan.

Bergrós situr undir 114kg í jafnhendingu. Ljósmynd: IWF

Innan við viku fyrir mótið keppti Bergrós í Crossfit í Frakklandi (undankeppni Evrópu í fullorðinsflokki) þar sem hún snéri sig á ökla í einni af síðustu greinum og mætti til Perú á hækjum sem vakti athygli og alþjóðalyftingasambandið gerði góð skil á heimasíðu sinni í umfjöllun um mótið.

Fyrir utan silfurverðlaun í samanlögðum árangri og bronsverðlaun í jafnhendingu þá bætti Bergrós árangur sinn um 17kg og öll íslandsmet í aldursflokknum sem áður voru í eigu Úlfhildar Örnu Unarsdóttur (sem vann silfurverðlaun á EM U17 árið 2022).

Bergrós með 85kg opnunarlyftuna. Ljósmynd: IWF

Bergrós Björnsdóttir keppir 25.Maí í Perú á HM 17 ára og yngri

Birt þann af
Svara

Bergrós Björnsdóttir úr Lyftingafélagi Reykjavíkur keppir á Heimsmeistaramótinu í ólympískum lyftingum 17 ára og yngri sem hefst á morgun í Lima, Perú. Bergrós keppir í A-hóp í -71kg flokki kvenna 25.Maí klukkan 13:00 að staðartíma (18:00 að íslenskum). Þrír keppendur eru með sama entry total og hún (200kg), einn keppandi frá Uzbekistan og Einn frá Venezuela. Entry Total þýðir að keppandi þarf að byrja jafnhendinguna ekki lægra en 20kg frá entry total, ef Bergrós snarar best 80kg þá mun hún þurfa að byrja jafnhendinguna á 100kg. Þetta er gert til þess að raða keppendum eftir getu í A og B grúppur og þegar þarf C og D.

Einnig eru 10 keppendur í B-hóp

Það er stutt á milli keppna hjá Bergrósu en hún lauk um helgina undankeppni fyrir crossfit leikana í opnum flokki en þurfti því miður að draga sig úr keppni þegar tvær greinar voru eftir, eftir að hún snéri sig á ökla. Meiðslin eru hinsvegar tilin minniháttar (umfjöllun visir.is hér). Hún hefur þegar tryggt sér inn á ungmenna leikana í Crossfit sem haldnir verða seinna á árinu og hún varð þriðja á síðasta ári.

Bergrós á best 181kg í samanlögðum árangri á móti í ólympískum lyftingum en því lyfti hún í Mexíkó 2022 á heimsmeistaramóti 17 ára og yngri, 81kg í snörun og 100kg í jafnhendingu sem dugði henni í 8.sæti á mótinu. Hún hefur aðeins keppt á einu móti í ólympískum lyftingum síðan þá en það var á Jólamótinu 2023 þar sem hún lyfti 180kg (80/100) í samanlögðum árangri og átti góða tilraun við 105kg. Í Crossfit hefur hún samt eitthvað þyngra og verður mjög spennandi að sjá hvernig henni gengur á keppnispallinum í Perú.

Íslandsmetin í flokknum eru í eigu Úlfhildar Örnu Unnarsdóttir 87kg í snörun og 106kg í jafnhendingu og samanlagða metið er 190kg.

Norðurlandametin eru í eigu Janette Ylisoini 102kg í snörun og 120kg í jafnhendingu, 220kg í samanlögðu.

Heimsmetin eru 103kg í snörun (Zarina Gusalova frá Rússlandi) og 130kg í jafnhendingu, 230kg í samanlögðu í eigu hinnar Nígerísku Joy Ogbonne Eze.

Bæði Janette Ylisoini og Joy Eze hafa háð mikla baráttu um ólympíusæti við Eygló Fanndal Sturludóttir (12.sæti OQR). Joy Eze er nú í 9.sæti á OQR og Janette í 20.sæti.

