Skráðu þig á Sumarmótið HÉR

Sumarmót LSÍ verður haldið að þessu sinni af UMFSelfoss í húsnæði Crossfit Selfoss þann 26. júní næstkomandi. Frekari upplýsingar um mótið munu birtast á heimasíðu LSÍ eftir skráningu en henni lýkur 16. júní.

Nú hefur seinasti mótshluti íslendinga átt sér stað á Evrópumeistaramóti Senior 2021 í Rússlandi sem haldið er 3-11. apríl og því nokkrir dagar eftir á mótinu. Fóru fjórir keppendur á mótið, þau Þuríður Erla Helgadóttir, Amalía Ósk Sigurðardóttir, Einar Ingi Jónsson og Daníel Róbertsson með Hrund Scheving fyrrum heimsmeistara öldunga sem þjálfara.
Til hamingju með frábært mót kæru keppendur og þökkum við Hrund Scheving sérstaklega vel fyrir allt utan umhald, stuðning og hjálpsemi.
Þið getið séð úrslit íslensku keppandana á results.lsi.is eða allra keppenda HÉR

Þuríður Erla Helgadóttir

Þuríður Erla Helgadóttir (f. 1991) tók þátt í 59kg flokki kvenna á EM í B hópi 5. apríl. Þuríður er fremsta lyftingakona landsins og kláraði mótshluta sinn með 262,2 Sinclair stig, 83 kg í snörun, með nýtt íslandsmet í jafnhendingu með 108 kg og nýtt íslandsmet í samanlögðu með 191 kg en var þetta næst besti samanlagði árangur sem Þuríður hefur náð á sínum ferli frá 2011 en best hefur hún þó náð 194 kg á heimsmeistaramóti Senior 2017 og endaði þar í 10. sæti en var það fyrir þyngarflokkabreytingar innan alþjóðasambandsins 2018. EM 2021 var fjórða Evrópumeistaramótið sem Þuríður keppti á og skilaði hún sínum besta árangri hingað til á Evrópumeistaramóti og náði 10. sæti en náði hún 14. sæti árið 2019, 13. sæti árið 2017 og 14. sæti árið 2016. Þau 262,2 Sinclair stig sem Þuríður náði núna á EM 2021 er næst hæsta Sinclair stigatala sem Þuríður hefur náð á sínum ferli og næst hæsta Sinclair stigatala sem Íslensk kona hefur náð í lyftingum en á hún þó einnig þá hæstu. Þuríður er búin að uppfylla allar lágmarkskröfur varðandi þáttöku á Ólympíuleikunum en eru nokkrar Evrópuþjóðir sem eru stiga hærri og því fyrr með keppendur inn á leikana.

Amalía Ósk Sigurðardóttir

Amalía Ósk Sigurðardóttir (f. 1997) tók þátt í fyrsta sinn á Evrópumeistaramóti 6.apríl síðast liðin í 64 kg flokki kvenna og náði þar 235,3 Sinclair stigum með 79 kg í snörun, 100 kg í jafnhendingu og 179 kg í samanlögðu og lenti í 17. sæti. Amalía ein af fremstu lyftingakonum landins með 235,97 Sinclair stig undir sínu belti sem hún tók á Haustmóti LSÍ 2020. Amalía meiddist í úlnlið í vetur og talaði um að hún hafði haft erfitt með snörun eftir meiðslin en þó var árangurinn á EM hennar næst besti árangur á móti og aðeins 0,67 Sinclair stigum frá hennar besta árangri.

Einar Ingi Jónsson

Einar Ingi Jónsson (f. 1996) keppti í 73 kg flokki karla 6. apríl síðastliðin og endaði með 114 kg í Snörun, 145 kg í jafnhendingu, 259 kg í samanlögðu og 333,5 Sinclair stig og lenti í 16. sæti. EM 2021 var þriðja Evrópumeistaramótið sem Einar keppti á en er hann einnig búinn að uppfylla allar lágmarkskröfur varðandi þáttöku á Ólympíuleikunum en eru nokkrar Evrópuþjóðir sem eru stiga hærri og því fyrr með keppendur inn á leikana.
Þú getur horft á mótshluta Einars Inga HÉR

Daníel Róbertsson

Daníel Róbertsson (f. 1991) tók þátt á sínu fyrsta Evrópumeistaramóti 8. apríl í 89 kg flokki karla. Þar náði hann 125 kg í snörun en því miður náði hann ekki gildir jafnhendingu og féll því úr keppni. Eins og það er alltaf jafn leiðinlegt að hrasa á mótum og þá sérstaklega stórmótum þá skilgreinir það okkur ekki þegar við hrösum heldur hvort við stöndum upp aftur. Daníel á mikið inni og hlökkum við til að sjá hvert hann nær í framtíðinni.

