Úrslit af Reykjavík International Games

Birt þann janúar 25, 2014 af asgeirbj

Svara

Við munum gera RIG leikunum betri skil á næstu dögum en við birtum hér úrslit fyrir áhugasama

Innihald.is birti ýtarlega grein um mótið á http://www.innihald.is/thjodmal/niu-islandsmet-i-olympiskum-lyftingum-i-dag

Einnig er hægt að nálgast útsendingu frá mótinu á http://ruv.is/sarpurinn/reykjavikurleikarnir/25012014

Sportmyndir tóku flottar myndir af mótinu http://www.sportmyndir.is/Reykjavik-International-Games/Reykjavik-International-Games-1/Olympic-Weightlifting/

Vísir fjallaði um mótið http://www.visir.is/islandsmetin-fellu-hvert-a-faetur-odru/article/2014140129201

Mbl fjallaði um met lilju lindar http://www.mbl.is/sport/reykjavikurleikar/2014/01/25/lilja_lind_setur_islandsmet/

Mbl einnig með frétt um mótið http://www.mbl.is/sport/reykjavikurleikar/2014/01/25/niu_islandsmet_slegin_i_lyftingum_2/

Annie Mist aftur á lyftingapallinn

Birt þann janúar 24, 2014 af Elísabet Sóley

Svara

Mikill gróska hefur verið í ólympískum lyftingum og hafa konur blómstrað í íþróttinnni. Lilja Lind vann norðurlandameistaratitil unglinga og var nálægt því að bæta norðurlandametið í sínum aldursflokki á síðasta ári. Katrín Tanja var einnig í baráttu um gullið á síðasta norðurlandamóti, en hafnaði í öðru sæti.

Reikjavíkurleikarnir standa nú sem hæðst og mun mótið í Ólympískum lyftingum vera glæsilegt í ár. 18 keppendur eru skráðir til leiks, en gefin voru út lágmörk svo það eru bara þau bestu sem fá að keppa. Meðal keppanda er Annie Mist fyrrum heimsmeistari í CrossFit, Anna Hulda lyftingakona ársins, Lilja Lind Norðulandameistari unglinga og Katrín Tanja sem rétt missti af Norðulandameistartitli á síðasta ári ásamt fleiri efnilegum keppendum í kvennaflokki. Þrjár konur fengu „Wildcard“, ein af þeim er Björk Óðinsdóttir, hún býr í Svíþjóð og er ein af efnilegustu crossfiturum íslendinga. Björk hefur sýnt frábæra tilburði í lyftingum og búast má við því að hún komi til með að berjast um toppsætið.

Þrír erlendir keppendur taka þátt, en þau eru öll frá Noregi, tveir karlmenn, Kristian Helleren og Jon Peter Ueland og ein kona Sandra Instefjord.

Í karlaflokki er Gísli Kristjánsson margfaldur íslandsmeistari sigurstranglegastur. En hann keppti á móti í Kaupmannahöfn síðustu helgi og hafnaði þar í fimmta sæti. Það verður spennandi að sjá hvort hann nái að bæta eigið Íslandsmet á morgun. Líklegt þykir að hann nái því markmiði áður en hann verður fimmtugur í ágúst.

Í fyrsta skipti í sögu lyftinga á Íslandi eru konur fleiri en karlar á lyftingamóti. Konurnar eru ellefu talsins en karlarnir sjö. Þetta er því merkisatburður í sögu lyftinga og er gaman að sjá hver þróun íþróttarinnar er hér á Íslandi.

Mótið verður haldið í húsakynnum LFR/CrossFit Reykjavík að Faxafeni 12 og hefst mótið klukkan 11. Aðgangur er ókeypis.

Frekari upplýsingar um mótið er að finna á netsíðu LSÍ:
https://lyftingar.wordpress.com/2014/01/21/timasedill-fyrir-rig-og-keppendalisti/

Ég leit við á landsliðsæfingu og tók nokkur myndbrot sem má sjá hér fyrir neðan.

