Árdís Grétarsdóttir endaði í 3. sæti í -64kg flokki 50-54 ára kvenna eftir harða keppni og æsispennandi tilraunir við bætingar á Evrópumeti sem hún setti í fyrstu jafnhendingu.
Hún opnaði með öruggri 50kg snörun, þyngdi því næst í 54kg sem fóru upp og endaði snörunina á að reyna við 56kg sem hún var hársbreidd frá að ná, en náði ekki að skella olnbogunum beint í lás og missti stöngina. Hún var í 3. sæti eftir snörunina.
Í jafnhendingu byrjaði hún á 70kg lyftu, sem var Evrópumet í hennar flokki. Það stóð þó ekki lengi þar sem Mette Jespen frá Danmörku reyndi að bæta það í sinni fyrstu lyftu með 72kg tilraun sem ekki fór upp, en tók það svo í 2. tilraun. Okkar kona reyndi þá við 74kg en náði því miður ekki að halda lásnum og missti þá lyftu. Hún hækkaði þá í 75kg sem vildu ekki upp í dag. Mette tók svo þá þyngd og setti með því Evrópumet bæði í jafnhendingu og samanlögðu. Norðurlöndin deildu svo verðlaunapallinum, Ísland í 3. Sæti, Svíþóð í 2. Sæti og Danmörk í því 1.
Glæsilegur árangur hjá Árdísi á hennar fyrsta stórmóti og aðeins öðru móti hennar í Ólympískum lyftingum.
Helga Hlín Hákonardóttir sigraði á Evrópumeistaramóti Masters í -59kg flokki 50-54 ára nokkuð örugglega með 121kg í samanlögðu. 14 kílóum betri samanlögð þyngd en spænski keppinautur hennar sem hafnaði í öðru sæti. Hún hóf keppni síðust allra í sínum hópi, þegar allir aðrir keppendur höfðu lokið keppni. Hún opnaði með 51kg snörun sem vildi ekki alveg upp. Hún tók svo 51kg alla leið í annarri tilraun. Í þriðju tilraun reyndi hún við 55kg sem ekki vildu upp í dag.
Í jafnhendingu lyfti hún einnig síðust eftir að allir aðrir keppendur höfðu lokið keppni. 65kg á stöngina sem fóru örugglega upp og Evrópumeistaratitillinn í höfn. Í annarri lyftu fóru 70kg upp og að lokum reyndi hún við 73kg sem ekki vildu upp í dag.
Helga Hlín Hákonardóttir keppir 15. maí kl. 11:00 að Íslenskum tíma. Árdís Grétarsdóttir keppir 15. maí kl. 12:45 að Íslenskum tíma. Hrund Scheving keppir 16. Maí kl. 11:45 að Íslenskum tíma.
Helga Hlín Hákonardóttir keppir í -59 kg þyngdarflokki, 50-55 ára. Helga Hlín er 51 árs lögfræðingur sem byrjaði að æfa CrossFit árið 2009 og hefur nokkrum sinnum keppt í CrossFit á Íslandi og erlendis.
Á árunum 2013-2018 var hún meira og minna frá æfingum og keppni vegna brjósklosa í baki. Árið 2019 færði hún sig svo alfarið yfir í Ólympískar lyftingar. Árangurinn lét ekki á sér standa og varð Helga Hlín Evrópumeistari í sínum flokki árið 2020. Hún þakkar ekki síst lyftingunum ótrúlegan bata sem hún hefur náð undir dyggri leiðsögn eiginmanns síns Unnars Helgasonar Osteópata og þjálfara.
Helga Hlín hefur keppt á nokkrum heims-, Evrópu- og Íslandsmótum og einu móti í Svíþjóð þegar hún var búsett þar. Síðasta mót sem hún tók þátt í var heimsmeistaramótið 2022 sem haldið var í Flórída. Þar vann Helga Hlín til silfurverðlauna. Helga Hlín er jafnframt formaður Lyftingasambands Íslands og er hún fyrsta konan til að gegna því embætti á Íslandi.
Árdís Grétarsdóttir keppir í – 64 kg þyngdarflokki, 50 – 55 ára kvenna.
