Dagskrá Evrópumeistaramótsins í Yerevan, Armeníu má finna á heimasíðu Evrópska lyftingasambandsins undir “Start book”.
318 keppendur taka þátt í mótinu að þessu sinni frá 40 löndum. 172 konur og 146 karlar.

Þuríður Erla Helgadóttir keppir þann 17.apríl kl. 14:00 á Armönskum / 10:00 á Íslenskum tíma í -59kg flokki. Alls eru 23 keppendur í flokknum í þremur keppnishópum og keppir Þuríður Erla í B hóp ásamt 6 öðrum, 11 eru í A hóp og 5 í C hóp.

Eygló Fanndal Sturludóttir keppir þann 19. apríl kl. 17:30 á Armönskum / 13:30 á Íslenskum tíma í -71kg flokki. Alls eru 22 keppendur í hennar flokki í tveimur hópum. Eygló keppir í A hóp en í honum eru samtals 10 keppendur. Með henni í hóp eru stórstjörnur á borð við Loredana Elena Toma frá Rúmeníu, Giulia Miserendino frá Ítalíu og Sarah Davis frá Bretlandi. Í B hópunum eru svo 12 keppendur kl. 11:30 á Armönskum / 7:30 á Íslenskum tíma þann 19. apríl.

Áfram Ísland!

Senior Evrópumeistaramótið í Ólympískum Lyftingum 2023 mun fara fram í Yerevan, Armeníu dagana 15. – 23. apríl næstkomandi og á Ísland tvo keppendur í kvennaflokki á mótinu. Þær Þuríði Erlu Helgadóttur sem keppir 17. apríl í -59kg flokki og Eygló Fanndal Sturludóttur sem keppir 19. apríl í -71kg flokki. Mótið er hluti af úrtöku ferli fyrir Ólympíuleikana í París en bæði -59kg flokkur og -71kg flokkur eru keppnisflokkar á leikunum.

https://iwf.sport/qualif2024/P2024_Qualification/

Þuríður Erla Helgadóttir (f.1991) úr Lyftingafélagi Kópavogs er reynslumesti kvenn keppandi á Íslandi í ólympískum lyftingum og hefur keppt í greininni síðan 2011.
Þuríður Erla  hefur fjórum sinnum tekið þátt á Evrópumeistaramótum fyrir íslands hönd, árin 2016, 2017,2019 og 2021 en það ár hafnaði hún í 10. Sæti í -59kg flokki með 83kg í snörun og 108kg í jafnhendingu. Hún hefur einnig fjórum sinnum tekið þátt á Heimsmeistaramótum. Árin 2015, 2017, 2018 og 2019 og besti árangur hennar þar var 10. sæti árið 2017 þar sem hún lyfti 86kg í snörun og 108kg í jafnhendingu í -58kg flokki sem þá var. Auk þess keppti hún á Norðurlandamótum árin 2014, 2015, 2018 og 2019 en árið 2015 hampaði hún Norðurlandameistaratitlinum.
Hún hlaut styrk frá Ólympíusamhjálpinni árin 2018-2020 og var nálægt því að komast inn á leikana í Tokyo.
Þarna er gríðarlegur reynslubolti á ferðinni og verður gaman að sjá hvað hún gerir 17. apríl.

https://results.lsi.is/lifter/turidur-erla-helgadottir

Eygló Fanndal Sturludóttir (f.2001) úr Lyftingafélagi Reykjavíkur varð lyftingakona ársins 2022 eftir hreint stórkostlegt ár. Eygló náði hæstu Sinclair stigatölu allra kvenna á árinu 266.9 stig rúmum tíu stigum hærri en Þuríður Erla Helgadóttir sem hampað hefur afrekinu Besta lyftingakonan síðustu 7 árin. Eygló varð Íslandsmeistari í mars í -71kg flokki kvenna og einnig stigahæsti kvenn keppandi mótsins. Hún varð í 9.sæti á Evrópumeistaramótinu í lyftingum í -71kg flokki þegar hún lyfti 205kg samanlagt. Þriðja mótið hennar var Haustmót LSÍ þar sem hún snaraði glæsilegu íslandsmeti í -71kg flokki 97kg. Hún kórónaði síðan glæsilegt lyftingaár með því að verða Evrópumeistari 23 ára og yngri þegar hún lyfti 97kg í snörun og 120kg í jafnhendingu sem voru ný íslandsmet í jafnhendingu og samanlögðum árangri. Þessum árangri hefur áður verið gerð betri skil í alþjóðlegum samanburði hér en Eygló bætti sinn besta árangur um 15kg á árinu 2022.