Streymt er frá mótinu á Youtube rás IWF
Og hópur Bergrósar hefst kl. 18:00 á Íslenskum tíma þann 25. maí
Live scoreboard – konur

Eygló í 11.sæti í Tælandi

Birt þann af
Svara

Eygló Fanndal Sturludóttir hélt áfram að skrifa lyftingasögu Íslands í dag þegar hún lauk keppni á IWF World Cup í Tælandi. Hægt er að sjá heildarúrslit í þyngdarflokknum hennar -71kg HÉR.

Eygló endaði keppnina í 11.sæti á mótinu eftir spennuþrungna keppni en alls voru 41 keppandi sem vigtaðist inn í flokkinn. Nauðsynlegt er fyrir alla sem vilja keppa í París að taka þátt í þessu móti. Eygló keppti í B-hóp en gríðar hörð keppni var bæði í A og B hópnum. Áður en Eygló hóf keppni hafði C-hópur lokið keppni, þar var hin Nígeríska Joy Ogbonne Eze og hún lyfti 239kg í samanlögðum árangri og lyfti sér upp í 11.sætið á ólympíu úrtökulistanum, það var því nauðsynlegt að þeir sem fylgdu á eftir þyrftu að lyfta í það minnsta 240kg til að fara uppfyrir hana og tryggja sig inn á leikana en 10 efstu keppendur fá sjálfkrafa keppnisrétt. Franskur keppandi var/er í 10.sæti og því er 11.sætið nánast öruggt.

Eygló með 130kg í jafnhendingu.

Eygló opnaði í snörun á 103kg sem flugu upp og fór því næst í 106kg sem er 1kg bæting á norðurlanda og íslandsmetinu hennar sem hún setti 12.Febrúar síðastliðinn á Evrópumeistaramótinu. Hún reyndi að lokum við 108kg en missti þá lyftu aftur fyrir sig. Í jafnhendingunni opnaði hún á 130kg, það er 5kg meira en hún lyfti í Búlgaríu á EM og 3kg meira en hún lyfti í Katar í Desember sem er jafnframt hennar besti árangur í jafnhendingu. Sú lyfta fór örugglega upp og samanlagður árangur upp á 236kg. Það er fimm kílóum meira en Eygló hefur lyft og það er einnig nýtt norðurlandamet í samanlögðum árangri í -71kg flokk. Bæting um 5kg en fyrra metið átti fyrrum evrópumeistarinn Patricia Strenius frá Svíþjóð.

Í annari tilraun fór Eygló því næst í 134kg til að komast upp fyrir hina áður nefndu Nígerísku Joy Eze. Hún var mjög nálægt því að standa upp með þá þyngd en þurfti að sleppa henni, þriðja tilraun fór heldur ekki upp og þar við stóð. Eygló endaði önnur evrópubúa í dag og vann meðal annars nýbakaðan evrópumeistara hina Rúmönsku Loredana Elenu Toma.

Eygló gerir sig tilbúna fyrir snörun. Photo: IWF/DBM

Eftir að A-hópurinn lauk keppni er niðurstaðan sú að Eygló endar í 14.sæti á úrtökulistanum fyrir ólympíuleikana (OQR) með 236kg. Nokkrar sviptingar urðu í sætunum í kringum Eygló en hástökkvari dagsins var hin Kúbverska Yeniuska Mirabal Feria sem fór upp um 7 sæti með 9kg bætingu á samanlögðum árangri. Eygló fór hinsvegar upp fyrir bæði hina ítölsku Giulia Miserendino og hina víetnömsku Thi Hong Thanh Pham.

Ekki er öll von enn úti fyrir Eygló en sótt hefur verið um úthlutunarsæti (universality oft nefnt wildcard fyrir hana). Til þess að hún geti nýtt það þarf Frakkland að ákveða að senda ekki keppanda í -71kg flokkinn. En aðeins úthlutunarsæti eða „host nation“ fær sæti í flokknum.

