Alþjóðalyftingasambandið (IWF) hefur útilokað rússneska landsliðið frá keppni í ólympískum lyftingum, á þetta sér nokkuð langan aðdraganda en fjöldi brota á lyfjalögum IWF og WADA spilar þar stóra rullu sem og niðurstöður úr endurprófunum á sýnum frá ólympíuleikunum 2008 og 2012.

Skýringu IWF má finna hér: http://www.iwf.net/2016/07/29/iwf-eb-decision-on-russian-participation-at-the-rio-2016-og/

Við þetta fá 3 þjóðir sæti fyrir kvenkyns keppenda en það eru Albanía, Georgía og Makedónía

5 þjóðir fá sæti fyrir karl keppenda en það eru Belgía, Króatía, El Salvador, Mongolía og Serbía.

12 keppendur 9KVK og 3KK mættu til leiks í Borgarnesi á unglingalandsmót UMFÍ. Keppendur á 11-18 aldursári geta þar keppt í fjölda greina og nú annað árið í röð voru ólympískar lyftingar meðal keppnisgreina.

Heildarúrslit: http://results.lsi.is/meet/unglingalandsmot-umfi-2016

Katla Björk Ketilsdóttir (UMFN) fylgdi eftir góðum árangri á Sumarmótinu á Akureyri þegar hún bætti sig í snörun og lyfti 61kg (met U17) og síðan 64kg sem var bæði íslandsmet í 17 ára og yngri sem og 20 ára og yngri en fyrra metið var 63kg í eigu Sólveigar Sigurðardóttir (LFG) sem keppti í liðakeppninni á nýliðnum heimsleikum í Crossfit.

Matthías Abel Einarsson (Hengill) endurheimti snöru metin sín í -62kg flokk þegar hann lyfti 61kg og 64kg. Hann lyfti síðan 75kg í jafnhendingu og setti met með þeirri lyftu í flokki 17 ára og yngri.

Í flokki 15 ára og yngri voru yngstu keppendur á 11 aldursári en keppt var með 5kg stön í þeim flokki þar sem keppendur voru að taka sín fyrstu skref.

Mennta- og menningarmálaráðuneytið og Íþrótta og Ólympíusamband Íslands undirrituðu í dag tímamótasamning til næstu þriggja ára um stóraukið fjárframlag ríkisins til afreksíþrótta á Íslandi. Framlagið mun hækka í áföngum úr 100 milljónum á fjárlögum síðasta árs í 400 milljónir á næstu þremur árum og er því um fjórföldun að ræða.

Önnur framlög ríkisins til ÍSÍ voru einnig aukin um 60 milljónir. Lyftingasambandið fagnar þessari fjármögnun.

Líney Rut  (framkvæmdastjóri ÍSÍ), Sigurður Ingi (forsætisráðherra), Lárus Blöndal (forseti ÍSÍ), Illugi Jökulsson (Menntamálaráðherra), Bjarni Benediktsson (fjármálaráðherra)

Mótið fer fram í Hjálmaklettum í Borgarnesi á Laugardaginn (30. Júlí) og hefst vigtun klukkan 9 en mótið klukkan 11.

Frekari upplýsingar um unglingalandsmótið má sjá í dagskrá mótsins: http://media.wix.com/ugd/15590d_b11b44e487674459acbfa73d7a7a0048.pdf

Evrópska lyftingasambandið (EWF) heldur áfram að gefa út vísindarit sitt. Ein af hugmyndafræðinni á bak við tímaritið er að rannsóknir sem gerðar eru á ólympískum lyftingum séu gerðar á lyftingamönnum og konum sem keppa á stórmótum.

Í þessu blaði er m.a. greining á snöru tækni íþróttamanna frá 2004-2014, einnig mjög áhugaverð greining á hnébeygju.

Hægt er að nálgast allt blaðið hér: http://ewfed.com/documents/EWF_Scientific_Magazine/EWF_Scientific_Magazine_EWF_N5.pdf

Alþjóða lyftingasambandið (IWF) hefur birt keppendalistann fyrir ólympíuleikana í Ríó 2016.

91 þjóð mun senda keppendur á leikana í Ríó en alls keppa 250 lyftingakarlar og konur, 156 karlar og 104 konur.

Kínverjar senda einir þjóða fullt lið 6KK og 4KVK, en Egyptar, Kólembía og Taíland senda 9 keppendur. Hvít-Rússar, Kazakstan og Rússland senda svo 8 keppendur en þessi lönd hafa öll verið í eldlínunni eftir fjölda brota á lyfjalögum IWF og WADA og misstu Rússland og Kazakstan fyrir vikið eitt sæti í karla og kvenna flokki.

Norðurlandaþjóðirnar senda þrjá keppendur:

-85kg flokkur karlar: Milko Tokola [Finnland]
-58kg flokkur kvenna: Angelica Roos [Svíþjóð]
-63kg flokkur kvenna: Anni Vuohijoki [Finnland] sem keppt hefur síðustu tvö ár á RIG.

