Heildarúrslit: http://results.lsi.is/meet/nordic-championship-ntf-2017

Landslið Íslands lauk keppni á Norðurlandameistaramótinu í Svíþjóð í dag.

Ísland vann til tveggja gullverðlauna á mótinu þegar Aníta Líf Aradóttir (LFG) vann magnaðan sigur í -69kg flokki kvenna þegar hún lyfti 80kg í snörun og 109kg í jafnhendingu í lokatilraun eftir að hafa opnað á 100kg og misst 105kg í annari tilraun , hún lyfti því 1kg þyngra samanlagt en hin norska Marit Ardalsbakken. Frábær árangur (sjá lyftu hér að neðan). Lilja Lind Helgadóttir (LFG) varð í þriðja sæti í -69kg flokki kvenna og lyfti 75kg í snörun og 91kg í jafnhendingu.

https://www.instagram.com/p/BYkmmMqnk5M/?hl=en&taken-by=anitalif

Freyja Mist Ólafsdóttir (LFR) vann -90kg þyngdarflokk kvenna, og setti í leiðinni nýtt íslandsmet í snörun 90kg og samanlögðum árangri 195kg eftir 105kg jafnhendingu. Þetta var jafnframt bæting á hennar besta stigaárangri um hálft stig.

Hjá körlunum vann Einar Ingi Jónsson (LFR) til bronsverðlauna í sterkum -77kg flokki karla þar sem hann vigtaðist léttur 72,45kg en Einar skipti nýlega um þyngdarflokk eftir að hafa keppt lengst af í -69kg flokk. Hann lyfti 116kg í snörun og rétt missti 120kg, hann fór með allar jafnhendingarnar í gegn og tvíbætti íslandsmetið fyrst með því að lyfta 146kg og síðan 151kg upp fyrir haus. Sjá myndband hér að neðan að nýjum metum Einars (þurfið að ýta til hægri). Þetta var jafnframt besti stigaárangur Einars 344,8 Sinclair stig.

Árni Rúnar Baldursson (Hengli) varð í 5.sæti í -77kg flokknum á sínu fyrsta móti fyrir landsliðið og bætti sig um 7kg með því að lyfta 112kg í snörun og 135kg í jafnhendingu.

Síðastur Íslendinganna að keppa var Ingólfur Þór Ævarsson sem keppti léttur í +105kg flokknum, hann opnaði á 125kg og rétt missti síðan 130kg og 135kg í snörun. Í jafnhendingu opnaði hann á 164kg og en klikkaði síðan tvisvar sinnum á 171kg og endaði í 5.sæti í flokknum.

Danir unnu stigabikar karla eftir að vera jafnir að stigum við Norðmenn en með 6 keppendur í stað 7 hjá Norðmönnum. Heimamenn Svíar voru aðeins í 4.sæti  í karlaflokki eftir að hluti sænska liðsins dró sig úr keppni til að mótmæla samstarfsörðuleikum sem hafa verð milli íþróttamanna og stjórnar sænska sambandsins.

Liðakeppni Karlar

Svíar unnu samt sem áður kvenna bikarinn með 2 stigum á Norðmenn.

Liðakeppni Konur

Tveir stigahæstu menn mótsins voru í fyrsta og öðru sæti í -77kg flokki karla, hinn danski Tim Kring (387 stig) bætti danska metið í snörun um 4kg þegar hann lyfti 140kg. Hann jafnhenti síðan 167kg og náði sínum besta árangri á ferlinum. Hinn norski Rogert Myrholt (377stig) átti líka frábæran dag þegar hann bætti norska metið í jafnhendingu með því að lyfta 171kg í jafnhendingu og bætti með því norska metið um 6kg og sitt eigið met um 10kg. En það dugði ekki til að vinna Tim því Roger snaraði 129kg.

Íslandsvinkonan Anni Vuhojoki bætti finnska metið í -63kg flokki kvenna um 3kg þegar hún jafnhenti 114kg. Hún varð önnur á stigum með 263,8 Sinclair stig á eftir hinni sænsku Angelicu Roos 272 Sinclair stig.

Skráning er hafin á lsi@lsi.is, frestur er til 2.september.

Fram þarf að koma:

• nafn
• kennitala
• Félag
• Þyngdarflokkur

Norðurlandamót fullorðinna verður haldið í Svíþjóð helgina 1-3.september.

Við munum senda flottann landsliðshóp á mótið en þeir sem keppa eru:

Um helgina fór fram dómarnámskeið hjá LSÍ.

10 manns tóku námskeiðið og þreyttu svo dómarapróf á sunnudeginum með frábærum árangri.

Þeir sem tóku prófið voru

Árni Björn Kristjánsson

Einar Ingi Jónsson

Arnór Gauti Haraldsson

Daníel Askur Ingólfsson

Árni Steinarsson

Aníta Líf Aradóttir

Freyja Mist Ólafsdóttir

Inga Huld Ármann

Hjördís Ósk Óskarsdóttir

Kristín Jakobsdóttir

Kennari námskeiðisins var finninn Taisto Kuoppala.

Lyftingasambandið óskar öllum þeim sem tóku prófið innilega til hamingju og hlökkum við til að fá fleiri dómara til starfa hjá félaginu.

HEILDARÚRSLIT

Unglingalandsmót UMFÍ fór fram í dag á Egilstöðum í húsakynnum Crossfit Austur. Góð stemming var á mótinu og luku 19 keppendur keppni og margir voru að keppa á sínu fyrsta móti í ólympískum lyftingum.

Þetta er þriðja árið í röð sem ólympískar lyftingar eru á meðal keppnisgreina á ungmennalandsmótinu og má því segja að greinin sé að festa sig í sessi.

Keppt var í tveimur aldursflokkum 11-14 ára og 15-18 ára karla og kvenna.

11-14 ára Karla

Brynjar Ari Magnússon var í nokkrum sérflokki enda lang reyndasti keppandi mótsins, hann snaraði 70kg og jafnhenti 80kg en jafnhendingin var persónuleg bæting á móti hjá honum um 3kg.

Bjartur Berg Baldursson átti flotta innkomu á sínu fyrsta móti með því að snara 37kg og jafnhenda 55kg.

Þriðji varð Sigurbjörn Ágúst Kjartansson sem vigtaðist rétt yfir 50kg, snaraði 27kg og jafnhenti 35kg.

Tryggvi Hrafn Reimarsson og Konráð Guðlaugsson settu báðir nokkur met í flokki -50kg 15 ára og yngri og 17 ára og yngri en engin met voru listuð í þeim þyngdarflokki í jafnhendingu og samanlögðum árangri.

11-14 ára KVK

Allir keppendur í flokknum voru að keppa á sýnu fyrsta móti og eru að stíga sín fystu skref í greininni.

Steina Björg Ketilsdóttir varð stigahæst, en hún er systir Kötlu Ketilsdóttir sem sigraði eldri flokkin (sjá að neðan). Natalía Sól Jóhannesdóttir og Andrea Maya Chirikadzi urðu í öðru og þriðja sæti.

15-18 ára KK

Jóel Páll Viðarsson er á mikilli bætinga siglingu þessa daganna, hann snaraði 82kg og bætti sitt eigið met í flokki 15 ára og yngri um 1kg en einnig fór hann með 88kg upp en fékk ógilt á pressu í vinstri olnboga. Í jafnhendingu bætti hann sín eigin met þegar hann lyfti 96kg og 100kg í -94kg flokk.

Kristinn Már Hjaltason kom í humátt á eftir Jóel en hann keppti á sýnu fyrsta móti í ólympískum lyftingum, hann snaraði 67kg og jafnhenti 93kg og var aðeins 3 stigum frá Jóel.

Þriðji varð Ófeigur Númi Halldórsson sem keppti á sýnu fyrsta móti.

15-18 ára KVK

Katla Björk Ketilsdóttir fór með sigur af hólmi í þessum flokk, hún rétt slapp inn í -69kg flokk kvenna og setti met í snörun og samanlögðu í flokki 17 ára og yngri. Hún snaraði 70kg og jafnhenti 80kg.

Embla Rán Baldursdóttir sýndi góða takta þegar hún varð önnur með því að snara 35kg og jafnhenda 50kg á sýnu fyrsta móti.

Landslið Íslands hefur verið valið í tengslum við Norðurlandamót Fullorðinna 2017 sem fram fer í Svíþjóð 1.-3. September. Ísland mun síðan halda Norðurlandamótið 2018 en það fór síðast fram hérlendis á Akureyri 2013.

Árni Rúnar og Emil Ragnar keppa þar á sýnu fyrsta móti fyrir landslið Íslands í ólympískum lyftingum.

Karlar:
Einar Ingi Jónsson (LFR) -77kg flokk
Árni Rúnar Baldursson (Hengill) -77kg flokk
Emil Ragnar Ægisson (UMFN) -85kg flokk
Ingólfur Þór Ævarsson (KFA) +105kg flokk

Konur:
Aníta Líf Aradóttir (LFG) -69kg flokk
Lilja Lind Helgadóttir (LFG) -69kg flokk
Freyja Mist Ólafsdóttir (LFR) -90kg flokk

Þjálfarar:
Ingi Gunnar Ólafsson – varaformaður LSÍ
Hjördís Ósk Óskarsdóttir -framkvæmdastjóri LSÍ

Heildarkeppendalista má sjá hér að neðan:

5 Íþróttamenn og 2 þjálfarar fara í æfingabúðir 17 ára og yngri í Lettlandi 14.-19. Ágúst. EWF greiðir fæði og uppihald og LSÍ styrkir hvern þáttakenda um 50þús krónur fyrir flugmiðum.

Karlar:
Veigar Ágúst Hafþórsson (f.2000) – LFH
Matthías Abel Einarsson (f.2000) – Hengill
Jóel Páll Viðarsson (f.2002) – KFA
Brynjar Ari Magnússon (f.2004) – LFH

Konur:
Hrafnhildur Finnbogadottir (f.2000) – LFK

Þjálfarar:
Magnús B. Þórðarson – LFH
Þorbergur Guðmundsson – KFA

Fámennt en góðmennt var á Akureyrarmótinu í dag.

Árni Rúnar átti gott mót og bætti sinclair stigin sín úr 240 í 310 stig

Hann snaraði 108 kg og jafnhenti 132kg

Jóel Páll setti met í U15 en hann snaraði 81kg og jafnhenti 95kg, sinclair 204,6 stig.

http://results.lsi.is/meet/akureyrarmotid-i-lyftingum-2017

Skráning fer fram í gegnum UMFÍ, sjá hér http://www.umfi.is/unglingalandsmot-umfi

Hægt er að hafa samband varðandi skráningu við Ingólf á netfanið ingolfur@umfi.is eða í síma 847 6287 milli kl. 16.00 og 18.00.

Þann 1.júlí fer fram mót á vegum KFA á Akureyri, mótið er stigamót og keppt í þyngdarflokkum.

http://kfa.is/2017/06/21/akureyrarmotid-i-olympiskum-lyftingum/

Athugið að þetta er síðasta mótið til að ná lágmörkum fyrir NM senior.

Skráning er hafin á lsi@lsi.is

Fram þarf að koma kennitala, félag og þyngdarflokkur