Mótinu verður gerð betri skil síðar en úrslit eru komin í gagnagrunn sambandsins:

https://results.lsi.is/meet/haustmot-2024

Haustmót LSÍ fer fram laugardaginn 7.september nk. í húsakynnum Ægis Gym á Akranesi.
Skráning er hafin á mótið og henni lýkur 23.ágúst nk. klukkan 23:59.

Með fyrirvara um fjölda keppenda þá er stefnt að því að klára mótið að öllu leyti á laugardeginum.
Mótið er sinclair stigamót og 3 stigahæstu einstaklingarnir verðlaunaðir. 
Keppnisgjald er kr. 7500,- og greiðir félag keppenda til mótshaldara. 
Skráning hér

Keppni hefst á morgun 7.Ágúst í ólympískum lyftingum eins og fram hefur komið í fyrri færslu.

Erna Héðinsdóttir alþjóðadómari mun dæma þrjá flokka á mótinu, -49kg flokk kvenna 7.Ágúst 19:30 að staðartíma, -73kg flokk karla 8.Ágúst 19:30 að staðartíma og -81kg flokk kvenna 10.Ágúst klukkan 16:00 að staðartíma.

RÚV mun sýna -61kg flokk karla á RÚV2 klukkan 13:05 á morgun 7.Ágúst

Einnig mun RÚV sýna +81kg flokk kvenna Sunnudaginn 11.Ágúst klukkan 12:30 á RÚV2

Sjá síðu EWF um ÓL: https://paris2024.ewf.sport

Keppni í ólympískum lyftingum í París fer fram daganna 7.-11. Ágúst. Ísland á ekki keppanda að þessu sinni og í raun ekki síðan 1980 en Eygló Fanndal Sturludóttir var grátlega nærri því að tryggja sér keppnisrétt í -71kg flokki kvenna fyrst íslenskra kvenna en hún hefði aðeins þurft að lyfta 2-3kg meira til að tryggja sér þátttöku og vera á meðal 10 efstu í þyngdarflokknum.

Erna Héðinsdóttir (cat.1) alþjóðadómari er hinsvegar okkar fulltrúi á leikunum og mun starfa í 48 manna alþjóðlegu dómarateymi á leikunum.

Hér má sjá upplýsingarit leikana um ólympískar lyftingar: https://iwf.sport/wp-content/uploads/downloads/2024/07/Paris2024_Guide_IF_Weightlifting_EN.pdf

Sjá ítarlega umfjöllun morgunblaðsins um Eygló: https://www.mbl.is/sport/frettir/2024/07/20/bodid_grimmt_til_thyskalands/

Sjötta júlí síðastliðin keppti Eygló Fanndal Sturludóttir á móti hinna bláu sverða (Pokal der blauen schwerter) í Þýskalandi og náði þar frábærum árangri þegar hún snaraði 103kg og jafnhenti nýju Íslandsmeti 133kg og jöfnun á norðurlandameti Patriciu Strenius í -71kg flokki kvenna í jafnhendingu. Þetta var jöfnun á hennar besta árangri í samanlögðum árangri 236kg. Ef maður setur saman hennar bestu snörun 106kg og þessa jafnhendingu hefði það dugað henni til að komast inn á ólympíuleikana í París.

Á móti hinna bláu sverða er keppt á sérstakri Sinclair formúlu sem er sköluð milli kynja, Eygló varð í 5.sæti í kvenna keppninni og 8.sæti í heildarkeppninni.

Eygló stefnir næst að keppni á EM U23 þar sem hún er á síðasta ári og Norðurlandamótinu í haust. Einnig mun hún keppa í þýsku Bundesliga-deildinni í lyftingum á næsta keppnis tímabili og munum við gera því betri skil seinna.

Ísland átti tvo keppendur á Evrópumeistaramótinu í Masters flokkum sem fram fór í Haugesund í Noregi 15-23. Júní síðastliðnum.

Anna Guðrún Halldórsdóttir keppti í flokki -87kg í aldursflokki 55-59 ára og sigraði flokkinn. Hún setti einnig ný íslandsmet í Masters flokki 58kg í snörun, 78kg í jafnhendingu og 136kg í samanlögðum árangri. Að auki er jafnhendingin og samanlagði árangurinn ný HEIMSMET í Masters flokki 55-59 ára.

Hrund Scheving keppti í þyngdarflokki -71kg í aldursflokki 45-49 ára en fékk ekki gilda lyftu í gegn í snörun í seríunni 68kg-70kg-70kg. Fyrsta mót hennar í yfir 10 ár sem hún fellur úr keppni en hún kemur vonandi sterk til baka á næsta mót!

Hægt er að sjá myndir frá keppninni hér: https://www.europeanmasterswl.com/photos.html

Og Heildarúrslit hér að neðan.

María Rún Þorsteinsdóttir hefur verið ráðin framkvæmdastjóri Lyftingasambands
Íslands, en hún var valin úr hópi 18 umsækjenda um starfið.

María Rún er með BA í stjórnmálafræði og viðbótardiplómu í opinberri stjórnsýslu, auk þess að vera með kennsluréttindi og menntaður styrktarþjálfari.

María Rún átti og rak CrossFit Hengil í Hveragerði í 11 ár eða til ársins 2023 og
starfaði þar sem framkvæmdastjóri og þjálfari, meðal annars í ólympískum lyftingum.

María Rún hefur umfangsmikla reynslu af rekstri, stjórnun og íþróttastarfi og kom
m.a. að stofnun CrossFit sambands Íslands og Lyftingadeildar Hengils og hefur setið
í stjórnum þeirra beggja.

Hún hefur einnig setið í stjórnum Íþróttafélagsins Hamars og Lyftingasambands
Íslands, og hefur m.a. komið að keppnishaldi í ólympískum lyftingum, þar á meðal á
Norðurlandamóti sem haldið var á Íslandi í ólympískum lyftingum árið 2018.

María Rún hefur störf 1. ágúst næstkomandi.

STREYMI HÉR

Keppandalisti

Konur

Karlar

Skráning HÉR