Greinasafn fyrir merki: Ólympískar lyftingar

Norðurlandamót fullorðinna 2025 – Heildarúrslit

Birt þann af
Svara

Heildarúrslit má nálgast hér: https://results.lsi.is/meet/nordic-championship-ntf-stadfest-dagsetning-2025 og https://nordicweightlifting.com/

Upptaka af mótinu er aðgengileg á nýstofnaðri YouTube-rás sambandsins: https://www.youtube.com/@IcelandicWeightlifting

Stigahæstu keppendur mótsins voru hin finnska Janette Ylisoini með 237 kg samanlagt í -77 kg flokki kvenna og hinn sænski Hugo Ottosson með 355 kg samanlagt í -110 kg flokki karla.

Árangur Íslendinga á mótinu (frétt verður uppfærð með myndum þegar þær berast):

Ísland náði sér í þrjú silfurverðlaun og ein bronsverðlaun á mótinu.

Katla Björk Ketilsdóttir varð önnur í -63 kg flokki kvenna þegar hún snaraði 86 kg og jafnhenti 103 kg, samtals 189 kg. Þetta var fjórða Norðurlandamót Kötlu og hún var því reynsluboltinn í landsliðinu, þetta er einnig besti árangur hennar á Norðurlandamóti.

f.v. Katla Björk Ketilsdóttir, Inka Tiainen (Finnlandi) og Susanne Johansson frá Svíþjóð. Mynd: BerndsenPhoto

Guðný Björk Stefánsdóttir varð önnur í -77 kg flokki þegar hún snaraði 98 kg og jafnhenti 118 kg, samtals 216 kg. Snörunin var nýtt persónulegt met hjá henni og bæting um 1 kg. Þessi árangur var líka annar stigahæsti árangur kvenna á mótinu en Janette Ylisoini frá Finnlandi varð stigahæst og einnig sigraði hún -77 kg flokkinn með 237 kg samanlagt.

Ásdís Hjálmsdóttir Annerud sem keppti fyrir Íslandshönd á Ólympíuleikunum 2008, 2012 og 2016 í spjótkasti, keppti í fyrsta sinn fyrir Ísland á móti í ólympískum lyftingum og náði í silfur í -86 kg flokki kvenna. Ásdís sem varð fertug fyrir rétt tæpum þremur vikum átti stórgott mót og fór með allar sínar lyftur í gegn, seríuna 74 kg, 77 kg og 80 kg í snörun, í jafnhendingu lyfti hún 99 kg, 102kg og loks 105 kg. Þetta voru einnig met í mastersflokkum 35-39 ára og 40-44 ára. Allt er fertugum fært!

Ásdís Hjálmsdóttir gerir sig klára fyrir snörun. Mynd: BerndsenPhoto

Selma Gísladóttir vann brons í -86 kg flokknum en hún átti einnig gott mót og fór með 5/6 lyftum í gegn. Hún lyfti mest 82 kg í snörun og 102 kg í jafnhendingu, samtals 184 kg eða einu kílói minna en Ásdís sem fór fram fyrir hana með því að lyfta loka lyftunni. Bæði Ásdís og Selma eru búsettar í Svíþjóð og þetta var líka fyrsta mót Selmu þar sem hún keppir fyrir landsliðið.

f.h. Ásdís Hjálmsdóttir, Anna Sofie Jensen og Selma Gísladóttir

Tindur Elíasen eini íslenski karlkeppandi mótsins varð í 5. sæti í -88 kg flokk. Hann setti nýtt Íslandsmet í flokki 20 ára og yngri og 23 ára og yngri í jafnhendingu og samanlögðum árangri þegar hann lyfti 119 kg í snörun, 142 kg í jafnhendingu og 261 kg samtals. Áður hafði hann lyft 142 kg á innanfélagsmóti í ágúst en þau gilda ekki til meta.

Erla Ágústsdóttir féll úr keppni í snörun með 98 kg í fyrsta sinn á ferlinum, hún kom hinsvegar sterk til baka í jafnhendingunni og bætti sinn besta árangur um 3 kg og lyfti 125 kg.

Erla Ágústsdóttir í snörun

Thelma Mist Oddsdóttir lyfti mest 72 kg í snörun og 89 kg í jafnhendingu, samtals 161 kg og varð í 4. sæti í -58 kg flokki.

