Greinasafn eftir: Elísabet Sóley

9 íslandsmet slegin í dag og 5 keppendur á verðlaunapalli

Birt þann af
Svara

Sjö keppendur tóku þátt í Norðurlandameistara móti í Ólympískum lyftingum í Vigerstad í Noregi, sem var að ljúka fyrir stundu.

Árangur íslensku keppandanna var mjög góður, en Anna Hulda Ólafsdóttir gerði sér lítið fyrir og sigraði í 58 kg. flokki.  Önnu tókst að bæta íslandsmet 6 sinnum á mótinu en hún endaði með  76 kg í snörun,  90 kg í jafnhendingu og 165 kg í samanlögðu sem allt eru íslandsmet.

Katrín Tanja Davíðsdóttir keppti í 69 kg flokki ásamt Ragnheiði Söru Sigmundsdóttur.  Katrín Tanja tók 81 kg í snörun, en átti erfitt uppdráttar í jafnhendingunni til að byrja með. Henni tókst að stimpla sig inn í þriðju tilraun með 88 kg og þar með tryggja sér silfur.  Ragnheiður Sara tók 74 kg í snörun og 94 kg í jafnhendingu. Hún gerði tilraun til að bæta íslandsmetið með 96 kg lyftu en rétt missti hana. Ragnheiður Sara fékk brons.

Björk Óðinsdóttir tók brons í sínum flokki, en hún þríbætti íslandsmet í jafnhendingu og samanlögðu. Björk tók 70 kg í snörun og 102 kg í jafnhendingu.  Hún er fyrst íslenskra kvenna til þess að jafnhenda meira en 100 kg. Hún tók 100 kg í annarri lyftu og 102 kg í þeirri þriðju, eða 172kg í samanlögðu.

Gísli Kristjánsson átti gott mót, en hann var í ansi sterkum riðli og var spennan rafmögnuð undir lokin.  Gísli vann snörunina með 145 kg lyftu, hann tók svo 160 kg í jafnhendingu.  Hann gerði tilraun við 165 kg sem hefði tryggt honum silfur en það tókst ekki í þetta sinn.  Gísli endaði því með brons um hálsinn.

Þuríður Erla Helgadóttir tók 73 kg í snörun og 90 kg í jafnhendingu sem tryggði henni fjórða sæti.

Björgvin Karl keppti í 85kg flokki sem var ansi sterkur. Björgvin tók 116kg í snörun og 141 í jafnhendingu.

LSÍ hefur ekki sent svona stóran hóp út á mót erlendis áður.  En með mikilli sókn lyftinga á Íslandi eru íslenskir lyftarar orðnir ansi sterkir á heimsvísu.  Árni Björn Kristjánsson núverandi landsliðsþjálfari stóð sig frábærlega í dag ásamt aðstoðarkonu hans Elísabetu Sóley.  Lárus Páll var Lyftingasambandinu til sóma, en hann dæmdi á mótinu.

2014-05-31 18.27.59

Anna Hulda Norðulandameistari og Björk jafnhenti 102kg

Birt þann af
Svara

Anna Hulda Ólafsdóttir, Björk Óðinsdóttir og Þuríður Erla Helgadóttir voru að ljúka keppni.

Anna Hulda er Norðulandameistari í 58kg flokki. Einnig sex bætti hún íslandsmetið í sínum flokki.

Björk hafnaði í þriðja sæti og er fyrsta íslenska konan sem tekur yfir 100kg í c&j, en hún tók 102kg. Hún þrí bætti íslandsmetið í sínum flokki.

Þuríður Erla hafnaði í fjórða sæti eftir mjög harða keppni

LSÍ óskar stelpunum til hamingju

Bein útsending á Norðulandameistaramótinu í ólympískum lyftingum

Birt þann af
Svara

http://youtu.be/DRselUxeHsk hér getið þið horft á mótið í dag. Hørð barátta verður í kvennaflokkunum, en allar íslensku stelpurnar munu berjast um verðlaunasæti.