Ástralir unnu sér inn eitt sæti á leikunum í kvennaflokki í ár og mun silfurverðlauna hafinn frá Crossfit leikunum 2015 keppa fyrir þeirra hönd, Tia-Clair Toomey.
En hún er sem stendur í þriðja sæti eftir fyrsta keppnisdag á Crossfit leikunum 2016.

Dagskrá leikana er eftirfarandi:
6.Ágúst -48kg flokkur KVK
7.Ágúst -56kg flokkur KK
7.Ágúst -53kg flokkur KVK
8.Ágúst -62kg flokkur KK
8.Ágúst -58kg flokkur KVK
9.Ágúst -63kg flokkur KVK
9.Ágúst -69kg flokkur KK
10.Ágúst -69kg flokkur KVK
10.Ágúst -77kg flokkur KK
11.Ágúst Engar lyftingar
12.Ágúst -85kg flokkur KK
12.Ágúst -75kg flokkur KVK
13.Ágúst -94 KK
14.Ágúst +75 KVK
15.Ágúst -105kg KK
16.Ágúst +105kg KK

Hægt er að sjá heildarlista með keppendum hér: http://www.iwf.net/wp-content/uploads/downloads/2016/07/Rio2016_List-of-Athletes-by-Event_20160721_Public.pdf

Hægt er að sjá skiptingu eftir löndum hér: http://www.iwf.net/wp-content/uploads/downloads/2016/07/List-of-Quota-by-NOC_Public.pdf

Dagskrá:LSI_haust

31.Júl Landsmót UMFÍ (11-18 ára)

6.Ágúst Íslandsmeistaramót Unglinga (13-20 ára) – Síðasti séns til að ná lágmörkum á NM senior. Preliminary entry 15.Ágúst, Final entry 31.Ágúst fyrir NM. Auglýsing mun birtast í næstu viku varðandi Íslandsmeistaramót Unglinga

24-28.Ágúst Æfingabúðir EWF fyrir 13-17 ára í Lettalandi (2KK + 2KVK + 2 Þjálfarar) – Val fyrir 25.Júlí

17.September Haustmót LSÍ – Síðasti séns til vinna sér inn þátttökurétt á NM unglinga

1.Október Nordic Championships (Rovaniemi – Finnlandi) – Síðasti séns á að ná lágmörkum fyrir EM unglinga

29.Október NM unglinga – Nordic Junior Championship (Hafnarfjörður – Ísland)

1.Desember Evrópumeistaramót Unglinga og -23 ára (EWF), Eiliat, Ísreal

17.Desember Jólamót LSÍ – síðasti séns á að ná lágmörkum fyrir RIG 2017

Lágmörk hér að neðan eru útreiknuð í Sinclair

Unglingalandsmót UMFÍ fer fram um verslunarmannahelgina og hefst 28.júlí og endar 31. júlí. Mótið er fyrir 11-18 ára og þarf aðeins að greiða eitt þátttökugjald. Gjaldið er 7.000 krónur og er hægt að skrá sig til keppni í fleiri en einni grein fyrir þetta eina verð, t.d. frjálsar íþróttir, lyftingar ofl.

Skráning fer fram á vef UMFÍ: http://skraning.umfi.is/

Ólympískar lyftingar verða nú með annað árið í röð og mun Lárus Páll Pálsson (laruspallpalsson@gmail.com) verða greinastjóri. Ólympíski hlutinn fer fram Laugardaginn 31.Júlí í Menntaskólanum í Borgarnesi.

Vigtun hefst 9:00

Mótið hefst 11:00

Strákar 11 til 15 ára og 16 til 18 ára hefst kl. 11:00

Stelpur 11 til 15 ára og 16 til 18 ára hefst kl. 13:00

Keppt verður í tveimur aldurshópum:

18 ára og yngri (KVK og KK)

15 ára og yngri (KVK og KK)

Keppt í sinclair í samanlögðum árangri en ekki er nauðsynlegt að ná gildri snörun til að fá að lyfta í jafnhendingu.

Alþjóða Ólympíunefndin (IOC) lét endurprófa sýni úr lyftingamönnum frá Ólympíuleikunum 2008 og 2012. Sjö íþróttamenn skiluðu jákvæðum sýnum úr 2008 prófunum og tíu íþróttamenn úr 2012 prófunum. Þar á meðal er besti lyftingamaður heims síðasta áratuginn, Kazakhstaninn Ilya Ilyin, sem sigraði á leikunum 2008 og 2012  í sínum þyngdarflokk og hefur fjórum sinnum verið kosinn lyftingamaður ársins. Boyanka Kostova sem hefur borið höfuð og herðar yfir aðra keppendur í -58kg flokki kvenna síðustu 2 ár er ein af þeim sem fellur 2012, þar sem hún endaði í 5.sæti. Hún er núverandi evrópu og heimsmeistari í -58kg flokk kvenna.