Freyja Björt Svavarsdóttir lyfti 60 kg í snörun og 80 kg í jafnhendingu, samtals 140 kg og varð í 5. sæti í -58 kg flokki.

Snædís Líf Pálmarsdóttir sýndi af sér keppnishörku þegar hún lyfti 71 kg í snörun í þriðju tilraun og jafnhenti síðan 95 kg, samtals 166 kg og varð í 7. sæti í -63 kg flokki kvenna.

Sólveig Ásta Gautadóttir tók cat.2 alþjóðleg dómararéttindi, Lárus Páll Pálsson (cat.1) starfaði einnig á mótinu.

f.v. Willum Þór Willumson forseti ÍSÍ, Guðmundur Sigurðsson (Heiðursfélagi LSÍ nr.1) og Arnór Ásgeirsson framkvæmdastjóri LSÍ

Liðakeppni kvenna (öll lið áttu keppanda sem féll úr leik):

Danmörk 34 stig

Finnland 32 stig

Svíþjóð 28 stig

Ísland 24 stig

Liðakeppni karla

Danmörk 28 stig

Svíþjóð 25 stig

Noregur 23 stig

Finnland 22 stig

Færeyjar 5 stig

Ísland 2 stig

Norðurlandameistaramótið NM Senior um helgina

Birt þann af
Svara

Norðurlandameistaramótið fer fram í Miðgarði, Garðabæ um helgina (15. – 16. nóvember).

Streymi verður frá mótinu: https://www.youtube.com/@icelandicweightlifting

Minnum á að fylgjast með upplýsingum á Instagram og Facebook.

Dagskrá er eftirfarandi (frítt er inn á mótið)

Keppendalista má nálgast hér:

Athlete list – Sheet1Sækja

Ísland teflir fram fullu liði í kvenna flokki (8) en aðeins einum karl keppanda.

Lið Íslands er eftirfarandi:

Freyja Björt Svavarsdóttir -58 kg
Thelma Mist Oddsdóttir -58 kg

Katla Björk Ketilsdóttir -63 kg

Snædís Líf Pálmarsdóttir Dison -63 kg

Guðný Björk Stefánsdóttir -77 kg

Selma Kristín Gísladóttir -86 kg
Ásdís Hjálmsdóttir Annerud -86 kg

Erla Ágústsdóttir 86+ kg

Tindur Eliasen -88 kg

Upplýsingar fyrir keppendur hér / Information for competitors here.

Evrópumeistaramót U20 og U23 : Úrslit

Birt þann af
Svara

Eins og áður hefur komið fram átti Ísland þrjá keppendur á Evrópumeistaramóti ungmenna sem fram fór í Durres, Albaníu 28.Október til 4.Nóvember. Öll úrslit má nálgast hér: https://www.easywl.com/ALB_2025/index.php

Nýjustu fréttir af lyfingasambandinu koma alltaf á Instagram síðu sambandsins: https://www.instagram.com/icelandic_weightlifting/

Tindur Elíasen (f.2005) varð í 18.sæti í -88kg flokki karla 20 ára og yngri, hann snaraði best 122kg og jafnhenti 135kg, samanlagt 257kg. Þetta var fyrsta stórmót Tinds. Snörun, jafnhendingin og samanlagður árangur voru ný íslandsmet bæði í flokki 20 ára og yngri sem og 23 ára og yngri.

Þórbergur Ernir Hlynsson (f.2005) féll úr keppni í -110kg flokki karla 20 ára og yngri. Hann snaraði 140kg, reyndi svo tvisvar við 145kg. Í jafnhendingunni glímdi hann við svima og munaði litlu að illa færi þegar hann féll 2x á pallinn. Þórbergur hefur verið á mikilli siglingu síðastliðið ár og farið upp úr 95kg í tæp 110kg, það er vonandi að hann jafni sig fljótt og að við fáum að fylgjast með honum fylla vel út í 110kg flokkinn.

Thelma Mist Oddsdóttir (f.2002) keppti í -58kg flokki kvenna 23 ára og yngri. Hún gerði vel of fór í gegn með 5/6 lyftum. Hún snaraði 70 og 73kg, og jafnhenti 85, 88 og 91kg. Jafnhendingin var bæting um 1kg á hennar besta árangri. Þessi árangur dugði henni í 9.sæti í flokknum. Einnig setti hún ný íslandsmet í flokki 23 ára og yngri.

