EWF | Lyftingasamband Íslands

Þuríður Erla Helgadóttir hefur keppni fyrst íslensku keppendanna á Evrópumeistaramótinu í Sofia á morgun 14.Febrúar klukkan 12:00 á staðartíma (10:00 íslenskum). Þurí er reynslumesti keppandinn okkar í lyftingum en þetta verður hennar níunda stórmót þ.e. Evrópumeistaramót, Heimsmeistaramót eða Ólympíuleikar. Þá eru ótalin önnur alþjóðleg mót í ólympískum lyftingum og Crossfit. Bestum árangri náði hún á HM 2017 þegar hún varð í 10.sæti með 194kg í samanlögðum árangri en besta árangri á EM náði hún 2021 þegar hún lyfti 191kg. Sjá töflu hér að neðan.

Live Scoreboard

Hægt er að sjá beina útsendingu á weightliftinghouse.tv (mánaðaráskrift kostar 9.99USD)

Sjá umfjöllun Vísi um Þurí og EM í lyftingum: https://www.visir.is/g/20242526569d/islensk-crossfit-kempa-keppir-a-em-i-olympiskum-lyftingum

Hér má sjá dagskrá íslensku keppendanna á EM: https://lyftingar.wordpress.com/2024/02/10/evropumeistaramotid-i-olympiskum-lyftingum-2024-dagskra/

Þuríður Erla Helgadóttir með 104kg í jafnhendingu á Evrópumeistaramótinu 2023 sem haldið var í Yerevan, Armeníu.

Hún á sem stendur Íslandsmetin í -59kg flokki kvenna 87kg í snörun, 108kg í jafnhendingu og 191kg í samanlögðum árangri.

Dagsetning	Mót	Sæti	ÞF	Þyngd	SN	JH	Samtals	Sinclair
15/4/2023	EM 2023	13	59	58.7	82	104	186	255,4
5/4/2021	EM 2021	10	59	58.22	83	108	191	263,7
18/09/2019	HM 2019	25	59	58.9	80	103	183	250,7
6/4/2019	EM 2019	14	59	58.58	87	102	189	259,8
1/11/2018	HM 2018	26	59	58.46	79	105	184	253,3
28/11/2017	HM 2017	10	58	57.65	86	108	194	269,6
1/4/2017	EM 2017	13	63	58.65	79	102	181	248,6
10/4/2016	EM 2016	14	58	57.54	80	103	183	254,6

Árangur Þuríðar Erlu á alþjóðlegum stórmótum í ólympískum lyftingum

25 keppendur eru skráðir til leiks í -59kg flokknum á EM í ár en hann er ólympíuflokkur. Tólf keppendur eru í A-hóp og 13 keppendur með Þurí í B-hóp. Aðeins einn keppandi frá Evrópu er á topp 10 lista OQR en það er hin úkraínska Kamila Konotop, hin bandaríska Taylor Wilkins keppir líka í A-hóp þar sem hún fær ekki vegabréfsáritun til Venezuela þar sem Pan-American meistaramótið fer fram í lok Febrúar hún er í 10.sæti á OQR með 221kg í samanlögðum árangri en tíu efstu fá sjálfkrafa keppnisrétt í París. Gera má ráð fyrir að Nina Sterckx frá Belgíu og hinar frönsku Dora Tchakounte og Garance Rigaud blandi sér í baráttuna um verðlaun í flokknum en Frakkar munu mjög líklega nýta sér eitt af tveimur svokölluðum host country sætum í París í -59kg flokknum og valið mun því standa á milli þeirra tveggja. Hin ítalska Lucrezia Magistris á einnig möguleika á verðlaunum. Íslandsvinurinn Saraa Retulainen sem keppti á RIG 2018 þar sem Þuríður hafði betur á stigum en þær lyftu sömu þyngd er í A-hóp.

Keppnishópur Þuríðar er nokkuð jafn og má gera ráð fyrir að hún blandi sér í baráttuna um sigur í hópnum.

Í gær þann 22.5.2014 skrifaði LSÍ undir lánssaming á lyftingarsettum til tveggja lyftingafélaga, settin sem lánuð eru út eru annars vegar gjöf frá Evrópska lyftingasambandinu EWF og hins vegar gjöf frá alþjóðalyftingasambandinu IWF.
LSÍ þurfti aðeins að greiða tolla og aðflutningsgjöld.

Lyftingafélag Reykjavíkur fékk splunkunýtt Eleiko training sett; 190kg af lóðum, eina karla og eina kvenna stöng. Evrópska lyftingasambandið EWF gaf eitt sett til allra sambandsríkja nú í mars og er þetta settið sem Ísland fékk að gjöf. Lyftingafélag Reykjavíkur er stærsta lyftingafélag landsins og hefur verið mjög virkt í keppnishaldi.

Vilhelm Patrick Bernhöft og Hrönn Svansdóttir tóku við settinu fyrir hönd LFR. Ásgeir Bjarnason, Lárus Páll Pálsson og Árni Björn Kristjánsson afhentu settið fyrir hönd LSÍ

Því næst var ferðinni heitið inn í LFG í Garðabæ, þar fékk LFG afhent Zhang Kong keppnissett sem alþjóðalyftingasambandið styrkti LSÍ með í gegnum útbreiðslustyrk 2013; 2x190kg af lóðum, eina karla stöng og eina kvenna stöng. Lyftingafélag Garðabæjar hefur verið í örum vexti á fyrsta starfsárinu, þeir hafa einnig tekið virkan þátt í mótahaldi LSÍ.

Árni Björn Kristjánsson og Lárus Páll Pálsson eftir afhendingu á settunum.

Lyftingasamband Íslands þakkar EWF og IWF stuðninginn og vonar að sambandið muni í framtíðinni geta stutt við bakið á lyftingafélögum landsins með slíkum lánssamningum.