Árdís er 51 árs leikskólakennari og L1 Crossfit þjálfari og er að keppa á sínu fyrsta stórmóti í Ólympískum lyftingum. Hún byrjaði í Crossfit árið 2012 og hefur stundað það af miklum krafti síðan og meðal annars orðið Íslandsmeistari í sínum flokki í nokkrum sinnum.
Í janúar á þessu ári ákvað hún að snúa sér alfarið að ólympískum lyftingum með það að markmiði að ávinna sér þátttökurétt á Evrópumóti í masters flokki 2023. Það tókst og setti Árdís meðal annars 4 Íslandsmet á Íslandsmeistaramóti 2023. Hún keppir nú í fyrsta sinn á lyftingamóti erlendis fyrir Íslands hönd.
Hrund Scheving sem einnig keppir á Evrópumótinu hefur leiðbeint og þjálfað Árdísi sem veit fátt skemmtilegra en að lyfta stöng í góðum félagsskap.
Hrund Scheving keppir í -71 kg þyngdarflokki, 45-50 ára.
Hrund er 45 ára lærður lýðheilsufræðingur. Hún starfar sem Crossfit þjálfari hjá Crossfit Sport, vinnur sem viðburðastjóri hjá Eventum og aðstoðar við rekstur á fjölskyldu veitingastaðnum Gamla fjósinu.
Hrund æfði fimleika á sínum yngri árum í Vestmannaeyjum og handbolta á unglingsárum.
Árið 2007 fór hún að æfa crossfit og hefur meðal annars keppt fjórum sinnum á regional (evrópumótinu í crossfit). Árið 2017 fór hún að leggja meiri áherslu á Ólympískar lyftingar. Árið 2018 varð hún bæði evrópu og heimsmeistari í sínum þyngdar- og aldurs flokki og sló þrjú 18 ára gömul heimsmet sem enn standa þar sem þyndarflokkunum var breytt árið á eftir og enginn möguleiki að slá þau út. Hún stefnir að sjálfsögðu á fleiri heimsmet á þessu móti.
Hrund er sannur íþróttaþróttaálfur og sá fyrst á Íslandi en leikritið Latibær var fyrst sett upp af Leikfélagi Vestmannaeyja árið 1996 og lék Hrund þar íþróttaálfinn.
Lyftingasamband Íslands mun standa fyrir landsliðsæfingum fyrir það íþróttafólk sitt sem hefur náð lágmörkum inn á alþjóðleg mót þ.m.t. Norðurlandamót. Við gerum okkur grein fyrir stuttum fyrirvara fyrir fyrstu æfingu og biðjumst velvirðingar á því, en vonum að þetta komi skemmtilegu starfi af stað og skapi samstöðu og metnað á meðal íþróttafólksins okkar. Æfingarnar fara fram í Miðgarði, nýrri aðstöðu Stjörnunar á laugardagsmorgnum stundvíslega frá 9:00 til 11:00. Það er mikilvægt að mæta 8:45 og vera tilbúinn að hefja æfingu kl. 9:00 á eftirfarandi dagsetningum:
13.maí 10.jun 1.júlí 26.ágúst 16.sep 21.okt Nóvember – ath v. smáþjóðaleika og Junior Worlds 2.des
Meðfylgjandi er listi yfir það íþróttafólk sem náð hefur lágmörkum og biðjum við íþróttafólk sem hefur áhuga á að taka þátt í æfingunum og starfi landsliðsins að hafa samband við sitt félag og skrá sig til þátttöku.