Nokkrar myndir út keppninni má sjá hér að neðan, landsliðsþjálfari í ferðinni var Sigurður Darri Rafnsson og Erla Ágústsdóttir var honum til aðstoðar:

Erla Ágústsdóttir í 14. sæti á HM 2025

Birt þann af
Svara

Erla Ágústsdóttir lauk keppni í dag í +86 kg flokki kvenna á HM sem fram fer í Noregi um þessar mundir. Erla varð í 14. sæti með bætingum í öllum lyftum, hún byrjaði snörun á að lyfta 100 kg, fór svo í 103 kg sem var keppnis bætingu um 1 kg, og 1 kg meiru en hún lyfti á HM 2024. Í þriðju tilraun fór hún í 106 kg og bætti sig því alls um 4 kg í keppni. Í jafnhendingunni opnaði hún á 118 kg, því næst fór hún í 122 kg sem var 2 kg bæting og fékk þá lyftu gildu. Síðasta tilraunin var 125 kg og náði hún ekki að fá hana gilda en 228 kg í samanlögðum árangri niðurstaðan og bæting í samanlögðum árangri um 7kg en áður var besti árangur Erlu á HM 2024 þar sem hún endaði í 13. sæti.

Hin suður-kóreska Park Hyejeong vann flokkinn með 125 kg/158 kg, Kúbverjinn Marifelix Serria Ruiz varð önnur með 118 kg/157 kg og bandaríska konan Marie Anne Theisen Lappen þriðja með 115 kg/154 kg. Hin kínverska Linhan Zhu varð nokkuð óvænt í 5. sæti eftir að hún klikkaði tvisvar sinnum í jafnhendingu og sat því eftir með 116 kg í snörun og 140 kg í jafnhendingu.

Erla Ágústsdóttir með 103 kg í snörun
Erla Ágústsdóttir með 122 kg í jafnhendingu
Erla Ágústsdóttir kynnt til leiks í Førde í Noregi
Ingi Gunnar Ólafsson landsliðsþjálfari hefur staðið vaktina í Noregi ásamt Indíönu Lind Gylfadóttur

Mótinu er nú lokið og má segja að einskonar hápunktur hafi náðst þegar Solfrid Koanda keppti í -86 kg flokki kvenna á fimmtudaginn og sigraði eftir harða baráttu við Yudelina Mejia Peguero frá Dómíníska lýðveldinu yfir kjaftfullum sal 1.700 áhorfendur og bæði voru konungur Noregs Haraldur fimmti og forsætisráðherran Jonas Gahr Störe (sjá frétt Nettavisen) meðal áhorfenda.

Solfrid ásamt Haraldi V Noregskonungi (mynd iwf.sport)

Keppnin í -94 kg flokki karla á sama degi var einnig hápunktur karla keppninnar þar sem Búlgarska undrið Karlos Nasar vann til baka 9 kg forskot Írananas Alireza Moeini eftir snörun með því að lyfta nýju heimsmeti í jafnhendingu 222 kg. Alireza hafði lyft heimsmeti 182 kg í snörun. Ólympíumeistarinn frá 2016 Kianoush Rostami keppti í fyrsta sinn fyrir Kósovó en hann hefur um árabil verið út í kuldanum í Íranska landsliðinu eftir nokkuð opinberar deilur við sambandið, Rostami varð í 5. sæti í flokknum en fyrrum landi hans Ali Alipour varð fjórði og því „3“ Íranir í fyrstu 5 sætunum.

Karlos Nasar í ham (mynd IWF)

Norður Kórea vann flest gullverðlaun á mótinu en allir fimm keppendur þeirra í kvennaflokki unnu gullverðlaun. Í karlaflokki unnu þeir 3 silfur og 1 brons því aðeins einn af þeirra keppendum sem ekki vann til verðlauna. Kínverjar voru með einhverja lélegustu frammistöðu í langan tíma og einungis 1 gullverðlaun og 1 bronsverðlaun en þeir unnu til 5 gullverðlauna í París 2024.

Evrópulönd voru með 4 gull (Búlgaría, Noregur, Tyrkland, Armenía), 1 silfur (Rúmenía) og 1 brons (Moldóva).

Listi yfir skiptingu verðlauna (samanlögðum árangri). Einnig eru veitt verðlaun í snörun og jafnhendingu en þau eru ekki talin upp hér.