Gísli mun keppa í -105kg flokknum, en þar verður ansi hørð keppni.  Bjørgvin Karl keppir í 85kg flokki og er sama um að vera þar, hørð barátta. Keppnin hefst klukkan 8.00 á íslenskum tíma

Ísland fékk silfur á Smáþjóðaleikunum í San Marino

Birt þann af
Svara

Eins og við greindum frá í gær hér á síðu LSÍ, tók Ísland þátt í Smáþjóðaleikunum í San Marino í dag.  Strákarnir stóðu sig vel og háðu mikla baráttu við Kýpur. Strákarnir enduðu í öðru sæti með 948,54 sinclair stig á eftir Kýpur sem voru með 989,37.  Bronsið fékk svo Malta með 813,95 stig.

smáþjóða

Andri kom sá og sigraði og bætti sitt persónulega met, auk þess að sigra gamla refinn okkar Gísla Kristjánsson. Andri tók 143kg í snörun og 170kg í jafnhendingu.  Gísli átti ekki góðan dag, en hann tók 150/170 á Íslandsmeistaramótinu síðustu helgi og er líklegt að þreyta hafi haft þau áhrif að hann sýndi ekki sitt besta, en skilaði samt sínu, snaraði 140kg og tók 160kg í jafnhendingu.

Sigurður Bjarki setti Íslandsmet í sínum flokki í snörun þegar hann snaraði 120kg, hann tók svo 145kg í jafnhendingu sem var nýtt íslandsmet í samanlögðum árangri 265kg í 94kg flokki karla.

Árni átti gott mót og bætti sinn eigin árangur síðan á Íslandsmeistaramótinu síðustu helgi um 10 kg. Árni tók 116kg í snörun og 144kg í jafnhendingu.

Andri Gunnarsson náði þeim frábæra árangri að ná þriðja sætinu í heildarkeppninni og Gísli því fimmta.

Andri smáþjóða

 

Bikar Andra fyrir þriðja sætið 

 

Lyftingasamband Íslands óskar strákunum til hamingju með góðan árangur, gullið verður bara tekið að ári 😉

 

Íslandsmeistaramótið í lyftingum sýnt á RÚV

Birt þann af
Svara

Í dag laugardag 26. apríl, klukkan 15:45-17:25 verður sýnt frá Íslandsmeistaramótinu í Ólympískum lyftingum sem haldið var fyrir viku síðan, eða laugardaginn 19. apríl.

Það eru gleðitíðindi að fjölmiðlar séu farnir að fjalla um og sýna frá lyftingum aftur. Enda margir sem sakna þess tíma þegar fjölskyldan settist fyrir framan sjónvarpið og horfði á lyftingar. Það er því kjörið tækifæri í dag.

Við þökkum LFR, Sportlíf, FiskSpa, ERGO, Múrlínunni, Hámark, Sportvörum og Velmerkt fyrir að styrkja mótið og gera okkur kleift að greiða fyrir upptöku Sport TV í keppninni. Við þökkum svo RÚV fyrir að sýna Íslandsmeistaramótið og vekja þannig athygli á þessari ör vaxandi íþrótt.

Hægt er að sjá uptökuna af íslandsmótinu í sarpinum hjá RÚV: http://ruv.is/sarpurinn/islandsmotid-i-olympiskum-lyftingu/26042014-0

Íslendingar taka þátt í Smáþjóðaleikunum í San Marínó

Birt þann af
Svara

Lyftingasamband Íslands er þessa daganna að setja upp afreksstefnu. Samhliða því hefur Árni Björn Kristjánsson tekið að sér landsliðsþjálfarastöðu að minnsta kosti út árið 2014.

