Norðurlandamót unglinga í ólympískum lyftingum fór fram í lyftingahöllinni Miðgarði í Garðabæ um helgina. Keppt er í tveimur aldursflokkum 17 ára og yngri (e.Youth) og 18-20 ára (e. Junior) og náðu íslendingar níu sinnum á pall; fjórir norðurlandameistaratitlar, tvö silfur og þrjú brons. Yfir 130 erlendir gestir og keppendur komu til landins í tengslum við mótið.

Sjá ÚRSLIT/RESULTS

Lyftingasambandið vill þakka sérstaklega öllum þeim fjölmörgu styrktaraðilum sem komu að mótinu, án þeirra hefði þetta ekki verið hægt!

Þeir eru:

Árangur íslendinga á mótinu var eftirtektarverður og fékk íslenski þjóðsöngurinn að hljóma fjórum sinnum, sá norski sjö sinnum, Finnland fékk sex titla, danir fjóra líkt og Ísland og Færeyjar fögnuðu sínum fyrsta norðurlandameistaratitli unglinga þegar Niels Áki Mörk sigraði -67kg flokk 18-20 ára.

Árangur íslendinga var eftirfarandi.

Þórbergur Ernir Hlynsson sigraði -89kg flokk 17 ára og yngri þegar hann lyfti 104kg í snörun og 127kg í jafnhendingu. Þórbergur fékk 5/6 lyftum gildar og vann flokkinn með 5 kg mun en daninn William Christansen sem var annar lyfti öllum sínum lyftum.

Tindur Elíasen vann bronsverðlaun í -81kg flokki 17 ára og yngri þegar hann lyfti 216kg samanlagt, snörunin hans 101kg var nýtt íslandsmet í -89kg flokki 17 ára og yngri.

Brynjar Logi Halldórsson varð norðurlandameistari í -89kg flokki 20 ára og yngri eftir frábæra frammistöðu þar sem hann lyfti þyngst 137kg í snörun og 158kg í jafnhendingu, samanlagt 295kg. Allt voru það ný íslenskt unglingamet og snörunin og samanlagður árangur ný met í fullorðinsflokki. Brynjar var þriðji stigahæsti karl keppandi mótsins og átti hann góða tilraun við 163kg í lokatilraun við mikinn fögnuð viðstaddra sem hefði gefið honum 300kg í samanlögðum árangri. Í sama flokki fékk Jóhann Valur Jónsson brons þegar hann lyfti 238kg samanlagt.

Bjarki Breiðfjörð átti frábært mót þegar hann snaraði 116kg í þriðju tilraun sem var 6kg bæting og jafnhenti 130kg í -81kg flokki karla 18-20 ára. Það tryggði honum norðurlandameistaratitilinn í fjölmennum flokki þar sem átta keppendur voru mættir til leiks. Samanlagður árangur Bjarka var 246kg, næstir á eftir honum voru daninn Espben Kjær og norðmaðurinn Kristen Royseth sem báðir lyftu 245kg svo mjög mjótt var á munum. Eyjólfur Andri Björnsson endaði áttundi í sama þyngdarflokk.

Birta Líf Þórarinsdóttir varð norðurlandameistari í -76kg flokki kvenna 18-20 ára og fylgdi eftir frábærum árangri á smáþjóðleikunum í ólympískum lyftingum sem fram fóru á Kýpur síðastliðna helgi. Birta lyfti mest 86kg í snörun og 107kg í jafnhendingu, samanlagt 193kg og fékk allar sex lyftur sínar gildar og allt bætingar.

Thelma Rún Guðjónsdóttir varð fjórða í -59kg flokki kvenna 18-20 ára og lyfti 127kg samanlagt.

Bríet Anna Heiðarsdóttir og Steinunn Soffía Hauksdóttir kepptu í -64kg flokki 17 ára og yngri. Bríet varð í 5.sæti þegar hún lyfti 6/6 gildum lyftum, best 64kg í snörun og 76kg í jafnhendingu samanlagt 140kg (bæting um 2kg). Steinunn varð í 6.sæti og lyfti hún 60kg í snörun og 70kg í jafnhendingu samanlagt 130kg sem bæði var bæting.

