Þar sem að núverandi reglugerð leyfir áhorfendur höfum við opnað fyrir miðasölu! Tryggið miða á http://www.rig.is

Keppni hefst klukkan 10:00 30.jan

Streymi má einnig finna á http://www.rig.is

Val á lyftingafólki ársins fór fram í Desember, einnig velur sambandið ungmenni ársins í flokki 18-20 ára, 16-17 ára og 15 ára og yngri. Afhending farandbikara mun eiga sér stað á næstu vikum. Sérstaka athygli má vekja á gríðarlega góðum árangri ungmenna sambandsins á árinu 2021.

Valið er samkvæmt 18. Grein í lögum LSÍ.

18. grein,
Stjórn og varamenn hafa atkvæðisrétt um val á lyftingakonu og karli ársins, valið skal ávallt miðast við tímabilið 1. Desember til 30. Nóvember. Ef óskað er eftir því getur kosning verið nafnlaus. Val á lyftingakonu og karli ársins skal miðast við árangur íþróttamannsins á liðnu ári og er þá sérstaklega horft til Sinclair stigatölu sem og árangur á alþjóðlegum mótum. Íþróttamenn koma ekki til greina í vali á lyftingakonu og karli ársins á meðan þeir taka út refsingu og í eitt ár eftir að refsingu lýkur vegna brota á lyfjalögum ÍSÍ, IWF og/eða WADA.

Besta Lyftingakonan

Þuríður Erla Helgadóttir LFK (f. 1991) náði besta árangri íslenskrar konu á árinu á Evrópumeistaramóti Senior (fullorðinna) í Moskvu í Apríl en þar lenti hún í 9. Sæti sem er besti árangur sem íslensk kona hefur náð á Evrópumeistaramóti. Mótið var loka úrtökumót fyrir ólympíuleikana í Tokyo sem gerði það enn sterkara. Á mótinu náði hún 83 kg í snörun, 108 kg í jafnhendingu sem gaf henni 191 kg í samanlögðum árangri og 263,2 Sinclair stig sem er besti árangur Þuríðar á móti síðan 2017 og næst besti árangur hennar frá upphafi. Þuríður keppir í -59 kg flokki kvenna og á öll íslandsmet í þeim flokki en þau eru 87 kg í snörun sem hún setti árið 2019 á EM í Georgíu, 108 kg í jafnhendingu og 191 kg í samanlögðu sem hún setti á EM í Moskvu í ár eins og áður sagði. Þuríður keppti aðeins á einu móti á árinu 2021 en hún hefur verið búsett í Sviss undanfarin á og covid-19 takmarkanir settu strik í reikninginn varðandi fjölda móta. Þetta er sjöunda árið í röð sem Þuríður er valin lyftingakona ársins. 

Besti Lyftingamaður

Arnór Gauti Haraldsson LFG (f. 1998) náði besta árangri íslenska karla á árinu á Reykjavík International Games sem haldnir voru í janúar og vann hann það mót. Á mótinu náði hann 136 kg í snörun sem er núgildandi íslandsmet í senior flokki sem og U23, 156 kg í jafnhendingu og 292 kg í samanlögðum árangri sem færði honum 346 Sinclair stig. Í Senior flokki á hann 136 kg í snörun eftir RIG 2021 og 294 kg eftir Sumarmótið 2020. Árangur Arnórs á RIG færði honum keppnisrétt á Heimsmeistaramótinu sem haldið var í Úsbekistan um miðjan Desember og var fyrsta stórmótið sem Arnór fór á í ólympískum lyftingum þar endaði hann í 24.sæti í -89kg flokki karla. Þetta er annað árið í röð sem Arnór hlýtur nafnbótina Lyftingamaður ársins.

