Þriðja tölublað af vísindariti EWF er komið á netið blaðið er öllum aðgengilegt hér

Í blaðinu er fjallað um ólympískar lyftingar, almenna styrktarþjálfun og tengda þætti frá vísindalegu sjónarhorni.

Ragnheiður Sara Sigmundsdóttir lauk keppni síðust Íslendinga á Heimsmeistaramótinu í ólympískum lyftingum sem fram fer í Houston og endar á morgun Sunnudaginn 29.Nóvember.

Ragnheiður Sara og Ingi Gunnar kláruðu mótið fyrir Íslands hönd

Sara keppti í gær í -75kg flokki og vigtaðist inn 70.89kg. Hún byrjaði snörunina á 80kg sem er jafnt íslandsmeti Lilju Lindar og fór auðveldlega með það. Því næst fór hún í 85kg en náði ekki að lyfta þeirri þyngd í annari og þriðju tilraun og ætlaði Sara sér eflaust meira þar.

Hún kom sterk til baka og kláraði 100kg og 105kg auðveldlega en báðar lyfturnar voru íslandsmet í kvennaflokki í jafnhendingu og samanlögðum árangri. Sara fór í 110kg í jafnhendingu í síðustu tilraun, hún fékk lyftuna dæmda gilda en kviðdómur ógildi hana fyrir pressu. Verður að segjast að dómurinn virkar gríðarlega harður og alveg í lagi að svekkja sig á því eins og sjá má á myndbandinu hér að ofan.

Þær Hjördís Ósk, Annie Mist og Katrín Tanja luku keppni á heimsmeistaramótinu í Houston í gærkvöldi og nótt.

Hjördís með 72kg í snörun

Hjördís hóf leikinn í C hóp -63kg flokki kvenna með því að lyfta 67kg, 72kg og loks 75kg í snörun sem er jafnt hennar besta árangri. Hún opnaði síðan á 100kg í jafnhendingu, fór í 105kg sem hún clean-aði en missti jarkið. Hún reyndi síðan við nýtt íslandsmet 106kg en það fór ekki upp. Hjördís getur gengið sátt og reynslunni ríkari frá þessu móti.

Heildarúrslit -63kg C-hóps kvenna

Dagurinn endaði síðan á D hóp -69kg flokki kvenna en 44 keppendur eru skráðir í þann flokk á mótinu. Þær stöllur Katrín og Annie stóðu sig mjög vel en Katrín varð íslandsmeistari í Crossfit fyrir um viku síðan. Þær voru nokkuð samstíga í snöruninni, opnuðu báðar á 78kg og fóru því næst í 84kg, Katrín fór í þriðju tilraun í 87kg sem hefði verið bæting á íslandsmeti hennar um 2kg og stóð hún upp með þá þyngd en fékk ógilt þar sem vinstri olnbogi fór aðeins úr lás í botnstöðu. Annie fór í 88kg í lokatilraun og fékk hana gilda, 3kg bæting á Íslandsmeti í hús og bæting á persónulegum árangri.

Katrín Tanja lyfti 85kg í snörun á Íslandsmeistaramótinu í Ólympískum Lyftingum fyrr á þessu ári. Hún þurfti að sjá á eftir íslandsmetinu til Annie

Í jafnhendingunni byrjaði Katrín á 90kg, því næst 94kg en klikkaði í þriðju tilraun á 98kg sem hefði verið persónuleg bæting um 1kg frá því á Íslandsmótinu í Apríl. Annie keppti ekki á íslandsmeistaramótinu í crossfit og kom því hvíldari inn í mótið en Katrín og gerði frábæra hluti í jafnhendingunni með því að opna á 100kg, taka síðan 105kg og loks 108kg í lokatilraun. Það var 3kg bæting á íslandsmetinu hennar í -69kg flokki kvenna og 6kg bæting á metinu í samanlögðum árangri eða 196kg.

Þessi mynd var tekin á RIG 2014 þá lyfti Annie 95kg í jafnhendingu

Heildarúrslit D-hóps -69kg flokk kvenna

Katrín endaði 9/11 keppendum í hópnum og Annie 5/11 keppendum en 4 keppendur lyftu sömu heildarþyngd (196kg) og Annie og er þeim því raðað eftir þeirri þyngd sem þeir vigtuðust inn í mótið.

Ragnheiður Sara Sigmundsdóttir er síðust íslensku keppendanna en hún keppir föstudaginn 27.Nóv í -75kg flokk og munum við gera því betri skil þegar nær dregur.

Annie og Katrín með þjálfurnum að lokinni keppni (f.v. Árni, Annie, Katrín, Ingi, Frederik)

Hægt er að sjá upptöku af lyftunum hjá Annie og Katrínu á: https://www.instagram.com/floelite/

Allar lyftur úr flokkunum hjá Hjördísi má sjá á eftirfarandi síðum: Snörun og jafnhending

Þrír íslenskir keppendur keppa 24.Nóvember

f.v. Annie, Hjördís, Katrín, Ingi Gunnar á æfingu í gær

Fyrst keppir Hjördís Ósk Óskarsdóttir FH í -63kg flokki, en Hjördís keppir klukkan 14:00 á staðartíma eða 20:00 í C hóp.