Evrópumeistaramót Senior 2021 er haldið í Moskvu í Rússlandi dagana 3-11. apríl. Þar munu Amalía Ósk Sigurðardóttir í 64 kg flokki, Daníel Róbertsson í 89 kg flokki, Einar Ingi Jónsson í 73 kg flokki og Þuríður Erla Helgadóttir í 59 kg flokki taka þátt fyrir Íslands hönd en er það Hrund Scheving sem rekur lestina sem þjálfari. Allir eru komnir til Rússlands nema Daníel sem lendir þar 5. apríl en má fylgjast með þeim á Instagrami sambandsins sem og á instagrami keppenda og þjálfara. Mótinu verður streymt af heimasíðu Evrópusambandsins en einnig er hægt að fylgjast með beinum vefúrslitum. Hlekkir hér fyrir neðan með dagskrá og keppendalista, streymi og vefúrslitum.

DAGSKRÁ OG KEPPENDALISTI

Íslenskur tími

59B 5. apríl Þuríður Erla Helgadóttir 7:00
64B 6. apríl Amalía Ósk Sigurðardóttir 7:00
73B 6. apríl Einar Ingi Jónsson 10:00
89B 8. apríl Daníel Róbertsson 8:30

STREYMI Á MÓTIÐ HÉR

BEIN VEFÚRSLIT HÉR

Heildarúrslit: https://results.lsi.is/meet/islandsmeistaramot-2021

Íslandsmeistaramót í fullorðinsflokki var haldið í gær í Íþróttamiðstöðinni Varmá í Mosfellsbæ af Lyftingafélagi Mosfellsbæjar (LFM).
39 keppendur tóku þátt á mótu en þar af voru 31 kona og 8 karlar. Keppnin byrjaði kl: 9:00 og stóð til 18:30 en með vigtun stóð mótið yfir í 11 og hálfan klukkutíma.
Á mótinu var annað mótakerfi notað í fyrsta sinn en það heitir því þjála nafni
OWLCMS – Olympic Weightlifting Competition Management System. Mótakerfið gaf mjög góða raun og voru þjálfara, keppendur og starfsmenn á mótinu ánægðir með breytinguna. Mótið sjálft rann mjög vel og var keppi karla lokið ca. 30 mínútum fyrir áætlun.
536 einstaklingar horfðu á streymið frá mótinu frá 10 löndum m.a. Þýskalandi, Kanada og Danmörku en 94% áhorfenda voru frá Íslandi.

Viljum við þakka öllum sem komu að mótinu fyrir vel unnin störf, án ykkar hefði þetta ekki gengið svona vel! Takk fyrir frábært mót og innilega til hamingju með árangurinn elsku keppendur! Sjáumst á næsta móti!

Maríanna Ástmarsdóttir
Framkvæmdastjóri LSÍ

Stigahæstu keppendur

Í kvennaflokki var Eygló Fanndal Sturludóttir frá Lyftingafélagi Kópavogs efst stiga með 234,8 Sinclair stig og í karlaflokki var það Einar Ingi Jónsson frá Lyftingafélagi Reykjavíkur með 320,1 Sinclair stig.

Kvennaflokkar

59 kg flokkur

Í 2. sæti með 108 kg í samanlögðum árangri og 147,9 Sinclair stig var Heiða Mist Kristjánsdóttir frá Lyftingafélagi Kópavogs. Heiða var að keppa á sínu þriðja móti og mætti samanlagðan árangur sinn um 14 kg.
Í 1. sæti með 158 kg í samanlögðum árangri og 220,5 Sinclair stig var Heiðrún Stella Þorvaldsdóttir frá Lyftingafélagi Hengils og með því hækkaði Sinclairin sín um 4,1 stig og náði B lágmörkum fyrir NM 2021.