Norður Kórea: 5 gull, 3 silfur og 1 brons

Kína: 1 gull og 1 brons

Tæland: 1 gull, 1 silfur, 2 brons

Kólembía: 1 gull, 1 silfur og 3 brons

USA: 1 gull og 2 brons

Úzbekistan: 1 gull og 1 brons

Indónesía: 1 gull

Noregur: 1 gull

Búlgaría: 1 gull

Tyrkland: 1 gull

Suður Kórea: 1 gull og 1 brons

Armenía: 1 gull

Íran: 2 silfur

Bahrein: 1 silfur og 1 brons

Egyptaland: 1 silfur og 1 brons

Japan: 1 silfur

Indland: 1 silfur

Rúmenía: 1 silfur

Nígería: 1 silfur

Kanada: 1 silfur

Dómeníska lýðveldið: 1 silfur

Kúba: 1 silfur

Moldóva: 1 brons

Ástralía: 1 brons

Taípei: 1 brons

Bergur Sverrisson í 19. sæti á HM í Noregi

Birt þann af
Svara

Bergur Sverrisson varð í 19. sæti á HM í Noregi í -88 kg flokki karla, þetta er fyrsta heimsmeistaramót Bergs en hann varð í 13. sæti á Evrópumeistaramótinu fyrr á árinu. Bergur hóf keppni í C-hóp á 130 kg í snörun, lyfti svo 135 kg en klikkaði á 140 kg í síðustu tilraun sem einnig var tilraun til Íslandsmets. Í jafnhendingu fékk Bergur tvívegis ógilda lyftu, opnunarlyftan 155 kg og önnur tilraun hans við 157 kg en hann sýndi góðan baráttuanda með því að lyfta 158 kg gildri í þriðju og síðustu tilraun. Samanlagður árangur því 293 kg og 19. sæti eins og áður segir.

Bergur Sverrisson situr undir 135 kg í snörun
Bergur Sverrisson fagnar vel 135 kg í snörun
Bergur Sverrisson með 157 kg í jafnhendingu
Bergur Sverrisson með 158 kg í jafnhendingu

Af 31 keppanda í flokknum féllu 9 keppendur úr leik sem er óvenju hátt hlutfall. Kólumbíumaðurinn Jason Lopez sigraði flokkinn nokkuð örugglega með 387 kg samanlagt, í öðru sæti var Norður-Kóreubúinn Kwang Ryol Ro með 377 kg og Makedóníubúinn Marin Robu þriðji með 369 kg, 10 kg minna en hann lyfti á HM í fyrra þar sem hann var einnig þriðji í -89 kg flokki.

Aðeins tveir aðir Norðurlandabúar kepptu í flokknum, Finninn Eetu Hautaniemi varð í 18. sæti með 307 kg í samanlögðu en Norðmaðurinn Sigurd Korsvoll féll úr keppni í snörun þegar hann reyndi við 123 kg þrisvar sinnum. Nýir þyngdarflokkar tóku gilidi 1. júní 2025 og Íslandsmetsstandardinn í -88 kg flokki var sett þá 138 kg í snörun, 168 kg í jafnhendingu og 307 kg í samanlögðum árangri.

Guðný Björk Stefánsdóttir keppir á morgun í -77 kg B flokki, en Evrópumeistarinn Eygló Fanndal Sturludóttir þurfti því miður að hætta við að keppa vegna þess að hún er ennþá að jafna sig af meiðslum sem hún hefur glímt við síðustu vikur:

https://www.mbl.is/sport/frettir/2025/10/06/nidurbrotin_eyglo_ekki_med_a_hm/

Heimsmeistaramótið 2025 í Forde, Noregi

Birt þann af
Svara

Heimsmeistaramótið í ólympískum lyftingum hefst á morgun 2. október í bænum Förde í Noregi og stendur til 11. október. Það er nokkuð magnað að heimsmeistaramót sé haldið í svo litlu bæjarfélagi en aðeins eru um 10 þúsund íbúar í Förde. Undirritaður fór á Evrópumeistaramótið sem haldið 2016 við góðan orðstír. Ástæða þess að mótið er haldið þarna er að Stian Grimseth, tvöfaldur ólympíufari og forseti Norska lyftingasambandsins er frá svæðinu og hefur það verið draumur hans að halda mótið í Noregi alla tíð en mótið hefur aldrei verið haldið þar Svíar héldu heimsmeistaramótið ’53,’58 og ’63. Finnar héldu mótið einu sinni 1998.

