Gísli Kristjánsson (LFR) varð rétt í þessu Heimsmeistari í 105kg flokki 50-54 ára á Heimsmeistaramóti öldunga sem fram fer í finnsku borginni Rovaniemi.

Gísli setti glæsilegt heimsmet í snörun í flokknum er hann lyfti 142kg og bætti gamla metið um 7kg. Gísli lyfti síðan 150kg í jafnhendingu en mistókst tvívegis við 159kg sem hefði tryggt honum heimsmet í samanlögðu. Gísli lyfti því samnlagt 292kg og sigraði með yfirburðum en næsti maður lyfti 228kg.

Þá varð Gísli stigahæsti keppandinn í flokki 50-54 ára með 414.83 Meltzer-Faber stig.

Gísli á efsta þrepi verðlaunapallsins á HM öldunga í Rovaniemi

Úrslit mótsins fá finna hér : http://www.masters2015.fi/results en Gísli keppti í session 32.

LSÍ óskar Gísla til hamingju með titilinn og heimsmetið.

Heimsmeistaramót öldunga (35 ára og eldri) fer fram dagana 12. – 19. september í Finnlandi, nánar tiltekið í borginni Rovaniemi, höfuðstað Lapplands. Mótið er mjög fjölmennt en alls eru 525 keppendur skráðir til leiks, þar af 19 sem eru komnir yfir áttrætt.

Lógó mótsins er tilvísun í tilkall Rovaniemi sem heimili jólasveinsins

Gísli Kristjánsson (LFR) er skráður til leiks í 105kg flokki 50-54 ára. Keppendur í flokki Gísla eru 6 og miðað við forskráningar hefur Gísli talsverða yfirburði. Gísli keppir á fimmtudeginum 17. september kl 15:30 að staðartíma (12:30 að íslenskum tíma).

Gísli Kristjánsson á góðri stund

Gísli er í góðu formi og ætti að geta gert atlögu að heimsmetunum í sínum flokki. Metið í snörun er 135kg sett af Svíanum Stefan Jakobsson árið 1999, metið í jafnhendingu er 166kg sett árið 2009 af Bretanum Gurdawar Singh Dhesi og metið í samanlögðu er 300kg einnig sett af Stefan Jakobsson árið 1999.

Lyftingasambandið óskar Gísla góðs gengis.

Frekari upplýsingar um mótið er að finna á heimasíðu þess: http://www.masters2015.fi/ og á facebook síðunni: https://www.facebook.com/masters2015

Öll úrslit frá NM eru núna kominn í gagnagruninn: http://results.lsi.is/meet/nordic-championship-ntf-2015

Jakob Daníel Magnússon varð í öðru sæti

Jakob Daníel Magnússon (LFH) nældi sér í silfurverðlaun í dag á norðurlandamóti fullorðinna þar sem hann laut í lægra haldi fyrir íslandsvininum Sami Raappana frá Finnlandi. Jakob snaraði 122kg og jafnhenti 146kg, hann tók jafnhendinguna í þriðju tilraun eftir að hafa klikkað á 145 og 146kg einu sinni, frábært !

Bjarmi Hreinsson (LFR) átti ekki góðan dag á pallinum, hann klikkaði á 125, 128 og 129kg í snörun eftir að hafa átt góða upphitun. Hann meiddist á olnboga í síðustu tilraun í snöruninni og ákvað að hætta keppni.

Sigmundur Davíðsson stóðst síðan cat.2 alþjóðlegt dómarapróf og er hann því þriðji íslenski dómarinn með virk alþjóðaréttindi.

Þar með lýkur þátttöku íslensku keppendanna á NM 2015.

f.v. Árni Björn, Oddrún Eik, Freyja, Hjördís, Þuríður og Ingi Gunnar

Íslensku stelpurnar stóðu sig frábærlega í dag, frekari lýsing á mótinu mun koma seinna í dag en úrslit munu fara inn í gagnagrunn sambandsins þegar þau berast: http://results.lsi.is/meet/nordic-championship-ntf-2015

Þuríður Erla Helgadóttir (Ármann) varð í dag norðurlandameistari í -58kg flokki kvenna á Norðurlandameistaramótinu í ólympískum lyftingum sem fram fer í Slagelse í Danmörku núna um helgina.