Anna Hulda

Björk Óðinsdóttir

Lilja Lind

Jólamót LSÍ: Úrslit

Birt þann desember 16, 2013 af asgeirbj

Svara

Lyftingafélag Garðabæjar (LFG) og FH stóðu fyrir Jólamóti LSÍ Laugardaginn 14. Desember.

Mótið var haldið í húsakynnum LFG/Crossfit-XY Miðhrauni 2 í Garðabæ.

Veitt voru verðlaun fyrir stigahæstu einstaklingana í fullorðinsflokkum, unglingaflokkum sem og stigahæsta liðið.

Stigahæstu keppendurnir voru Anna Hulda Ólafsdóttir (LFR) með 226,8 stig og Árni Björn Kristjánsson (LFG) með 285,7 stig og unnu þau fullorðinsflokkana.

Stigahæstu keppendur í 20 ára og yngri flokkunum voru Emil Ragnar Ægisson (UMFN) með 247,4 stig og Auður Ása Maríasdóttir (LFG) með 172,1 stig.

Stigahæstu keppendur í 17 ára og yngri flokkunum voru Hilmar Örn Jónsson (FH) með 254,4 stig og Lilja Lind Helgadóttir (Ármann) með 191,2 stig.

Heildarúrslit má nálgast hér: https://www.dropbox.com/s/vsmxs5w70wum96m/urslit_jolamot_lsi.pdf

Stigahæsta liðið var liðið Team Sportstöðin með skorið 830, þeirri nýstárlegu aðferð var beitt

að skala upp stig kvennakeppenda með stuðlinum 1,34 til að jafna út Sinclair stigatöluna:

Davíð Björnsson (224)

Árni Freyr Bjarnason (257)X

Þuríður Erla Helgadóttir (289)X

Hjördís Ósk Óskarsdóttir (284)X

Önnur lið:

Team Kraftastöðin

Sigurður Hafsteinn Jónsson (261)

Kristbjörn Hilmir Kjartansson (232)

Daníel Róbertsson (267)

LFG 1

Gerður Sif Stefánsdóttir

Rakel Másdóttir

Auður Ása Maríasdóttir

Stefán Snær Stefánsson (C)

Sara Dögg

Sigurður Stefánsson

Jónas Stefánsson

LFG 2

Kolbrún Benediktsdóttir

Gunnhildur Georgsdóttir (C)

Þórdís Georgsdóttir

Unnar Helgason

Aldís Ösp Guðrúnardóttir

Baldvin Ásgeirsson

LFG 3

Andri Gunnarsson

Sólveig Sigurðardóttir (C)

Stefán Þór Sigtryggsson

Einar Jónsson

Arnfríður Kristín Arnardóttir

Vilborg Þórðardóttir

Svanhildur Vigfúsdóttir

LFG 4

Lilja Lind Helgadóttir

Árni Björn Kristjánsson

Hilmar Örn Jónsson (C)

Vignir Valgeirsson

Haukur Einarsson

Erla Sigurlaug

Guðmundur Sigurðsson gaf einnig hvatningarverðlaun fyrir „Bestu tæknina“ og hlutu Þuríður Erla Helgadóttir og Árni Freyr Bjarnason þá gripi.

Í kvennaflokki var háð hörð barátta um fyrstu þrjú sætin, Anna Hulda Ólafsdóttir byrjaði á því að tvíbæta íslandsmet sitt í snörun fyrst 73kg og þá 75kg. Þuríður Erla Helgadóttir átti góða tilraun á jöfnuna á því meti 73kg. Í jafnhendingunni lyfti Hjördís Ósk Óskarsdóttir nýju íslandsmeti 91kg í jafnhendingu en Anna Hulda svaraði því með lyfta 92kg í loka lyftunni. Hjördís Ósk lyfti 67kg í snörun og 91kg í jafnhendingu eða kílói meira en Þuríður Erla Helgadóttir (70+87)

en varð að láta undan í stigakeppninni þar sem hún vigtaðist 2kg þyngri inn í keppnina. Anna Hulda sýndi því magnaða frammistöðu enn og aftur á árinu með því að setja ný íslandsmet í öllum greinum og bæta samanlagðan árangur um 7kg.

