Þessa dagana fer Senior Heimsmeistaramótið í Ólympískum lyftingum fram í Riyadh í Saudi Arabíu.
Ísland á þrjá keppendur á mótinu.
Hægt er að fylgjast með mótinu á Facebook síðu IWF eða með því að kaupa sér aðgang á weightliftinghous.com

Amalía Ósk Sigurðardóttir keppir í 64 kg flokki 9. september kl. 9:00 (6:00 á íslenskum tíma).
Katla Björk Ketilsdóttir keppir í 64kg flokki 9. september kl. 9:00 (6:00 á íslenskum tíma).
Alls eru 46 keppendur í 64kg flokknum í 4 riðlum.
Útsending hér

Eygló Fanndal Sturludóttir keppir í 71kg flokki 13. september kl. 11:30 (8:30 á íslenskum tíma)
Alls eru 56 keppendur í 71kg flokknum í 5 riðlum og keppir Eygló í B riðli.
Útsending hér

Upplýsingar og tímaseðli mótsins má finna á heimasíðu IWF – https://beta.iwf.sport/

Amalía Ósk og Katla Björk keppa eins og áður segir báðar í 64 kg flokki.
Senior Íslandsmetin í þeim flokki eru 88kg snatch, 107kg C&J og 194kg í samanlögðu.
U23 Íslandsmetin (en Katla er enn í þeim flokki) eru 88kg snatch, 106kg C&J og 194kg í samanlögðu og á Katla Björk  öll þau met frá Evrópumeistaramótinu í maí 2022
Amalía Ósk á best 84kg snatch, 103kg C&J og 183kg í samanlögðu.

Eygló Fanndal keppir í 71 kg flokki.
Hennar besti árangur er jafnframt Íslandsmet í Senior og U23.
Íslandsmetin  eru 100kg snatch, 121kg C&J og 220kg í samanlögðu. 

En kynnumst keppendunum aðeins betur:

Amalía Ósk Sigurðardóttir

Hvenær byrjaðir þú að æfa lyftingar?
Árið 2016 prófaði ég fyrst ólympískar lyftingar.

Hvers vegna fórstu að æfa lyftingar?
Ég keppti á fyrsta mótinu mínu í desember 2016 án þess að kunna neitt eða vita neitt um ólympískar lyftingar, ég datt í rauninni bara inná þetta mót því það var haldið á sama stað og ég var að þjálfa á í Boot Camp Sporthúsinu og það vantaði keppendur. Ég byrjaði síðan að fullri alvöru í íþróttinni árið 2019 eftir að ég varð íslandsmeistar overall kvenna og í mínum þyngdarflokk (-64) á íslandsmeistaramótinu. Síðan þá hafa ólympískar lyftingar átt hug minn og hjarta.

Stundaðir þú aðra íþrótt/íþróttir áður en þú fórst í lyftingar?
Hverjar og hver eru helstu afrekin þín þar?
Allur minn grunnur kemur úr Boot Camp og byrjaði ég að æfa það sem unglingur eftir að hafa prófað margar íþróttir sem ég fann mig aldrei í.

Hver er uppáhalds (eftirminnilegasta) lyftan þín á ferlinum og hvers vegna? (Í keppni eða á æfingu)
Hver er uppáhalds (eftirminnilegasta) lyftan þín á ferlinum og hvers vegna? (Í keppni eða á æfingu)

Hver eru þín stærstu afrek í lyftingum hingað til?
Nokkuð mörg íslandmet og íslandsmeistaratitlar. Einnig að keppa á HM og EM.

Hver er þín helsta fyrirmynd í lyftingum og hvers vegna?
Ég á mér enga fyrirmynd en Sarah Davies og Mattie Rogers eru algjörir töffarar.

Hvað myndir þú segja við unga lyftara sem eru að byrja í lyftingum og þú værir helsta fyrirmynd þeirra?
Njóttu ferðalagsins eins mikið og þú getur, það er það sem skiptir mestu máli þegar uppi er staðið en ekki áfangastaðurinn. Ekki reyna að komast á toppinn á einni nóttu, það er ekki hægt og ekki fara framúr þér.