Þuríður lyfti 78kg í snörun sem var bæting um 2kg á íslandsmeti Önnu Huldu Ólafsdóttur sem varð norðurlandameistari 2014 í sama flokki. Íslenska liðið var með öndina í hálsinum eftir að hún hafði klikkað á byrjunarþyngdinni 73kg og fyrri tilraun á 78kg. Þuríður lyfti hinsvegar þyngdinni í lokatilraun og kom sér í yfirburðarstöðu fyrir jafnhendinguna. Þar lyfti hún síðan 97kg sem jafnframt var bæting á hennar eigin íslandsmeti um 1kg. Hún reyndi við 104kg í lokatilrauninni sem hefði verið persónulegt met.

Oddrún Eik Gylfadóttir (Ármann) keppti einnig í sama flokki og hefur átt betri daga á pallinum, hún fór með opnunarþyngdirnar sínar 64kg í snörun og 77kg í jafnhendingu. Hún endaði í 6.sæti í -58kg flokki.

Hjördís Ósk Óskarsdóttir (FH) varð önnur í -63kg flokki kvenna, hún snaraði 70kg og jafnhenti 102kg. Í lokatilraun reyndi hún við 106kg sem hún rétt missti í efstu stöðu.

Freyja Mist Ólafsdóttir (LFR) keppti síðan síðust íslensku keppandanna í dag og lyfti 76kg í snörun og 92kg í jafnhendingu sem gáfu henni bronsverðlaun eftir æsi spennandi keppni við hina dönsku Karina Hauge en þær lyftu sömu þyngd en Karina var 2kg léttari og fékk því silfur.

Keppendalistinn fyrir norðurlandamótið er kominn á netið: http://results.lsi.is/meet/nordic-championship-ntf-2015

Tveir karlar og fimm konur munu keppa fyrir Íslands hönd á einhverju stærsta norðurlandamóti sem sögur fara af en 31 kona og 30 karlar eru skráðir til leiks.

Karlar:
Jakob Daníel Magnússon (-85kg)
Bjarmi Hreinsson (-105kg)

Konur:
Oddrún Eik Gylfadóttir (-58kg)
Þuríður Erla Helgadóttir (-58kg)
Hjördís Ósk Óskarsdóttir (-63kg)
Freyja Mist Ólafsdóttir (-69kg)

Skiptingin eftir löndum er eftirfarandi:
Konur:
Danmörk = 7
Noregur = 7
Finnland = 7
Svíþjóð = 5
Ísland = 4

Karlar:
Noregur: 9
Finnland: 8
Danmörk: 8
Svíþjóð: 3
Ísland: 2

Dagskrá mótsins er eftirfarandi:

Friday, Aug 28th

18.00: Dinner at Hotel Frederik d. II, Idagårdsvej 3, 4200 Slagelse.
20:00: Technical Congress of the Nordic Weightlifting Federation at Hotel Frederik d. II,
Idagårdsvej 3, 4200 Slagelse.

Saturday, Aug 29th

07:00-10:00: Breakfast at Hotel Frederik d. II, Idagårdsvej 3, 4200 Slagelse.
09:00-10:00: Weigh-in at Hotel Frederik d. II, Idagårdsvej 3, 4200 Slagelse.
10.45: Opening ceremony at Sportscenter Atlas, Industrivej 27, 4200 Slagelse
11:00: Competition at Sportscenter Atlas, Industrivej 27, 4200 Slagelse.

Women 48 – 53 kg.
Women 58 kg.
Women 63 kg.
Women 69 – 75.
Men 62 – 69 kg.

