Um 60 keppendur luku keppni á NM unglinga í dag og eru úrslit komin inn í afreksgagnagrunn sambandsins: http://results.lsi.is/meet/nordic-junioryouth-championship-ntf-2017

Einnig má nálgast upptöku af mótinu hér: https://livestream.com/NVF/events/7872618

Úrslit frá mótshöldurum: https://painonnosto.fi/artikkeli/2017-10-28-nordic-weightlifting-championships-youth-junior-2017-results

Ísland eignaðist tvo norðurlandameistara í dag, Katla Björk Ketilsdóttir (f.2000) vann -63kg flokk 17 ára og yngri kvenna snaraði 73kg og jafnhenti 85kg og vann sinn flokk með 8kg. Hrafnhildur Finnbogadóttir (f.2000) varð þriðja í sama flokk.

Birta Hafþórsdóttir (f.1998) vann síðan -75kg flokk 20 ára og yngri með því að snara 76kg og jafnhenda 90kg, og lyfti hún fjórum kílóum meira en næsti keppandi.

—

Birna Aradóttir (f.1999) átti frábært mót og vann silfurverðlaun í -63kg flokki kvenna 20 ára og yngri og þurfti hin sænska Daniella Gehrman að lyfta 1kg meira en Birna til að hafa sigur af hólmi. Birna bætti sig um fjögur kíló í jafnhendingu þegar hún lyfti 87kg sem hún power cleanaði óvænt! Hún snaraði 75kg og var árangur hennar fjórði stigahæsti árangur 38 kvenn keppenda á mótinu og sá stigahæsti meðal íslendinganna. Frábær innkoma en Birna á tvö næstu ár eftir í flokki 20 ára og yngri og má gera ráð fyrir harðri keppni milli hennar og Kötlu Bjarkar á næstu árum.

Thelma Hrund Helgadóttir (f.1997) varð fimmta í sama þyngdarflokki.

—

Í -69kg flokki kvenna 20 ára og yngri varð Margrét Þórhildur Jónsdóttir (f.1997) fyrir því óláni að falla úr keppni í jafnhendingu eftir að hafa snarað 63kg.

—

Matthías Abel Einarsson (f.2000) varð í fimmta sæti í -62kg flokk karla en hann snaraði 67kg og jafnhenti 87kg.

—

Brynjar Ari Magnússon (f.2004) varð þriðji í -77kg flokki karla og setti nýtt íslandsmet í snörun 83kg í flokki 15 ára og yngri í annari tilraun og reyndi við 88kg í síðustu tilraun. Brynjar jafnhenti 95kg og var einnig yngsti keppandi mótsins.

—

Veigar Ágúst Hafþórsson (f.2000) vann síðan silfurverðlaun í flokki -94kg karla 17 ára og yngri þegar hann snaraði 95kg og klikkaði tvisvar sinnum á 101kg, hann jafnhenti síðan 120kg.

Hópurinn er kominn í loftið ! Hér eru nokkrir hlekkir sem vert er að skoða.

Mótið hefst 11:00 á staðartíma báða daganna það er klukkan 8:00 um morgun að íslenskum tíma.

Við munum birta hlekk á streymi þegar hann berst okkur.

Facebook síða mótsins:

Heimasíða finnska sambandsins

Heimasíða norðurlanda sambandsins (NTF)

Keppendalisti mótsins

Úrslit frá NM unglinga 2016 á Íslandi

Lyftingasamband Íslands (LSÍ) hefur hlotið viðbótarstyrkveitingu úr Afrekssjóði ÍSÍ vegna afreksverkefna ársins 2017. Um er að ræða styrk að upphæð 200.000 kr. sem bætist við fyrri úthlutun til sambandsins, en sambandið hlaut styrk vegna landsliðsverkefna að upphæð 1.100.000 kr. í fyrri úthlutun ársins úr Afrekssjóði ÍSÍ.

Sambandið hefur sent keppendur á fjölmörg erlend verkefni það sem af er ári, s.s. EM fullorðinna, HM 17 ára og yngri og Smáþjóðaleika í ólympískum lyftingum. Lokaverkefni sambandsins á árinu er Heimsmeistaramótið sem fram fer í Kaliforniu í Bandaríkjunum um mánaðarmótin nóvember/desember og munu fjórir keppendur í kvennaflokki taka þátt fyrir Íslands hönd. Sambandið hefur þá alls tekið þátt í átta alþjóðlegum mótum á árinu í öllum aldursflokkum.