Einnig eru aðrar sviðsmyndir uppi svo að keppendur sem eru neðar á listanum en 11.sæti fá keppnisrétt ef einhverjir af efri keppendunum geta ekki keppt t.d. vegna alvarlegra meiðsla eða þjóð þeirra ákveður að senda þá ekki. Næstu mánuðir munu leiða það í ljós en Eygló hefur í það minnsta gert sitt allra besta til að vera fulltrúi Íslands í París. Eygló keppti á öllum 7 úrtökumótunum fyrir París og byrjaði fyrsta mótið HM 2022 á því að lyfta 213kg og lyfti í dag 236kg svo mikið vatn hefur runnið til sjávar.

Eygló keppir 7.Apríl klukkan 13:30 að staðartíma í Taílandi

Birt þann af
Svara

Eygló Fanndal Sturludóttir mun keppa á loka úrtökumóti fyrir ólympíuleikana í París (IWF World Cup) þann 7.Apríl klukkan 13:30 að staðartíma en mótið fer fram í Phuket. Tæland er 7klst á undan Íslandi í tíma og keppir hún því 6:30 á Sunnudagsmorgni að íslenskum tíma.

Eygló keppir að þessu sinni í B-hóp og verður hægt að fylgjast með útsendingu á facebook á slóðinni hér að neðan en einnig á weightliftinghouse:

https://facebook.com/events/s/w-71b/863150542246148

Eygló er fyrir mótið í 15.sæti á ólympíulistanum (sjá neðar) með 231kg í samanlögðum árangri. Í B-hópnum mætir hún keppendum í 5,9,12,15,16,19,20,22,23 og 24. Ellefti keppandinn er einnig frá Philipseyjum og myndi hún ekki keppa nema samlandi hennar gefi ekki kost á sér sem er í 5.sæti á listanum. A hópur keppir síðastur að kvöldi sunnudags 19:00. Hægt er að sjá allar upplýsingar í keppnisskrá mótsins.

Ég vil hvetja áhugasama að horfa á viðtal við Eygló sem birtist í Dagmálum (mbl) fyrir páska: https://www.mbl.is/mogginn/dagmal/innskraning/?redirect=/mogginn/dagmal/ithrottir/248442/%3F_t%3D1712095178.3059528

Einnig tók Ásdís Hjálmsdóttir frábært viðtal við Eygló á ensku í podcastinu sínu the Athlete zone, viðtalið var tekið viku eftir EM: https://podcasts.apple.com/us/podcast/13-eygl%C3%B3-fanndal-sturlud%C3%B3ttir-euro-u23-champion-performance/id1719667975?i=1000647191192

En aftur að mótinu í Tælandi þá er áhugavert er að Marie Fegue frá Frakklandi mun keppa í -76kg flokki á mótinu en best er fyrir Ísland ef frakkar ákveða að senda keppendur í -59kg flokk og -81kg flokk en ekki -71kg flokk. Hún er samt sem áður með 10.besta árangur fyrir mótið í -71kg flokk.

Amanda frá Braselíu (nr.11-238kg total) og Neama Said frá Egyptalandi (nr.6-246kg total) eru skráðar í D hóp með 60kg entry total sem oft þýðir að keppandi ætli sér ekki að lyfta heldur aðeins að vigtast inn í keppni t.d. vegna meiðsla. Amanda er í harðri baráttu með að tryggja sér þátttökurétt svo það verður áhugavert að fylgjast með hvað hún gerir. Hin nýgeríska Joy Eze er skráð í C grúppu og mun því lyfta á undan öllum í A og B grúppu en hún lyfti 234kg á afríska meistaramótinu og fór við það upp fyrir Eygló og er nú í 13.sæti.