240 konur frá 66 löndum og 237 karlar frá 72 löndum eru skráðir til leiks, alls eru 87 lönd með fulltrúa. Þetta er fyrsta heimsmeistaramótið þar sem keppt er í nýjum þyngdarflokkum sem tóku gildi 1. júní 2025.

Ísland á fjórar konur á keppendalistanum og einn karl.

Heimasíða mótsins: https://www.forde2025.no/en/

Beint streymi frá mótinu: https://www.forde2025.no/live-stream/

Startbók (allar upplýsingar um keppendur og dagskrá): https://iwf.sport/wp-content/plugins/download-monitor/download.php?id=2808

Við hvetjum alla til að fylgjast með instagram reikningi sambandsins: https://www.instagram.com/icelandic_weightlifting/?hl=en

Weightliftinghouse mun verða með umfjöllun: https://eustore.weightliftinghouse.com/blogs/news/world-weightlifting-championships-results

Katla Björk Ketilsdóttir (f. 2000) mætir fyrst til leiks í -63 kg flokki, hún keppir í B-grúppu þann 5. október klukkan 14:30 að staðartíma. Katla hefur verið búsett í Noregi síðustu ár og nálgast sitt besta form en hún lyfti 193 kg samanlagt á Evrópumeistaramótinu fyrr á árinu.

Bergur Sverrisson (f. 1994) keppir næstur íslensku keppendanna í -88 kg flokki, Bergur er stigahæstur allra íslenskra karla á árinu eftir árangur sinn á Evrópumeistaramótinu þar sem hann lyfti 302 kg samanlagt. Bergur keppir 7. október klukkan 10:00 að staðartíma.

Guðný Björk Stefánsdóttir (f. 2001) keppir í -77 kg flokk, en yfirleitt hefur hún keppt í -71 kg flokk (sem núna er ekki lengur til og aðeins -69 kg flokkur). Guðný hefur lyft mest á árinu 218 kg í keppni og verður að teljast með sterkari keppendum í C-grúppunni sem hún er skráð í og keppir hópurinn 8. október klukkan 11:30 að staðartíma. CWF þýðir Commonwealth Weightlifting Federation og þeir keppendur sem eru merktir CWF eru aðeins í úrtökumóti fyrir Samveldisleikana en ekki partur af heimsmeistaramótinu.

Eygló Fanndal Sturludóttir (f. 2001) keppir í A-hóp einnig í -77 kg flokki, það hefur vonandi ekki farið framhjá neinum að Eygló er ríkjandi Evrópumeistari í flokknum þar sem hún lyfti 244 kg samanlagt í -71 kg flokk (sem eins og áður segir hefur verið færður niður í -69 kg). Í A-hópnum eru mættar til leiks ríkjandi heims og ólympíumeistari í -71 kg flokk sem og heimsmetshafinn Olivia Reeves (f. 2003) frá Bandaríkjunum, einnig er landi hennar Martha Ann Rogers (Mattie Rogers) (f. 1995) mætt til leiks en hún hefur 4x unnið silfur á heimsmeistaramót og er ríkjandi Pan-Am meistari frá 12. júlí þar sem hún lyfti 249 kg samanlagt. Silfurverðlaunahafinn frá því í París í -71 kg flokk og öldungurinn í hópnum Mari Sánchez (f. 1991) frá Kólumbíu mætir til leiks, hún lyfti 257 kg í París en svo var hún einnig með silfur á Pan-Am meistaramótinu í Júlí með 248 kg, einu kg minna en Mattie Rogers. Sara Ahmed (f. 1998) frá Egyptalandi verður að teljast með sterkari keppendum í flokknum og hún er með hæsta entry totalið. Hún vann silfur á ólympíuleikunum í París í -81 kg flokki þar sem hún lyfti 268 kg en gullverðlaunin í þeim flokki fóru til hinnar Norsku Solfrid Koanda (f. 1998) (kvenn íþróttamaður ársins í Noregi 2024) sem mun keppa í -86 kg flokknum. Kínverjar og Norður Kórea tefla ekki fram keppendum í flokknum þar sem ekki er tryggt að þeir geti unnið til verðlauna, en Eygló var einmitt hársbreidd frá því að vinna til bronsverðlauna á síðasta heimsmeistaramóti þar sem hún endaði í 4. sæti, þá í -71 kg flokk þegar norður kóreski keppandinn var nálægt því að falla úr keppni eftir að hún klikkaði 2x á opnunarþyngd í jafnhendingu. Það verður því hörð og skemmtileg keppni í -77 kg kvenna flokkunum í Förde og allt opið sérstaklega í keppni um bronsverðlaun. Keppni í flokknum fer fram 8. október klukkan 19:30 að staðartíma.