Úlfhildur Arna Unnarsdóttir mætti sýnum helsta mótherja í lyftingum enn á ný, finnanum Janette Ylisoini í -71kg flokki 17 ára og yngri. Janette er evrópumeistari 17 ára og yngri þar sem Úlfhildur vann silfurverðlaun í Ágúst síðastliðnum í Póllandi. Einnig mættust þær í Mexikó á heimsmeistaramóti 17 ára og yngri þar sem Janette var í öðru sæti en Úlfhildur í því sjöunda. Þær eru því með bestu lyftingakonum heims í sínum aldursflokk. Keppnin um helgina var jöfn því báðar snöruðu þær 85kg, Janette silgdi þó fram úr Úlfhildi með því að lyfta öllum sínum jafnhendingum og lyfti mest 107kg á meðan Úlfhildur lyfti 102kg. Silfur því niðurstaðan fyrir Úlfhildi en hún keppti síðustu helgi ástamt Birtu á Kýpur þar sem hún jafnhenti 106kg og tvíbætti íslandsmetin í flokki 17 ára og yngri.

Salka Cécile Calmon varð í 6.sæti í -76kg flokki kvenna 17 ára og yngri þegar hún lyfti 62kg í snörun og 72kg í jafnhendingu.

Guðrún Helga Sigurðardóttir fékk einnig silfurverðlaun í +81kg flokki 17 ára og yngri þegar hún lyfti 50kg í snörun og 67kg í jafnhendingu.

Arey Rakel Guðnadóttir fékk bronsverðlaun í fjölmennum -64kg flokki kvenna 18-20 ára þegar hún lyfti 71kg í snörun og 89kg í jafnhendingu samanlagt 160kg í harðri keppni um bronsverðlaun en næstu tveir keppendur á eftir henni lyftu báðir 158kg samanlagt. Thelma Mist Oddsdóttir varð sjöunda í sama þyngdarflokki.

Sólveig Þórðadóttir varð fjórða í -71kg flokki kvenna 18-20 ára þegar hún lyfti 134kg samanlagt. Þar sigraði Aino Luostarinen frá Finnlandi sem einnig varð stigahæst allra kvenna á mótinu.

Hægt er að sjá heildarúrslit frá mótinu í gagnagrunni lyftingasambandsins: https://results.lsi.is/meet/nordurlandamot-u20-og-u17-2022

Úrslit úr liðakeppni mótsins voru eftirfarandi þar sem sigurvegari fær 7 stig, annað sæti 5 stig svo koll af kolli. Sama stiga fyrirkomulag er notað í Liðabikar LSÍ.

Team Points, Women, Junior

Team Points, Women, Youth

Team Points, Men, Junior

Team Points, Men, Youth

Úrslit/Results: https://results.lsi.is/meet/nordurlandamot-u20-og-u17-2022

Eygló Fanndal og Helga Hlín varaformaður LSÍ mættu í síðdeigsútvarpið 2.Nóvember og töluðu um ólympískar lyftingar og sterkar íslenskar konur.

Hægt er að hlusta hér (byrjar á 47mín): https://www.ruv.is/utvarp/spila/siddegisutvarpid/23825/7h2id3

Eygló Fanndal Sturludóttir varð Evrópumeistari unglinga í ólympískum lyftingum á Evrópumeistaramóti unglinga sem fram fór í Durres í Albaníu á dögunum. Eygló Fanndal er fyrsti íslenski Evrópumeistarinn í ólympískum lyftingum í 50 ára sögu Lyftingasamband Íslands. Áhugi á lyftingum hefur aukist mikið hér á landi undanfarin ár og hefur konum í sportinu fjölgað hratt. Til að ræða aukinn áhuga og árangur íslenskra kvenna í íþróttinni fáum við til okkar á eftir Evrópumeistararnn Eygló Fanndal ásamt Helgu Hlín Hákonardóttur Evrópumeistara 2020 og heimsmeistara 2022 í sínum aldurs og þyngdarflokki.

The Weightlifting Federation of Iceland is hosting the Nordic Youth and Junior championships 2022 during the weekend 12-13th of November.

Sjá viðtal og grein um Eygló á vef insidethegames: https://www.insidethegames.biz/articles/1129580/iceland-ends-wait-weightlifting-champion

Viðtal RÚV Í kvöldfréttum 23.Okt: https://www.ruv.is/frett/2022/10/23/draumurinn-er-ad-komast-a-olympiuleikana

Sjá erlenda umfjöllun um árangur Eyglóar: https://ewf.sport/2022/10/22/first-european-title-for-iceland-in-the-federations-50-years-history/

Upptaka af snörun (-71kg U23):https://www.youtube.com/watch?v=DJO2U6iuWTg

Upptaka af jafhendingu (-71kg U23): https://www.youtube.com/watch?v=w_GTbxU6KRU

–

Það er margt sem vert er að rýna í þegar skoðaður er árangur Eyglóar Fanndal á nýafstöðnu Evrópumeistaramóti 23 ára og yngri.