KK Senior 1 Brynjar Logi Halldórsson 2 Emil Ragnar Ægisson 3 Gerald Brimir Einarsson 4 Arnór Gauti Haraldsson 5 Birkir Örn Jónsson 6 Alex Daði Reynisson 7 Sigurður Darri Rafnsson 8 Árni Rúnar Baldursson 9 Bjarki Breiðfjörð 10 Daníel Róbertsson 11 Ingimar Jónsson 12 Kári Einarsson KK U23 1 Brynjar Logi Halldórsson KK U20 1 Bjarki Breiðfjörð 2 Brynjar Ari Magnússon 3 Ari Tómas Hjálmarsson 4 Viktor Jónsson 5 Þórbergur Ernir Hlynsson 6 Bjarni Leifs Kjartansson 7 Tindur Eliasen 8 Eyjólfur Andri Björnsson
Íslandsmeistaramót U15, U17, U20, U23 í Ólympískum lyftingum verður haldið af Lyftingafélagi Reykjavíkur í húsnæði Crossfit Reykjavík, laugardaginn 20. maí 2023
Opnað hefur verið fyrir skráningu. Skráningu lýkur 6. maí 2023 Sú nýbreytni var ákveðin af stjórn LSÍ að bæta aldurshópnum U23 inn í þetta mót í samræmi við mót Evrópska lyftingasambandsins. Vert er að taka það fram að 23. maí er lokafrestur til þess að ná lágmörkum á Evrópumeistaramót U20 og U23 sem fram fer í Bucarest, Rúmeníu 24. júlí – 3. ágúst.
Það er virkilega gaman að segja frá því að keppendur okkar á Evrópumeistaramótinu fengu verðskuldaða athygli í fjölmiðlum eftir frábæra framistöðu á EM
Atli Steinn Guðmundsson hjá mbl tók viðtal við þær báðar í sitthvoru lagi beint eftir keppni eins og sjá má hér. Viðtal við Þurí
Eins langar mig að þakka Isaac J. Morillas Photography sérstaklega fyrir. Hann skaffaði allt myndefni í þessar fréttir hratt og örugglega. Það er einfaldlega frábært að vinna með honum.
Í dag keppti Eygló Fanndal Sturludóttir á Senior Evrópumeistaramóti í ólympískum lyftingum í Yerevan í Armeníu. Hún keppti í -71kg flokki. 22 keppendur voru skráðir til leiks en einungis 20 hófu keppni í tveimur hópum.
2023 EWF EWC YEREVAN, ARMENIA Mynd: Isaac Morillas Sanchez
Eygló náði 6. sæti í samanlögðum árangri ásamt 8. sæti í snörun og 6. sæti í jafnhendingu.
Mynd: Erna Héðinsdóttir
Eygló hóf keppni í dag með 93kg snörun sem fór nokkuð örugglega upp, í annarri tilraun tók hún fallega 96kg snörun og síðan var hækkað í 99kg sem ekki vildu upp í dag. Þetta skilaði henni 8. sæti í snörun.
2023 EWF EWC YEREVAN, ARMENIA Mynd: Isaac Morillas Sanchez
Eygló átti best 97kg í snörun á móti frá haustmótinu í september 2022 og endurtók það á EM U23 þegar hún varð Evrópumeistari í október síðastliðnum og er þetta því aðeins einu kílói undir hennar besta besta árangri í snörun.
2023 EWF EWC YEREVAN, ARMENIA Mynd: Isaac Morillas Sanchez
Í jafnhendingu opnaði Eygló með 116kg. Eitthvað sá miðjudómarinn athugavert og gaf henni rautt, en hinir tveir dómarar hvítt og kviðdómur lét kyrrt liggja svo sú lyfta var gild. Þá var hækkað í 119kg sem fór örugglega upp. Í lokatilraun lyfti hún svo 121kg sem er Íslandsmet í jafnhendingu og með því jafnaði hún einnig samanlagðan árangur sinn, 217kg í samanlagðri þyngd. Eygló gerði þá lyftu spennandi fyrir keppendur þar sem örlitið ójafnvægi var að stríða henni eftir jerkið svo hún dansaði og snerist með stöngina, en lyftan gild og Íslandsmet tekið heim frá Armeníu.
Besti árangur Eyglóar fyrir mótið var 120kg jafnhending sem hún náði á Evrópumeistaramóti U23 í oktober í fyrra og einnig samanlögðum 217kg.