64 kg flokkur

Í 3. sæti með 153 kg í samanlögðum árangri og 204,3 Sinclair stig var Steinunn Anna Svansdóttir frá Lyftingafélagi Kópavogs og hækkaði þar með Sinclair stigin sín um 1,9 stig. Steinunn er nú aðeins 0,7 stigum frá því að ná C lágmörkum á NM 2021.
Í 2. sæti með 162 kg í samanlögðum árangri og 217,4 Sinclair stig var Íris Rut Jónsdóttir frá UMFN Massa og hækkaði stigin sín um 3,3 stig. Íris hefur náð C lágmörkum á NM 2021 og aðeins 2,6 stigum frá B lágmörkum.
Í 1. sæti með 174 kg í samanlögðum árangri og 230,2 Sinclair stig var Amalía Ósk Sigurðardóttir frá Kraftlyftingafélagi Mosfellsbæjar. Amalía er á leiðinni á Evrópumeistaramót Senior í næsta mánuði í fyrsta sinn fyrir Íslands hönd og var ÍM hennar fyrsta mót eftir úlnliðsmeiðsli og stóð hún sig með ágætum.

71 kg flokkur

Í 3. sæti með 172 kg í samanlögðum árangri og 215 Sinclair stig var Helena Pétursdóttir frá Lyftingafélaginu Hengli. Helena bætti samanlagðan árangur sinn frá 2018 um 25 kg og náði C lágmörkum á NM 2021.
Í 2. sæti með 173 kg í samanlögðum árangri og 213,6 Sinclair stig var
Hrund Scheving frá Lyftingafélagi Kópavogs. Hrund sleit Crossband árið 2018 og var þetta í fyrsta sinn sem hún jafnaði sinn besta árangur í Snörun á móti eftir meiðslin. Náði hún 95 kg í jafnhendingu sem er aðeins 1 kg undir hennar besta árangri. Hrund reyndi við 98 kg í jafnhendingu á mótinu sem fór upp en fékk ógilda. Hrund setti nýtt Masters 35 og 40 Íslandsmet í snörun með 78 kg og nýtt Masters 40 íslandsmet í jafnhendingu með 95 kg og samanlögðum árangri í Masters 40 með 173 kg. Hrund hefur náð C lágmörkum á NM 2021.
Í 1. sæti með 188 kg í samanlögðum árangri og 234,8 Sinclair stig var
Eygló Fanndal Sturludóttir frá Lyftingafélagi Kópavogs. Eygló setti ný Junior og U23 íslandsmet í snörun, jafnhendingu og samanlögðu með 83 kg í snörun, 105 kg í jafnhendingu og 188 í samanlögðu. Eygló er núna aðeins 1 kg frá því að setja íslandsmet í Senior flokki í jafnhendingu og 2 kg frá íslandsmeti senior í snörun. Eygló er búin að ná A lágmörkum á EM Junior og A lágmörkum á NM Senior.

76 kg flokkur

Í 3. sæti með 140 kg í samanlögðum árangri og 168,2 Sinclair stig var Guðný Björk Stefánsdóttir frá Lyftingafélagi Garðabæjar.
Í 2. sæti með 156 kg í samanlögðum árangri og 187,1 Sinclair stig var Guðbjörg Valdimarsdóttir frá Lyftingafélaginu Hengli. Guðbjörg bætti samanlagað árangur sinn frá 2018 um 36 kg.
Í 1. sæti með 159 kg í samanlögðum árangri og 191,3 Sinclair stig var Elín Birna Hallgrímsdóttir Lyftingafélagi Reykjavíkur. Elín bætti samanlagðan árangur sinn um 9 kg á mótinu og 13,1 Sinclair stig.

Hér má einnig nefna Ernu Héðinsdóttur sem setti Masters 45 íslandsmet á mótinu með 60 kg í snörun, 73 kg í jafnhendingu og 133 kg í samanlögðu.

81 kg flokkur

Í 1. sæti með 154 kg í samanlögðum árangri og 177,9 Sinclair stig var Anna Elísabet Stark frá Lyftingafélagi Kópavogs. Anna var að keppa á sínu öðru móti og hækkaði samanlagaðan árangur sinn um 3 kg og 5,8 Sinclair stig.

87 kg flokkur

Í 3. sæti með 113 kg í samanlögðum árangri og 127,4 Sinclair stig var Unnur Sjöfn Jónasdóttir frá Lyftingafélagi Garðabæjar. Unnur hækkaði samanlagða árangur sinn um 6 kg og 7,4 Sinclair stig.
Í 2. sæti með 129 kg í samanlögðum árangri og 147,6 Sinclair stig var Anna Guðrún Halldórsdóttir frá Lyftingafélaginu Hengli. Anna setti Masters 35, 40, 45 og 50 íslandsmet með 55 kg í snörun, 74 kg í jafnhendingu og 129 kg í samanlögðu. Anna bætti árangur sinn með 11 kg og 12,9 Sinclair stig.
Í 1. sæti með 167 kg í samanlögðum árangri og 191,1 Sinclair stig var Valdís Bjarnadóttir Lyftingafélagi Reykjavíkur. Valdís bætti samanlagaðn árangur sinn um 14 kg og 11 Sinclair stig.