Hjördís á best 75kg í snörun og 105kg í jafnhendingu síðan á íslandsmótinu í Apríl.

Crossfit stjörnurnar Annie Mist Þórisdóttir og Katrín Tanja Davíðsdóttir  úr Lyftingafélagi Reykjavíkur keppa síðan klukkan 21:25 á staðartíma í D hóp -69kg flokks kvenna eða 03:25 25.Nóv.

Tia-Clair Toomey sem vann til silfurverðlauna á heimsleikunum í crossfit keppti í gær með Þuríði í -58kg flokki með 82kg í snörun og 105kg í jafnhendingu.

Þuríður Erla Helgadóttir úr Ármanni keppti fyrst íslensku keppendanna á HM í ólympískum lyftingum sem fram fer í Houston, Texas þessa daganna. Hún átti gott mót í -58kg flokki þar sem hún snaraði 73kg, 77kg og loks nýtt íslandsmet 81kg sem var bæting um 3kg á hennar eigin íslandsmeti.

77kg fóru upp hjá Þurí

81kg nýtt íslandsmet í -58kg flokki kvenna

Í jafnhendingu lyfti hún 96kg í fyrstu lyftu og síðan 100kg (íslandsmet) í annari tilraun. Í lokatilraun reyndi hún við 104kg en missti lyftuna í lokin. Þetta er stigahæsti árangur Þuríðar, sex kílóa bæting á íslandsmetinu í -58kg flokki í samanlögðu og jafnframt stigahæsti árangur allra tíma í kvennaflokki á Íslandi eða 256,2 Sinclair stig.

100kg í jafnhendingu var bæting um 3kg á íslandsmetinu í

Þuríður var hársbreidd frá því að klára 104kg en rétt missti þyngdina fram þegar hún stóð upp með jarkið

Þessi árangur dugði henni í 7.sæti af 12.keppendur í C hóp -58kg flokks. Ennþá eiga B og A flokkurinn eftir að ljúka keppni svo loka staða hennar kemur þá í ljós en keppendum er raðað í A,B og C hóp eftir árangri inn í mótið.

Flokkurinn var nokkuð jafn og hefði Þuríður farið upp um 3 sæti við það að klára lokalyftuna með 104kg

Þjálfararnir og Þurí eftir mótið (f.v. Guðrún, Árni, Þuríður, Ingi Gunnar)

Með þessum árangri þá varð hún einnig fyrst íslenskra lyftingakvenna til að fá Elite Pin frá Norðurlandasambandinu (NTF) en áður hafa þrír íslenskir lyftingakarlar náð lágmarksárangri fyrir þá viðurkenningu; Guðmundur Sigurðsson, Gústaf Agnarsson og Haraldur Ólafsson: http://iof3.idrottonline.se/ImageVaultFiles/id_139780/cf_104/Elite_pins_151112.PDF

The Nordic Elite pin might be given to an active weightlifter who is qualified for these results:

Women:            Men:
48 kg 143 kg     56 kg 248 kg
53 kg 161 kg     62 kg 265 kg
58 kg 176 kg    69 kg 282 kg
63 kg 189 kg    77 kg 299 kg
69 kg 202 kg     85 kg 313 kg
75 kg 213 kg     94 kg 325 kg
+75 kg 234kg  105 kg 337 kg
+ 105 kg 354 kg

Það er 6 tíma munur á Houston og Íslandi.
Þurí er kl 17:30 22.11
Hjördís kl 20:00 24.11
Annie og Katrín eru kl 03:25 aðfararnótt miðvikudagsins 25. nóv
Sara kl 14:00 27.11

Hægt er að horfa á mótið og sjá stöðuna í flokkunum á meðan keppni er í gangi hér: http://www.iwf.net/houston_live/

Dagskrá mótsins má sjá hér: http://www.houstoniwf2015.com/fg-schedule.html

Við minnum á instagram síðu Lyftingasambandsins: https://instagram.com/icelandic_weightlifting/

Einnig bendum við á All Things Gym en þeir eru með mikið af fréttum af mótinu: http://www.allthingsgym.com/

Guðrún Linda er með hópnum úti og mun hún setja uppfærslur á snapchat undir: crossfitsport

Það er til app fyrir mótið sem finnst í App store og Play store: 2015 IWF World championships

23 keppendur af Norðurlöndunum eru skráðir til leiks, 17 konur og 6 karlar.