Katla Björk Ketilsdóttir

Hvenær byrjaðir þú að æfa lyftingar?
2015

Hvers vegna fórstu að æfa lyftingar?
Byrjaði í crossfit og fannst lyftingar skemmtilegar

Stundaðir þú aðra íþrótt/íþróttir áður en þú fórst í lyftingar?
Hverjar og hver eru helstu afrekin þín þar?
Fimleika og crossfit. Keppti á heimsleikum í 16-17 ára árið 2018

Hver er uppáhalds (eftirminnilegasta) lyftan þín á ferlinum og hvers vegna? (Í keppni eða á æfingu)
Clean and Jerka 100kg í fyrsta skipti er lyftan sem ég man mest eftir.

Hver eru þín stærstu afrek í lyftingum hingað til?
194kg total á EM 2022 fullorðinna.

Hver er þín helsta fyrirmynd í lyftingum og hvers vegna?
Engin sérstök fyrirmynd. Skemmtilegt að fylgjast með öllum sterku lyfturunum bara.

Hvað myndir þú segja við unga lyftara sem eru að byrja í lyftingum og þú værir helsta fyrirmynd þeirra?
Setja tækni nr. 1, 2 og 3. Hafa gaman, lyftingarnar eiga að vera skemmtilegar.

Annað sem þig langar að komi fram…
Er ótrúlega spennt að keppa aftur eftir barnsburð.

Eygló Fanndal Sturludóttir

Hvenær byrjaðir þú að æfa lyftingar?
Kynntist lyftingum í gegnum fimleika og crossfit en byrjaði ekki að einblína á lyftingar fyrr en seinni part árs 2020

Hvers vegna fórstu að æfa lyftingar?
Komst inn á NM junior 2020 þannig ákvað að taka hlé í crossfit og setja allan fókus á að æfa fyrir það. Svo fór boltinn bara að rúlla og ég hef ekki tekið crossfit æfingu síðan.

Stundaðir þú aðra íþrótt/íþróttir áður en þú fórst í lyftingar?
Hverjar og hver eru helstu afrekin þín þar?
Já var í áhaldafimleikum og hópfimleikum. Man ekki alveg hvaða afrek voru þar en náði einhverjum Íslandsmeistaratitlum og keppti á NM í hópfimleikum.

Hver er uppáhalds (eftirminnilegasta) lyftan þín á ferlinum og hvers vegna? (Í keppni eða á æfingu)
Það verður að vera fyrsta skipti sem ég snaraði 100 kg. Mun aldrei gleyma tilfinningunni og hvað ég var ánægð þegar ég náði því loksins. Mun alltaf vera mjög stolt af þeirri lyftu.

Hver eru þín stærstu afrek í lyftingum hingað til?
Klárlega 3 gull á Evrópumeistaramóti U23 og að eiga þyngsta total íslenskra kvenna.

Hver er þín helsta fyrirmynd í lyftingum og hvers vegna?
Ég lít mikið upp til Mattie Rogers þar sem mér finnst hún gott dæmi um að þú þarft ekki að vera með allt upp á tíu um leið og þú byrjar til að geta náð árangri. Árangurinn kemur ef þú ert tilbúinn að leggja þig fram og gera þitt besta. Ég man þegar ég byrjaði að lyfta gat ég ekki gert fulla hnébeygju jafnvel þótt ég væri í lyftingarskóm. En það kom með æfingunni og ég er glöð að ég lét það ekki stoppa mig í því að æfa af fullum krafti og reyna að bæta mig.

Hvað myndir þú segja við unga lyftara sem eru að byrja í lyftingum og þú værir helsta fyrirmynd þeirra?
Hafa gaman á æfingu og taka þátt á mótum og setja sér markmið. Það er svo gaman að æfa þegar maður hefur einhver markmið til að vinna að.