Samanburður á alþjóðlegan mælikvarða

Ólympíuleikarnir í París 2024 munu verða með 5 þyngdarflokka í kvennaflokki -49kg, -59kg, -71kg, -81kg og +81kg, þ.e. -71kg flokkurinn er ólympíuflokkur á síðustu leikum í Tokyo var -59kg og -76kg. Úrtökuferlinu verður gerð betri skil seinna en einstaklingsúrtökuferli fer fram yfir 18 mánaðatímabil sem hefst á Heimsmeistaramótinu í Kólembíu um miðjan Desember og lýkur 28.Apríl 2024.

Árangur Eyglóar í -71kg flokki kvenna 217kg setur hana í 16. sæti á heimslista 2022, þar af eru Kólembía með 2 keppendur fyrir ofan hana og Bandaríkin tvo. Sex keppendur eru yngri en Eygló fæddir fyrir 2001 og 9 keppendur eldri.

Eina álfumótið sem er eftir á árinu er Afríku meistaramótið sem er í lok mánaðarins en Eygló hefði náð á pall á öllum stórmótum utan Pan-America meistaramótsins en efstu tvær manneskjurnar þar skipa einnig tvö efstu sætin á heimslista, 217kg hefðu dugað í 5.sæti þar.

African Championships (26.October) 2022

Asian Championship (12.October) 2022

1. Qiuxia Yang (f.2002) (CHN) – 106-122-228kg
2. Gulnabat Kadyrova (f.1994) (TKM) – 102-117-219kg
3. Anuujin Ganzorig (MGL) (f.1998) – 99-116-215kg

XXII Commonwealth Games (30.Jul) (2022)

1. Sarah Davies (f.1992) (ENG) 103-126-229kg
2. Alexis Ashworth (f.1999) (CAN) 91-123-214kg
3. Harjinder Kaur (f.1996) (IND) 93-119-212kg

Pan-American Championships (24.Júlí) 2022

1. Angie Paola Palacios Dajomes (f.2000) (ECU) 113-134-247kg
2. Mari Leivis Sanches (f.1991) (COL) 112-134-246kg
3. Meredith Leigh Alwine (f.1998) (USA)102-132-234kg

Evrópumeistaramótið 2022 (28.Maí) 2022

1. Patricia Strenius (f.1989) (SWE) 94-130-224kg
2. Lisa Marie Schweizer (f.1995) (GER) 103-120-223kg
3. Monika Marach (f.2004) (POL) 99-116-215kg

Samanburður við aðrar íslenskar lyftingakonur

Í samanburði við íslenskan árangur þá er þetta lang þyngsti samanlagði árangur íslensk keppanda yfir alla þyngdarflokka. Þyngsta snörun og þyngsta jafnhending.

Þuríður Erla Helgadóttir sem hefur verið okkar helsti keppandi Íslands síðustu 10 ár náði þó betri árangri á Sinclair stigum á HM 2017 þar sem hún endaði í 10.sæti með 86kg í snörun og 108kg í jafnhendingu í -58kg flokki kvenna. Það gáfu henni 269 Sinclair stig en Eygló reiknast með 267 stig samkvæmt sömu formúlu.

—

Samanburður við Norðurlöndin

Eins og sést hér að ofan er núverandi Evrópumeistari í -71kg flokki sænskur (Patricia Strenius) og á hún jafnframt norðurlandametin í fullorðinsflokki ásamt þeim sænsku. Íslensku metin eru nú hærri en þau Norsku, Dönsku og Finnsku.

Þróun á árangri Eyglóar

Á árinu 2022 hefur Eygló bætt sig um 5 kg í snörun og 10kg í jafnhendingu. Hennar besti árangur 2021 var á heimsmeistaramótinu 2021 en þar lyfti hún 92kg í snörun og 110kg í jafnhendingu sem gaf henni 20.sæti. 217kg hefði dugað henni í 11.sæti af 26 keppendum en hvert kíló byrjar að skipta gríðarlegu máli nálægt toppnum.