Ungmenni ársins 2021

Stúlkur U20 (18-20 ára)

Eygló Fanndal Sturludóttir LFR [f.2001] hefur líkt keppt oft og víða á árinu alls átta sinnum og þar af fjórum sinnum erlendis allt í mismunandi löndum. Hún náði sínum besta árangri á tímabilinu 1.Des 2020 til 30. Nóvember 2021 á Evrópumeistaramóti Unglinga 20 ára og yngri í Rovaniemi Finnlandi þar sem hún endaði í 6.sæti í -71kg flokki og lyfti 89kg í snörun og 108kg í jafnhendingu. Samanlagður árangur þar var 197kg eða 247.4 Sinclair stig, gríðarlega hörð keppni var í flokknum en silfurverðlaunahafinn lyfti 201kg, brons 200kg, 4.sæti 199kg, og 5.sæti 198kg. Eygló bætti hinsvegar sinn besta árangur á árinu þegar hún lyfti 202kg á Heimsmeistaramóti fullorðinna í Tashkent í Uzbekistan 7.-17. Desember, 92kg í snörun og 110kg í jafnhendingu og sýndi með því að hún er með allra bestu ungmennum í Evrópu. Það er þyngsti samanlagði árangur sem íslensk kona hefur lyft á móti í ólympískum lyftingum. Í Desember 2021 setti hún einnig 6 ný norðurlandamet unglinga, fyrst á Jólamóti LSÍ 5.Desember þar sem hún setti nýtt met í snörun í -76kg flokki með 88kg og svo tvíbætti hún bæði jafnhendingarmetið með því að lyfta 105 og 108kg. Samanlagði árangurinn 193 og 195kg voru norðurlandamet. Loks var 92kg í snörun nýtt norðurlandamet unglinga (20 ára og yngri) í -71kg flokki.

Piltar U20 (18-20 ára)

Brynjar Logi Halldórsson LFR (f.2002) hefur verið á mikilli siglingu á árinu, hann keppti á sjö mótum á árinu þar af tveimur erlendis. Besta árangri náði hann á Norðurlandamóti unglinga þar sem hann lyfti 120kg í snörun og 151kg í jafnhendingu í -81kg flokki, 330.7 Sinclair stig. Jafnhendingin var nýtt íslandsmet í fullorðinsflokki og einnig samanlögðum árangri. Á EM U20 ára lyfti hann 115kg í snörun og 143kg í jafnhendingu í -81kg flokki og endaði í 17 sæti á sínu fyrsta stórmóti.

Meyjar U17 (16-17 ára)

Úlfhildur Arna Unnarsdóttir LFR (f.2005) fagnaði góðu gengi á árinu. Besta árangrinum á tímabilinu 1.Des 2020 til 30.Nóvember 2021 náði hún á Norðurlandamóti Unglinga 17 ára og yngri þar sem hún sigraði -71kg flokk kvenna og lyfti 83kg í snörun og 98kg í jafnhendingu, samanlagt 181kg og 222.8 Sinclair stig. Hún keppti einnig á Evrópumeistaramóti unglinga 17 ára og yngri í Póllandi þar sem hún endaði í 6.sæti í -71kg flokk og á HM unglinga 17 ára og yngri í Jeddah í Saudi Arabíu þar sem hún endaði í 9.sæti. Hún toppaði árið 5.Desember þegar hún varð sænskur unglingameistari 20 ára og yngri þegar hún lyfti 85kg í snörun og 100kg í jafnhendingu en Úlfhildur er búsett í Svíþjóð og því gjaldgeng sem keppandi á mótinu.

Sjá umfjöllun mbl um árangur Úlfhildar: https://www.mbl.is/sport/frettir/2021/11/27/gull_og_silfurregn_i_stavern/

Drengir U17 (16-17 ára)

Brynjar Ari Magnússon LFR (f.2004) keppti á tveimur mótum á tímabilinu, norðurlandameistaramóti unglinga 2020 þar sem hann sigraði í flokki 17 ára og yngri í -89kg flokki með því að lyfta 118kg í snörun og 130kg í jafnhendingu (294 Sinclair stig) hann setti einnig íslandsmet 17 ára og yngri í snörun og samanlögðum árangri á mótinu. Hann keppti einnig á HM unglinga 17 ára og yngri í Jeddah í Saudi Arabiu í Október 2021 þar sem hann lyfti 110kg í snörun og 130kg í jafnhendingu og endaði í 12.sæti.

Drengir U15 (15 ára og yngri)

Bjarki Þórðason LFK (f.2006) náði bestum árangri drengja 15 ára og yngri, hann náði bestum árangri á Jólamóti LSÍ þegar hann lyfti 75kg í snörun og 105kg í jafnhendingu í, hann vigtaðist 86.15kg inn í mótið sem gaf honum 212.4 Sinclair stig.

