Amalía Ósk Sigurðardóttir endaði í 37. sæti í -64kg flokki kvenna á Heimsmeistaramótinu í Bahrain. Amalía lyfti 80kg í snörun og 100kg í jafnhendingu. Mótið var hennar þriðja Heimsmeistaramót og besti árangur hennar á erlendu stórmóti. Hún reyndi 2x við 105kg í annari og þriðju tilraun.
Amalía eftir sína þriðju snörun, 83kg sem fóru upp en dómarar ógildu lyftuna.
Þuríður Erla Helgadóttir keppti á HM í Bahrein í dag í -59kg flokki kvenna. Keppnin fór hálf brösulega á stað er Þurí missti opnunarlyftuna sína í snörun 78kg. Reynslan kom síðan að góðum notum og hún fór í 80kg í annari lyftu sem hún lyfti örugglega og 82kg í þriðju og síðustu tilraun. Í jafnhendingu fór hún með allar lyftur í gegn, 100kg, 103kg og 105kg. Samanlagt 187kg og 17.sætið. Hin norður kóreska Gyong Kim II og Kínverska Xinyi Pei höfðu töluverða yfirburði í flokknum en íslandsvinurinn Saara Retulainen frá Finnlandi varð í 7.sæti með 211kg í samanlögðum árangri.
Þetta var fimmta heimsmeistaramót Þuríðar en hún varð 25.sæti 2019, 26.sæti 2018, 10.sæti 2017 sem er jafnframt besti einstaklingur íslenskra kvenna á Heimsmeistaramóti í fullorðinsflokki. Þar náði Þurí sínum besta keppnisárangri 194kg í samanlögðu í -58kg flokki. Einnig keppti hún á HM 2015 þar sem hún varð í 31.sæti.
Amalía Ósk Sigurðardóttir keppir á morgun 10.12 klukkan (8:00) að staðartíma eða 5:00 að íslenskum tíma í nótt í afar fjölmennum -64kg flokki kvenna en 45 keppendur er skráðir til leiks.
Eygló Fanndal Sturludóttir keppir 11.12 en hún var tekin í viðtal af Weightliftinghouse.TV og sýnt frá æfingu hjá henni. Byrjar á mínútu 4:00 hér að neðan.
Dómarar eru mikilvæg stoð í hverri íþrótt. Án dómara er engar keppnir eða mót. Lyftingasamband Íslands býður upp á dómaranámskeið dagana 11. og 15. desember nk. með það að markmiði að stuðla að nýliðun í hópnum.
Námskeiðið fer fram miðvikudaginn 11.desember kl: 17:00-20:30 (bóklegi hlutinn) í ÍSÍ húsinu við Engjaveg. Verklegi hluti námskeiðsins fer fram á Jólamóti LSÍ sunnudaginn 15.desember í CrossFit Reykjavík, mili 11:00 og 18:00.
Við hvetjum alla sem hafa áhuga á að starfa á mótum á vegum sambandsins til að sækja námskeiðið sem og keppendur sem hafa áhuga á að læra reglurnar og auka þekkingu sínu á íþróttinni. Frítt er á námskeiðið og boðið er upp á veitingar á meðan á því stendur.
Skráning á námskeiðið er hér: https://forms.gle/nJwuhk7HXug4hkoo7
—
Prófið og svör við því er að finna á netinu og mælt er með að lesa bókina, taka síðan prófið og fletta svo upp því sem maður er óviss um.
Prófið:
https://iwf.sport/wp-content/uploads/downloads/2019/10/IWF-TO-Exam-2019-Questions.pdf
Svör:
https://iwf.sport/wp-content/uploads/downloads/2019/10/IWF-TO-Exam-2019-Answers.pdf
Gæti kannski hljómað eins og svindl en staðreyndin er að ef maður kann prófið og það sem spurt er um þar þá býr maður yfir þeirri þekkingu sem skiptir máli.