Dagana 22. – 24. september stendur Lyftingasamband Íslands fyrir þjálfaranámskeiði.
IWF Level 1 og IWF Level 2. Sjá dagskrá hér fyrir neðan.
Karoliina Lundahl, IWF Coach Developer mun kenna námskeiðið.
Þátttakendur þurfa að hafa haldbæra þekkingu á grunnatriðum ólympískra lyftinga s.s. að  hafa æft, keppt eða þjálfað lyftingar. Þátttakendur þurfa að vera skráðir í lyftingafélag.
Til að nýta tímann sem best munu þátttakendur fá námsefnið sent fyrir námskeiðið og gert er ráð fyrir að þeir lesi sjálfir Level 1 efnið. Það er grunnefni og flestir þátttakendur ættu að vera nú þegar með haldbæra þekkingu á því efni.
Það er því hægt að fara beint í Level 2 námsefnið á námskeiðinu sjálfu og nýta þannig tímann með Karoliinu sem best.

Skráningargjald er 10.000,- kr og skal leggja það inn á reikning lyftingasambandsins til að staðfesta skráningu.
Námskeiðið er styrkt af IWF Development Program og því getum við boðið meðlimum lyftingafélaga þetta á þessu frábæra verði.

Kt. 430275-0119 Rnr. 0311-26-002992

Fyrirlestrarnir fara fram í húsnæði ÍSÍ við Engjaveg, sal C og verklegir tímar í Crossfit Reykjavík.

Léttar veitingar og hádegisverður á laugardeginum er innifalinn í verði. Hámarks þáttakendafjöldi er 30

Skráning hér

Alma Hrönn Káradóttir var í 3. sæti af 6 keppendum í 35-40 ára 76kg flokki á Masters Heimsmeistaramótinu  í Wieliczka – Póllandi.

Hún var með 71kg snörun, 91kg C&J og 162kg samanlagt. 

Hún opnaði í 68kg snörun sem virtist vera mjög létt fyrir hana. Hún hækkað því næst í 71 kg sem sem flaug fallega upp. Hún hækkaði þá 75kg en eitthvað hitti hún illa á hana og sleppti stönginni áður en hún fór undir hana.
Alma var í 3. sæti eftir snörunina.

Í C&J opnaði Alma í 88kg sem hún tók nokkuð örugglega. Hún hækkaði því næst í 91kg sem einnig fóru upp. Hún hækkaði þá í 93kg, kláraði cleanið en jerkið vildi ekki alla leið og niðurstaðan 2. sætið í C&J og 3. sæti í samanlögðu með 162kg.

Innilega til hamingju með árangurinn Alma.

Mótinu er nú lokið og íslensku keppendurnir hafa svo sannarlega staðið sig frábærlega.

Hrund sigraði í  45-49 ára 71kg flokki á Masters Heimsmeistaramótinu í Wieliczka – Póllandi. Með 70kg snörun, 90kg C&J og 160kg samanlagt. 

Hrund opnaði í 65kg snörun sem flaug fallega upp hjá henni. Hún tók svo 70kg nokkuð auðveldlega í sinni annarri tilraun. Þess má geta að á mótinu er keppt á tveimur pöllum og Ingunn og Hrund voru báðar að snara 70kg á sama tíma á sitt hvorum pallinum.

Hrund reyndi síðan við 73kg snörun sem var tilraun til heimsmets, en sú lyfta vildi ekki alla leið og 2. sætið í snörun niðurstaðan. 

Í C&J opnaði hún í 88kg tilraun, en jerkið var í einhverju ójafnvægi, smá dans með stöngina og lyftan dæmd ógild. Hrund hækkar í 90kg og neglir þá lyftu örugglega. Í síðustu tilraun reyndi Hrund við 94kg og tilraun til heimsmets í flokkinum sínum. Lyftan fór alla leið upp, en eitthvað sáu dómararnir athugavert við lyftuna, gáfu henni tvö rauð og eitt hvítt og því ógilda lyftu.
Hún sigraði engu að síður í C&J.

Hún er því heimsmeistari í sínum flokki með 160kg samanlagt. 

Í stigakeppni 45-49 ára hafnaði Hrund svo í 2. sæti.

Innilega til hamingju með Heimsmeistaratitilinn Hrund

Ingunn Lúðvíksdóttir var í 2. sæti af 7 keppendum í 45-49 ára 76kg flokki á Masters Heimsmeistaramótinu  í Wieliczka – Póllandi.

Hún var  70kg snörun, 85kg C&J og 155kg samanlagt. 

Hún opnaði í 62kg snörun sem virtist vera mjög létt fyrir hana. Hún hækkað þvínæst í 65 kg sem einnig virtust vera lítið mál. Hún hækkaði þá 70kg og sú lyfta flaug einnig upp.
Ingunn var í 2. Sæti eftir snörunina.

Í C&J opnaði Ingunn í 82kg sem hún tók nokkuð örugglega. Hún hækkaði því næst í 85kg sem einnig fóru upp. Hún hækkaði þá í 90kg kláraði lyftuna og fékk tvö hvít og eitt rautt ljós frá dómurum en juryið snéri lyftinni í no lift. 

Niðurstaðan 2. sætið í C&J og 2. sæti sæti í samanlögðu með 155kg. 
Innilega til hamingju með árangurinn Ingunn.

Árdís Grétarsdóttir landaði 2. sæti af 7 keppendum í 50-54 ára 64kg flokki á Masters Heimsmeistaramótinu  í Wieliczka – Póllandi.
Hún snaraði best 57kg, náði 72 kg í C&J og 129kg samanlagt. 

 Þess má geta að þetta er aðeins hennar þriðja mót á eftir einu Íslandsmeistaramóti og Evrópumeistaramóti nú í maí. Hennar besti árangur fyrir mótið var  55kg snatch, 70kg C&J og 125kg samanlagt svo þetta eru bætingar í öllum lyftum og virkilega gaman á sjá svona framfarir hjá henni. 

Hún opnaði í 55kg fallegri gildri snörun, hækkaði því næst í 57kg sem hún komst ekki alveg undir en hélt sig við þá þyngd í þriðju tilraun. Lyfti strax á eftir sjálfri sér  og fékk því aðeins 2 mínútur milli lyfta, en kláraði 3 tilraunina sína fullkomlega og niðurstaðan 57kg snörun. 2kg bæting á hennar besta árangri á móti og 2. sætið í snörun í hópnum.

Í C&J opnaði hún í 68kg sem fóru nokkuð auðveldlega upp. Hún hækkaði því næst í 70kg sem er jöfnun á hennar besta árangri og sú lyfta fór einnig upp. Í þriðju tilrauninni fór hún í 72kg sem einnig fóru upp. Svo hún er með 2kg bætingu í C&J og 2. sætið í þeim hluta.

Samanlagt eru þetta því 129kg og 2. sætið í heild á Heimsmeistaramóti sem er frábær árangur á aðeins hennar þriðja móti.

Innilega til hamingju Árdís.

Helga Hlín Hákonardóttir hafnaði í 4. sæti af 9 keppendum á Masters Heimsmeistaramótinu sem fram fer í Wieliczka – Póllandi þessa dagana.
Hún keppir í 50-54ára, 59kg flokki.
Hún snaraði 55kg og náði 67kg í C&J og 122kg samanlagt. 

Helga  opnaði með 55kg snörun sem hún fékk gilda, hækkaði því næst í 58kg en eitthvað sáu dómararnir athugavert við þá lyftu og gáfu henni tvö rauð og eitt hvítt. Hún hækkaði svo í 60kg í síðustu lyftunni sinni en komst því miður ekki undir hana og datt afturfyrir sig.
Í C&J opnaði hún með 67kg gildri lyftu, hækkaði í 71kg en sú lyfta var dæmd ógild og endaði á að reyna við 73kg en náði ekki að cleana henni.

Niðurstaðan því 4. sætið í snatch, 4. sætið c&J og 4. sætið samanlagt.

Haustmót Lyftingasambans Íslands og Ægir Gym  í Ólympískum lyftingum verður haldið  í húsnæði Ægis Gym, Hafnarbraut 8, Akranesi  laugardaginn 30. september 2023.

Skráningu lýkur 16. september 2023 kl 23:59 

(*Með fyrirvara um fjölda keppenda þá er stefnt að því að klára mótið að öllu leyti á laugardeginum)

Mótið er sinclair stigamót og 3 stigahæstu einstaklingarnir verðlaunaðir. 

Afrek á results.is eru skráð í þann þyngdarflokk sem einstaklingurinn vigtast inní á mótinu, ekki þarf að ná vigt í þeim flokki sem keppandi skráir sig í.

Keppnisgjald er kr. 7500,- og greiðir félag keppenda til mótshaldara.

Skráning hér

Í gær hófst Masters heimsmeistaramótið 2023 í Wieliczka – Póllandi

Ísland á 5 keppendur á mótinu og eiga þær allar góða möguleika á að komast á pall ef vel gengur.

Tímaseðil og startlista má finna á heimasíðu mótsins:
https://www.imwla.com/world-championship-2023

Útsending frá mótinu er youtube-rás Polmaster
https://www.youtube.com/@polmasters2154/streams

Helga Hlín Hákonardóttir, formaður Lyftingasambandsins, stígur fyrst á pallinn af Íslensku keppendunum á mánudaginn 21. ágúst kl. 13:50  á Íslenskum tíma. Helga á best 58kg í snatch, 71kg í C&J og 127kg samanlagt.

Árdís Grétarsdóttir keppir á þriðjudaginn 22. ágúst kl. 7:00 á íslenskum tíma. Þess má geta að þetta er aðeins hennar þriðja mót á eftir einu Íslandsmeistaramóti og Evrópumóti nú í maí. Hennar besti árangur er 55kg snatch, 70kg C&J og 125kg samanlagt.

Hrund Scheving keppir miðvikudaginn 23. ágúst kl. 07:00 á Íslenskum tíma. Hrund er reynsluboltinn í hópnum og hefur keppt á fjölmörgum mótum frá árinu 2013. Hennar bestu tölur eru 78kg snatch, 96kg C&J og 174kg samanlagt frá árinu 2018. Hún átti svo í meiðslabrasi sem hún vann sig í gegnum. Á Evrópumeistaramót Masters í maí átti hún 72kg snatch, 93kg C&J og 165kg samanlagt sem allt var jöfnun á heimsmetum. Við bíðum spennt eftir bætingum hjá Hrund og vonandi nýjum heimsmetum og heimsmeistaratitili.

Ingunn Lúðvíksdóttir  keppir einnig á miðvikudaginn 23. ágúst kl. 07:00 á Íslenskum tíma. Hennar besti árangur er 71kg snatch, 90kg C&J og 161kg samanlagt.

Alma Hrönn Káradóttir keppir svo síðust Íslendinganna laugardaginn 26. Ágúst kl. 10:00 á Íslenskum tíma. Hennar besti árangur er 77kg snatch, 98kg C&J og 174kg samanlagt.

Þetta er gríðarlega sterkur hópur og gaman að við eigum svona fjölmennt lið á þessu móti.
Lyftingasamband Íslands óskar þeim alls hins besta á mótinu.

Dagana 22. – 24. september stendur Lyftingasamband Íslands fyrir þjálfaranámskeiði.
IWF Level 1 og IWF Level 2. Sjá dagskrá hér fyrir neðan.
Karoliina Lundahl, IWF Coach Developer mun kenna námskeiðið.
Þátttakendur þurfa að hafa haldbæra þekkingu á grunnatriðum ólympískra lyftinga s.s. að  hafa æft, keppt eða þjálfað lyftingar. Þátttakendur þurfa að vera skráðir í lyftingafélag.
Til að nýta tímann sem best munu þátttakendur fá námsefnið sent fyrir námskeiðið og gert er ráð fyrir að þeir lesi sjálfir Level 1 efnið. Það er grunnefni og flestir þátttakendur ættu að vera nú þegar með haldbæra þekkingu á því efni.
Það er því hægt að fara beint í Level 2 námsefnið á námskeiðinu sjálfu og nýta þannig tímann með Karoliinu sem best.

Skráningargjald er 10.000,- kr og skal leggja það inn á reikning lyftingasambandsins til að staðfesta skráningu.
Námskeiðið er styrkt af IWF Development Program og því getum við boðið meðlimum lyftingafélaga þetta á þessu frábæra verði.

Kt. 430275-0119 Rnr. 0311-26-002992

Fyrirlestrarnir fara fram í húsnæði ÍSÍ við Engjaveg, sal C og verklegir tímar í Crossfit Reykjavík.

Léttar veitingar og hádegisverður á laugardeginum er innifalinn í verði. Hámarks þáttakendafjöldi er 30

Skráning hér