Meyjar U15 (15 ára og yngri)

Bergrós Björnsdóttir UMFS (f.2007) náði frábærum árangri á Norðurlandamóti Unglinga 17 ára og yngri þar sem hún endaði í 2.sæti í -71kg flokki kvenna og lyfti 80kg í snörun og 97kg í jafnhendingu, 177kg samanlagt og 217.4 Sinclair stig. Með þessum árangri endaði hún í 11.sæti yfir stigahæstu íslensku konurnar á árinu 2021 af 61 keppanda og er það magnaður árangur miðað við aldur!

Heimsmeistaramótið í ólympískum lyftingum fer fram í Tashkent í Úzbekistan dagana 7-17.Desember.

Fjórir keppendur frá Íslandi tóku þátt í mótinu og hafa þeir nú lokið keppni.

Fullkomin dagur

Hæst ber að nefna árangur Eyglóar Fanndal Sturludóttir sem gerði sér lítið fyrir og setti nýtt norðurlandamet unglinga (20 ára og yngri) í snörun þegar hún lyfti 92kg í síðustu tilraun. Hún átti einnig frábæra jafnhendingu þegar hún lyfti 110kg sem var bæting á hennar besta árangri um 2kg í jafnhendingu og 5kg í samanlögðum árangri. Hún fór með allar lyfturnar sínar í gegn í seríunni 84-88-92kg og 104-108-110kg í jafnhendingu.

Þessi árangur dugði henni í 20. Sæti í -71kg flokki kvenna. Besta lyftingakona norðurlanda hin Sænska Patricia Strenius vann brons í sama þyngdarflokk en áður hafði hún verið í fjórða sæti á Ólympíuleikunum í Tokyo fyrr á árinu.

Allar þessar lyftur hjá Eygló eru ný íslandsmet í -71kg flokki kvenna en einnig er samanlagður árangur hennar 202kg þyngsti samanlagði árangur sem íslensk kona hefur lyft yfir alla flokka. Áður hafði Ragnheiður Sara Sigmundsóttir lyft 201kg samanlagt á RIG 2017 með 110kg jafnhendingu og Freyja Mist Ólafsdóttir lyfti 92kg í snörun einnig árið 2017 sem var þá norðurlandamet unglinga í -90kg flokki.

Árangur Eyglóar er sá þriðji stigahæsti frá upphafi/1998 í kvennaflokki: https://results.lsi.is/rankingall/total/f

Þetta var síðasta mót Eyglóar í unglingaflokki en hún hefur keppt á 6 mótum síðustu 3 mánuði í 4 löndum og er því komin í kærkomið jólafrí.

Ný íslandsmet hjá Kötlu

Ísland átti 2 keppendur í -64kg flokki kvenna þær Kötlu Björk Ketilsdóttir og Amalíu Ósk Sigurðardóttur. Amalía hóf leik með því að snara 78kg en náði ekki að fá 82kg og 83kg gild. Katla byrjaði með 79kg í snörun, klikkaði svo á 85kg en tók það í þriðju tilraun sem var nýtt íslandsmet og bæting á meti Amalíu sem var 84kg sett á Norðurlandamóti fullorðinna fyrir mánuði síðan í Noregi.

Amalía féll hinsvegar úr leik í jafnhendingu þegar hún náði ekki að fá opnunarlyftuna 95kg gilda og reyndi við 101kg í þriðju tilraun. Katla opnaði á 98kg, fór síðan í 101kg sem var bæting á hennar eigin íslandsmeti í samanlögðum árangri um 2kg. Í þriðju tilraun reyndi hún við 103kg sem hafði verið jöfnun á íslandsmeti Amalíu í -64kg flokki kvenna en þau fóru ekki upp. Katla endaði í 15. Sæti í -64kg flokki kvenna.