Hún hefur keppt á 4 mótum 2022, 8 mótum 2021, 1 móti 2020 (Covid), 4 mótum 2019 og 2 mótum 2018. 2020 lyfti hún (74/95)169kg á Norðurlandameistaramóti unglinga og bætti sig því um 18kg í snörun og 15kg í jafnhendingu á árinu 2021.

Val á lyftingafólki ársins fór fram í Desember, einnig velur sambandið ungmenni ársins í flokki 18-20 ára, 16-17 ára og 15 ára og yngri. Afhending farandbikara mun eiga sér stað á næstu vikum. Sérstaka athygli má vekja á gríðarlega góðum árangri ungmenna sambandsins á árinu 2021.

Valið er samkvæmt 18. Grein í lögum LSÍ.

18. grein,
Stjórn og varamenn hafa atkvæðisrétt um val á lyftingakonu og karli ársins, valið skal ávallt miðast við tímabilið 1. Desember til 30. Nóvember. Ef óskað er eftir því getur kosning verið nafnlaus. Val á lyftingakonu og karli ársins skal miðast við árangur íþróttamannsins á liðnu ári og er þá sérstaklega horft til Sinclair stigatölu sem og árangur á alþjóðlegum mótum. Íþróttamenn koma ekki til greina í vali á lyftingakonu og karli ársins á meðan þeir taka út refsingu og í eitt ár eftir að refsingu lýkur vegna brota á lyfjalögum ÍSÍ, IWF og/eða WADA.

Besta Lyftingakonan

Þuríður Erla Helgadóttir LFK (f. 1991) náði besta árangri íslenskrar konu á árinu á Evrópumeistaramóti Senior (fullorðinna) í Moskvu í Apríl en þar lenti hún í 9. Sæti sem er besti árangur sem íslensk kona hefur náð á Evrópumeistaramóti. Mótið var loka úrtökumót fyrir ólympíuleikana í Tokyo sem gerði það enn sterkara. Á mótinu náði hún 83 kg í snörun, 108 kg í jafnhendingu sem gaf henni 191 kg í samanlögðum árangri og 263,2 Sinclair stig sem er besti árangur Þuríðar á móti síðan 2017 og næst besti árangur hennar frá upphafi. Þuríður keppir í -59 kg flokki kvenna og á öll íslandsmet í þeim flokki en þau eru 87 kg í snörun sem hún setti árið 2019 á EM í Georgíu, 108 kg í jafnhendingu og 191 kg í samanlögðu sem hún setti á EM í Moskvu í ár eins og áður sagði. Þuríður keppti aðeins á einu móti á árinu 2021 en hún hefur verið búsett í Sviss undanfarin á og covid-19 takmarkanir settu strik í reikninginn varðandi fjölda móta. Þetta er sjöunda árið í röð sem Þuríður er valin lyftingakona ársins. 

Besti Lyftingamaður

Arnór Gauti Haraldsson LFG (f. 1998) náði besta árangri íslenska karla á árinu á Reykjavík International Games sem haldnir voru í janúar og vann hann það mót. Á mótinu náði hann 136 kg í snörun sem er núgildandi íslandsmet í senior flokki sem og U23, 156 kg í jafnhendingu og 292 kg í samanlögðum árangri sem færði honum 346 Sinclair stig. Í Senior flokki á hann 136 kg í snörun eftir RIG 2021 og 294 kg eftir Sumarmótið 2020. Árangur Arnórs á RIG færði honum keppnisrétt á Heimsmeistaramótinu sem haldið var í Úsbekistan um miðjan Desember og var fyrsta stórmótið sem Arnór fór á í ólympískum lyftingum þar endaði hann í 24.sæti í -89kg flokki karla. Þetta er annað árið í röð sem Arnór hlýtur nafnbótina Lyftingamaður ársins.

Ungmenni ársins 2021

Stúlkur U20 (18-20 ára)