Svo til að rifja upp er til útdráttur á íslensku en það efni er sérstaklega um það sem snýr að keppendum og var hugsað til þess að fræða þá en er einnig gagnlegt fyrir dómara.
https://lyftingar.wordpress.com/urdrattur-ur-keppnisreglum/
Og svo nokkrir punktar sem er gott að hafa niðurskrifaða og aðgengilega á keppnisdag til að rifja upp.
https://docs.google.com/document/d/1Qwz2MeSONIXzCZ3vElVRuVY2HHHDdgp2-2-cB6tOGCQ/edit?usp=sharing
Hér er svo dómaragrúppa á Facebook sem má endilega nota til þess að spyrja spurninga ef einhverjar eru: https://www.facebook.com/groups/1713014768997620/
Að lokum, mjög aðgengileg og þægilega myndbönd á Youtube fyrir þau sem vilja hella sér í þetta:
https://youtu.be/G0JlXGan1cs?list=PLDb25g2HgvQKrtNS73tF65Lp_JAx3_Me3
https://www.youtube.com/watch?v=vM007fGZ6Ls
Heimsmeistaramótið í ólympískum lyftingum hefst föstudaginn 6.Desember í Manama (Bahrain), 473 lyftinga karlar og konur eru skráðar til leiks frá 92 löndum!
227 konur og 246 karlar, þar að fimm íslenskar konur.
Bein útsending frá mótinu verður á Weightliftinghouse.TV sem greiða þarf aðgang fyrir sjá.
Hægt er að sjá keppnisdagskrá hér
Þuríður Erla Helgadóttir keppir 9.12 (14:30) að staðartíma í -59kg B hóp
Amalía Ósk Sigurðardóttir keppir 10.12 (08:00) að staðartíma í -64kg D hóp
Eygló Fanndal Sturludóttir keppir 11.12 (17:30) að staðartíma í -71kg A hóp <- Fyrsta sinn sem Eygló er á meðal keppenda í A-hóp á Heimsmeistaramóti
Guðný Björk Stefánsdóttir keppir 12.12.(15:00) að staðartíma í -76kg B hóp
Erla Ágústdóttir keppir 15.12 (11:00) að staðartíma í +87kg B hóp
Sjá heildarúrslit á síðu norðurlandasambandsins og íslensku keppendana í gagnagrunni LSÍ.
Hægt er að nálgast myndir frá mótinu hér
Helstu úrslit:
Þórbergur Ernir Hlynsson varð Norðurlandameistari í -96kg flokki karla 20 ára og yngri þegar hann lyfti 132kg í snörun og 157kg í jafnhendingu alls 289kg. Þetta er fjórði unglingatitill Þórbergs en hann varð Norðurlandameistari 17 ára og yngri árin 2021 og 2022 og svo árið 2023 í flokki 20 ára og yngri þá í -89kg flokki.
Unnur Sjöfn Jónasdóttir vann silfur í +87kg flokki kvenna 20 ára og yngri þegar hún lyfti 65kg í snörun og 91kg í jafnhendingu. Þetta var hennar fyrsta alþjóðlega mót.
Birna Ólafsdóttir setti ný Íslandsmet í snörun, jafnhendingu og samanlögðu í -49kg flokkum U17, U20 og U23 kvenna.
Önnur úrslit:
Steindís Elín Magnúsdóttir varð í 7.sæti í -71kg flokki 17 ára og yngri með 61kg í snörun og 83kg í jafnhendingu. Bæting á hennar besta árangri um 3kg. Mótið var fyrsta alþjóðlega mót Steindísar.
Freyja Björt Svavarsdóttir varð í 6.sæti í -59kg flokki kvenna 20 ára og yngri með 58kg í snörun og 81kg í jafnhendingu, 139kg í samanlögðu var bæting á hennar besta árangri um 3kg og mótið var hennar fyrsta alþjóðlega lyftingamót.
Bríet Anna Heiðarsdóttir varð í 7.sæti í sama flokk og Freyja Björt (-59kg 20 ára og yngri) hún lyfti 62kg í snörun og 72kg í jafnhendingu.
Emilía Nótt Davíðsdóttir varð í 4.sæti í -64kg flokk 20 ára og yngri með 63kg í snörun og 82kg í jafnhendingu, 1kg bæting á hennar besta árangri. En Emilía keppti á sínu fyrsta móti í Febrúar í ár og hefur bætt sig um 16kg síðan þá.
Hildur Guðbjarnadóttir varð í 6.sæti í -71kg flokk 20 ára og yngri með 71kg í snörun og 85kg í jafnhendingu. Hún lyfti öllum sínum lyftum og bætti sig um 18kg, mótið var einnig fyrsta alþjóðlega mótið hennar.
Viktor Jónsson varð í 5.sæti í -81kg flokki 20ára og yngri, hann lyfti 95kg í snörun og 131kg í jafnhendingu. Hann var nálægt því að falla úr leik í snörun en hann náði opnunarþyngdinni í lokatilrauninni. Jafnhendingin gekk betur og allar þrjár lyftiurnar fóru upp og 1kg bæting á hans besta árangri í jafnhendingu. Mótið var fyrsta alþjóðlega mótið hans.