Sólveig Sigurðardóttir úr LFG tvíbætti íslandsmet í stúlknaflokki (20 ára og yngri) í snörun fyrst 46kg og þá 48kg. Lilja Lind Helgadóttir ætlaði sér stóra hluti á mótinu eftir að hafa unnið norðurlandameistaratitil meyja (17 ára og yngri) í síðasta mánuði , hún missti 67kg í opnunarþyngd í snörun en kom vel til baka með jöfnun á íslandsmeti 70kg í annari tilraun. Hún fór síðan beint í 76kg sem var tilraun til nýs norðurlandamets í meyjaflokki en hafði það ekki, hún jafnhattaði síðan 85kg.

Í karlaflokkum stóð upp úr árangur Hilmars Arnar Jónssonar sem keppti undir merkjum FH en hann setti ný íslandsmet í öllum lyftum í 94kg flokki drengja (17 ára og yngri). Þetta var fyrsta lyftingamót Hilmars en hann er sleggjukastari á heimsmælikvarða í sínum aldursflokk, mikið efni þar á ferð.

Árni Björn Kristjánsson bætti persónulegan árangur í samanlögðu skori þegar hann lyfti 115kg í snörun og 146kg í jafnhendingu og dugði það honum í fyrsta sætið í karlaflokki. Ármenningarnir Daníel Róbertsson, Sigurður Hafsteinn Jónsson og Árni Freyr Bjarnason börðust um næstu sæti þar á eftir.

Aðstandendur mótsins vilja koma fram þökkum til allra þeirra sem lögðu hönd á plóginn við framkvæmd þessa móts; LFG/crossfit-XY fyrir húsakynni sem og fjölda sjálfboðaliða, stjórnarliða LSÍ sem störfuðu í dómgæslu og á ritaraborði sem og annarra sjálfboðaliða.

Dómarar mótsins voru:

Sigmundur Davíðsson

Lárus Páll Pálsson

Guðmundur Högni Hilmarsson

Guðmundur Helgason

Guðmundur Sigurðsson

Grímur Jónsson

Stefnir Snorrason

Ef einhver hefur tekið skemmtilegar myndir af mótinu má endilega benda á þær hérna í comment dálknum

Úrslit á Norðurlandameistaramóti á Akureyri 2013

Birt þann ágúst 21, 2013 af Lárus Páll

Svara

Norðurlandameistaramót í Ólympískum lyftingum var haldið á Akureyri þann 17. ágúst síðastliðinn.

Ísland vann í Liðakeppni Karla en Danmörk vann í Liðakeppni kvenna.

Keppendur fyrir Íslands hönd í karlaflokki voru Gísli Kristjánsson, Árni Björn Kristjánsson, Andri Gunnarsson, Árni Freyr Stefánsson, Róbert Eyþórsson, Hrannar Guðmundsson, Björgvin Karl Guðmundsson og Darri Már Magnússon.

Í kvennaflokki kepptu Svanhildur Vigfúsdóttir og Auður Ása Maríasdóttir.

Árangur Íslendingana var mjög góður og fékk Darri Már Magnússon gullverðlaun í -56 kg. fl. og setti þrjú ný íslandsmet í drengja og unglingaflokki. Hrannar Guðmundsson, átti í harðri keppni við Mikko Kuusto (FIN) í 77 kg. fl., en beið í lægri hlut á 100gr. þyndarmun á líkamsþyngd á keppnisdegi þar sem báðir lyftu 263 kg. í samanlögðu. Hrannar setti 3 ný Íslandsmet, 117 kg. í snörun, 146 kg. í janfhendingu og 263 kg. í samanlögðu eins og áður sagði. Róbert Eyþórsson hlaut silfurverðlaun í 69. kg. fl og Árni Björn Kristjánsson sömuleiðis í -105 kg. fl. en Árni Freyr Stefánsson lauk ekki keppni í þeim þyngdarflokki. Gísli Kristjánsson fékk bronsverðlaun í +105 kg. fl.. Svanhildur Vigfúsdóttir fékk bronsverðlaun -58 kg. fl. kvenna.

