Tamás Aján ásamt nýkjörinni stjórn alþjóðalyftingasambandsins

Formaður Lyftingasambandsins tók þátt í kostningum alþjóðalyftingasambandsins (IWF) fyrir hönd Íslands sem fram fóru í Bangkok í Tælandi 29-30.Maí. Hinn 78 ára gamli ungverji Tamás Aján var endurkosinn formaður sambandsins eftir harða kostningarbaráttu við Ítalann Antonio Urso og munaði þar mestu stuðningur mið austurlanda og Afríkuríkja við Tamás Aján.

Tamás hlaut 86 atkvæði á móti 61 atkvæði Urso en 147 þjóðir höfðu atkvæðisrétt og mun hann því verða 82 ára þegar næstu kostningar fara fram og hefur þá verið yfir 50 ár í stjórn IWF. Aján var fyrst kosinn í stjórn IWF 1970, varð aðalritari 1976 og forseti árið 2000. Hann hefur verið umdeildur en er heiðursfélagi í alþjóðaólympíunefndinni (IOC) og einn af upphafsstjórnarmeðlimum WADA.

Aðrir sem kostnir voru í stjórn voru:

Aðalritari: Mohammed Jalood (Írak) sem sigraði sitjandi aðalritara frá Kína Ma Wenguang og Kínverjar eiga því engan fulltrúa af 16 stjórnarmeðlimum en þeir unnu 5 gull verðlaun og 2 silfur á Ólympíuleikunum í Ríó 2016.

Fyrsti varaforseti: Intarat Maj. Gen. YODBANGTOEY (Taíland).

Fyrsti kvenn varaforseti: Ursula PAPANDREA (USA). Í fyrsta sinn var kosin sérstaklega um konu sem einn af varaforsetum stjórnar og var það hin grísk ættaði forseti Bandaríska lyftingasambandsins Ursula Papandrea sem var kosinn.

Varaforsetar: Nicu VLAD (Rúmeníu), Jose Carlos QUINONES (Perú), Zhanat TUSSUPBEKOV (Kazakstan), Petr KROL (Tékkland).

Kvenn stjórnarmeðlimur: Karoliina LUNDAHL (Finnland) var kosinn í stjórn IWF og er hún þriðji norðurlandabúinn til að starfa í stjórn IWF.

Stjórnarmeðlimir: Pyrros DIMAS (Grykkland), Birendra Prasad BAISHYA (Indland), Maxim AGAPITOV (Rússland), Shakhrillo MAKHMUDOV (Úzbekistan), Mahmoud MAHGOUB (Egyptaland), Luis Oswaldo ZAMBRANO ANDRADE (Ekvador), Michael IRANI (Bretland).

Antonio Urso hafði talað fyrir miklum breytingum innan alþjóðalyftingasambandsins m.a. varðandi meðferð á málum sem varða brot á lyfjalögum WADA.

Nánari umfjöllun má sjá á vef insidethegames og á heimasíðu IWF.

Næsta mót hjá Lyftingasambandinu verður sumarmótið sem haldið verður laugardaginn 10.júní í Crossfit XY, skráning er hafin á lsi@lsi.is

Mistök mótshaldara við útreikning á Sinclair urðu þess valdandi að Einar Ingi Jónsson fékk verðlaun sem besti lyftingakarlinn á nýafstöðnum Smáþjóðleikum í San Marino en ekki Guðmundur Högni Hilmarsson. Mótshaldarar staðfestu það í dag og hörmuðu mistökin. Þeir sendu heildar úrslit frá mótinu þar sem þetta er leiðrétt: Heildar úrslit smáþjóðleikanna í lyftingum

Guðmundur Högni lyfti nýjum íslandsmetum í snörun (134kg), jafnhendingu (160kg) og það varð einnig nýtt íslandsmet í samanlögðum árangri 294kg í -94kg flokki karla. Þetta gaf Guðmundi Högna 334,09 stig á móti 330,6 stigum Einars. Í þriðja sæti varð Maltverjinn Kyle Sean Micallef með 329,56 stig.