Landsliðsþjálfari
Árni Björn hefur bæði þjálfað og keppt í Ólympískum lyftingum, meðal annars keppti hann á Norðulandameistaramótinu í fyrra. Árni Björn hefur íþrótta og þjálfarabakgrunn.  Hann bæði æfði og þjálfaði í tennis. Fór svo að æfa CrossFit 2009 og Ólympískar lyftingar 2011.  Hann er yfirþjálfari hjá Lyftingafélagi Garðabæjar og þjálfar einnig hjá crossfit XY.  Árni Björn hefur einstaklega mikinn áhuga á framtíð lyftinga á Íslandi og tekur þetta verkefni að sér af heilum hug.

522604_10151374629025407_2020487410_nÁrni Björn Kristjánsson ásamt unnustu sinni Guðrúnu Ósk Maríasdóttir

Æfingabúðir LSÍ

Á dögunum bauð LSÍ uppá æfingabúðir.  Þær voru haldnar í húsakynnum Sporthús Reykjanesbæjar.  Dagurinn heppnaðist frábærlega og var mætingin góð.  Boðið var uppá tvær æfingar, fyrir og eftir hádegismat.  Eftir hádegismat var fræðslufundur áður en haldið var í næstu æfingu. Þar sem þetta heppnaðist vel er fyrirhugað að halda fleiri svona æfingabúðir á árinu.

2014-03-29 11.03.56Landsliðshópur á fyrri æfingu ásamt stjórnarmeðlimum LSÍ
(Vantar Andra Gunnarsson og Guðmund Högni á myndina)

Smáþjóðaleikar í Ólympískum Lyftingum í San Marínó

Í gær fóru fjórir karlmenn úr landsliðshópnum til San Marínó að keppa á Smáþjóðaleikunum í Ólympískum Lyftingum.  Þetta eru þeir Gísli Kristjánsson, Sigurður Bjarki Einarsson, Andri Gunnarsson og Árni Björn Kristjánsson. Árni er einnig þjálfari og farastjóri í hópnum.  Mótið er liðakeppni fyrir smáþjóðir og telja efstu þrír til stiga.  Þetta eru öflugir lyftingamenn og verður spennandi að sjá hvort þeir standi við orð sín og komi með gullið heim.

Þeir munu allir keppa á morgun laugardag klukka 11.00 að staðartíma eða 9.00 á Íslenskum tíma.  Ekki er vitað til þess að sýnt verði beint frá mótinu, en ef svo verður munum við láta vita á Facebook síðu okkar.

San Marino

„Þröngt mega sáttir sitja“ Gísli, Andri og Árni.

San Marino 1

Siggi Bjarki og Gísli Kristjáns komnir til San Marino í gærkveldi

 

Nýafstaðið dómaranámskeið

Birt þann af
Svara

Um helgina stóð yfir dómaranámskeið á vegum Lyftingasambands Íslands.

Kennari var Per Mattingsdal.  Per er einn virtustu dómurum IWF, en hann hefur dæmt á fjölmörgum Evrópumeistaramótum, Heimsmeistaramótum og einnig á Ólympíluleikum í Ólympískum lyftingum síðan árið 1984.

Alls sóttu 10 manns námskeiðið og stóðu það öll með sóma.  Við viljum óska nýútskrifuðum dómurum í Ólympískum lyftingum innilega til hamingju.

dómara2

Nemendur ásamt Per fyrir utan Íþróttamiðstöðina í Laugardal

Eftirfarandi dómarar úskrifuðust um helgina

Ásgeir Bjarnason
Bjarki Garðarsson
Einar Þór Ísfjörð
Elísabet Sóley Stefánsdóttir
Erna Héðinsdóttir
Guðrún S. Sigurgrímsdóttir
Harpa Katrín Halldórsdóttir
Ingi Gunnar Ólafsson
Ingunn T. Ásgeirsdóttir
Róbert Eyþórsson

dómara dómara1

Ný félög innan LSÍ

Birt þann af
Svara

Samhliða fjölgun iðkanda í Ólympískum lyftingum síðustu ár hefur félögunum fjölgað jafnt og þétt. Núna nýlega bættust við þrjú ný félög sem voru samþykkt innan Lyftingasambands Íslands. Þau eru;  Lyftingafélag Garðabæjar (LFG), Lyftingafélag Kópavogs (LFK) og KF Víkingur.  Núna eru félögin því orðin tíu innan LSÍ sem er gleðitíðindi fyrir íþróttina. Þessi félög eru með frábært starf.  Ef þú hefur áhuga á því að æfa lyftingar, eða kynna þér starfið frekar er um að gera að hafa samband. Lyftingadeild ÍR er eins og er ekki með starfsemi.