13:00-16;00: Lunchbuffet at Sportscenter Atlas, Industrivej 27, 4200 Slagelse
20:00: Banquet at Hotel Frederik d. II, Idagårdsvej 3, 4200 Slagelse.

Sunday, Aug 30th
08:00-10:00: Breakfast at Hotel Frederik d. II, Idagårdsvej 3, 4200 Slagelse.
09:00-10:00: Weigh-in at Hotel Frederik d. II, Idagårdsvej 3, 4200 Slagelse.
11:00: Competition at Sportscenter Atlas, Industrivej 27, 4200 Slagelse

Men 77 – 85 kg.
Men 94 kg.
Men 105 – +105 kg.

13:00-15:00: Lunchbuffet at Sportscenter Atlas, Industrivej 27, 4200 Slagelse

Góð mæting var í æfingabúðir sem LSÍ stóð fyrir um helgina. Lyftingasambandið vill þakka Sporthúsinu í Reykjanesbæ fyrir að lána aðstöðuna:

Sautján lyftingakarlar og konur mættu og tóku á því á tveimur æfingum undir stjórn Inga Gunnars. Hluti af hópnum fer í lok mánaðarins á NM í Danmörku og voru æfingabúðirnar vettvangur til að þjappa hópnum saman fyrir þá ferð.

Tvær æfingar voru teknar, hópurinn borðaði saman á Thaí Keflavík,  Birgir Sverrisson starfsmaður ÍSÍ flutti fyrirlestur um lyfjaeftirlit ÍSÍ og Haraldur Björn Sigurðsson sjúkraþjálfari fór yfir helstu meiðsli lyftingamanna og fyrirbyggjandi aðferðir.

Einar Ingi, Sindri Pétur, Guðmundur Steinn, Freyja og Ólöf Maren sátt að loknu móti (Mynd: CrossfitReykjavik)

Úrslit eru komin frá unglingalandsmótinu og íslandsmeistaramóti 20 ára og yngri sem fram fór á Akureyri um verslunarmanna helgina: http://results.lsi.is/meet/unglingalandsmot-umfi-13-17-ara-2015

LFR gerði góða ferð norður en allir þeirra keppendur bættu sig og ber þar hæst árangur Sindra Péturs 105/136 og Freyju Mist 78/93 en þau voru stigahæstu keppendur mótsins.

Keppt var í fyrsta sinn í lyftingum á unglingalandsmóti UMFÍ og var HSK með þrjá keppendur. Stigahæstu keppendurnir þar voru Birta Hafþórsdóttir (HSK) 55/70 og Arnór Gauti (LFH) sem lyfti 85kg í snörun og 110kg í jafnhendingu.

Mótið fer fram Laugardaginn 1.Ágúst á Akureyri og hvetjum við þá sem eru á unglingalandsmótinu að kíkja við.

Vigtun fer fram í Sunnuhlíð klukkan 13:00, mótið hefst klukkan 15:00 á kvennaflokkum.

Það hefur væntanlega ekki farið framhjá neinum sem fylgist með lyftingum að Katrín Tanja Davíðsdóttir (LFR) vann heimsleikana í Crossfit 2015. Katrín hefur hefur verið dugleg að keppa í ólympískum lyftingum fyrir Íslands hönd og varð m.a. norðurlandameistari unglinga 2012, vann silfur 2013 og síðan silfur 2014 á norðurlandameistaramóti fullorðinna.

Katrín Tanja lyfti 85kg í snörun á Íslandsmeistaramótinu í Ólympískum Lyftingum fyrr á þessu ári

Norðurlandamót fullorðinna 2015 fer fram í Danmörku í lok Ágúst og verður Katrín á meðal keppenda.

Björgvin Karl Guðmundsson (Hengill) og Ragnheiður Sara Sigmundsdóttir (UMFN) unnu bronsverðlaun á leikunum.

Lyftingasamband Íslands óskar þeim innilega til hamingju með þennan magnaða árangur og hlakkar til að sjá þau á næsta móti.