Eygló Fanndal Sturludóttir LFR [f.2001] hefur líkt keppt oft og víða á árinu alls átta sinnum og þar af fjórum sinnum erlendis allt í mismunandi löndum. Hún náði sínum besta árangri á tímabilinu 1.Des 2020 til 30. Nóvember 2021 á Evrópumeistaramóti Unglinga 20 ára og yngri í Rovaniemi Finnlandi þar sem hún endaði í 6.sæti í -71kg flokki og lyfti 89kg í snörun og 108kg í jafnhendingu. Samanlagður árangur þar var 197kg eða 247.4 Sinclair stig, gríðarlega hörð keppni var í flokknum en silfurverðlaunahafinn lyfti 201kg, brons 200kg, 4.sæti 199kg, og 5.sæti 198kg. Eygló bætti hinsvegar sinn besta árangur á árinu þegar hún lyfti 202kg á Heimsmeistaramóti fullorðinna í Tashkent í Uzbekistan 7.-17. Desember, 92kg í snörun og 110kg í jafnhendingu og sýndi með því að hún er með allra bestu ungmennum í Evrópu. Það er þyngsti samanlagði árangur sem íslensk kona hefur lyft á móti í ólympískum lyftingum. Í Desember 2021 setti hún einnig 6 ný norðurlandamet unglinga, fyrst á Jólamóti LSÍ 5.Desember þar sem hún setti nýtt met í snörun í -76kg flokki með 88kg og svo tvíbætti hún bæði jafnhendingarmetið með því að lyfta 105 og 108kg. Samanlagði árangurinn 193 og 195kg voru norðurlandamet. Loks var 92kg í snörun nýtt norðurlandamet unglinga (20 ára og yngri) í -71kg flokki.

Piltar U20 (18-20 ára)

Brynjar Logi Halldórsson LFR (f.2002) hefur verið á mikilli siglingu á árinu, hann keppti á sjö mótum á árinu þar af tveimur erlendis. Besta árangri náði hann á Norðurlandamóti unglinga þar sem hann lyfti 120kg í snörun og 151kg í jafnhendingu í -81kg flokki, 330.7 Sinclair stig. Jafnhendingin var nýtt íslandsmet í fullorðinsflokki og einnig samanlögðum árangri. Á EM U20 ára lyfti hann 115kg í snörun og 143kg í jafnhendingu í -81kg flokki og endaði í 17 sæti á sínu fyrsta stórmóti.

Meyjar U17 (16-17 ára)

Úlfhildur Arna Unnarsdóttir LFR (f.2005) fagnaði góðu gengi á árinu. Besta árangrinum á tímabilinu 1.Des 2020 til 30.Nóvember 2021 náði hún á Norðurlandamóti Unglinga 17 ára og yngri þar sem hún sigraði -71kg flokk kvenna og lyfti 83kg í snörun og 98kg í jafnhendingu, samanlagt 181kg og 222.8 Sinclair stig. Hún keppti einnig á Evrópumeistaramóti unglinga 17 ára og yngri í Póllandi þar sem hún endaði í 6.sæti í -71kg flokk og á HM unglinga 17 ára og yngri í Jeddah í Saudi Arabíu þar sem hún endaði í 9.sæti. Hún toppaði árið 5.Desember þegar hún varð sænskur unglingameistari 20 ára og yngri þegar hún lyfti 85kg í snörun og 100kg í jafnhendingu en Úlfhildur er búsett í Svíþjóð og því gjaldgeng sem keppandi á mótinu.

Sjá umfjöllun mbl um árangur Úlfhildar: https://www.mbl.is/sport/frettir/2021/11/27/gull_og_silfurregn_i_stavern/

Drengir U17 (16-17 ára)

Brynjar Ari Magnússon LFR (f.2004) keppti á tveimur mótum á tímabilinu, norðurlandameistaramóti unglinga 2020 þar sem hann sigraði í flokki 17 ára og yngri í -89kg flokki með því að lyfta 118kg í snörun og 130kg í jafnhendingu (294 Sinclair stig) hann setti einnig íslandsmet 17 ára og yngri í snörun og samanlögðum árangri á mótinu. Hann keppti einnig á HM unglinga 17 ára og yngri í Jeddah í Saudi Arabiu í Október 2021 þar sem hann lyfti 110kg í snörun og 130kg í jafnhendingu og endaði í 12.sæti.

Drengir U15 (15 ára og yngri)

Bjarki Þórðason LFK (f.2006) náði bestum árangri drengja 15 ára og yngri, hann náði bestum árangri á Jólamóti LSÍ þegar hann lyfti 75kg í snörun og 105kg í jafnhendingu í, hann vigtaðist 86.15kg inn í mótið sem gaf honum 212.4 Sinclair stig.

Meyjar U15 (15 ára og yngri)

Bergrós Björnsdóttir UMFS (f.2007) náði frábærum árangri á Norðurlandamóti Unglinga 17 ára og yngri þar sem hún endaði í 2.sæti í -71kg flokki kvenna og lyfti 80kg í snörun og 97kg í jafnhendingu, 177kg samanlagt og 217.4 Sinclair stig. Með þessum árangri endaði hún í 11.sæti yfir stigahæstu íslensku konurnar á árinu 2021 af 61 keppanda og er það magnaður árangur miðað við aldur!