Lyftingafélög innan LSÍ

Lyftingafélag Reykjavíkur (LFR) –  Heimasíða
Lyftingafélag Garðabæjar (LFG) – Heimasíða
Lyftingafélag Kópavogs (LFK)
Kraftlyftinga/lyftingafélag Akureyrar (KFA) – Heimasíða
KF Víkingur (Ísafjörður)
Lyftingadeild Ármanns – Heimasíða
Lyftingadeild FH – Heimasíða
Ungmennafélag Njarðvíkur – Heimasíða
Ungmennafélagið Skallagrímur (Borganes) – Heimasíða
Lyftingadeild ÍR (Liggur niðri eins og er)

Annie Mist aftur á lyftingapallinn

Birt þann af
Svara

Mikill gróska hefur verið í ólympískum lyftingum og hafa konur blómstrað í íþróttinnni. Lilja Lind vann norðurlandameistaratitil unglinga og var nálægt því að bæta norðurlandametið í sínum aldursflokki á síðasta ári. Katrín Tanja var einnig í baráttu um gullið á síðasta norðurlandamóti, en hafnaði í öðru sæti.

Reikjavíkurleikarnir standa nú sem hæðst og mun mótið í Ólympískum lyftingum vera glæsilegt í ár.  18 keppendur eru skráðir til leiks, en gefin voru út lágmörk svo það eru bara þau bestu sem fá að keppa.  Meðal keppanda er Annie Mist fyrrum heimsmeistari í CrossFit, Anna Hulda lyftingakona ársins, Lilja Lind Norðulandameistari unglinga og Katrín Tanja sem rétt missti af Norðulandameistartitli á síðasta ári ásamt fleiri efnilegum keppendum í kvennaflokki. Þrjár konur fengu „Wildcard“, ein af þeim er Björk Óðinsdóttir, hún býr í Svíþjóð og er ein af efnilegustu crossfiturum íslendinga. Björk hefur sýnt frábæra tilburði í lyftingum og búast má við því að hún komi til með að berjast um toppsætið.

Þrír erlendir keppendur taka þátt, en þau eru öll frá Noregi, tveir karlmenn, Kristian Helleren og Jon Peter Ueland og  ein kona Sandra Instefjord.

Í karlaflokki er Gísli Kristjánsson margfaldur íslandsmeistari sigurstranglegastur.  En hann keppti á móti í Kaupmannahöfn síðustu helgi og hafnaði þar í fimmta sæti.  Það verður spennandi að sjá hvort hann nái að bæta eigið Íslandsmet á morgun.  Líklegt þykir að hann nái því markmiði áður en hann verður fimmtugur í ágúst.

Í fyrsta skipti í sögu lyftinga á Íslandi eru konur fleiri en karlar á lyftingamóti.  Konurnar eru ellefu talsins en karlarnir sjö.  Þetta er því merkisatburður í sögu lyftinga og er gaman að sjá hver þróun íþróttarinnar er hér á Íslandi.

Mótið verður haldið í húsakynnum LFR/CrossFit Reykjavík að Faxafeni 12 og hefst mótið klukkan 11.  Aðgangur er ókeypis.

Frekari upplýsingar um mótið er að finna á netsíðu LSÍ:
https://lyftingar.wordpress.com/2014/01/21/timasedill-fyrir-rig-og-keppendalisti/

Ég leit við á landsliðsæfingu og tók nokkur myndbrot sem má sjá hér fyrir neðan.