Alls hófu 20 keppendur í hennar flokki keppni í dag í tveimur hópum. Eygló keppti í A hóp en í honum eru samtals 10 keppendur. Með henni í hóp voru stórstjörnur á borð við Loredana Elena Toma frá Rúmeníu, en fyrir keppni í dag var hún með besta árangur á ranking lista ólympíusambandsins. En 10 efstu konur á honum í hverjum þyngdarflokki ávinna sér rétt til keppni á næstu Ólympíuleikum. Einnig voru Giulia Miserendino frá Ítalíu sem situr í 7. sæti á ranking listanum fyrir keppni og Sarah Davis frá Bretlandi sem var í 15. sæti með Eygló á keppnis pallinum í dag. Hún var því þarna á meðal stórstjarna, enda stórstjarna sjálf og þetta mót mikilvægur þáttur í að eiga möguleika á að komast á Ólympíuleikana í París 2024.
Loredana Elena Toma sigraði flokkinn nokkuð örugglega með 240kg samanlagðan árangur 110kg í snörun og 130kg í jafnhendingu, en það var 10 kg betri árangur en hjá Giulia Miserendino frá Ítalíu sem varð í öðru sæti. Í þriðja sæti var svo Sarah Davis frá Bretlandi sem var með 226kg samanlagt.
2023 EWF EWC YEREVAN, ARMENIA Mynd: Isaac Morillas Sanchez2023 EWF EWC YEREVAN, ARMENIA Mynd: Isaac Morillas Sanchez
Í dag keppti Þuríður Erla Helgadóttir á Senior Evrópumeistaramóti í Yerevan í Armeníu. Hún keppti í -59kg flokki ásamt 22 öðrum keppendum og hafnaði í 13. sæti í samanlögðum árangri, en 14. sæti bæði í snörun og jafnhendingu.
2023 EWF EWC YEREVAN, ARMENIA Mynd: Isaac Morillas Sanchez
Hún keppti í B-hóp og átti fyrstu lyftu hópsins þegar hún opnaði með 79 kg snörun. Í annarri tilraun lyfti hún 82 kg og reyndi svo í 3. tilraun við 84 kg sem fóru upp, en hún missti svo því miður aftur fyrir sig. Niðurstaðan varð 4. sætið í B hóp í snörun og 14. sætið í heildina.
2023 EWF EWC YEREVAN, ARMENIA Mynd: Isaac Morillas Sanchez
Í jafnhendingu opnaði Þuríður með 100 kg, tók 102 kg í annarri tilraun sem hún fékk dæmda ógilda. Ingi Gunnar, þjálfari dró þá upp “challenge card” en kviðdómur hélt sig við að lyftan væri ógild eftir að hafa skoðað upptökur. Þuríður lét þetta ekki á sig fá, bætti 2 kg til viðbótar á stöngina og tók 104 kg í síðustu tilraun mjög örugglega og var það í raun besta lyftan hennar í jafnhendingu. Niðurstaðan því 4. sætið í B-hóp og 14. sætið í heild í jafnhendingu.
2023 EWF EWC YEREVAN, ARMENIA Mynd: Isaac Morillas Sanchez
Í samanlögðum árangri lyfti hún 186 kg og hafnaði í 13. sæti í flokknum í heild.
Dagskrá Evrópumeistaramótsins í Yerevan, Armeníu má finna á heimasíðu Evrópska lyftingasambandsins undir “Start book”. 318 keppendur taka þátt í mótinu að þessu sinni frá 40 löndum. 172 konur og 146 karlar.
Þuríður Erla Helgadóttir keppir þann 17.apríl kl. 14:00 á Armönskum / 10:00 á Íslenskum tíma í -59kg flokki. Alls eru 23 keppendur í flokknum í þremur keppnishópum og keppir Þuríður Erla í B hóp ásamt 6 öðrum, 11 eru í A hóp og 5 í C hóp.
Eygló Fanndal Sturludóttir keppir þann 19. apríl kl. 17:30 á Armönskum / 13:30 á Íslenskum tíma í -71kg flokki. Alls eru 22 keppendur í hennar flokki í tveimur hópum. Eygló keppir í A hóp en í honum eru samtals 10 keppendur. Með henni í hóp eru stórstjörnur á borð við Loredana Elena Toma frá Rúmeníu, Giulia Miserendino frá Ítalíu og Sarah Davis frá Bretlandi. Í B hópunum eru svo 12 keppendur kl. 11:30 á Armönskum / 7:30 á Íslenskum tíma þann 19. apríl.
Lyftingasamband Íslands 