Erla Ágústdóttir (f. 2001) er síðust íslendinganna en hún keppir í +86 kg flokki (B-grúppu). Erla er búsett í Danmörku þar sem hún stundar nám við DTU og kemur inn í mótið í góðu formi en hún keppti síðast í Danmörku í maí þar sem hún lyfti 220 kg samanlagt. Erla keppir 11. október klukkan 11:00 að staðartíma.

Lyftingafólk ársins 2024

Birt þann af
Svara

Stjórn Lyftingasamband Íslands hefur kosið lyftingafólk ársins 2024 samkvæmt 18.grein laga sambandsins:

  1. grein,
    Stjórn og varamenn hafa atkvæðisrétt um val á lyftingakonu og karli ársins, valið skal ávallt miðast við tímabilið 1. Desember til 30. Nóvember. Ef óskað er eftir því getur kosning verið nafnlaus. Val á lyftingakonu og karli ársins skal miðast við árangur íþróttamannsins á liðnu ári og er þá sérstaklega horft til Sinclair stigatölu sem og árangur á alþjóðlegum mótum. Íþróttamenn koma ekki til greina í vali á lyftingakonu og karli ársins á meðan þeir taka út refsingu og í eitt ár eftir að refsingu lýkur vegna brota á lyfjalögum ÍSÍ, IWF og/eða WADA.

Lyftingakona ársins: Eygló Fanndal Sturludóttir úr Lyftingafélagi Reykjavíkur

Eygló með 104kg í snörun á Evrópumeistaramóti Ungmenna 2024. Mynd:ATG/Gregor Winters
  • Endaði í 12.sæti á úrtökulista fyrir Ólympíuleikana í París með 236kg í -71kg flokki kvenna.
  • Setti fjögur norðurlandamet í fullorðins flokki, 2 í snörun og 2 í samanlögðum árangri í –
    71kg flokki kvenna. (hún bætti síðan við 1 meti í snörun og 1 í samanlögðum árangri á HM í Desember 2024).
  • Setti sex Íslandsmet í fullorðins flokki og sex Íslandsmet í flokki 23 ára og yngri.
  • Varð Íslandsmeistari í -71kg flokki kvenna.
  • Varð í 4.sæti á Evrópumeistaramóti fullorðinna í -71kg flokki með 230kg í samanlögðum árangri. Varð 12. stigahæsti keppandi kvenn keppandi mótsins yfir alla þyngdarflokka (160 konur).
  • Varð Norðurlandameistari í -71kg flokki kvenna og jafnframt stigahæsti kvenna keppandi
    mótsins    .
  • Varð Evrópumeistari Ungmenna 23 ára og yngri með nýju persónulegu meti 237kg
    samanlagt og fékk jafnframt verðlaun fyrir að vera stigahæsti kvenna keppandi mótsins.
  • Varð í 4.sæti í -71kg flokki á Heimsmeistaramótinu í Bahrein þar sem hún lyfti 239kg samanlagt. Hún varð í 31.sæti á stigum yfir alla kvenn keppendur (216) í öllum þyngdarflokkum með 642.85 Robi stig. (Mótið telur ekki inn í Lyftingafólk ársins)
  • Stigahæst íslenskra kenna á Sinclair stigum 293.1 stig

Lyftingakarl ársins og Ungmenni ársins 18-20 ára karla: Þórbergur Ernir Hlynsson úr Lyftingafélagi Reykjavíkur

  • Áttunda sæti á EM Unglinga í -96kg flokki 20 ára og yngri með 296kg í samanlögðu
  • Gull á Norðurlandameistaramóti Unglinga (20 ára og yngri) í -96kg flokk
  • Brons á Norðurlandameistamóti fullorðinna í -96kg flokk
  • Sigurvegari Haustmót LSÍ með 301kg í samanlögðum árangri og 351,4 Sinclair stig.
  • Íslandsmeistari í -96kg flokki karla
  • Íslandsmeistari Unglinga (20 ára og yngri) í -96kg flokki
  • Þriðji hæsti karl á Sinclair 351.4 stig
  • Hæsti samanlagði árangur yfir alla þyngdar og aldursflokka 301kg
  • Fimm íslandsmet í fullorðinsflokk
  • 12 íslandsmet í flokki 23 ára og yngri
  • 18 íslandsmet í flokki 20 ára og yngri