Anna Hulda

Björk Óðinsdóttir

Lilja Lind

Lyftingamaður og lyftingakona ársins!

Birt þann af
Svara

Lyftingasamband Íslands hefur valið lyftingamann og lyftingakonu ársins og hljóta titilinn þetta árið likt og í fyrra Gísli Kristjánsson og Anna Hulda Ólafsdóttir sem bæði keppa undir merkjum Lyftingafélags Reykjavíkur (LFR).

Gísli Kristjánsson

Gísli Kristjánsson er einn reyndasti og farsælasti lyftingarmaður Íslands um þessar mundir. Hann er margfaldur Íslandsmeistari og hefur á sínum ferli keppt víða um heim og hefur meðal annars orðið Norðurlandameistari árið 2001. Gísli er 49 ára og sýnir það vel hversu lengi er hægt að endast í íþróttinni á afreksstigi. Hann á heilmikið eftir og stefnir á mót erlendis á næsta ári. Á árinu 2013 keppti Gísli á 3 mótum; Reykjavík International Games (RIG), Íslandsmótinu í ólympískum lyftingum og norðurlandamótinu í ólympískum lyftingum. Gísli fékk silfur verðlaun í heildarstigakeppni á RIG, gull verðlaun á Íslandsmótinu og brons verðlaun í +105kg flokki á norðurlandamótinu. Besti árangur Gísla á árinu var 150kg í snörun og 175kg í jafnhendingu eða 325kg samtals, þetta gefur honum 348,22 Sinclair stig skv. stigatöflu. Á viðmiðunarlista alþjóðalyftingasambandsins (IWF) er Gísli í 67-69. sæti á heimslista í +105kg flokki.

Gísli Kristján

Anna Hulda Ólafsdóttir

Anna Hulda hefur æft ólympískar lyftingar í rúm 2 ár og er nú valin annað árið í röð lyftingakona ársins. Anna Hulda hélt uppteknum hætti frá fyrra ári og er stigahæsta konan sem keppti í ólympískum lyftingum árið 2013. Hún keppti á alls þremur mótum á árinu; Reykjavik International Games (RIG), Íslandsmótinu í ólympískum lyftingum og á sumarmóti LSÍ. Hún sigraði öll þessi mót og setti alls 8 Íslandsmet. Besti árangur hennar var í 58kg flokki á RIG; 68kg í snörun, 86kg í jafnhendingu samanlagt 154kg sem gefa henni 217,9 Sinclair stig. Í 63kg flokki náði hún bestum árangri á sumarmóti LSÍ; 70kg í snörun, 90kg í jafnhendingu samanlagt 160kg sem gefa henna 214,69 Sinclair stig. Á viðmiðunarlista alþjóðalyftingasambandsins er Anna Hulda í 104-105. sæti á heimslista í 58kg flokki og 89-91. sæti í 63kg flokki. Anna Hulda keppti einnig á Evrópuleikunum og Heimsleikunum í CrossFIT. Hún hefur einnig starfað sem varaformaður lyftingasambands íslands fyrir árið 2013 og þakkar sambandið henni vel unnin störf.

Anna Hulda

Árið hefur verið  viðburðarríkt hjá lyftingasambandinu sem fagnaði 40 ára starfsafmæli. Það hélt meðal annars Norðurlandamót á Akureyri í fyrsta sinn í 20 ár í samstarfi við KFA þar sem Ísland eignaðist einn gullverðlaunahafa í 56kg flokki (Darri Már Magnússon) og einnig vann karlaliðið gullverðlaun í liðakeppni. Ísland eignaðist líka Norðurlandameistara unglinga yngri en 17 ára í kvennaflokki á norðurlandamóti unglinga í Danmörku (Lilja Lind Helgadóttir). Alls voru sett 26 ný íslandsmet í fullorðinsflokkum og 14 íslandsmet í unglingaflokkum á árinu.