Sjá má myndbönd af lyftunum Guðmundar hér að neðan:

Eftirfarandi frétt birtist á mbl: http://www.mbl.is/sport/frettir/2017/04/23/island_sigradi_i_san_marino/

Ísland bar sig­ur úr být­um í liðakeppni Smáþjóðal­eik­anna í ólymp­ísk­um lyft­ing­um sem fram fóru í San Marínó í gær. Þeta er í fyrsta skipti frá ár­inu 1989 sem Ísland vinn­ur liðakeppn­ina á þessu móti.

Liðakeppn­in fer þannig fram að þrír karl­ar og tvær kon­ur keppa og er sam­an­lögð Sincla­ir-stiga­tala reiknuð upp fyr­ir þessa fimm kepp­end­ur. Þetta er annað árið í röð sem kon­ur eru með í stiga­keppn­inni en áður voru það ein­ung­is þrír karl­ar sem voru í henni.

Björk Óðins­dótt­ir og Ein­ar Ingi Jóns­son urðu stiga­hæstu kepp­end­ur móts­ins í kvenna- og karla flokki. Aðeins 0.14 stig voru á milli Ein­ars Inga Jóns­son­ar og liðsfé­laga hans Guðmund­ar Högna Hilm­ars­son­ar en Guðmund­ur Högni snaraði og jafn­henti nýj­um Íslands­met­um í -94 kg flokki karla.

Björk Óðins­dótt­ir keppti í -63 kg flokki kvenna, hún lyfti 75 kg og 80 kg í snör­un og reyndi síðan við 85 kg í þriðju til­raun sem hefði verið nýtt Íslands­met en það fór ekki upp. Í jafn­hend­ingu lyfti hún 95 kg, 100 kg og 106 kg sem var jöfn­un á ís­lands­meti Þuríðar Erlu Helga­dótt­ur og keppn­is­bæt­ing hjá Björk í jafn­hend­ingu um 4 kíló.

Sól­veig Sig­urðardótt­ir keppti í -69 kg flokki. Hún náði ekki að fram­kvæma snör­un­ina eins og hún vildi og náði aðeins einni gildri lyftu, 75 kíló­um. Jafn­hend­ing­in gekk hins­veg­ar eins og í sögu og lyfti hún 98 kg, 103 kg og 107 kg en allt voru það met í flokki 23 ára og yngri og 107 kg lyft­an yfir Íslands­meti í -63 kg flokki kvenna og per­sónu­leg bæt­ing hjá Sól­veigu.

Ein­ar Ingi Jóns­son var létt­ast­ur karl kepp­end­anna, 71,47 kg, og keppti því í -77kg flokki. Hann snaraði 112 kg í ann­ari til­raun eft­ir að hafa klikkað á þeirri þyngd í fyrstu til­raun. Hann klikkaði síðan á 118 kg í þriðju til­raun. Í jafn­hend­ingu byrjaði hann á 142 kg en fékk síðan 148 kg ógilt fyr­ir svo­kallaða pressu. Hann fékk því aðeins 2 af 6 lyft­um gild­ar en það dugði hon­um til þess að vera með stiga­hæsta ár­ang­ur allra karl­kyns kepp­enda.

Guðmund­ur Högni Hilm­ars­son átti gott mót en hann vigtaðist 93,88 kg og keppti í -94 kg flokki karla. Guðmund­ur snaraði 128 kg og 134 kg sem var nýtt Íslands­met. Hann reyndi síðan við 136 kg í þriðju til­raun. Í jafn­hend­ingu lyfti hann 155 kg og 160 kg sem var nýtt Íslands­met og var ár­ang­ur hans einnig nýtt Is­lands­met í sam­an­lögðum ár­angri.

Bjarmi Hreins­son keppti líkt og Guðmund­ur í -94kg flokki. Hann snaraði 118 kg og 128 kg og reyndi líkt og Guðmund­ur Högni við 136 kg í loka­tilraun og var mjög nærri því að lyfta þeirri þyngd. Bjarmi átti eldra metið í flokkn­um, 133 kg, sett fyr­ir ári síðan á Smáþjóðal­eik­un­um sem haldn­ir voru á Kýp­ur 2016. Bjarmi byrjaði jafn­hend­ing­una á 145 kg en klikkaði síðan naum­lega á 153 kg og 155 kg í ann­ari og þriðju til­raun.