Ungmenni ársins í flokki kvenna 18-20 ára

Freyja Björt Svavarsdóttir úr Lyftingafélagi Reykjavíkur

  • 6.sæti í -59kg flokki á Norðurlandameistaramóti Unglinga (20 ára og yngri) með 139kg í samanlögðum árangri
  • Silfur á Sumarmóti LSÍ með 136kg í samanlögðum árangri
  • Íslandsmeistari Unglinga (20 ára og yngri) í flokki -59kg með 128kg í samanlögðum árangri
  • Stigahæsti keppandi á Sinclair í aldursflokknum 193.2 stig

Ungmenni ársins Karlar 16-17 ára

Kristófer Logi Hauksson úr Lyftingafélagi Kópavogs

  • Íslandsmeistari Unglinga (17 ára og yngri) í flokki -81kg með 158kg í samanlögðum árangri
  • Stigahæsti keppandinn á Sinclair í aldursflokknum 207,6 stig

Ungmenni ársins Konur 16-17 ára

Bergrós Björnsdóttir úr Lyftingafélagi Reykjavíkur

  • Silfur á HM 17 ára og yngri með 198kg í samanlögðum árangri
  • Þrjú Íslandsmet í flokki 17 ára og yngri
  • Sigurvegari Jólamóts LSÍ 2023 með 180kg í samanlögðum árangri
  • Stigahæst keppanda í aldursflokknum á Sinclair með 244,1 stig

Ungmenni ársins Karlar 15 ára og yngri

Guðjón Gauti Vignisson úr Lyftingadeild ÍA

  • Íslandsmeistari Unglinga í -73kg flokki 15 ára og yngri með 121kg í samanlögðum árangri
  • Bætti sinn besta árangur á tímabilinu um 53kg, 112kg á Jólamótinu 2023 og 165kg á Haustmótinu 2024. (Bætti svo um betur á lyfti 175kg á Jólamótinu 2024).
  • Stigahæstur karla í aldursflokknum

Ungmenni ársins Konur 15 ára og yngri

Hólmfríður Bjartmarsdóttir úr Lyftingafélagi Reykjavíkur

  • Íslandsmeistari Unglinga í -71kg flokki kvenna 15 ára og yngri með 126kg samanlagt
  • Stigahæsti keppandinn í aldursflokknum með 156.3 Sinclair stig

Jólamót LSÍ 2024

Birt þann af
Svara

Friðný Jónsdóttir úr lyftingadeild Stjörnunnar og Bergur Sverrisson frá lyftingadeild KA voru í algjörum sérflokki á Jólamóti LSÍ sem fram fór í Crossfit Reykjavík síðusta Sunnudag.

Friðný keppti létt í +87kg flokki kvenna (88.20kg) og stórbætti sinn besta árangur, 8kg í snörun, 12kg í jafnhendingu og 19kg í samanlögðum árangri. Hún lyfti 100kg í snörun og 122kg í jafnhendingu og bætti með Erlu Ágústdóttur í jafnhendingu um 3kg en Erla hafði lyft 119kg fyrr sama dag á Heimsmeistaramóti IWF. Metið í samanlögðum árangri bætti hún um 1kg úr 221kg sem Erla hafði lyft í 222kg.

Friðný í lokastöðu með 122kg -mynd Jón Karl Jónsson

Með þessum árangri hlýtur Friðný einnig Elite Pin norðurlandasambandsins líkt og Erla, en lyfta þarf yfir 218kg samanlagt í +87kg kvenna flokk til að hljóta hann.

Bergur Sverrisson úr lyftingadeild KA gerði einnig gott mót þegar hann fór með allar sínar lyftur í gegn. Seríuna 130kg-136kg-140kg í snörun og svo 150kg-157kg-161kg í jafnhendingu. Bergur vigtaðist 88.8kg, þyngsta snörunin var bæting um 2kg á meti Brynjars Loga Halldórssonar frá 2023 í -89kg flokk karla. Einnig var samanlagður árangur Bergs 1kg bæting á fyrra meti Brynjars.