Tindur Elíasen varð í 7.sæti í -89kg flokki 20 ára og yngri með 113kg í snörun og 123kg í jafnhendingu.
Jólamót LSÍ verður haldið í Crossfit Reykjavík sunnudaginn 15.desember nk. Athugið að mótið var áður auglýst laugardaginn 14.desember en óhjákvæmlegt reyndist að færa mótið til um einn dag.
Skráning er hafin á mótið og henni lýkur 30.nóvember nk. kl 23:59
Með fyrirvara um fjölda keppenda þá er stefnt að því að klára mótið að öllu leyti á sunnudeginum.
Mótið er sinclair stigamót og þrír stigahæstu einstaklingarnar verðlaunaðir.
Keppnisgjald er 7500kr. og greiðir félag keppanda til mótshaldara.
Skráning hér
Norðurlandamót Unglinga hófst í dag í Kaupmannahöfn, Ísland á tíu keppendur á mótinu. Til að fylgjast með mótinu mælum við með heimasíðu danska lyftingasambandsins og norðurlanda sambandsins.
Ekkert streymi er af mótinu en hægt er að fylgjast með “ Live scoreboard“ : https://nwc-2024-results.fly.dev/results?silent=true&lifting=false&fop=A
Keppendur Íslands eru eftirfarandi:
Birna Ólafsdóttir (LFK) keppir í -49kg flokki U17
Steindís Elín Magnúsdóttir (LFR) keppir í -71kg flokki U17
Freyja Björt Svavarsdóttir (LFR) keppir í -59kg flokki U20
Bríet Anna Heiðarsdóttir (LFR) keppir í -59kg flokki U20
Emilía Nótt Davíðsdóttir (LFK) keppir í -64kg flokki U20
Hildur Guðbjarnardóttir (LFR) keppir í -71kg flokki U20
Unnur Sjöfn Jónasdóttir (Stjarnan) keppir í +81kg flokki U20
Viktor Jónsson (LFR) keppir í -81kg flokki U20
Tindur Elíasen (LFR) keppir í -89kg flokki U20
Þórbergur Ernir Hlynsson (LFR) keppir í -96kg flokki U20
Dagskrá mótsins er eftirfarandi:
15.Nóvember Föstudag
11:00 KVK U17 -49kg og -55kg
12:15 KK U17 -61kg, -67kg, -73kg og -81kg
13:40 KVK U17 -59kg og -64kg
15:25 KK U17 -89kg og +89kg
17:15 KVK U17 -71kg og +71kg
16.Nóvember Laugardagur
10:00 KVK U20 -55kg og -59kg
11:40 KK U20 -73kg og -81kg
13:25 KVK U20 -64kg og -71kg
15:10 KK U20 -89kg og -96kg
16:40 KVK U20 -81kg og +81kg
17:40 KK U20 -102kg og +102kg
Erla Ágústsdóttir varð í dag í þriðja sæti í snörun, jafnhendingu og samanlögðu á Evrópumeistaramóti ungmenna í +87kg flokki U23. Erla lyfti mest 97kg í snörun og 116kg í jafnhendingu, total 213kg.
Erla fékk allar sex lyfturnar sínar gildar en dómararnir gáfu henni þrjú rauð ljós á opnunarlyftuna í jafnhendingu. Þjálfarar Erlu beittu þá „challenge kortinu“ og niðurstaðan var að jury sneri dómnum við og dæmdu lyftuna gilda.
Frábær frammistaða hjá Erlu!
Þórbergur Ernir Hlynsson hafnaði í 8.sæti í 96kg flokki U20 á Evrópumeistaramótinu sem fram fer í Póllandi. Þórbergur opnaði með 130kg snörun og hækkaði svo í 134kg sem fóru upp. Lokatilraun Þórbergs voru 138kg sem hann rétt missti aftur fyrir sig.
Í jafnhendingu opnaði Þórbergur með 160kg lyftu sem hann náði ekki að standa. Hann hækkaði þá í 162kg sem fóru upp. Þar sem engin medalía var í boði ákvað teymið að láta reyna á persónulegt met og óskaði eftir 170kg á stöngina. Töluverður tími leið á milli lyftu tvö og þrjú hjá Þórbergi eða um 14 mínútur. Hann kom því vel hvíldur á sviðið og negldi cleanið en náði ekki að læsa jerkið. Niðurstaðan því 296kg samanlagt og gott innlegg í reynslubankann hjá þessum unga og efnilega lyftingamanni.
Lyftingasamband Íslands 