Lyftingasamband Íslands er flokkað sem C samband og er mikilvægt að sambandið komist upp um flokk til að hljóta stærri úthlutun úr afrekssjóði: http://www.isi.is/frettir/frett/2017/09/01/Flokkun-sersambanda-i-afreksflokka/

Sjá frétt á síðu ÍSÍ: http://www.isi.is/frettir/frett/2017/10/24/Lyftingasamband-Islands-hlytur-styrk-ur-Afrekssjodi-ISI/

Á myndinni má sjá þau Lilju Sigurðardóttur, formann Afrekssjóðs ÍSÍ og Ásgeir Bjarnason, formann LSÍ við undirritun samnings á milli Afrekssjóðs ÍSÍ og LSÍ.

Loka keppendalistinn fyrir NM unglinga er kominn á netið: http://painonnosto.fi/sites/default/files/liitetiedosto/final_entry_lists_nordic_championships_28-29_october_2017_pori_finland.pdf

Karen Rós Sæmundsdóttir sem búsett er í Noregi keppti í fyrsta sinn í lyftingum þar í landi á norska svæðismeistaramótinu og bætti hún metin í flokki kvenna 35-39ára í  -63kg þyngdarflokki með því að snara 70kg og jafnhenda 90kg. Áður voru metin í eigu Svanhildar Nönnu Vigfúsdóttur sett árið 2013.

Tristan Andri Karenarson (15 ára) keppti líka á sýnu fyrsta móti en hann snaraði 69kg og jafnhenti 83kg en hann vigtaðist aðeins 69,10kg í -77kg flokkinn. Metin í flokki 15 ára og yngri í -69kg flokk er 73kg í snörun í eigu Brynjars Ara Magnússonar (13 ára) og 90kg í eigu Guðmundar Högna Hilmarssonar frá 2011 svo Tristan heggur nokkuð nærri þeim.

http://results.lsi.is/meet/norska-svaedismeistaramotid-2017

Ísland keppti á móti Ísrael í landskeppni í dag þar sem þrír keppendur af hvoru kyni kepptu í Sinclair stiga keppni. Hugmyndin af mótinu er sprottin undan því að núna hefur WOWAIR hafið beint flug til Tel Aviv og voru þeir einn af styrktaraðilum mótsins. Mótið var haldið fyrir lokagrein á stóru crossfit móti í Tel Aviv og var utandyra í sólinni. Einnig er mótið undirbúningur fyrir keppendur sem keppa á HM í lyftingum í lok Nóvember.

Ísrael fór með sigur í samanlagðri keppninni með fyrnasterkum körlum og setti m.a. Artur Mugurdumov Ísraelskt met í jafnhendingu í -105kg flokki þegar hann jafnhenti 197kg. Litlu máttu þó muna að þeirra sterkasti keppandi Igor Olshaneski dyttu úr keppni í snörun en hann lyfti opnunarþyngd sinni í þriðju tilraun.

Kvennaliðið okkar vann þó hið Ísraelska og Þuríður Erla Helgadóttir varð stigahæst kvenna með 247,6 stig en hún snaraði 80kg og jafnhenti 105kg. En bæði Þuríður og Sólveig fóru með allar sínar lyftur í gegn og Aníta Líf allar snaranir en þær munu allar keppa á HM í Bandaríkjunum mánaðarmótin Nóvember/Desember.

Sólveig Sigurðardóttir setti nýtt íslandsmet í -75kg flokk kvenna en hún vigtaðist létt í flokkin (69.5kg) og jafnhenti 107kg sem var bæting á meti Ragnheiðar Söru Sigmundsdóttur um 2kg sett árið 2015 og bæting á metinu í samanlögðum árangri um 4kg. Einar Ingi Jónsson jafnaði Íslandsmetið í snörun í -77kg flokki þegar hann snaraði 117kg, og var það nýtt met í flokki 23 ára og yngri. Hann reyndi einnig við 120kg.

Sjá umfjöllun um mótið á ísraelska vefnum snatcher: https://www.snatcher.co.il/מאמרים/הרמת-משקולות-אולימפיות/איסלנד-נגד-ישראל-בהרמת-משקולות-התוצאו/

Ísland KVK = 711,5 Stig
Ísland KK = 969,1 Stig
Ísland Samanlagt = 1681 Stig

Ísrael KVK = 690,3 Stig
Ísrael KK = 1126,7 Stig
Ísrael Samanlagt = 1817 Stig

Besta KVK = Þuríður Erla Helgadóttir 274,6 stig (80/105)
Besti KK = Artur Mugurdumov 389,2 stig (150/205)

Það má með sanni segja að framtíðin sé björt hjá olympískum lyftingum á Íslandi en við munum senda 12 manna keppnishóp til Finnlands 27.október til að keppa á Norðurlandamóti unglinga.