Þetta var í 39. sinn sem Smáþjóðal­eik­arn­ir í ólymp­ísk­um lyft­ing­um voru haldn­ir. Það var tölu­verður miss­ir að því að lið Kýp­ur sem hef­ur oft­ast unnið mótið síðustu ár þurfti að draga sig úr leik að sök­um fjár­hags­vand­ræða sam­bands­ins þar í landi. Ísland vann því mótið, lið Möltu varð í öðru sæti og San Marínó í þriðja sæti.

Í til­kynn­ingu frá Lyft­inga­sam­bandi Íslands seg­ir að Ísland muni halda 40. Smáþjóðal­eik­ana á næsta ári, 2018,  og verði þar með gest­gjafi þeirra í fyrsta skipti. Líkt og á Íslandi hafi mik­il spreng­ing orðið í iðkun íþrótt­ar­inn­ar í ríkj­um smáþjóða Evr­ópu og bú­ast megi við góðri keppni.

Komið er að þriðja landsliðsverkefninu í mánuðinum en það eru smáþjóðleikarnir í San Marino í ólympískum lyftingum. Þetta er í 39. skipti sem smáþjóðleikar í ólympískum lyftingum eru haldnir en á næsta ári verða þeir á Íslandi í fyrsta skiptið. Keppt er í liðakeppni 3 Karlar og 2 Konur og eins og áður hefur komið fram er landslið Íslands á mótinu skipað eftirfarandi keppendum:

Karlar
Guðmundur Högni Hilmarsson
Einar Ingi Jónsson
Bjarmi Hreinsson

Konur
Björk Óðinsdóttir
Sólveig Sigurðardóttir

Allir keppendur eru í sínu besta formi og líklegt er að einhver íslandsmet séu í hættu á mótinu. Kýpverjar sem hafa unnið keppnina síðustu ár drógu sig úr keppni að sökum fjárhagserfiðleika og eru því maltverjar þeir líklegustu til að veita okkar fólki keppni.

Við munum reyna að miðla úrslitum hratt og örugglega í gegnum heimasíðuna (lsi.is), afreksgagnagrunn LSÍ og Instagram síðu LSÍ. Einnig er snap chat aðgangurinn „icelandic weightlifting“ virkur meðal iðkennda og keppenda í ólympískum lyftingum og þá er yfirleitt keppendur eða þjálfarar sem stýra honum.

San Marino Cup er haldið samhliða mótinu og eru alls 64 keppendur á mótinu m.a. nokkrir sterkir keppendur frá Þýskalandi.

Íslensku kvenn keppendurnir munu keppa klukkan 12:00 á staðartíma (10:00 á íslenskum tíma á Laugardaginn)

Karlar keppa síðan klukkan 15:00 á staðartíma (13:00 á íslenskum tíma)

Tímaseðill:

Vigtun: 10:00-11:00
KVK: 12:00-13:30
KK: 13:40-16:00

Úrslit munu birtast í afreksgagnagrunni LSÍ

Keppendalistinn fyrir Meistaramót UMSK

Upptaka af keppni Þuríðar: https://www.youtube.com/watch?v=VkBiNGG93yE

Upptaka af keppni Andra: https://www.youtube.com/watch?v=eXBr0ld_mV8

Heildarúrslit: http://www.ewfed.com/2017/Split/Results/ResultsBook.pdf

Andri Gunnarsson keppir kl. 09:00 á íslenskum tíma á EM senior í Split í Cróatíu í +105 kg flokki

Live stream hér

http://ewfed.com/news_det.php?id=157

Katla Björk Ketilsdóttir keppir á HM unglinga 17 ára og yngri kl.01:00 á íslenskum tíma í nótt í -58 kg flokki

Hægt er að fylgjast með hér

http://www.iwf.net/bangkok_live/