Fyrsta stórmótið

Fyrsta stórmótið hjá Arnór Arnór Gauti Haraldsson keppti á sínu fyrsta stórmóti í lyftingum þegar hann vigtaðist léttur inn í -89kg flokk karla (83.4kg). Hann opnaði örugglega á 128kg, fór síðan í 132kg sem klikkaði og reyndi síðan við 137kg í þriðju tilraun sem hefði verið bæting um 1kg á hans eigin íslandsmeti 136kg sem hann setti á RIG í byrjun árs 2021. Í jafhendingu opnaði hann á 147kg sem hann fékk ekki gilda og fór því aftur í sömu þyngd sem hann kláraði. Hann sleppti síðan þriðju tilraun þar sem hann þurfti að lyfta á eftir sjálfum sér og mikil orka fór í að ná inn gildri jafnhendingu. Arnór endaði keppnina í 24.sæti í -89kg flokki karla.

Mótinu verður gerð betri skil á komandi dögum en heildarúrslit má nálgast í gagnagrunni sambandsins: https://results.lsi.is/meet/jolamot-lsi-2021

Þið getið horft á BEINT streymi af mótinu á TWITCH síðu sambandins HÉR

Allir keppendur, þjálfarar og starfsmenn Jólamótsins þurfa að sýna fram á neikvætt hraðpróf í vigtun eða í komu á mótið á jólamótinu næsta Sunndag, 5. desember.

Hraðprófsstaðir:

• Heilbrigðisstofnanir í öllum heilbrigðisumdæmum (upplýsingar um staðsetningu og opnunartíma eru á vef  hverrar stofnunar).
• Heilsugæsla höfuðborgarsvæðisins við Suðurlandsbraut 34
• BSÍ í Reykjavík
• Harpa í Reykjavík
• Kringlan í Reykjavík
• Kleppsmýrarvegi í Reykjavík
• Aðalgötu 60 í Reykjanesbæ
• Við Háskólann á Akureyri (Borgir við Norðurslóð)

Minnum keppendur einnig á að mæta með sitt eigið kalk og eigin drykkjarföng, einnig eru keppendur beðnir um að sótthreinsa upphitunarstangir eftir sjálfa sig.
Allir starfsmenn og þjálfararmótsins þurfa að bera grímur.
Keppendur þurfa ekki að bera grímur á upphitunar- og keppnissvæði.

A.T.H. BREYTT DAGSETNING NÚ SUNNUDAGINN 5. DESEMBER

Vegna mikillar þátttöku á Jólamótinu í ár þurftu LSÍ og mótshaldarar að færa mótið um sólahring og hafa það á sunnudeginum 5. desember svo allir ættu möguleika á því að taka þátt. Við biðjumst velvirðingar á öllum þeim óþægindum sem breytingarnar gæti ollið.
Við minnum á að Jólamótið sem og Sumar-og Haustmót LSÍ eru sinclairstiga mót og eru verðlaun veitt fyrir 3 hæstu sinclairstig í kvenna- og karlaflokki.
Mælum við með að allir skoði keppnisreglur fyrir mót en sérstaklega nýliðar. Þið getið skoðað íslenskaðan úrdrátt úr keppnisreglum HÉR
Mótinu verður streymt á TWITCH síðu sambandsins HÉR
Eins og staðan en núna sjáum við ekki fram á að geta haft áhorfendur, ef aðstæður breytast mun koma tilkynning um það á öllum miðlum LSÍ.

Keppendalisti

Kvennaflokkur

Hópur C 9:00

Hópur B 14:00

Hópur A 19:00

Karlaflokkur

Hópur B 11:30

Hópur A 16:30

Sjá heildarúrslit mótsins: https://results.lsi.is/meet/nordic-junior-youth-championship-ntf–2021

Sjá umfjöllun á www.mbl.is og frekar umfjöllun hér

Horfðu á streymið HÉR

12. nóvember kl 18:10 á íslenskum tíma.

Heiðrún Stella Þorvaldsdóttir

Heiðrún Stella Þorvaldsdóttir (f. 1993) frá Lyftingafélaginu Hengli keppir í 59 kg flokki kvenna. Stella eins og hún er oftast kölluð steig fyrst á pall á Sumarmótinu 2020 og setti þá 75 kg í snörun og 90 kg í jafnhendingu en meiðist í kjölfarið en á seinasta móti sem hún keppti á náði hún 77 kg í snörun en fékk ógilda 93 kg í jafnhendingu en var þáð á Sumarmótinu í júní síðastliðin og hefur hún ekki keppt síðan og því forvitnilegt að sjá hvað fer upp hjá Stellu í dag.