Þeir sem fara fyrir hönd Íslands eru:

Birta Hafþórsdóttir U20

• Keppir í -75kg flokki

Birna Aradóttir U20

• Keppir í -63kg flokki

Margrét Þórhildur Jóhannsdóttir U20

• Keppir í -69kg flokki

Thelma Hrund Helgadóttir U20

-Keppir í -69kg flokki

Katla Ketilsdóttir U17

• Keppir í -63kg flokki

Hrafnhildur Finnbogadóttir U17

• Keppir í -63kg flokki

Arnór Gauti Haraldsson U20

• Keppir í -85kg flokki

Jón Kaldalóns U20

• Keppir í -77kg flokki

Guðmundur Juanito U20

• Keppir í -85kg flokki

Matthías Abel Einarsson U17

• Keppir í -62kg flokki

Veigar Hafþórsson U17

• Keppir í -94kg flokki

Brynjar Magnússon U17

• Keppir í -77kg flokki

Það verður gaman að fylgjast með þessum flotta hóp á þessu móti

Sex manna lið frá Íslandi keppir á föstudaginn (20.Október) í Tel Aviv í landskeppni milli Íslands og Ísraels í ólympískum lyftingum. Mótið er haldið í tengslum við stórt liða crossfit mót sem heitir Affiliate Cup og verður mótið fyrir loka greinina í mótinu. Valið var í lið Íslands útfrá árangri á árinu 2017 og er liðið skipað eftirfarandi:

Karlar:
Einar Ingi Jónsson (LFR)
Ingólfur Þór Ævarsson (KFA)
Daníel Róbertsson (Ármann)

Konur:
Þuríður Erla Helgadóttir (Ármann)
Sólveig Sigurðardóttir (LFR)
Aníta Líf Aradóttir (LFG)

Þjálfari með hópnum er Árni Freyr Bjarnason.

Mótið verður góður undirbúningur fyrir Þuríði, Sólveigu og Anítu en allar eru þær skráðar til leiks á HM í lok Nóvember sem fram fer í Anaheim í Kaliforníu.

Haustmóti LSÍ lauk í dag en mótshaldari var Lyftingafélagið Hengill í Hveragerði og stóðu þau sig með stakri prýði.

Heildarúrslit má nálgast í afreksgagnagrunninum:http://results.lsi.is/meet/haustmot-lsi-2017

Topp 3 KVK

Freyja Mist Ólafsdóttir (LFR) 90/105  – 226,4 Sinclair stig
Viktoría Rós Guðmundsdóttir (LFG) 71/90 – 205,2 Sinclair stig
Rakel Hlynsdóttir (Hengill) 73/90 – 203,9 Sinclair stig

Topp 3 KK

Bjarmi Hreinsson (LFR) 136/150 – 322,6 Sinclair stig
Guðmundur Steinn Gíslason Kjeld (LFA) 109/136 – 303,7 Sinclair stig
Birkir Örn Jónsson (LFG) – 105/142 – 298,7 Sinclair stig

34 keppendur hófu keppni 22 í kvennaflokki og 12 í karlaflokki. Matthías Abel Einarsson (Hengill) bætti snöru metið í öllum flokkum í -63kg flokki þegar hann snaraði 69kg. Einar Ísberg (Hengill) bætti íslandsmetið í flokki 15 ára og yngri -62kg flokki þegar hann jafnhenti 72kg og 76kg, það voru líka met í samanlögðum árangri. Að lokum bætti Agnes Ísabella Guðmundsdóttir (LFH) íslandsmet 15 ára og yngri í -53kg flokki kvenna þegar hún jafnhenti 48kg.

Liðakeppni mótsins

Staðan í Liðabikar LSÍ fyrir lokamótið (Jólamótið) má sjá hér að neðan og ljóst er að nýtt lið mun vinna bikarinn en Lyftingadeild Ármanns hefur unnið bikarinn síðastliðin tvö ár.

Liðabikar 2017 (eftir 2/3)

Tímaseðill:

Ráslistar konur:

Ráslistar karlar: