Skráning HÉR til 4.des!

Smáþjóðamótinu í Lúxemborg er nú lokið og Íslenska liðið með frábæran árangur

Heildarúrslit: https://results.lsi.is/meet/smatjodleikar-ostadfest-dagsetning–2023

Mótið var stigakeppni þar sem samanlögð sinclairstig liðsins gildir til verðlauna, en einnig eru stigahæstu keppendur í karla og kvennaflokki verðlaunuð.
Ekki var um þyngdarflokkamót að ræða svo keppendur fá skráðan árangur í þeim þyngdarflokki sem þeir vigtuðust inní á keppnisdegi.
Í hverju liði keppa 2 senior karlar og 2 senior konur auk liðs með 1 junior karli og 1 junior konu.

Ísland vann heildar stigakeppni senior.
Einnig sigruðu Íslensku konurnar stigakeppni kvenna senior.
Senior karlarnir urðu í öðru sæti.
Junior liðið varð í öðru sæti.
Brynjar Logi Halldórsson var annar stigahæsti karl í senior. Hann  setti einnig 4 Íslandsmet á mótinu.
Þuríður Erla Helgadóttir var þriðja stigahæsta kona í senior.

Bríet Anna Heiðarsdóttir hóf keppni af íslensku keppendunum á laugardaginn og var hún kven junior keppandinn okkar.
Hún lyfti 60kg og 63kg í snörun, reyndi síðan við 66kg sem ekki vildi upp, en það var tilraun til 2kg bætingar á hennar besta árangri. Í jafnhendingu lyfti hún 70kg, reyndi við 72kg sem fóru ekki upp en endaði svo á að taka 73kg. Samanlagður árangur hennar var því 136kg. Hún vigtaðist 58,75kg og hlaut 186,61 sinclairstig.

Í síðari keppnishóp laugardagsins kepptu Kári Einarsson og Bjarki Breiðfjörð Björnsson.
Kári í Senior flokki og Bjarki Junior.
Bjarki hóf leikinn á 115kg snörun sem hann missti tvisvar og því var gríðarlega mikilvægt að hann næði þriðju tilrauninni sinni til þess að fá gildan árangur inní sinclair keppnina. Hann gerði það svo með glæsibrag.
Kári lék svo sama leikinn með 117kg. Missti þá þyngd tvisvar en náði henni í þriðju tilraun.
Þeir félagara léku leikinn þveröfugt við aðra keppendur mótsins sem flestir náðu fyrstu tveimur lyftunum sínum en náðu ekki að klára þá síðustu.
Bjarki kom svo sterkur inn í jafnhendinguna. Lyfti 130kg í fyrstu lyftu, 135kg í annarri lyftu og reyndi því næst við 141kg sem ekki vildi upp í dag. Samanlögð þyngd 250kg,  líkamsþyngd 81,25kg sem gáfu honum 316,12 sinclair stig.
Kári hóf jafnhendinguna á 138kg tilraun sem ekki gekk upp, en vildi upp í annarri tilraun. Í þriðju tilraun reyndi hann við 141kg líkt og Bjarki en sú þyngd vildi ekki upp í dag. Samanlögð 255kg og 78,75kg líkasmþyngd gáfu honum 328,74 sinclair stig.

Sunnudagurinn hófst svo á seinni kvennahópinum en þar kepptu þær Katla Björk Ketilsdóttir og Þuríður Erla Helgadóttir fyrir Íslands hönd, báðar í senior flokki.
Katla hóf leikinn á 75kg snörun, tók því næst 80kg og reyndi að lokum við 82kg sem ekki vildu upp í dag.
Þuríður opnaði í 77kg snörun, tók því næsti 80kg og að lokum 83 kg í snörun.
Í jafnhendingu byrjaði Katla á 90kg lyftu, reyndi þvínæst við 93kg en náði ekki að standa upp með það, en tók 93kg svo í þriðju lyftunni. Samanlögð 173kg, líkamsþyngd 62,27kg og 228,73 sinclair stig.
Þurí hóf sína jafnhendingu á 97kg lyftu, hækkaði í 101kg og tók hana líka og reyndi að lokum við 104kg sem ekki vildu upp í dag. Samanlögð 184kg, líkamsþyngd 60,47kg og 247,8 sinclair stig.

Í síðasta hópnum var svo Brynjar einn eftir af Íslenska hópnum og gríðarlega mikilvægt að hann næði gildan í árangur til að liðið næði heildar árangri. Það var því byrjað á vel öruggum lyftum í báðum lyftum. Hann vigtaðist 90,15 kg og er árangurinn hans því skráður í 96kg flokki.
Hann opnaði snörunina í 130kg, sem er U23 í Íslandsmet í 96kg flokki, hækkaði sig svo í 134kg og bætti með því senior Íslandsmetið í 96kg um 4kg. Að lokum reyndi hann við 137kg, en kláraði ekki þá lyftu.
Í jafnhendingunni opnaði hann í örggri 145kg lyftu, enda mikilvægt að ná inn gildri lyftu fyrir heildar árangur liðsins. Hann hækkaði í 153kg í annarri lyftu og bætti með því U23 Íslansmetið um 3kg. Hann reyndi svo við 160 kg sem ekki vildu upp í dag.
Samanlögð  287kg sem er jöfnun á Íslandsmets-standard, líkamþyngd 90,15kg og 344,77 sinclair stig.

Innilega til hamingju – þið eruð sannarlega frábærir fulltrúar Íslands í lyftingum.

Smáþjóðaleikarnir í Ólympískum lyftingum fara fram í Lúxemborg núna um helgin.
Mótið er liðakeppni þjóða sem hafa færri en miljón íbúa og eru aðilar að Smáþjóðasambandinu.
Samanlögð sinclair stig liðsins ræður þar úrslitum.

Í ár keppa auk Íslands, Kípur, Lúxemborg, Malta, Monakó og San Marino.

Í hverju liði keppa 2 senior karlar og 2 senior konur auk 1 junior karls og 1 junior konu.

Keppendurnir frá Íslandi eru:
Senior
Brynjar Logi Halldórsson – keppir á sunnudaginn kl. 13:15 á Íslenskum tíma
Kári Einarsson – keppir á laugardaginn kl. 13:40 á Íslenskum tíma
Katla Björk Ketilsdóttir – keppir á sunnudaginn kl. 09:00 á Íslenskum tíma
Þuríður Erla Helgadóttir – keppir á sunnudaginn kl. 09:00 á Íslenskum tíma

Junior
Bjarki Breiðfjörð Björnsson – keppir á laugardaginn kl. 13:40 á Íslenskum tíma
Bríet Anna Heiðarsdóttir – keppir á laugardaginn kl. 11:45 á Íslenskum tíma

Með þeim fara Ingi Gunnar Ólafsson landsliðsþjálfari og Erna Héðinsdóttir sem verður dómari á mótinu.

Okkur er ekki kunnugt um útsendingu frá mótinu, en fylgist með á samfélagsmiðlunum okkar.

Heildarkeppendalista má finna hér

Skráning HÉR

Maríanna Ástmarsdóttir hefur snúið aftur til starfa sem Framkvæmdastjóri LSÍ eftir fjarveru vegna fæðingarorlofa.

Hún mun í starfi sínu m.a. taka við erindum til Lyftingasambandsins í gegnum openbert netfang þess lsi@lsi.is,  sjá um allan daglegan rekstur sambandsins í samráði við stjórn, sjá um skráningar á mót erlendis og fylgja eftir mótaframkvæmd innanlands.

Maríanna hóf störf fyrir Lyftingasambandið árið 2019.
Frá 1. apríl síðastliðnum hefur Erna Héðinsdóttir, ritari sambandisins leyst hana af og Árni Rúnar Baldursson þar á undan.

Við bjóðum Maríönnu velkomna aftur til starfa.

5 íslendingar kepptu á Norðurlandamóti Youth og Junior sem fram fór í Rovaniemi í Finnlandi núna um helgina.

Áttu Íslendingar einn Norðurlandameistara, Þórberg Erni Hlynsson í U20, 89kg. flokki.
Einnig náði Guðrún Helga Sigurðardóttir silfri í U17 /+87kg flokki.
Heildarúrslit mótsins má finna á https://results.lsi.is/meet/nordurlandamot-u20-og-u17-2023
og https://nordicweightlifting.com/
Jólasveinninn var svo að sjálfsögðu heimsóttur í Rovaniemi.

Youth flokkurinn (U17) keppti á föstudeginum og var Guðrún Helga Sigurðardóttir eini keppandi Íslands þann daginn. Hún keppti í U17/ +81kg en tveir keppendur voru í þeim flokki. Hún hafnaði í öðru sæti.

Guðrún lyfti 58kg snörun í sinni fyrstu lyftu, tók því næst 61kg sem er 1kg bæting á hennar besta árangri og reyndi því næst við 64 kg, sem er jöfnun á Íslandsmetsstandard í hennar þyndar og aldursflokki. Í jafnhendingu lyfti hún 75kg í fyrstu lyftu og reyndi því næst við 80kg sem var tilraun til að bæta eigið Íslandsmet um 1kg, en því miður vildi það ekki alla leið upp á þessu mót. 

Bjarki Breiðfjörð Björnsson hóf leikinn fyrir Ísland á laugardeginum en hann keppti í U20/ 81kg flokki. Hann hóf snörunina á 112kg lyftu, hækkaði því næst í 118kg sem ekki vildu alla leið, hann lét það þó ekki á sig fá, hækkaði í 121kg, sem er aðeins 1 kg undir núverndi Íslandsmeti og henti því upp. Í jafnhendingu fékk Bjarki enga gilda lyftu og var því ekki með samanlagðan árangur eftir mótið. En vissulega sannfærandi árangur í snörun.

Bjarki er á leið á Smáþjóðaleikana í Lúxemburg eftir 2 vikur og verður spennandi að sjá hvort hann reyni við Íslandsmetið í snörun þar. Smáþjóðaleikarnir eru liðakeppni milli landa þar sem 2 senior karlar og 1 Junior karl auk 2 senior kvenna og 1 junior konu keppa fyrir hverja þjóð.

Bríet Anna Heiðarsdóttir keppti í U20/ 64kg. Hún hóf sína keppni á 60kg snörun, hækkaði því því næst í 63kg sem einnig fóru upp. Hún hækkaði svo í 66kg sem var tilraun til 2kg persónulegrar bætingar en sú lyfta vildi ekki alveg upp. 

Í jafnhendingunni hóf hún leikinn í 64kg, tók því næst 68kg en var eitthvað tæp í baki og lét þar við sitja og sleppti síðustu tilrauninni sinni. Hún hafnaði  í 5. Sæti af 5 keppendum.
Bríet er einnig á leið á smáþjóðaleikana fyrir Íslands hönd.

Að lokum átti Ísland tvo keppendur í U20/ 89kg, þá Tind Eliasen og Þórberg Erni Hlynsson.  5 keppendur voru í flokkinum og gerði Þórbergur sér lítið fyrir og vann flokkinn og endaði því keppni Íslands á þessu norðurlandamóti með Glæsibrag.

Tindur bað um 110 í sinni fyrstu snörun sem ekki vildi upp í fyrstu tilraun, en hann tók hana svo í annarri tilraun. Í þriðju tilraun sinni tók hann 113kg snörun. Í jafnhendingunni hóf hann leik á góðri 119kg lyftu, bað því næst um 125kg sem ekki vildu upp, hækkaði engu að síður í 127kg  og náði þeirri lyftu ekki heldur. Hann endaði í 4. sæti í flokkinum.

Þórbergur Ernir hóf einnig leikinn á 110kg sem var jöfnun á hans besta árangri á móti. Því næst bað hann um 113kg sem einnig fóru upp og hækkaði svo í 116 sem flugu líka upp. Svo 6kg bæting á hans besta árangri í snörun í hús og hann leiddi flokkin þegar kom að jafnhendingunni.

Í jafnhendingunni opnaði hann síðastur allra með 135kg lyftu, tók 139kg í sinni annarri lyftu og tryggði sér þar með Norðurlandameistaratitilinn og bætti eiginn árangur um 1kg í jafnhendingu og 7kg í samanlögðu.  Hann tók því undir sig stórt stökk, bað um 150kg á stöngina því á þessum tímapunkti var engu að tapa.

Tókst honum að cleana stöngina og standa upp, en jerkið vildi ekki alla leið að þessu sinni.
Þetta er fyrsta ár Þórbergs í Juniorflokkinum, svo hann á mikið inni til að bæta sig og gera góða hluti í framtíðinni

Auk keppendanna fóru þjálfararnir Ingi Gunnar Ólafsson og Eggert Ólafsson með.
Erna Héðinsdóttir var yfirdómari á mótinu, en auk þeirra fór Hlynur Skagfjörð Pálsson faðir Þórbergs með á mótið.

Til sambandsaðila ÍSÍ

Mennta- og barnamálaráðuneytið, í samstarfi við ÍSÍ, UMFÍ og Samband íslenskra sveitarfélaga, boðar til ráðstefnunnar Vinnum gullið – ný stefna í afreksíþróttum á Íslandi mánudaginn 20. nóvember kl. 9-16 í Silfurberg í Hörpu og í streymi. Á ráðstefnunni verða kynnt áform um eflingu afreksíþróttastarfs á Íslandi með bættri aðstöðu, stuðningi og réttindum fyrir afreksíþróttafólk.

• Dagskrá

Dagskrá hefst með ávarpi forseta Íslands, forsætisráðherra og mennta- og barnamálaráðherra. Að lokinni umfjöllun um framtíðarsýn mun þjóðþekkt afreksíþróttafólk greina frá sinni afstöðu. Fjallað verður um hvernig skapa megi umgjörð fyrir unga íþróttaiðkendur til að vaxa og dafna, jafnt í þéttbýli og dreifbýli. Loks verður farið yfir hvernig hámarka megi árangur og m.a. horft út fyrir landsteinana í þeim tilgangi.

Ráðstefnugestum gefst kostur á að varpa spurningum sínum fram fyrir pallborðsumræður og taka þátt í hópvinnu þar sem farið verður yfir ýmis álitamál. Endurgjöf þátttakenda mun nýtast starfshópi mennta- og barnamálaráðherra um stöðu og réttindi afreksíþróttafólks í stefnumótun á sviði afreksíþrótta. Mennta- og barnamálaráðuneytið hvetur öll áhugasöm um árangur og afreksstarf til að mæta.

• Skráning á ráðstefnu

Ráðstefnan er öllum opin. Aðgangur er ókeypis en nauðsynlegt er að skrá sig. Skráningarfrestur er til og með 16. nóvember.

• Streymi

• – Stjórn

Norðurlandamót Youth og Junior fer fram í Rovaniemi í Finnlandi næstu helgi.

Ísland á 5 keppendur á mótinu, 1 konu í youth, 1 konu í junior og 3 karla í Junior.

Á föstudaginn 10. nóvember keppa Youth keppendur og Junior keppendur á laugardaginn 11. nóv.
Nákvæmari dagskrá hefur ekki verið gefin út enn sem komið er, en við munum uppfæra þessa frétt þegar við fáum tímasetningar.
Frekari upplýsingar, tímaseðil þegar hann er tilbúinn og heildar keppendalista má finna á:
https://nordicweightlifting.com/

Útsending verður á youtube rás finnska lyftingasambandsins:
https://www.youtube.com/@painonnostoliittospnl1222/streams

Mynidr frá keppninn má finna hér:
https://tanykane.kuvat.fi/i/aJHxZnXyEKWkCf9brQTdRzuBYvmwtVP7

Íslensku keppendurnir eru:
Nafn: Flokkur:

Guðrún Helga Sigurðardóttir U17/ +87kg
Bríet Anna Heiðarsdóttir U20/ 64kg

Bjarki Breiðfjörð Björnsson U20/ 81kg
Tindur Eliasen U20/ 89kg
Þórbergur Ernir Hlynsson U20/ 89kg

Auk keppendanna fara þjálfararnir Ingi Gunnar Ólafsson og Eggert Ólafsson með.
Erna Héðinsdóttir mun vera dómari á mótinu. 

Um helgina fór fram Norðulandamót Senior í Landskrona í Svíþjóð

Ísland átti þar 11 keppendur, 9 konur og 2 karla.
Nældi Íslenski hópurinn sér í eitt gull, tvö silfur og tvö brons á mótinu.

Erla Ágústsdóttir varð norðurlandameistari í +87kg flokki og lyfti 93kg í snörun og 113kg í jafnhendingu, samanlagt 206kg sem er nýtt Íslandsmet í samanlögðu í U23.

Silfrin tóku Friðný Fjóla Jónsdóttir í 87kg flokki og Brynjar Logi Halldórsson í 89kg flokki.

Friðný lyfti  92 kg í snörun, 111 kg í jafnhendingu og 203kg samanlagt, sem jafnframt er C lágmark á EM.

Brynjar lyfti 133kg í snörun og 160kg jafnhendingu sem jafnframt er Íslandsmet í U23 í jafnhendingu. Samanlagt 293kg., sem jafnframt er C lágmark á EM en 2 kg frá hans besta árangri.

Sigurvegarinn í 89kg flokinum var Omed Alam með 330 kg samanlagt og var hann jafnframt stigahæsti karl mótsins. 

Bronsin áttu Amalía Ósk Sigurðardóttir í 64kg flokki  og  Guðný Björk Stefánsdóttir 76 kg flokki. 
Amalía Ósk lyfti 80kg í snörun, 87kg í jafnhendingu og samanlagt 178kg. 

Guðný lyfti 90kg í snörun og 103kg í jafnhendingu, en það er  8 kg bætin í jafnhendingu á móti, samanlagt 193 kg og náði með því C lágmörkum á EM 2024.

Einnig er gaman að geta þess að Hrund Scheving setti íslandsmet í snörun í masters 45 ára 71kg flokki þegar hún henti 73 kg upp fyrir haus í snörun. Er þetta ígildi heimsmets í flokkinum, þótt það fáist ekki formlega skráð nema vera sett á mastersmóti.
Hún er jafnframt Íslandsmeistarinn okkar í skemmtilegum faganaðalátum.

Í liðakeppni kvenna hafnaði íslenska liðið í öðru sæti.

Heildarúrslit mótsins má finna á:
results.lsi.is  og
https://nordicweightlifting.com/results/

Myndir frá mótinu má finna á
https://perwiklund.se/tyngdlyftning-1

Norðurlandamót Senior fer fram í Landskrona í Svíþjóð næstu helgi.
Ísland á 11 keppendur á mótinu, 9 konur og 2 karla.

Mótið fer fram seinni hluta föstudags frá kl. 16:00 á Íslenskum tíma, en þá keppa konur í 45, 49, 55, 59 og 64 kg flokkum.
Á laugardaginn hefst keppni kl. 8:00 á Íslenskum tíma og þá keppa 71, 86, 81, 87 og +87 kg konur og allir karlaflokkar.
Eftirfarandi tímaseðill er á sænskum tíma með 2 klst. mismun:

Friday, Oct. 27th: Competition at Puls Arena
13:00-15:30 NWF Congress with Elections at Hotel Öresund
16:00-17:00 Weigh-in at Hotel Öresund
18:00 Competition W 45, 49, 55, 59 kg (10 athletes)
19:45 Competition W 64 kg (5 athletes)

Saturday, Oct. 28th: Competition at Puls Arena
08:00-09:00 Weigh-in at Hotel Öresund / men first
10:00 Competition M 61, 73, 81 kg (9 athletes)
11:30 Competition W 71 kg (8 athletes)
13:00 Competition M 89, 96 kg (7 athletes)
14:15 Competition W 76, 81, 87, >87 kg (11 athletes)
16:00 Competition M 102, 109, >109 kg (12 athletes
App. 19.00: Banquet at Hotel Öresund, Kungsgatan 9 Landskrona

Hægt er að fylgjast með keppni föstudagsins á:
https://www.youtube.com/live/UPO2VQ3ppjc?si=ZvPbzXcQhre3qODS
Og keppni laugardagsins á:
https://www.youtube.com/live/Pk_R0ZgtgjQ?si=-rxcEHQocMOesaPJ

Íslensku keppendurnir eru:
Nafn: Flokkur:
Snædís Líf P. Dison 59
Katla Björk Ketilsdóttir 64
Amalía Ósk Sigurðardóttir 64
Hrund Scheving 71
Arey Rakel Guðnadóttir 71
Birta Líf Þórarinsdóttir 76
Guðný Björk Stefánsdóttir 76
Friðný Jónsdóttir 87
Erla Ágústsdóttir +87

Kári Einarsson 81
Brynjar Logi Halldórsson 89

Heildarkeppendalista má finna hér:
Keppendalisti

Auk keppendanna fara þjálfararnir Ingi Gunnar Ólafsson og Sigurður Darri Rafnsson með.
Erna Héðinsdóttir mun svo verða dómari á mótinu.

Áfram Ísland!!!