HópurNafnÞjóðBesta Total
1ALIAO GuifangCHN273
2AREEVES Olivia LynnUSA262
3APALACIOS DAJOMES Angie PaolaECU261
4ATOMA Loredana-ElenaROU256
5BSARNO PALOMAR VanessaPHI249
6DSAID Neama Said FahmiEGY246
7ASANCHEZ PERINAN Mari LeivisCOL244
8ACHEN Wen-HueiTPE243
9BVALODZKA SiuzannaAIN242
10(-76kg A)FEGUE Marie JosepheFRA241
11DDA COSTA Schott AmandaBRA238
12BPHAM Thi Hong ThanhVIE234
13CEZE Joy OgbonneNGR234
14AMISERENDINO GiuliaITA233
15BSturludóttir Eyglo FanndalISL231
16BMUN MinheeKOR231
17ASCHWEIZER Lisa MarieGER231
18N/APEINADO MEJIAS Laura YenireetVEN230
19BSEGAWA RunaJPN230
20BMIRABAL FERIA YeniuskaCUB229
21ADAVIES SarahGBR229
22BASHWORTH AlexisCAN226
23BGOLD Celia HennaISR226
24BYLISOINI Anna Janette TellervoFIN224
25CGARCIA HERNANDEZ Diana LauraMEX221
26CRAMADANI Tsabitha AlfiahINA221

Friðný Fjóla Jónsdóttir í 15.sæti í -87kg flokki, Erla með þrjú íslandsmet!

Birt þann af
1

Friðný Fjóla Jónsdóttir og Erla Ágústdóttir kepptu í dag síðastar íslensku keppendanna á Evrópumeistaramótinu í Ólympískum lyftingum sem fram fer í Sofia í Búlgaríu. Báðar kepptu þær í B-hóp, Friðný í flokki -87kg og Erla +87kg en flokkarnir voru keyrðir saman. Friðný Fjóla keppti á sínu fyrsta stórmóti, hún opnaði fyrst örugglega í 88kg, fór síðan í 92kg sem fóru nokkuð auðveldlega upp en missti aðeins lásinn á hægri hendi og fékk ógilt. Þriðja tilraun var við 93kg en hún fór ekki upp. Í jafnhendingu opnaði Friðný á 105kg sem hún fékk ógilt fyrir pressu sem kviðdómur greip inn í, þar næst fór hún í 106kg sem flaug upp og að lokum í 112kg sem hefði verið bæting á hennar besta árangri um 1kg, hún clean-aði þeirri þyngd en klikkaði í jarkinu. Friðný endaði í 15.sæti í -87kg flokk kvenna. Hin norska Solfrid Koanda bar höfuð og herðar yfir aðra keppendur í flokknum þegar hún snaraði 120kg og jafnhenti 160kg og bætti sinn besta árangur um 8kg og setti norðurlandamet í öllum lyftum (snörun, jafnhendingu og samanlögðum árangri). Hún færðist einnig upp úr 8.sæti í það 6. á OQR og er orðinn nokkuð örugg með sæti í París en keppt er í +81kg flokki kvenna þar.

Friðný með 88kg í snörun á Evrópumeistaramótinu í Búlgaríu. Ljósmynd: Isaac Morillas Sanchez (www.worldweightliftingmedia.com)

Erla opnaði á 93kg, fór svo í 97kg sem var nýtt íslandsmet í +87kg flokki að lokum fór hún í 100kg í þriðju tilraun en hún þurfti að lyfta á eftir sjálfri sér í loka lyftunni. Hún flaug upp og 5kg bæting í snörun og tvö íslandsmet. Einnig er hún aðeins annar íslendingurinn í kvenna flokki til að snara 100kg (hinn er Eygló Fanndal Sturludóttir). Í jafnhendingunni opnaði hún á 110kg, fór svo í 115kg sem hún rétt missti í loka stöðu. Hún lét það ekki á sig fá og kom til baka í þriðju tilraun og kláraði lyftuna. Nýtt íslandsmet í samanlögðum árangri, 4kg bæting á íslandsmetinu sem hún setti á jólamótinu fyrir rétt um 2 mánuðum síðan. Árangur Erlu dugði henni til 8.sætis í +87kg flokki kvenna.

Erla með 100kg í snörun á Evrópumeistaramótinu í Búlgaríu. Ljósmynd: Isaac Morillas Sanchez (www.worldweightliftingmedia.com)