Önnur met sem voru sett voru met í flokki 15 ára og yngri kvenna af Birnu Sól Björnsdóttur (LFR) í -76kg flokk best 33kg í snörun, 50kg í jafnhendingu og 83kg í samanlögðum árangri. Tristann Bergmann Einarsson (LFR) setti einni met í flokki 15 ára og yngri karla -55kg, best 32kg í snörun, 54kg í jafnhendingu og 86kg í samanlögðum árangri.

Anna Guðrún Halldórsdóttir (Hamar) setti fjölmörg masters met í mörgum aldursflokkum M35-M55 þegar hún snaraði 56kg og jafnhenti 77kg í flokki +87kg. Reglan við masters met hjá LSÍ er sú að einstaklingur fær skráð met í sinn flokk M55 hjá Önnu Guðrún en einnig í „yngri“ flokkum ef metið er lægra þar, hún fær því met skráð í flokk M35, M40, M45 og M50.

Dísa Edwards (Massi) setti ný met í masters flokki -64kg M35 þegar hún snaraði best 61kg í snörun, 73kg í jafnhendingu og 134kg samtals.

Loks setti Steinunn Sveinsdóttir (LFK) masters met í -87kg flokki M60 þegar hún snaraði best 27kg, jafnhenti 34kg og því samanlagt 61kg.

Mótið er Sinclair mót og þrír stigahæstu keppendur af hvoru kyni eru verðlaunaðir

Top 3 KVK:

  1. Friðný Jónsdóttir (Stjarnan) (100+122=222kg) – 246.7 Stig
  2. Snædís Líf Pámarsdóttir (LFR) (72+94=166kg) – 219.3 Stig
  3. Indíana Lind Gylfadóttir (LFK) (82+101=183kg) – 212.3 Stig
fv. Snædís Líf, Friðný, Indíana-mynd Jón Karl Jónsson

Top 3 KK:

fv. Axel Guðni, Bergur, Árni Rúnar-mynd Jón Karl Jónsson
  1. Bergur Sverrisson (KA) (140+161=301kg) – 364.2 Stig
  2. Axel Guðni Sigurðsson (ÍA) (127+155=282kg) – 341.9 Stig
  3. Árni Rúnar Baldursson (ÍA) (107+130=237kg) – 312.5 Stig

Erla Ágústsdóttir í 13.sæti í +87kg flokk kvenna

Birt þann af
Svara

Erla Ágústsdóttir varð í dag í 13.sæti í +87kg flokki kvenna á Heimsmeistaramótinu í Ólympískum lyftingum sem lauk í dag í Manama, Bahrain.

Erla stórbætti árangur sinn þegar hún lyfti öllum sýnum lyftum gildum. Í snörun fór hún í gegn með seríuna 93kg, 98kg og 102kg. Sem var 1kg bæting á Íslandsmeti hennar í fullorðinsflokk og 23 ára og yngri. Í jafnhendingunni fór hún í gegn með seríuna 113kg, 116kg og loks 119kg sem var 3kg bæting á hennar bestu jafnhendingu en 5kg á besta samanlögðum árangri sem hún hefur náð sem var á Íslandsmótinu, samtals 221kg. Alls setti hún 8 íslandsmet í dag, 4 í fullorðinsflokk og 4 í flokki 23 ára og yngri.

Með þessum árangri varð hún einnig fjórða íslenska konan til að hljóta Elite Pin norðurlandasambandsins en lyfta þarf meira en 218kg í +87kg flokki kvenna.

Guðný Björk Stefánsdóttir í 17.sæti á HM

Birt þann af
Svara

Guðný Björk Stefánsdóttir varð í 17.sæti í -76kg flokki kvenna á Heimsmeistaramótinu í lyftingum sem fram fer í Manama, Bahrain um þessar mundir.

Guðný lyfti mest 94kg í snörun og 114kg í jafnhendingu sem kom út í samanlögðum árangri sem 208kg. Guðný viktaðist aðeins 71.28kg í flokkinn en yfirleitt keppir hún í -71kg flokknum. 114kg og 207kg voru ný íslandsmet í -76kg flokk, bæði í fullorðinsflokk og 23 ára og yngri.

Guðný átti einnig góðar tilraunir við 118kg og 120kg í jafnhendingu þar sem hún klikkaði aðeins á jarkinu í báðum tilraunum.

Heimsmeistarinn í Crossfit frá 2023 hin Ungverska Laura Horvath var á meðal keppenda og endaði í 18.sæti með sama árangur og Guðný. Hún lyfti 205kg á Evrópumeistaramótinu í ár og varð þar í 6.sæti.