Alþjóðalyftingasambandið (IWF) hefur nú þegar bannað öllum þessum keppendum þátttöku í RÍÓ. Að auki hefur stjórn alþjóðalyftingasambandsins lagt fram fimm skrefa refsiramma fyrir aðildarlönd sem eru uppvís af lyfjamisnotkun:

#1 13 úthlutunar sæti í Ríó eru tekin af löndum sem tengjast lyfjamisnotkun á tímabilinu sem hægt er að vinna sér inn þátttöku á ólympíuleikunum. Azerbajan (1KK/1KVK), Hvíta-Rússland (1KK), Kazakhstan (1KK/1KVK), Moldova (2KK), Norður-Kórea (1KK/1KVK), Rússland (1KK/1KVK), Rúmenía (1KK), Úsbekistan (1KVK).

#2 Sett er upp sérstök rannsóknarnefnd sem skoðar þau lönd sem eru með 3 eða fleiri jákvæð sýni á ári, ásamt þeim löndum sem voru með 3 jákvæð sýni 2008 og 2012.

#3 Breytingar á lyfjalögum alþjóðasambandsins sem bannar landssambönd sem eru með flest föll á Ólympíuári.

#4 Banna þátttöku allra þeirra sem skiluðu jákvæðum sýnum 2008 og 2012 í Ríó (2016).

#5 Banna þátttöku þeirra landa sem skiluðu samtals 3 jákvæðum sýnum 2008 og 2012 í eitt ár frá öllum lyftingakeppnum. Það eru Kazakhstan, Rússland og Hvíta-Rússland.

Að lokum tilkynnti alþjóðalyftingasambandið úthlutun á sætum til Ríó sem þó þurfa að vera samþykkt af alþjóðaólympíunefndinni. 8 körlum og 11 konum var aukalega úthlutað sætum og fengu eftirfarandi lönd sæti:

Afríka: KEN (KK) / MAR (KVK) MRI (KVK)
Asia: QAT (KK) SRI (KK) / IRQ (KVK) UAE (KVK)
Evrópa: GRE (KK) ISR (KK) / FIN (KVK) LAT (KVK) SWE (KVK)
Eyjaálfa: NRU (KK) / SOL (KVK)
Pan-Ameríka: CHI (KK) GUA (KK) / ARG (KVK) PER (KVK) URU (KVK)

Sérstaklega ánægjulegt er að sjá að Norðulandaþjóðirnar Finnland og Svíþjóð sem voru í 7. og 8. sæti í liðakeppni evrópumeistaramótsins í kvenna flokki fá sæti úthlutuðu ásamt Lettlandi.

Eftirfarandi er listi yfir þá urðu uppvísir af notkun á ÓL 2008 og 2012

2008

KHURSHUDYAN, Hripsime (ARM) – Stanozolol (S1.1 Anabolic agents)

DUDOGLO, Alexandru (MDA) – Stanozolol (S1.1 Anabolic agents)

EVSTYUKHINA, Nadezda (RUS) – dehydrochlormethyltestosterone metabolites (S1.1 Anabolic agents)

TAYLAN, Nurcan (TUR) – Stanozolol (S1.1 Anabolic agents)

SHAINOVA, Marina (RUS) – Dehydrochlormethyltestosterone metabolites and stanozolol metabolites (S1.1 Anabolic agents)

ZAIROV, Intigam (AZE) – Dehydrochlormethyltestosterone (S1.1 Anabolic agents) – Remains suspended due to previous IWF sanction until 21.12.2023

ILYIN, Ilya (KAZ) – Stanozolol (S1.1 Anabolic agents) – Remains provisionally suspended

Bætt við 10.7.2016 í 2008 hópinn

• MARTIROSYAN, Tigran (ARM) / M69kg – Stanozolol, Dehydrochlormethyltestosterone (S 1.1 Anabolic agents)
• HASANOV, Sardar (AZE) – Dehydrochlormethyltestosterone (S 1.1 Anabolic agents)

• OZKAN, Sibel (TUR) – Stanozolol (S 1.1 Anabolic agents)

2012

AUKHADOV, Apti (RUS) – Dehydrochlormethyltestosterone, Drostanolone (S1.1 Anabolic agents)

KOSTOVA, Boyanka (AZE) – Dehydrochlormethyltestosterone, Stanozolol (S1.1 Anabolic agents)

PODOBEDOVA, Svetlana (KAZ) – Stanozolol (S1.1 Anabolic agents)

SAZANAVETS, Dzina (BLR) – Drostanolone, Stanozolol (S1.1 Anabolic agents)

SHKERMANKOVA, Maryna (BLR) – Dehydrochlormethyltestosterone, Stanozolol (S1.1 Anabolic agents)

KALINA, Yuliya (UKR) – Dehydrochlormethyltestosterone (S1.1 Anabolic agents)

ZHARNASEK, Yauheni (BLR) – Dehydrochlormethytestosterone, Stanozolol, Oxandrolone (S1.1 Anabolic agents)

MANEZA, Maiya (KAZ) – Stanozolol (S1.1 Anabolic agents)

ILYIN, Ilya (KAZ) – Dehydrochlormethyltestosterone, Stanozolol (S1.1 Anabolic agents)

CHINSHANLO, Zulfiya (KAZ) – Oxandrolone, Stanozolol (S1.1 Anabolic agents)