Katla Björk Ketilsdóttir

Katla Björk Ketilsdóttir (f. 2000) frá UMFN – Massa hefur keppt frá því 2016 en keppti fyrst fyrir Íslandshönd það ár. Katla á best 83 kg í snörun, 99 kg í jafnhendingu og 182 kg í samanlögðum árangri frá því á á Evrópumeistaramóti U23 í september og heldur íslandsmeti í samanlögðu í U23 og Senior frá því móti. Katla á þó hærra á æfingu og því skemmtilegt að sjá hvað hún næst á mótinu í dag. Þess má geta að Katla stefnir á HM Senior í Usbekistan í desember með 4 öðrum íslenskum keppendum.

Amalía Ósk Sigurðardóttir

Amalía Ósk Sigurðardóttir (f. 1997) frá Lyftingafélagi Mosfellsbæjar keppir í 64 kg flokki kvenna. Amalía Ósk hefur keppt frá 2016 og keppti fyrst fyrir íslands hönd 2019 á Norðurlandamóti Senior það ár. Best á Amalía 81 kg í snörun á Smáþjóðleikunum 2021, 103 kg í jafnhendingu frá Sumarmótinu 2021 og 182 kg í samanlögðum árangri frá Smáþjóðleikunum 2021 í seinasta mánuði. Næsta mót Amalíu eftir NM er á HM Senior í Usbekistan með Kötlu og tveimur öðrum keppendum.

13. nóvember kl 10:00 á íslenskum tíma

Árni Rúnar Baldursson

Árni Rúnar Baldursson (f. 1995) hjá Lyftingafélagi Reykjavíkur keppir í 73 kg flokki karla. Árni Rúnar hefur keppt í lyftingum síðan 2014 og á best 117 kg í snörun frá 2019, 145 kg í jafnhendingu og 260 kg í samanlögðum árangri frá RIG 2020. Árni býr núna í Martin í Slóvakíu og verður skemmtilegt að vita hvað ferska loftið þar hefur gefið honum á pallinum.

13. nóvember kl 11:00 ca. á íslenskum tíma

Eygló Fanndal Sturludóttir

Eygló Fanndal Sturludóttir (f. 2001) frá Lyftingafélagi Reykjavíkur keppir í 71 kg flokki kvenna. Eygló keppti á sínu fyrsta móti 2018 og var þá með 54 kg í snörun og 70 kg í jafnhendingu. Mikið vatn hefur nú runnið til sjávar og hefur Eygló nú reynt við 92 kg í snörun sem fór þó ekki upp á íslandsmeistaramóti Unglinga í október síðastliðin, en hefði það orðið að nýju norðurlandameti í juniorflokki (U20) stúlkna. Spennandi verður að vita hvort hún nái einnig 112 kg upp í jafnhendingu sem hún reyndi við á Smáþjóðleikunum í október. Sjáum til hvað setur á morgun, fylgstu með.

Helena Rut Pétursdóttir

Helena Rut Pétursdóttir (f. 1996) frá Lyftingafélaginu Hengli keppir í 71 kg flokki kvenna. Helena keppti fyrst í lyftingum 2018 á Landsmóti UMFÍ en lét síðan ekkert sjá sig fyrr en á Íslandsmeistaramóti Senior á þessu ári og nær þar strax C lágmörkum á NM Senior. Síðan keppti hún á Sumarmótinu í ár og á tveimur mótum í Danmörku til að ná B lágmörkum og gekk svona glimrandi vel og náði hún sínum markmiðum. Helena á best 76 í snörun, 99 í jafnhendingu og 175 í samanlögðum árangri. Verður skemmtilegt að sjá hvað hún nær á mótinu.

13. nóvember kl 13:00 ca. á íslenskum tíma

Daníel Róbertsson

Daníel Róbertsson (f. 1991) frá Lyftingafélagi Reykjavíkur keppir í 81 kg flokki karla. Daníel hefur vanalega keppt í 89 kg flokk og á best þar 132 kg í snörun, 158 í jafnhendingu og 290 í samanlögðum árangri. En í 81 kg flokki á hann best 116 kg í snörun og 140 kg í jafnhendingu. Hvað fer Daníel hátt á morgun? Hvað giskar þú á?