Heimsmeistaramótið í ólympískum lyftingum fer fram í Tashkent í Úzbekistan dagana 7-17.Desember.

Fjórir keppendur frá Íslandi tóku þátt í mótinu og hafa þeir nú lokið keppni.

Fullkomin dagur

Hæst ber að nefna árangur Eyglóar Fanndal Sturludóttir sem gerði sér lítið fyrir og setti nýtt norðurlandamet unglinga (20 ára og yngri) í snörun þegar hún lyfti 92kg í síðustu tilraun. Hún átti einnig frábæra jafnhendingu þegar hún lyfti 110kg sem var bæting á hennar besta árangri um 2kg í jafnhendingu og 5kg í samanlögðum árangri. Hún fór með allar lyfturnar sínar í gegn í seríunni 84-88-92kg og 104-108-110kg í jafnhendingu.

Þessi árangur dugði henni í 20. Sæti í -71kg flokki kvenna. Besta lyftingakona norðurlanda hin Sænska Patricia Strenius vann brons í sama þyngdarflokk en áður hafði hún verið í fjórða sæti á Ólympíuleikunum í Tokyo fyrr á árinu.

Allar þessar lyftur hjá Eygló eru ný íslandsmet í -71kg flokki kvenna en einnig er samanlagður árangur hennar 202kg þyngsti samanlagði árangur sem íslensk kona hefur lyft yfir alla flokka. Áður hafði Ragnheiður Sara Sigmundsóttir lyft 201kg samanlagt á RIG 2017 með 110kg jafnhendingu og Freyja Mist Ólafsdóttir lyfti 92kg í snörun einnig árið 2017 sem var þá norðurlandamet unglinga í -90kg flokki.

Árangur Eyglóar er sá þriðji stigahæsti frá upphafi/1998 í kvennaflokki: https://results.lsi.is/rankingall/total/f

Þetta var síðasta mót Eyglóar í unglingaflokki en hún hefur keppt á 6 mótum síðustu 3 mánuði í 4 löndum og er því komin í kærkomið jólafrí.

Ný íslandsmet hjá Kötlu

Ísland átti 2 keppendur í -64kg flokki kvenna þær Kötlu Björk Ketilsdóttir og Amalíu Ósk Sigurðardóttur. Amalía hóf leik með því að snara 78kg en náði ekki að fá 82kg og 83kg gild. Katla byrjaði með 79kg í snörun, klikkaði svo á 85kg en tók það í þriðju tilraun sem var nýtt íslandsmet og bæting á meti Amalíu sem var 84kg sett á Norðurlandamóti fullorðinna fyrir mánuði síðan í Noregi.

Amalía féll hinsvegar úr leik í jafnhendingu þegar hún náði ekki að fá opnunarlyftuna 95kg gilda og reyndi við 101kg í þriðju tilraun. Katla opnaði á 98kg, fór síðan í 101kg sem var bæting á hennar eigin íslandsmeti í samanlögðum árangri um 2kg. Í þriðju tilraun reyndi hún við 103kg sem hafði verið jöfnun á íslandsmeti Amalíu í -64kg flokki kvenna en þau fóru ekki upp. Katla endaði í 15. Sæti í -64kg flokki kvenna.

Fyrsta stórmótið

Fyrsta stórmótið hjá Arnór Arnór Gauti Haraldsson keppti á sínu fyrsta stórmóti í lyftingum þegar hann vigtaðist léttur inn í -89kg flokk karla (83.4kg). Hann opnaði örugglega á 128kg, fór síðan í 132kg sem klikkaði og reyndi síðan við 137kg í þriðju tilraun sem hefði verið bæting um 1kg á hans eigin íslandsmeti 136kg sem hann setti á RIG í byrjun árs 2021. Í jafhendingu opnaði hann á 147kg sem hann fékk ekki gilda og fór því aftur í sömu þyngd sem hann kláraði. Hann sleppti síðan þriðju tilraun þar sem hann þurfti að lyfta á eftir sjálfum sér og mikil orka fór í að ná inn gildri jafnhendingu. Arnór endaði keppnina í 24.sæti í -89kg flokki karla.

Mótinu verður gerð betri skil á komandi dögum en heildarúrslit má nálgast í gagnagrunni sambandsins: https://results.lsi.is/meet/jolamot-lsi-2021