+87 kg flokkur

Í 1. sæti með 162 kg í samanlögðum árangri og 177,7 Sinclair stig var Indíana Lind Gylfadóttir frá Lyftingafélagi Garðabæjar. Indíana bætti samanlagaðan árangur sinn um 10 kg og 8 Sinclair stig.

Karlaflokkur

73 kg flokkur

Í 2. sæti með 191 kg í samanlögðum árangri og 249 Sinclair stig var Bjarki Breiðfjörð Björnsson frá UMFSelfoss.
Í 1. sæti með 249 kg í samanlögðum árangri og 320,1 Sinclair stig var Einar Ingi Jónsson frá Lyftingafélagi Reykjavíkur. Einar keppir á Evrópumeistaramóti Senior í Rússlandi í næstamánuði og er á lista til að komast inn á Ólympíuleikana í Tokyo í sumar.

81 kg flokkur

Í 2. sæti með 245 kg í samanlögðum árangri og 311,5 Sinclair stig var Árni Rúnar Baldursson frá Lyftingafélagi Reykjavíkur.
Í 1. sæti með 246 kg í samanlögðum árangri og 300,7 Sinclair stig var Brynjar Logi Halldórsson frá Lyftingafélagi Reykjavíkur. Brynjar bætti samanlagðan árangur sinn frá því í janúar um 7 kg og 4,8 Sinclair stig.

89 kg flokkur

Í 2. sæti með 200 kg í samanlögðum árangri og 232,6 Sinclair stig var Jóel Kristjánsson frá Lyftingafélagi Reykjavíkur.
Í 1. sæti með 205 kg í samanlögðum árangri og 245,5 Sinclair stig var Jóhann Valur Jónsson frá Lyftingafélagi Garðabæjar.

102 kg flokkur

Í 1. sæti með 187 kg í samanlögðum árangri og 207,4 Sinclair stig var Bernharð Anton Jónsson frá Lyftingadeild Ármanns.

Vegna aðstæðna verða því miður engir áhorfendur leyfðir á Íslandsmeistaramóti Senior 2021 Streymt verður mótinu af Twitch síðu sambandsins hér: https://www.twitch.tv/lyftingasambandislands

Keppandalisti

Minnum alla á að koma með grímur í vigtun en einnig mæta með eigin drykkjarföng og sitt eigið kalk í keppni. Allir þurfa að vera í singleti og sótthreinsa sinn upphitunarbúnað (stangir og lóð) eftir sína keppni. Þeir sem ná ekki þyngd í vigtun skrást úr keppni. Þeir sem ná ekki einni gildri lyftu í snörun geta ekki haldið áfram keppni í jafnhendingu.

9:00 – KVK 59, 64 og 71B

11:30 – KVK – 71A

14:00 – KVK – 76, 81, 87 og +87

16:30 – KK – 73, 81, 89, 102 og 109

SKRÁNING HÉR

Reykjavíkurleikar 2021 voru haldnir með ágætum í dag. Keppni kvenna hófst kl. 9:00 og var yfirferð mun fljótari en gert var ráð fyrir. Var þetta vegna fækkun keppenda á mótinu vegna meiðsla en aðeins tóku 7 konur þátt á RIG þetta árið af 10 og 8 karlar af 10. Þetta gerði það að verkum að mótshluti LSÍ var lauk 40 mínútum fyrir áætlun.

Viljum við þakka starfsfólki mótsins kærlega fyrir alla vinnu. Þið eruð yndisleg, án ykkar væri þetta ekki hægt.

Konur

1. sæti Birna Aradóttir með 218,66 Sinclair stig.
2. sæti Eygló Fanndal Sturludóttir með 217,01 Sinclair stig.
   Eygló var að taka þátt á sínum fyrstu Reykjavíkuleikum og er nú orðin 6 stigahæsta kona 2020-2021 og bætti Junior metið -71 kg flokki kvenna í jafnhendingu um 3 kg og tók því
   100 kg í jafnhendingu.
3. sæti Alma Hrönn Káradóttir með 212,29 Sinclair stig.

Karlar

1. sæti Arnór Gauti Haraldsson með 346,01 Sinclair stig.
2. sæti Einar Ingi Jónsson með 330,40 Sinclair stig.
3. sæti Birkir Örn Jónsson með 326,69 Sinclair stig.
   Birkir bætti sinn persónulega árangur í snörun á móti með 121 kg í -89 kg flokki.