Í desember 2022 keppti Eygló á Heimsmeistaramótinu í ólympískum lyftingum sem fram fór í Bogota í Kólembíu og  endaði þar í 19.sæti af 39 keppendum í -71kg flokki kvenna. Samanlagður árangur hennar var 213kg sem er 4kg frá Íslandsmeti hennar. Þjálfari Eyglóar, Ingi Gunnar Ólafsson benti á að þetta hefði farið í reynslubankann en Bogota er um 2600m yfir sjávarmáli og höfðu þau enga reynslu af þeim aðstæðum.
Á Íslandsmeistaramóti 2023 í mars síðastliðinn varði hún svo Íslandsmeistaratitil sinn í -71kg flokki þegar hún lyfti samtals 211 kg. Það er spennandi að sjá hvað þessi rísandi lyftingakona gerir á komandi Evrópumeistaramóti  í Yerevan í Armeníu 19. apríl.

https://results.lsi.is/lifter/eyglo-fanndal-sturludottir

Auk keppendanna tveggja fara Ingi Gunnar Ólafsson yfirþjálfari Lyftingasambandsins, Helga Hlín Hákonardóttir formaður Lyftingasambandsins og Unnar Helgason osteopath með keppendum þeim til halds og traust en einnig mun Erna Héðinsdóttir Cat 1. dómari og ritari Lyftingasambandsins fara og starfa sem dómari á mótinu.

Síðastliðinn sunnudag 26. mars, fagnaði Lyftingasamband Íslands því að 50 ár eru liðin frá stofnun sambandsins. Helga Hlín Hákonardóttir var kjörin formaður og er hún jafnframt fyrsta konan í sögu sambandsins til að taka við embætti formanns.

Eftir hefðbundin þingstörf undirrituðu fráfarandi formaður Magnús Þórðarson og nýkjörinn formaður Helga Hlín, samning við framkvæmdastjóra ÍSÍ, Andra Stefánsson og 2. varaformann Hafsteinn Pálsson, um að Lyftingasamband Íslands fari úr flokki þróunarsambands C upp í alþjóðlegt B samband hjá ÍSÍ.

Lyftingasambandið gerði einnig sjö einstaklinga að Heiðursfélögum LSÍ en allir eiga það sameiginlegt að hafa átt veglegt framlag til framgangs ólympískra lyftinga á Íslandi. Heiðursfélagarnir eru þau Guðmundur Sigurðsson, Birgir Þór Borgþórsson, Guðmundur Helgi Helgason, Gísli Kristjánsson, Hrönn Svansdóttir, Anna Hulda Ólafsdóttir og Þuríður Erla Helgadóttir.

Önnur sem kosin voru í stjórn sambandsins voru Magnús Þórðarson sem tekur sæti varaformanns, Erna Héðinsdóttir sem ritari, Harpa Þorláksdóttir sem gjaldkeri og Hrund Scheving og Ásgeir Bjarnason sem meðstjórnendur, en Ásgeir var jafnframt kjörinn formaður tækninefndar. Í varastjórn eru Eggert Ólafsson, Kári Walter, Birkir Örn Jónsson og Gerald Brimir Einarsson. Fulltrúar íþróttamanna í stjórn eru Katla Ketilsdóttir og Árni Rúnar Baldursson.

Mótinu verður gerð betri skil fljótlega en heildarúrslit má nálgast í gagnagrunni sambandsins: https://results.lsi.is/meet/islandsmeistaramot-2023

Á laugardaginn næstkomandi, 18. mars fer fram Íslandsmeistaramót, sem haldið verður af Lyftingafélagi Mosfellsbæjar í íþróttahúsinu að Varmá. Vigtun hefst stundvíslega klukkan 8 fyrir kk og 9 fyrir kvk.

Streymi má finna á linkum hér fyrir neðan.
https://www.youtube.com/watch?v=SbJnwJIoZgs

Skráðu þig HÉR

Námsefnið er umfangsmikið og á fyrirlestrunum verður skautað yfir það helsta og tækifæri til að spyrja spurninga. Það er því mikilvægt að þið komið vel undirbúin.