Per Hordnes (NOR) var stigahæstur karla yfir alla þyngdarflokka. Hann keppti í -94 kg. fl. og lyfti þar 143 kg í snörun og 180 kg í jafnhendingu og var með 323 kg. í samanlögðu.

Ruth Kasirye (NOR) var stigahæst kvenna yfir alla þyngdarflokka. Hún keppti í -63 kg. fl. og lyfti þar 96 kg í snörun og 117 kg í jafnhendingu og var með 213 kg. í samanlögðu.

Ármann var í öðru sæti í félagsliðakeppni karla en Norska félagið Tambarskjelvar IL sigraði. Danska félagið IK 99 sigraði í félagsliðakeppni kvenna en Ármann var þar í þriðja sæti.

Á Norðurlandameistaramótum er keppt í hinum hefðbundu 8 þyngdarflokkum hjá körlum en keppt er sérstaklega í 3 þyndarflokkum í stað hinna hefðbundna 7 þyngdarflokka hjá konum.

Eftirfarandi eru sigurvegarar í þyndarflokkum karla;

+105 kg. Ragnar Öhman (140/192/332)

-105 kg. Mikkel Andersen (145/165/310)

-94 kg. Per Hordnes (143/180/323)

-85 kg. Jarleif Amdal (135/160/329)

-77 kg. Mikko Kuusisto (115/148/263)

-69 kg. Jantsen Overas (108/127/235)

-62 kg. Arto Lahdekorpi (86/102/188)

-56 kg. Darri Már Magnússon (40/45/85)

Eftirfarandi eru sigurvegarar í kvennaflokkunum;

+ 69 kg. Madeleine Ahlner (70/94/164)

63-69 kg. Ruth Kasirye (96/117/213)

-63 kg. Christina Ejstrup (63/77/140)

Önnur úrslit mótsins má sjá á eftirfarandi skrá;

Nordic Senior 2013 Result 1 group

Nordic Senior 2013 Result 2 group

Nordic Senior 2013 Result 3 group

https://www.facebook.com/kraftlyftingafelag.akureyrar/photos_stream

http://www.sport.is/ithrottir/2013/08/19/hrikalega-tekid-a-thvi-a-akureyri-myndaveisla/

Anna Hulda með brons á Norðurlandamóti

Birt þann september 29, 2012 af Lárus Páll

Svara

This slideshow requires JavaScript.

Anna Hulda Ólafsdóttir með bronsverðlun fyrst íslenskra kvenna.

Laugardaginn 29. September s.l. fór fram Norðurlandamót fullorðinna í Ólympískum Lyftingum í Landskrona í Svíþjóð.

Anna Hulda Ólafsdóttir vann til bronsverðlauna í 58 kg. flokki fyrst íslenskra kvenna. Anna Hulda náði 56 kg. í Snörun og 80 kg. í Jafnhendingu sem er Íslandsmet í hennar þyngdarflokki.

Anna Hulda var með 179,50 sinclair stig og átti í hörku baráttu við Lindu Tham frá Svíþjóð sem kom óvænt inn á mótið. Linda Tham hafði náð 58 kg. í Snörun áður en Jafnhendingin byrjaði. Linda missti hinsvegar tvær fyrstu lyfturnar í Jafnhendingu en náði þó að lyfta byrjunarþyngd sem var 73 kg. Þá þurfti Anna Hulda að ná 80 kg. í Jafnhendingu til að ná Bronsinu. Okkar stúlka fór örugglega upp með 75 kg. og kláraði svo Jafnhendinguna með Íslandsmeti og þeim 80 kg. sem þurfti til að fá bronsið eftir virkilega spennandi og skemmtilega keppni.