Finnland 5KVK/3KK
Ísland 5KVK/0KK
Danmörk 3KVK/2KK
Svíþjóð 3KVK/0KK
Noregur 1KVK/1KK

Nokkuð Jöfn dreifing er í kvennaflokkum en -69kg flokkurinn þó fjölmennastur með 44 keppendur
-48 KVK = 39 Keppendur
-53 KVK = 39 Keppendur
-58 KVK = 37 Keppendur
-63 KVK = 37 Keppendur
-69 KVK = 44 Keppendur
-75 KVK= 34 Keppendur
+75 KVK = 36 Keppendur
Total = 266

HM lyftingum hefst á morgun 20.Nóvember: http://www.houstoniwf2015.com/

Búið er að birta keppendalistann á netinu og í hvaða grúppum hver keppir: http://www.iwf.net/wp-content/uploads/downloads/2015/11/Start_Book_HOUSTON.pdf

Þuríður Erla Helgadóttir keppir fyrst íslensku keppendanna klukkan 11:30 sunnudaginn 22.Nóv

Hjördís Ósk Óskarsdóttir er næst klukkan 14:00 Þriðjudaginn 24.Nóv

Þuríður jafnhenti 103kg á Íslandsmeistaramótinu í Apríl.

Við munum gera hverjum flokki góð skil, Þuríður ríður á vaðið en hæsta „entry total“ í hennar hóp eru 190 sem hin suður-kóreska Kim Sohwa er með. Sjá heildarlista C grúppu -58kg flokks hér að neðan. Þuríður á best 183kg í samanlögðu í -63kg flokki frá því á Íslandsmótinu í Apríl og verður því spennandi að sjá

Þetta er fjórða mót Þuríðar á árinu en hún hóf árið með því að sigra á RIG sem stigahæsti kvenn keppandinn, því næst sigraði hún á Íslandsmeistaramótinu í -63kg flokki og varð jafnframt stigahæst kvenn keppenda og loks varð hún Norðurlandameistari -58kg flokki.

http://results.lsi.is/lifter/turidur-erla-helgadottir

RIG 2016 fer fram 30. Janúar milli 10:00-13:00, útsending verður á RÚV frá 15:30-17:00 samdægurs.

Fjórir erlendir keppendur eru staðfestir:

Karlar
Colin Burns (USA,-94kg)
Sami Raapanna (Finnland, -85kg)

Konur
Cortney Batchelor (USA, -58kg)
Anni Vuohijoki (Finnland, -69kg).

Átta (8) bestu körlum og konum á Íslandi verður boðin þátttaka að loknu jólamótinu (19.Des). Stuðst verður við niðurröðun samkvæmt árinu 2015 sem hægt er að kalla fram í gagnagrunni LSÍ:
http://results.lsi.is/ranking/total/2015/m
http://results.lsi.is/ranking/total/2015/f

20.Desember Verða boðskort send út
3.Janúar Keppendur verða að svara um þátttöku annars er næstu mönnum á lista boðin þátttaka
17.Janúar Loka keppendalistinn birtur

Frekari upplýsingar munu birtast hér á síðunni seinna og á heimasíðu RIG leikanna: http://www.rig.is/index.php/sports-88/olympic-weightlifting

Fjórir Norðurlandameistaratitlar unnust á Norðurlandamóti unglinga sem fram fór í Haugasund, Noregi um helgina. Lilja Lind Helgadóttir (LFG) sigraði í  69kg flokki stúlkna (20 ára og yngri). Þetta er þriðja árið í röð sem Lilja Lind verður Norðurlandameistari, en hún sigraði í +75kg flokki stúlkna í fyrra og +69kg flokki meyja árið 2013. Freyja Mist Ólafsdóttir (LFR) sigraði í 75kg flokki stúlkna og varði titilinn sem hún vann í sama flokki í fyrra.

Freyja Mist og Lilja Lind sáttar með gullin.

Einar Ingi Jónsson (LFR) sigraði í 69kg flokki pilta (20 ára og yngri) og Guðmundur Steinn Gíslason Kjeld (LFR) vann til silfurverðlauna í sama flokki.

Einar Ingi og Guðmundur Steinn á verðlaunapalli.

Guðmundur Högni Hilmarsson (LFR) sigraði í 85kg flokki pilta (20 ára og yngri) og bætti eigin Íslandsmet í piltaflokki bæði í snörun og samanlögðu sem hann setti á EM unglinga í síðasta mánuði.

Guðmundur Högni á verðlaunapalli.

Þá vann Arnór Gauti Haraldsson (LFH) til bronsverðlauna í 77kg flokki drengja (17 ára og yngri) og Jón Elí Rúnarsson (LFR) hlaut sömuleiðis brons í 105kg flokki pilta (20 ára og yngri). Sannarlega glæsileg uppskera hjá íslensku keppendunum.

Keppnishópurinn ásamt þjálfurum og fararstjórum, þeim Árna Birni Kristjánssyni og Inga Gunnari Ólafssyni.

Úrslit íslensku keppendanna má finna hér: http://results.lsi.is/meet/nordic-junioryouth-championship-ntf-2015

Sjá umfjöllun mbl um mótið: http://www.mbl.is/sport/frettir/2015/11/02/fjorir_islenskir_nordurlandameistarar/