Námsefnið er: 
IWF TECHNICAL AND COMPETITION RULES & REGULATIONS

Prófið og svör á prófi er að finna á netinu og það er mín ráðlegging til ykkar að þið skimið yfir bókina (eða lesið spjaldanna á milli) gerið prófið og flettið upp því sem þið eruð óviss á.

Prófið:

Click to access IWF-TO-Exam-2019-Questions.pdf

Svör:

Click to access IWF-TO-Exam-2019-Answers.pdf

Gæti kannski hljómað eins og svind, en staðreyndin er að ef þið kunnið prófið og það sem á því er þá eruð þið komin með þekkingu á því sem skiptir máli.

Svo til að rifja upp er til útdráttur á íslensku, en það efni er sérstaklega um það sem snýr að keppendum og var hugsað til þess að fræða þá, en er líka gagnlegt fyrir ykkur.

Og svo nokkrir punktar sem er gott að hafa í vasanum á keppnisdag til að rifja upp, best að gera það fyrir hvert mót.

https://docs.google.com/document/d/1Qwz2MeSONIXzCZ3vElVRuVY2HHHDdgp2-2-cB6tOGCQ/edit?usp=sharing

Þið megið endilega biðja um aðgang að þessari síðu og nota hana til að spyrja spurninga ef einhverjar eru.

https://www.facebook.com/groups/1713014768997620/?notif_id=1655848726747259&notif_t=group_admin&ref=notif

Ef þið viljið virkilega hella ykkur í þetta þá eru til video á youtube sem hægt er að horfa á:

Gangi ykkur sem allra best og verið ófeimin að spyrja ef það er eitthvað óljóst.
Kveðja,
Erna Héðinsdóttir
ernahed@gmail.com

Lög LSÍ um þing sjá HÉR

Spurningum um þingið og fulltrúafjöld félaga verður svarað á lsi@lsi.is

Skráðu þig HÉR

Birt með fyrirvara um breytingar

Reykjavík International Games Laugardalshöll 29. Jan – Lokið

Íslandsmeistaramót Lyftingafélag Mosfellsbæjar 18. Mars – staðfest

Heimsmeistaramót U17, Durres, Albania, 25. mars

EM masters, Waterford, Írland, 12-21. Maí

Lyftingaþing LSÍ, ÍSÍ, 26. Mars – verður auglýst síðar

EM Senior (París Qualifier), Yerevan, Armeníu, 15-23. Apríl

Íslandsmeistaramót unglinga, Óstaðfestur Mótshaldari, 20.Maí

IWF Grand Prix (París Qualifier), Havana, Cuba, 2-12. Júní

Sumarmót LSÍ, Lyftingadeild KA, Akureyri, 24-25.júní

European Masters Games, Ilmailunkatu Tampere, Finnlandi, 26.-30.júní

EM Youth, Chisinau, Moldóva, 6-17.júlí

EM Junior og U23 Bucharest, Rúmeníu, 24 júlí-3. ágúst

HM Masters, Kraká Póllandi, 19.-27. ágúst

Heimsmeistaramót IWF (París Qualifier) Ryiadh, Saudi Arabía, 2-17. September

Haustmót LSÍ Óstaðfestur Mótshaldari 23-24.September

Norðurlandamót Fullorðinna Landskrona, Svíðþjóð, 27.október

Norðurlandamót Unglinga, Rovaniemi, Finnland, 11. Nóvember

Heimsmeistaramót Junior Guadalajara, Mexico, Nóvember (óstaðfest)

Smáþjóðaleikar, Luxemburg, 25-26. Nóvember

IWF Grand Prix 3 (París Qualifier) Doha, Qatar Desember, 1. Desember

Jólamót LSÍ Óstaðfestur Mótshaldari 17. Desember

Lágmörk LSÍ eru að finna HÉR

Sýnt úr mótshluta lyftinga og tekið viðtal við okkar fólk
á mínútu 5:22 HÉR

Viðtal við Úlfhildi Örnu Unnarsdóttur eftir
Reykjavík International Games HÉR

Viðtal við Brynjar Loga Halldórsson eftir
Reykjavík International Games HÉR