Hérna má sjá úrslitin í Kvennaflokki

Hérna má sjá úrslitin í Karlaflokki

Af öðrum fréttum er það að segja að Ólympískar Lyftingar eru vaxandi íþrótt á Íslandi og hefur iðkendafjöldinn margfaldast á síðustu árum. Eftir því hefur verið tekið á Norðurlöndunum og þess vegna hefur verið ákveðið að Norðurlandamót fullorðinna í Ólympískum Lyftingum verði haldið á Íslandi á næsta ári. Þetta er mikill heiður fyrir Lyftingasamband Íslands og er vonast eftir því að sem flestir sjái sér fært að mæta og hvetja Íslendinga til dáða á heimavelli.

Haustmót LSÍ 2012 úrslitin

Birt þann september 24, 2012 af Lárus Páll

Svara

Laugardaginn 22. september fór fram Haustmót Lyftingasambands Íslands.

Sigurvegari í Karlaflokki var Sigurður B. Einarsson með 285,49 stig.

Sigurvegari í Kvennaflokki var Þuríður Erla Helgadóttir með 177,61 stig.

Lilja Lind Helgadóttir setti þrjú stúlknamet en hún er aðeins 16 ára gömul. Hún Snaraði 55 kg. og Jafnhenti 82 kg. og í Samanlögðu náði hún 137 kg. Lilja Lind mun keppa á Norðurlandamóti unglinga í lok október.

Sindri Pétur Ingimundarsson setti drengjamet í Jafnhendingu 105 kg. en hann er aðeins 17 ára gamall.

Myndir frá mótinu má sjá með því að smella hér.

Önnur úrslit má sjá hér að neðan;

Haustmót LSÍ 2012 úrslit kk

Haustmót 2012 úrslit kvk

Íslandsmeistaramót 2012

Birt þann maí 30, 2012 af Lárus Páll

Svara

Laugardaginn 24.3 fór fram Íslandsmeistaramótið í ólympískum lyftingum í Borgarnesi. Mikil gróska er í ástundun ólympískra lyftinga á Íslandi um þessar mundir og var mótið hið fjölmennasta í áraraðir. Margir ungir og efnilegir lyftingamenn þreyttu frumraun sína á mótinu og gefur frammistaða þeirra góð fyrirheit um framtíð Ólympískra lyftinga á Íslandi. Sérstaklega var ánægjulegt að sjá nýja og vel þjálfaða kynslóð lyftingakvenna, sem flestar hafa kynnst Ólympískum lyftingum í gegnum ástundun sína á Crossfit.

Besta árangri mótsins náðu þau Gísli Kristjánsson, sem hlaut 345 Sinclair stig, og Þuríður Erla Helgadóttir sem hlaut 185,0 Sinclair stig.
Fjölmörg Íslandsmet voru sett á mótinu, og fara þau hér á eftir:

Hrannar Guðmundsson, í 77 kg þyngdarflokkki, setti Íslandsmet í snörun (108kg), jafnhendingu (140kg) og samanlögðu (248kg).

Þuríður Erla Helgadóttir, í 58 kg þyngdarflokki, setti Íslandsmet í snörun (62 kg), jafnhendingu (77 kg) og samanlögðu (139 kg).

Sigurlaug Rúna Guðmundsdóttir, í 63kg þyngdarflokki, setti Íslandsmet í snörun (54kg), jafnhendingu (71kg), og samanlögðu (125kg).

Katrín Tanja Davíðsdóttir, 18 ára, lyfti 70 kg í snörun, og bætti þar með Íslandsmet Anníe Mist Þórisdóttur um 2 kg. Hún setti jafnframt met í flokki 20 ára og yngri í snörun (70 kg), jafnhendingu (85kg) og samanlögðu (155 kg). Hún keppti í 69kg þyngdarflokki.

Lilja Lind Helgadóttir, 15 ára, setti stúlknamet í snörun (50kg), jafnhendingu (70 kg) og samanlögðu (120 kg). Hún keppti í 69 kg þyngdarflokki.

Guðmundur Högni Hilmarsson, 15 ára, setti drengjamet í í snörun (90kg), jafnhendingu (112 kg) og samanlögðu (202 kg). Hann keppti í 85kg þyngdarflokki.